حالىق تورابى، 28 – ناۋرىز، بەيجيڭ، شينحۋا اگەنتتىگىنىڭ حابارلاۋىنشا، پاكيستاننىڭ پانجاپ ولكەلىك ۇكىمەتىنىڭ مالىمدەمەشىسى 27 – ناۋرىز كۇنى كەشتە جاريالاعان مالىمدەمەسىندە، سول كۇنى اتالعان ولكەنىڭ ورتالىعى لاحور قالاسىندا تۋىلعان جانكەشتى جارىلىس شابۋىلىندا قازا بولعانداردىڭ سانى 63 ادامعا جەتكەنىن حابارلاعان، مۇنان سىرت، 306 ادام جارالانعان. جۇڭگونىڭ لاحوردا تۇراتىن باس كونسۋلحاناسىنىڭ ايتۋىنشا، قازىرگە ديىن بۇل رەتكى شابۋىلداۋ وقيعاسىندا جۇڭگولىقتاردىڭ قازا بولعانى نەمەسە جارالانعانى تۋرالى مالىمەت بەرىلمەگەن.
پاكيستاننىڭ پەنجاپ ولكەسىنىڭ ورتالىعى لاحور قالاسىنداعى باقشادا 27 – ناۋرىز كۇنى جانكەشتى جارىلىس وقيعاسى تۋىلىپ، كوپ ادام قازا بولدى جانە جارالاندى.
لاحور قالا باستىعى ورىنباسارىنىڭ ايتۋىنشا، سول كۇنى اپتا سوڭى بولعاندىقتان، باقشاعا بارىپ سەرۋەندەگەندەر كوپ بولعان. جانكەشتى جارىلىس تۋدىرۋشى باقشا قاقپاسىنىڭ الدىنداعى موتوسيكل توقتاتۋ ورنىندا قوپارعىش بومبىنى جارعان.
كەلۋ قاينارى: حالىق تورابى