- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشتى
ورتالىقتىڭ ەكونوميكالىق قىزمەت جونىندەگى ناقتى تالاپتارىن دايەكتى تياناقتاندىردى
2016.05.03 13:57 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 30 - ساۋىردە اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشىپ، ج ك پ ورتالىق كوميتەتى ساياسي بيۋروسى ءماجىلىسىنىڭ كەزەكتەگى ەكونوميكالىق جاعداي جانە ەكونوميكالىق قىزمەت جونىندەگى ورنالاستىرۋلارىن، تالاپتارىن جەتكىزىپ، رايونىمىز ەكونوميكاسىنىڭ اينالىم جاعدايىنا تالداۋ جاساپ، ورتالىقتىڭ رۋحىن دايەكتى تياناقتاندىرۋ جونىندەگى ناقتى تالاپتاردى ورتاعا قويدى.
جاڭ چۇنشيان مىنانى باسا دارىپتەدى: باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ ماجىلىسىندە سويلەگەن ماڭىزدى سوزىندە قويىلعان تالاپتاردى باتىل تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىنا ساي، اۆتونوميالى رايوننىڭ 25 ءتۇرلى 60 ناقتى شاراسىن تياناقتاندىرۋ كەرەك.
جاڭ چۇنشيان مىنانى اتاپ كورسەتتى: «قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋدى»، اسىرەسە، قاجەتتەن اسىپ قالعان ءوندىرىس قۋاتىن ازايتۋدى، وزىندىك قۇندى تومەندەتۋدى، ولقىلىقتاردى تولىقتاۋدى كەزەكتەگى ءتۇيىندى مىندەت ەتۋ كەرەك. بولات - تەمىر، كومىر كەن سياقتى كاسىپ سالالارىنىڭ قاجەتتەن اسىپ قالعان ءوندىرىس قۋاتىن ازايتۋ ماسەلەسىن دەن قويا يگەرىپ، امالدىڭ بارىنشا وزىندىك قۇندى تومەندەتىپ، نەگىزدىك قۇرىلعىلارداعى ولقىلىقتاردى كۇش سالا تولىقتاپ، قامداۋ جاعىنداعى قۇرىلىمدىق رەفورمانى تىڭعىلىقتى ىلگەرىلەتۋ كەرەك.
جاڭ چۇنشيان مىنانى باسا دارىپتەدى: ەكونوميكالىق قىزمەتتى شينجياڭنىڭ ءىس جۇزىندىك جاعدايىنا ۇشتاستىرا وتىرىپ مىقتى يگەرۋ كەرەك. ونەركاسىپ ەكونوميكاسىن بارىنشا كۇشەيتۋ قاجەت، ايماقتار، وبلىستار، قالالار ونەركاسىپ ەكونوميكاسىنىڭ اينالىمىنا ايرىقشا ءمان بەرۋى، سۋبيەكتيۆتىك بەلسەندىلىكتى تولىق ساۋلەلەندىرىپ، تۇرلىشە زاۆودتارعا تۇرلىشە ساياسات قولدانۋدى ىشكەرىلەي اقىلداسىپ، جۇمىستى ىلگەرىلەتۋ قاجەت. توقىماشىلىق، كيىم - كەشەك كاسىبىن، «تەز ءونىم بەرەتىن» نىسانداردى ءتۇيىندى تۇردە يگەرۋ؛ PPPدى تۇتقا ەتىپ، ءتۇيىندى نىسان قۇرىلىستارىن ىلگەرىلەتىپ، ەلەۋلى نىساندار مەن ءتۇيىندى نىسانداردى الدىمەن اتقارۋ؛ 5 ۇلكەن تۇتىنۋ سالاسى مەن 10 ءىرى كاسىپ سالاسىن مىقتى يگەرىپ، شينجياڭنىڭ دەنساۋلىق ساقتاۋ، ساياحات سىندى كاسىپ سالالارىن دامىتۋ؛ ۇزاق بولاشاققا كوز تاستاپ، ءبىر توپ كەلەلى نىساندار جونىندە دايىندىق جاساۋ؛ ەگىن، مال شارۋاشىلىعى مەن 3 - كاسىپ سالاسىنىڭ دامۋ ارىنىن ساقتاۋ كەرەك. رەفورمانى تەرەڭدەتۋ ارقىلى ەكونوميكانىڭ دامۋىنا تاماشا ورتا جانە شارت - جاعداي ازىرلەۋ ءتيىس.
جاڭ چۇنشيان مىنانى اتاپ كورسەتتى: قوعام ورنىقتىلىعى مەن باسقا دا قىزمەتتەردى ءبىر تۇتاس مىقتى يگەرۋ كەرەك. ورنىقتىلىق قىزمەتىندە قورعانىس شەبىن مىقتاپ ۇستاۋ، استە بوساڭسىتپاۋ كەرەك. «ۇشقارىلىقتى الاستاۋدى» بارلىق سالادا جۇرگىزىپ، ءدىني ۇشقارى يدەيانىڭ كەۋلەپ كىرۋىن تىزگىندەۋ كەرەك. ۇلتتار ىنتىماعى، العاباسارلىعى جىلىنداعى قىزمەتتەردى اناعۇرلىم جاقسى ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن پارمەندى قامتاماسىز ەتۋ ءتيىس.
شوكىرات زاكىر، چى جۇن، سۇن جينلۇڭ، جۋ حايلۇن، حۋاڭ ۋي، عانيبات سابىكەي ۇلى، ەركىن تۇنياز، ما شۋەجۇن، پىڭ جيارۇي قاتارلىلار ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
