جاڭ چۇنشيان شينجياڭ ۋوجياڭ ايەلدەر باسكەتبول كومانداسىنىڭ مۇشەلەرىمەن كەزدەستى

«شينجياڭ رۋحىن تانىتتىڭىزدار»

2016.04.21 14:20   كەلۋ قاينارى : حالىق تورابى

　　حالىق تورابى، 21 – ءساۋىر، بەيجيڭ. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 20 – ءساۋىر كۇنى ءۇرىمجى قالاسىندا شينجياڭ ۋوجياڭ ايەلدەر كاسىپتىك باسكەتبول كومانداسىنىڭ بارلىق باپكەرلەرىمەن جانە سپورتشىلارىمەن، كلۋب قىزمەتكەرلەرىمەن كەزدەسىپ، كوماندانىڭ ۇزدىك ناتيجەگە يە بولعانىن قۇتتىقتادى، شينجياڭ ايەلدەر كومانداسىنداعى بويجەتكەندەردىڭ ءىس جۇزىندىك قۇلشىنىستارى ارقىلى شينجياڭ رۋحىن تانىتقانىن ماداقتادى، شينجياڭ ايەلدەر باسكەتبول كومانداسىن شينجياڭ رۋحىن ايگىلەيتىن ماڭىزدى تەرەزە بولىپ، وسىزامان مادەنيەتىنىڭ سەركەلەرى مەن بۇقارالىق يدەيا قىزمەتىنىڭ ۇگىتشىلەرى بولۋعا، ۇلتتار ىنتىماعىن ىلگەرىلەتۋ جاعىندا ۇلگىلىك رولىن ساۋلەلەندىرۋگە شابىتتاندىردى.

　　2015 ~ 2016 جارىس ماۋسىمىنداعى جۇڭگو ايەلدەر باسكەتبول كاسىپتىك ليگاسى بيىل ناۋرىز ايىندا اياقتادى، قۇرىلعانىنا ءبىر جىل عانا بولعان شينجياڭ ايەلدەر باسكەتبول كومانداسى بۇكىل ەلدەگى 20 كوماندامەن 5 ايعا سوزىلعان باسەكە وتكىزىپ، ەڭ سوڭىندا ليگانىڭ ەكىنشى جۇلدەسىن ەنشىلەپ، باسكەتبول ليگاسىنداعى «توسىن جەڭىمپاز» بولدى.

　　كەلۋ قاينارى: حالىق تورابى