- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ 31 - رەتكى توپتىق ۇيرەنۋىندە تاريحي تاجىريبەدەن ونەگە الىپ، سەلبەستىك يدەياسىن جاڭالاپ، «ءبىر بەلدەۋ، ءبىر جول» قۇرىلىسى ارقىلى ءار ەلدىڭ قاتار دامۋىن ىلگەرىلەتۋدى باسا دارىپتەدى
2016.05.03 13:56 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 30 - ساۋىردە بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 29 - ءساۋىر تۇستەن كەيىن تاريحي جىبەك جولى جانە تەڭىز جولى تاقىرىبىمەن 31 - رەت توپتىق ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقاردى ءارى مىنانى باسا دارىپتەدى: «ءبىر بەلدەۋ، ءبىر جول» قۇرىلىسى − ەلىمىزدىڭ جاڭا تاريحي جاعدايدا شار تاراپقا ەسىك اشۋ ءۇشىن اتقارعان كەلەلى شاراسى، ءوزارا تيىمدىلىكتى ىسكە اسىرۋدىڭ ماڭىزدى تۇعىرناماسى. ءبىز، ءسوز جوق، تاريحي تاجىريبەلەردى قابىلداۋ جانە ونەگە ەتۋ نەگىزىندە، ءتىپتى، بيىك تۇرعى، ءتىپتى كەڭ ورىستەن، جاڭارتىلعان يدەيا جانە جاڭارتىلعان وي ارقىلى، ءتۇرلى قىزمەتتى تىڭعىلىقتى ىستەپ، جەلى بويىنداعى ءار ەل حالقىنا «ءبىر بەلدەۋ، ءبىر جول» ستراتەگياسىنىڭ پايداسىن سەزىندىرۋىمىز كەرەك.
جۇڭگو قوعامدىق عىلىمدار اكادەمياسى شەكارالىق وڭىرلەر ينستيتۋتىنىڭ اعا زەرتتەۋشىسى لي گوچياڭ وسى ماسەلە جونىندە تۇسىنىكتەمە جاسادى ءارى ۇسىنىس - پىكىرلەرىن ورتاعا سالدى. ج ك پ ورتالىق كوميتەتى ساياسي بيۋروسىنداعى جولداستار ونىڭ ءتۇسىندىرۋىن مۇقيات تىڭدادى.
شي جينپيڭ ۇيرەنۋدى باسقارعاندا ءسوز سويلەدى. ول مىنانى اتاپ كورسەتتى: ج ك پ ورتالىق كوميتەتىنىڭ ساياسي بيۋروسى بۇل رەت وسى تاقىرىپتى ورنالاستىرۋ ارقىلى، باستىسى، جىبەك جولى مەن تەڭىز جىبەك جولىنىڭ تاريحىن، مادەنيەتىن ءتۇسىنۋ ارقىلى، تاريحي تاجىريبەلەردى قورىتىندىلاپ، ونى جاڭا جاعدايداعى «ءبىر بەلدەۋ، ءبىر جول» قۇرىلىسىن ىلگەرىلەتۋگە اينا ەتۋدى كوزدەپ وتىر. «ءبىر بەلدەۋ، ءبىر جول» باستاماسى ورتاعا قويىلعاننان كەيىن، ۇلكەن ءدۇمپۋ تۋدىردى، وعان سىرتقى دۇنيە كۇشتى جاۋاپ قاتىپ، ءار جاق بىردەي ءۇن قوسىپ وتىر. ونىڭ وسىنشا كۇشتى ءدۇمپۋ تۋدىرۋى، باستىسى، بۇل باستاما ءداۋىردىڭ تالابى مەن ءار ەلدىڭ دامۋدى جەدەلدەتۋ جونىندەگى تىلەگىنە ۇيلەسەدى، ونىڭ تەرەڭ تاريحي تامىرى جانە گۋمانيتارلىق نەگىزى بار. ءوز جاعدايىمىزدان الىپ ايتقاندا، بۇل باستاما ەلىمىزدىڭ ەكونوميكالىق دامۋىنىڭ ىشكى تالابىنا سايكەسەدى ءارى ەلىمىزدىڭ شەكارالىق از ۇلت وڭىرلەرىنىڭ دامۋىن ىلگەرىلەتۋگە دە ءتيىمدى.
شي جينپيڭ مىنانى اتاپ كورسەتتى: «ءبىر بەلدەۋ، ءبىر جول» باستاماسى جەلى بويىنداعى مەملەكەتتەردىڭ تاريحي جادىن جاڭعىرتتى. ەجەلگى جىبەك جولى ساۋدا جولى ءارى دوستىق جولى بولدى. جۇڭحۋا ۇلتىنىڭ باسقا ۇلتتارمەن دوستىق بايلانىسى بارىسىندا، بەيبىت جولمەن سەلبەسۋ، اشىق، باۋىرمال بولۋ، ءبىرى - بىرىنەن ۇلگى الۋ، ءوزارا تيىمدىلىك جاساۋدى ەرەكشەلىك ەتكەن جىبەك جولى رۋحى بىرتىندەپ قالىپتاستى. جاڭا تاريحي جاعدايدا، ءبىزدىڭ «ءبىر بەلدەۋ، ءبىر جول» باستاماسىن كوتەرۋىمىز جىبەك جولى رۋحىن جالعاستىرىپ جانە دامىتىپ، ەلىمىزدىڭ دامۋىن جەلى بويىنداعى ەلدەردىڭ دامۋىمەن ۇشتاستىرىپ، جۇڭگو ارمانىن جەلى بويىنداعى ءار ەل حالقىنىڭ ارمانىمەن توعىستىرىپ، ەجەلگى جىبەك جولىنا شىت جاڭا داۋىرلىك مازمۇن ۇستەۋدەن تۋىنداپ وتىر.
شي جينپيڭ مىنانى باسا دارىپتەدى: «ءبىر بەلدەۋ، ءبىر جول» قۇرىلىسىن ىلگەرىلەتۋ ءۇشىن، ەلىمىزدىڭ مۇددەسى مەن جەلى بويىنداعى ەلدەردىڭ مۇددەسىنىڭ قارىم - قاتىناسىن، ۇكىمەت، بازار، قوعامنىڭ قارىم - قاتىناسىن، ەكونوميكا - ساۋدا سەلبەستىگى مەن گۋمانيتارلىق بايلانىستاردىڭ قارىم - قاتىناسىن، سىرتقا ەسىك اشۋ مەن مەملەكەتتىڭ حاۋىپسىزدىگىن قورعاۋدىڭ قارىم - قاتىناسىن، تىڭعىلىقتى ىلگەرىلەتۋ مەن قوعامدىق پىكىر جەتەكشىلىگىنىڭ قارىم - قاتىناسىن، مەملەكەتتىڭ باس نىساناسى مەن جەرگىلىكتى ناقتى نىسانالاردىڭ قارىم - قاتىناسىن ويداعىداي ءبىر جايلى ەتۋ كەرەك.
شي جينپيڭ مىنانى اتاپ كورسەتتى: ەلىمىز − «ءبىر بەلدەۋ، ءبىر جول» باستاماسىن العا قويۋشى جانە ىلگەرىلەتۋشى، ءبىراق «ءبىر بەلدەۋ، ءبىر جولدى» گۇلدەندىرۋ ءبىزدىڭ عانا ءىسىمىز بولماۋعا ءتيىس. «ءبىر بەلدەۋ، ءبىر جول» قۇرىلىسىندا نازارىمىز ەلىمىزدىڭ وزىندىك دامۋىمەن عانا شەكتەلمەۋى كەرەك، قايتا ەلىمىزدىڭ دامۋىن عانيمەت وراي ەتىپ، ءتىپتى، كوپ مەملەكەتتى ەلىمىزدىڭ قارقىندى دامۋ كوشىنە ىلەستىرىپ، ولاردىڭ دامۋ نىسانالارىن ىسكە اسىرۋىنا كومەكتەسۋىمىز قاجەت. ءوز مۇددەمىزدى دامىتۋمەن قاتار، باسقا ەلدەردىڭ مۇددەسىن دە كوبىرەك ويلاسىپ، ەسەپكە الۋىمىز كەرەك. ادىلەت پەن پايداعا دۇرىس كوزقاراستان جازباي، ادىلەتتى العا شىعارىپ، ادىلەت پەن پايدانى تەڭ ەسكەرۋىمىز، وڭاي ولجاعا بوي ۇرماۋىمىز، تار ورىستىلىكتەن اۋلاق بولۋىمىز كەرەك. ەلىمىزدىڭ جەلى بويىنداعى مەملەكەتتەرمەن ورتاق مۇددەسى مەن ايىرماشىلىعى بار مۇددەلەرىنىڭ قارىم - قاتىناسىن ءبىر تۇتاس ەسەپكە الىپ، مۇددەلەردىڭ ءتىپتى كوپ ورتاق نۇكتەسىن تاۋىپ، جەلى بويىنداعى مەملەكەتتەردىڭ بەلسەندىلىگىن تۋدىرۋ كەرەك. ەلىمىزدىڭ كاسىپورىندارى شەتەلدەردە قارجىلىق مۇددەگە ءمان بەرۋمەن بىرگە، جاقسى اتاق، جاقسى باعاعا قول جەتكىزىپ، تۇرعىلىقتى ەلدىڭ زاڭىنا بويسۇنىپ، ءتىپتى كوپ قوعامدىق جاۋاپكەرشىلىك ارقالاۋى كەرەك.
شي جينپيڭ مىنانى باسا دارىپتەدى: «ءبىر بەلدەۋ، ءبىر جول» ستراتەگياسىن ىلگەرىلەتۋدە، ۇكىمەتتىڭ باعداردى يگەرۋ، ءبىر تۇتاس سايكەستىرۋ رولىن ساۋلەلەندىرۋمەن بىرگە، بازاردىڭ دا رولىن ساۋلەلەندىرۋ كەرەك. ۇكىمەت ۇگىتتەۋ، تانىستىرۋ، سايكەستىكتى نىعايتۋ، مەحانيزم ورناتۋ سياقتى جاقتاردا جەتەكشى رول اتقارۋى، سونىمەن بىرگە بازاردى تۇعىر، كاسىپورىنداردى نەگىز ەتكەن وڭىرلىك ەكونوميكالىق سەلبەستىك مەحانيزمىن قۇرۋعا نازار اۋدارىپ، وعان ءتۇرلى كاسىپورىنداردى كەڭىنەن جۇمىلدىرىپ، ءتىپتى، كوپ قوعامدىق كۇشتەردى «ءبىر بەلدەۋ، ءبىر جول» قۇرىلىسىنا ات سالىسۋعا جەتەكتەپ، ۇكىمەت، بازار، قوعام جاندى تۇردە ۇشتاسقان سەلبەستىك ۇلگىسىن، ۇكىمەت جەتەكشى بولاتىن، كاسىپورىندار ات سالىساتىن، ەل ءىشى ىلگەرىلەتەتىن ءۇش ولشەمدى قۇرىلىم قالىپتاستىرۋعا قۇلشىنۋ كەرەك.
شي جينپيڭ مىنانى اتاپ كورسەتتى: گۋمانيتارلىق بارىس - كەلىس پەن سەلبەستىك تە «ءبىر بەلدەۋ، ءبىر جول» قۇرىلىسىنىڭ ماڭىزدى مازمۇنى. «ءبىر بەلدەۋ، ءبىر جول» باستاماسىن شىنايى ىسكە اسىرۋ ءۇشىن، ءسوز جوق، جەلى بويىنداعى مەملەكەتتەردىڭ بۇقاراسى ورتاسىندا ءبىرىن - ءبىرى قادىرلەيتىن، ءبىرىن - ءبىرى تۇسىنەتىن، ءبىرى - بىرىنە قۇرمەت ەتەتىن گۋمانيتارلىق جاعداي قالىپتاستىرۋ قاجەت. حالىق تىلەگىن توعىستىرۋ − «ءبىر بەلدەۋ، ءبىر جول» قۇرىلىسىنىڭ ماڭىزدى مازمۇنى ءارى گۋمانيتارلىق نەگىزى. ەكونوميكالىق سەلبەستىك پەن گۋمانيتارلىق بارىس - كەلىستى قاتار ىلگەرىلەتۋگە تاباندى بولىپ، گۋمانيتارلىق سالادا قۇنتتى جۇمىستار جاساۋعا ءمان بەرىپ، ءار ەل حالقىنىڭ مادەنيەتىنە، تاريحىنا، ادەت - عۇرپىنا قۇرمەت ەتىپ، جەلى بويىنداعى مەملەكەتتەردىڭ حالىقتارىمەن دوستىق بايلانىستى نىعايتىپ، «ءبىر بەلدەۋ، ءبىر جول» قۇرىلىسىنا ۇلتاندى قوعامدىق نەگىز سالۋ كەرەك. جەلى بويىنداعى مەملەكەتتەرمەن حاۋىپسىزدىك سالاسىنداعى سەلبەستىكتى كۇشەيتىپ، ورتاق مۇددە قاۋىمداستىعىن، ورتاق جاۋاپكەرشىلىك قاۋىمداستىعىن، ورتاق تاعدىر قاۋىمداستىعىن قۇلشىنا قالىپتاستىرىپ، جۇمىلا تاماشا ورتا ازىرلەۋ كەرەك. قوعامدىق پىكىر جەتەكشىلىگى قىزمەتىنە نازار اۋدارىپ جانە ونى ۇتىمدى جۇرگىزىپ، ءتۇرلى تاسىلدەرمەن «ءبىر بەلدەۋ، ءبىر جولدى» مايىن تامىزا اڭگىمەلەپ، «ءبىر بەلدەۋ، ءبىر جولدىڭ» ءۇنىن ويداعىداي تاراتىپ، «ءبىر بەلدەۋ، ءبىر جول» قۇرىلىسىنا تاماشا قوعامدىق پىكىر ورتاسىن ازىرلەۋ كەرەك.
شي جينپيڭ مىنانى باسا دارىپتەدى: «ءبىر بەلدەۋ، ءبىر جول» قۇرىلىسىندا مەملەكەتتىڭ جالپى نىساناسىن تۇراقتاندىرۋمەن بىرگە، جەرگىلىكتى ورىنداردىڭ دا بەلسەندىلىگىن ساۋلەلەندىرۋ كەرەك. جەرگىلىكتى جوبا مەن نىسانالار مەملەكەتتىڭ جالپى نىساناسىنا ۇيلەسۋى، جالپى جاعدايعا باعىنۋى كەرەك. نەگىزگى نازاردى سىرتقا ەسىك اشۋ دەڭگەيىن جوعارىلاتۋعا، حالىقارالىق باسەكەگە قابىلەتتىلىكتى نىعايتۋعا، ەكونوميكانىڭ دامۋ تاسىلىنە بۇرىلىس جاساۋ مەن ەكونوميكالىق قۇرىلىمدى رەتتەۋگە ماجبۇرلىك تۋدىرۋعا اۋدارۋ كەرەك. جەرگىلىكتى ءىس جۇزىندىك جاعدايدى تياناق ەتىپ، ورىندى ءداپ باسىپ تاۋىپ، ارتىقشىلىقتى ساۋلەلەندىرىپ، تىڭعىلىقتى جەتىستىكتەرگە جەتىپ، رەفورما مەن دامۋدىڭ جاڭا كەڭىستىگىن قۇلشىنا كەڭەيتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
