20 – كەزەكتى «جۇڭگو جاستارىنىڭ <4 – مامىر> وردەنىن باعالاۋ» قيمىلىنىڭ ناتيجەسى شىقتى

2016.05.04 13:50   كەلۋ قاينارى : حالىق تورابى

　　شينحۋا اگەنتتىگى، 3 – مامىر، بەيجيڭ (ءتىلشى حۋاڭ شياۋچي). قازىرگى زامان جاستارىنىڭ ۇزدىك تيپتەرىن سومداۋ جانە ۇگىتتەۋ، بۇكىل ەلدەگى جاستاردى مۇرات – سەنىمدى بەكەمدەپ، سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، تاباندىلىقپەن يگىلىك، جاڭالىق، ۇزدىك ناتيجە جاراتۋعا باستاۋ جانە شابىتتاندىرۋ ءۇشىن، جۇڭگو كوممۋنيستىك جاستار وداعىنىڭ ورتالىق كوميتەتى، مەملەكەتتىك جاستار بىرلەستىگى بىرنەشە كۇننىڭ الدىندا مەملەكەتتىك ەلەكتر تورابى شاندۇڭ ولكەلىك ەلەكتر سەرىكتىگى تەكسەرۋ – جوندەۋ بولىمشە سەرىكتىگى توك جەتكىزۋ، تەكسەرىپ جوندەۋ ورتالىعى توك جەتكىزۋ گرۋپپاسىنىڭ جۇمىسشىسى ۋاڭ جين قاتارلى 27 ادامعا 20 - كەزەكتى «جۇڭگو جاستارىنىڭ <4 – مامىر> وردەنىن» بەرۋدى، بەيجيڭ قالالىق قوعام حاۋىپسىزدىگى مەكەمەسى شيچىڭ تارماق مەكەمەسى فۋيوۋ كوشەسى ساقشى بولىمشەسىنىڭ ەكپىندى جاستار اترەتى قاتارلى 5 جاستار كوللەكتيۆىنە «جۇڭگو جاستارىنىڭ <4 – مامىر> كوللەكتيۆ وردەنىن» بەرۋدى ۇيعاردى.

　　ۇعىسۋعا قاراعاندا، وسى كەزەكتى «جۇڭگو جاستارىنىڭ <4 – مامىر> وردەنىن» باعالاۋدا «ۇزدىكتەردى باعالاۋعا بۇقارانى قاتىناستىرۋ» تالابى دايەكتى تياناقتاندىرىلىپ، باعالاۋ كوميسسياسى باعالاۋشىلار قامباسىنان جەرەبە سۋىرۋ ارقىلى تاڭدالعان باعالاۋشىلار، نەگىزگى ساتىنىڭ ءبىرىنشى شەبىندەگى جاستاردىڭ ۋاكىلدەرى جانە قيمىلعا جاۋاپتى ورىنداردىڭ قاتىستى جاۋاپتىلارى بولىپ جالپى 82 ادامنان قۇرام تاپقان، سونىمەن بىرگە، ورتالىق وداق كوميتەتىنىڭ رەسمي ۋيچات تەكشەسى عالامتوردا بەلەت تاستاۋ ارەكەتىن ۇيىمداستىردى. باعالاۋ ماجىلىسىندە جارىمنان استام داۋىسقا يە بولعان ۇمىتكەرلەردىڭ ىشىنەن باعالاۋ ءماجىلىسىنىڭ بەلەتى، توراپتاعى بەلەت تاستاۋ جاعدايى جالپىلاما ەسكەرىلىپ سيلانعان جەكەلەر مەن كوللەكتيۆتەر سارالانىپ شىقتى.

　　كەلۋ قاينارى: حالىق تورابى