- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ينتەرنەت +» «سوقماق حانزاداسىنا» جول اشتى
لۋ يان
2016.05.03 14:03 كەلۋ قاينارى : ءتاڭىرتاۋ تورابى
سوقماق شينجياڭنىڭ جەرگىلىكتى ەرەكشە ءونىمى، ءادىل مامەتتۇر سياقتى كاسىپورىنشىنىڭ كاسىپتى جانداندىرۋىنىڭ ارقاسىندا، قىسقا عانا 3 جىلدا سوقماق ونىمدەرى ەلىمىزدەگى ايگىلى ماركاعا اينالىپ ۇلگىردى.
ينتەرنەت سايتتارىنا ۇڭىلە قالساڭىز بولدى، الدەبىرەۋلەردىڭ: «ءادىلدىڭ سوقماعىنىڭ كيلوسى قانشا اقشا ەكەن؟» نەمەسە «قوسپاسىز ءادىل سوقماعىن ساتىپ الۋعا بولار ما ەكەن؟» دەگەندەي سۇراۋلاردى كورەسىز. تاۋباۋ تورابىنداعى «سوقماق حانزاداسى ايگىلى ماركالى دۇكەنىنىڭ» ەلەكتروندىق ساۋداسى ءتىپتى بولەكشە، باتىس بولىك سالتىنا قۇرىلعان قىزىعارلىق لەبىزدەرگە تولى.
دەمەك، «ينتەرنەت +» «سوقماق حانزاداسىنىڭ» ساۋداسىن كۇسەتتەندىردى دەۋگە بولادى.
شينجياڭنان چاڭشاعا كەلىپ كاسىپ كوزىن اشۋعا قۇلشىنعان وسى كاسىپكەر جاس ءوز ارمانىن ىسكە اسىرۋدىڭ سارا جولىنا قادام قويۋ بارىسىندا قانداي ءبىر كوز ايا جانە تانىمعا سۇيەندى ەكەن دەشى؟
«شينجياڭنىڭ ەرەكشە ونىمدەرىن ۇگىتتەۋ، جالپىلاستىرۋ بورىشىمىز»
ءادىلدىڭ شارۋاشىلىق قۇرۋى ايتسا - ايتقانداي كەرەمەت - اق. 3 جىلدىق قۇلشىنىسى ارقىلى قازىر ونىڭ سەرىكتەستىك ونىمدەرىنىڭ ساتىلىمى جىل سايىن مولايدى: 2014 - جىلى 28 ميلليون يۋانعا، 2015 - جىلى 60 ميلليون يۋانعا جەتتى، مىنە بيىل 100 ميلليون يۋانعا جەتكىزۋگە قۇلشىنىس جاسادى. سەرىكتەستىگىنىڭ بەدەلى ارتىپ، اتاعى شىققالى ءادىل دە ەلىمىزدىڭ جەر - جەرىنەن تالانتتىلاردى جانىنا باۋرادى، اۋەلى دەسەڭىز، ولاردىڭ ىشىندە ۋنيۆەرسيتەتتىڭ پروفەسسورى دا بار. 130 نەشە قىزمەتكەرىنىڭ كوبى 90 - جىلداردىڭ تۇلەكتەرى، ءبارى دە جەر - جەردىڭ ايگىلى جوعارى مەكتەپتەرىنەن كەلگەن، ىلە، التاي سياقتى جەردەن كەلگەن شينجياڭ جاستارى دا بار.
ءادىل قىزمەتكەرلەرىنىڭ سەنىمى مەن قولداۋىنا يە بولۋدا قانداي تانىمعا سۇيەندى؟ ول بىلاي دەدى: شينجياڭ ەرەكشە ونىمدەرىن ۇگىتتەۋ، جالپىلاستىرۋ ارقىلى شينجياڭ ديقاندارىن اۋقاتتانۋعا باستاۋدى، قوعامنىڭ وڭ ەنەرگياسىن تاراتۋدى سەرىكتەستىگىمىز ءوز بورىشى سانايدى، قىزمەتكەرلەرىمىزدە دە وسىنداي كوزقاراستى وزىنە بويتۇمار ەتكەن.
90 - جىلداردىڭ تۇلەگى رەتىندە، ءادىل سوقماق ونىمدەرىنىڭ جاڭا تۇرلەرىن شىعارۋعا، قىزمەت وتەۋدىڭ تىڭ ۇلگىلەرىن قالىپتاستىرۋعا باسا ءمان بەردى، قازىر سوقماقتىڭ 60 نەشە ءتۇرى بار. ولار تەڭىز جاعاسىنداعى، سونداي - اق ءبىرىنشى توپتاعى قالالارداعى 18 جاستان 30 جاس ارالىعىنداعى جاستاردى نەگىزگى تۇتىنۋشىلار قاتارىندا قارادى. وسى زامانعى تانىمعا ساي، ەرەكشە جاسالعان سوقماقتار «ينتەرنەت +» ارقىلى جاستار تۇرمىسىنان ورىن الدى.
«مەكەنىمدەگى سوقماقتى اقتايمىن»
3 جىلدان بەرى ءبىز وسى سوقماق حانزاداسىنىڭ اسەرلى اڭگىمەلەرىن ەستىپ كەلەمىز.
2102 - جىلى چاڭشا جاراتىلىستىق عىلىمدار ۋنيۆەرسيتەتىنىڭ 2 - جىلدىق وقۋشىسى ءادىل ءوزىنىڭ جياڭ جينيا، جياڭ چۇنياڭ اتتى 2 ساباقتاسىمەن بىرگە شارۋاشىلىق قۇرۋعا قامدانىپ، سوقماق ساتا باستادى. دەگەنمەن، سوقماقتى قالاي ساتۋ كەرەك؟ بۇل شارۋاشىلىق قۇرۋعا ەندى عانا قادام قويعان ستۋدەنت جاستار جونىنەن اۋىر سىناق - تى. ءادىل باسقا كاسىپورىنداردىڭ شارۋاشىلىق جۇرگىزۋ ءتاسىلىن بەلسەنە ۇيرەندى، «ينتەرنەت +» ارقىلى ونىمدەرىن ساتتى.
ولاردىڭ شارۋاشىلىق قۇرۋداعى ەڭ ۇلكەن بۇرىلىسى 2014 - جىلى 2 - مامىر كۇنى باستالدى، ولاردىڭ سوقماعى ورتالىق تەلەۆيزياسىنىڭ «جۇڭگونىڭ ءدامدى تاعامدارى» اتتى حۇجاتتى فيلمىندە ارناۋلى تانىستىرىلعان، سونىمەن ءادىلدىڭ دۇكەنىنەن سوقماق الۋعا تاپسىرىس بەرگەندەردىڭ قاتارى مولايدى، 2 ساعاتقا جەتپەيتىن ۋاقىتتا ونىمدەرىنىڭ ساتىلىمى 100 مىڭ يۋانعا جەتتى. 23 - مامىردا شينحۋا اگەنتتىگى ءادىلدىڭ سوقماعى جونىندە حابار تاراتقاننان كەيىن، سوقماقتىڭ ءبىر كۇنگى ساتىلىمى 2 ميلليون يۋانعا جەتتى. ولار توراپتا ساتۋ بويىنشا تيىمدىلىك جاساۋ قيمىلدارىنا ۇنەمى قاتىناستى، تاۋباۋ تورابىنىڭ باس بەتىنە جارناما بەردى ءارى ارناۋلى ميكروبلوگ اشتى، سونداي - اق «سوقماق حانزاداسى −ءادىل» اتىنداعى ءۇنحات تۇعىرىن اشىپ، ءوزىن قولدايتىندارمەن ءوزارا پىكىرلەسىپ تۇردى، بۇل ساتىلىمدى ءتىپتى دە مولايتتى.
چاڭشاداعى «قىمبات سوقماق» ۋاقيعاسى ءادىلدى قاتتى ويلاندىردى. قوعامدى سوقماق جايلى اعات تۇسىنىكتەن ارىلتۋ ءۇشىن، ياركەن اۋدانىنىڭ اۋىل - قىستاعىندا ەسەيىپ - ەرجەتكەن، اتا - باباسىنان جالعاسقان سوقماق جاساۋ شەبەرلىگىن يگەرگەن جاس جىگىت «اتا مەكەنىمنىڭ سوقماعىن اقتايمىن» دەگەن كۇشتى تىلەگىن العا قويدى.
بۇگىنگى كۇنى بىلايعى جۇرتتىڭ كوبى ءادىلدىڭ سوقماعى ارقىلى شينجياڭدى تانىدى، شينجياڭدىقتاردى ءتۇسىندى، شينجياڭعا دەگەن تۇسىنگى تەرەڭدەپ، سۇيىسپەنشىلىگى ارتتى.
«باسقالارعا كومەكتەسۋدى استە ۇمىتپايمىن»
26 جاستاعى ءادىل الەۋمەتتىك يگىلىك ىستەرىنە بەلسەنە ات سالىساتىن جاستاردىڭ ءبىرى. ءوز ونىمدەرىن ساتۋمەن بىرگە، الەۋمەتتىك يگىلىك قيمىلدارىنا دا بەلسەنە قاتىناسىپ كەلەدى، بۇل ءادىلدىڭ سوقماق كاسىبىنىڭ بارعان سايىن جاندانۋىنىڭ تۇپكىلىكتى سەبەبى.
«باسقالارعا كومەكتەسۋدى استە ۇمىتپايمىن! كاسىپورنىمىز الەۋمەتتىك يگىلىك ىستەرىنە ەجەلدەن كوڭىل ءبولىپ كەلەدى، ءبىز ەلگە كومەكتەسۋمەن بىرگە، ونىمدەرىمىزدى ساتۋعا دا ءمان بەرىپ كەلەمىز»، - دەدى تىلشىگە.
2014 - جىلى يۇننان ولكەسىنىڭ لۋديانىندا جەر سىلكىنگەندە ءادىل اپات تۋىلعان وڭىرگە 10 مىڭ جىڭ سوقماقتى جىلۋعا اتادى، مۇنىڭ قۇنى 500 مىڭ يۋانعا تاياۋ بولاتىن، ونىڭ بارلىق قويماسى بوس قالىپ، توراپ دۇكەنىنە تاسىمالدايتىن زات قالمادى؛ 2014 - جىلى جەلتوقساندا ءادىل «100 بالا، 100 ارمان» الەۋمەتتىك يگىلىك قيمىلىن وتكىزدى، 160 مىڭ قاريداردى قيمىلعا قاتىناسۋعا باۋراپ، بالالاردىڭ ارمانىن ىسكە اسىرۋىنا مۇمكىندىك جاسادى؛ 2015 - جىلى شىلدەدە گۇما اۋدانىندا جەر سىلكىنگەندە سوناۋ الىستا، ياعني حۋنان ولكەسىندەگى ءادىل ينتەرنەتتە 50 نەشە مىڭ يۋان جىلۋ جيناپ، گۇما اۋدانى ءپىشىنا اۋىلى جايتوعراق قىستاعىندا اپاتقا ۇشىراعان حالىقتىڭ تۇرمىس قيىنشىلىعىن شەشۋىنە كومەكتەستى؛ 2016 - جىلى كوكتەم مەرەكەسى قارساڭىندا ءادىل ءبىر قارتتار كۇتىمحاناسىنداعى 30 نەشە قارتقا مەرەكەلىك سي ۇسىندى...
ءادىل ءوز ارمانىن ىسكە اسىرۋ ءۇشىن، تىنباي تالپىنىپ، بيىكتەردى بويسۇندىرۋعا قۇلشىنىپ كەلەدى. ونىڭ ىزگى نيەتى، وڭ ەنەرگيا تاراتۋ جونىندەگى قۇلشىنىسى ونىڭ ىستەرىنىڭ قوعامنىڭ كوڭىل ءبولۋى مەن قولداۋىنا يە بولۋىنا مۇمكىندىك تۋدىردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
