چىڭدۋدا شەتەلدەن كىرگىزىلگەن قۇمىرىسقالاردى ۇستادى

2016.04.19 15:52   كەلۋ قاينارى : حالىق تورابى

　　حالىق تورابى، 19 – ءساۋىر، بەيجيڭ. جاقىندا، چىڭدۋ اۋە پورتى وتكەلى گەرمانيادان كەلگەن جەدەل جونەلتپەنىڭ ىشىنەن ءتىرى قۇمىرىسقانى بايقاعان. جەدەل جونەلتپەنىڭ ىشىندە 13 دانا اينەك تۇتىكشەگە 40 نەشە ءتىرى قۇمىرىسقا سالىنعان، مۇنىڭ ىشىندە 3 قۇمىرىسقا بالالاعان.

　　18 – ءساۋىر، سىچۋان تەكسەرۋ - كارەنتىندەۋ مەكەمەسىنىڭ تەحنيكالىق ورتالىعىنداعى قىزمەتكەردىڭ ساراپتاۋىنشا، بۇل تۇردەگى قۇمىرىسقالار سىچۋان ولكەسى شەكاراسىنا تۇڭعىش رەت كىرگىزىلگەن، كەيبىر جەرلەردە بۇل تۇردەگى قۇمىرىسقالار ەگىس داقىلدارىن قۇرتاتىن زياندى جاندىك رەتىندە قارالعان؛ وق قۇمىرىسقا ۋىتتى تىكەنەگىمەن اتى شىققان بولىپ، ونىڭ شاعىپ العان جەرى بەينە وق تيگەندەي اۋىرادى ەكەن.

　　سىچۋان تەكسەرۋ –كارەنتىندەۋ مەكەمەسى قىزمەتكەرىنىڭ تانىستىرۋىنا قاراعاندا، دەنەسى ۇلكەنىرەك قۇمىرىسقالار ەرمەك حايۋان رەتىندە باعىلاتىن بولىپ، باعاسى دا قىمبات. شەكارا سىرتىنان اكەلىنگەن بۇل جاندىكتەردىڭ ەلىمىز ىشىندە قاس جاۋى بولماعاندىقتان، ەلىمىز شەكاراسىنداعى ەكولوگيالىق تەپە – تەڭدىككە اۋىر حاۋىپ ءتوندىرۋى مۇمكىن.

　　كەلۋ قاينارى: حالىق تورابى