حالىق تورابى، 21 – ءساۋىر، بەيجيڭ. اۆستراليا نەگىزدىك قۇرىلىس جانە قاتىناس مينيسترلىگىنىڭ مينيسترى دارەن چەستەر 20 – ساۋىردە مالىمدەمە جاريالاپ: اۆستراليا تاسىمال حاۋىپسىزدىگى مەكەمەسى بەرگەن تەحنيكالىق مالىمەتكە نەگىزدەلە وتىرىپ، موزامبيكتەن تابىلعان ۇشاق سىنىقتارىنىڭ دەرەكسىز كەتكەن MH370 ۇشاعىنىڭ سىنىقتارى ەكەنىن راستاعان.
چەستەر بىلاي دەگەن: سىنىقتارداعى ماڭىزدى سان – سيفرلار مەن بۇركىلگەن ارىپتەر مالايزيانىڭ دەرەكسىز كەتكەن ۇشاعىنداعى بۇركىلگەن سيفرلارمەن بۇكىلدەي ۇقساس شىققان، مىنە، مۇنان وسى ەكى پارشا سىنىقتىڭ MH370 ۇشاعىنىڭ سىنىعى ەكەنىن بىلۋگە بولادى.
چەستەردىڭ ايتۋىنشا، MH370 ۇشاعىن ىزدەستىرۋ قىزمەتى ءالى جالعاسىن تابۋدا، قازىرگە دەيىن سۋ استىندا 100 مىڭ شارشى كيلومەتر كولەمدەگى ىزدەۋ جۇمىسى اياقتالدى، قازىرگى نەگىزگى مىندەت ــ قالعان 20 مىڭ شارشى كيلومەتر اۋماقتان ىزدەستىرۋ. ول دەرەكسىز كەتكەن ۇشاقتى تاۋىپ الۋعا ءالى دە سەنىمدى ەكەنىن ايتتى.
كەلۋ قاينارى: حالىق تورابى