قاشان دا حالىقپەن تىنىستاس، تاعدىرلاس، جۇرەكتەس بولايىق
− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.08.05 16:44 كەلۋ قاينارى : حالىق تورابى
«ءبىز قول جەتكىزگەن ءارقانداي تابىستىڭ بارلىعى پارتيا مەن حالىقتىڭ بىرگە كۇرەس جۇرگىزۋىنەن كەلدى». ولكە - مينيسترلىك دارەجەلى نەگىزگى باسشى كادرلاردىڭ «باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيانىڭ 20 - قۇرىلتايىن قارسى الۋ» ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ بىلاي دەپ اتاپ كورسەتتى: «العا باسۋ جولىندا بۇكىل پارتيا بار ىنتا - پەيىلىمەن حالىق ءۇشىن قىزمەت ىستەۋ سىندى ءتۇبىرلى ماقساتتا تاباندى بولىپ، بۇقارالىق كوزقاراستى مىقتاپ ورناتىپ، بۇقارالىق لۋشياندى دايەكتىلەندىرىپ، حالىقتىڭ جاسامپازدىق رۋحىنا قۇرمەت ەتىپ، بارلىعىن حالىق ءۇشىن ىستەۋدە، بارلىعىندا حالىققا ارقا سۇيەۋدە تاباندى بولىپ، بۇقارا اراسىنان كەلىپ، بۇقارا اراسىنا بارىپ، قاشان دا حالىق بۇقاراسىمەن ەتەنە بايلانىستى ساقتاپ، قاشان دا حالىقتىڭ سىنى مەن باقىلاۋىن قابىلداپ، قاشان دا حالىقپەن تىنىستاس، تاعدىرلاس، جۇرەكتەس بولۋ كەرەك».
كىمدەر ءۇشن دەگەن ماسەلە ءبىر ساياسي پارتيانىڭ، ءبىر اكىمياتتىڭ سيپاتىن سىنايتىن سىنتاس بولىپ تابىلادى. جۇڭگو كوممۋنيستىك پارتياسى − قالىڭ حالىقتىڭ باقىتىن كوزدەيتىن پارتيا، حالىقتىق مايدان − پارتيانىڭ ءتۇبىرلى ساياسي مايدانى. پارتيامىز قۇرىلعاننان باستاپ حالىق ءۇشىن قىزمەت ىستەۋدى پارتيا تۋىنا جازدى. پارتيانىڭ نەگىزى حالىقتا، قان تامىرى حالىقتا، كۇش - قۋاتى حالىقتا. حالىق ءۇشىن ءومىر ءسۇرۋ، حالىق ءۇشىن گۇلدەنۋ، باستان - اياق حالىقپەن بىرگە بولۋ، حالىقتىڭ مۇددەسى ءۇشىن كۇرەسۋ − پارتيامىزدىڭ پارتيا قۇرىپ، پارتيانى گۇلدەندىرىپ، پارتيانى قۇدىرەتتەندىرۋدەگى ءتۇبىرلى شىعار ءتۇيىنى جانە تابان تىرەر تياناعى. پارتيانىڭ حالىقتى ىنتىماقتاستىرىپ جانە باستاپ توڭكەرىس، قۇرىلىس، رەفورما جۇرگىزۋدەگى ءتۇبىرلى ماقساتى − حالىقتى تاماشا تۇرمىسقا كەنەلتۋ، مەيلى قانشالىق ۇلكەن سىن – سايىس پەن قىسىمعا ءدوپ كەلەيىك، مەيلى قانشالىق زور قۇرباندىق جانە بوداۋ بەرەيىك، بۇل تۇيىننەن باستان - اياق اۋىتقۋعا، تيتتەي دە اۋىتقۋعا بولمايدى. بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى. بۇقارانىڭ قامىن ويلاۋ، حالىقپەن تىنىستاس، تاعدىرلاس، جۇرەكتەس بولۋ − پارتيانىڭ اۋەلگى ماقساتى ءارى پارتيانىڭ بەرىك سەنىمى.
حالىق − تاريحتى جاراتۋشى، پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. پارتيانىڭ عاسىرلىق تاريحى − پارتيانىڭ اۋەلگى ماقسات پەن بورىشتى امالياتتا ايگىلەۋ تاريحى، پارتيانىڭ حالىقپەن تىنىستاس، تاعدىرلاس، جۇرەكتەس بولۋ تاريحى. شىكۋمىننەن تيان - انمىن الاڭىنا دەيىن، كىشكەنە قىزىل قايىقتان الىپ كەمەگە دەيىن، جۇڭگو كوممۋنيستىك پارتياسىنىڭ دامىپ زورايۋىنىڭ، جۇڭگوشا سوتسياليزمنىڭ ۇزدىكسىز العا باسۋىنىڭ سەبەبى حالىققا سۇيەنۋدە. ءبىز مىنانى ۇمىتپايمىز، ۇلى توڭكەرىس جەڭىلىسكە ۇشىراعاننان كەيىن قۇربان بولعان 300 مىڭنان استام توڭكەرىسشىنىڭ كوبى − پارتيامىزعا ىلەسىپ توڭكەرىس جاساعان حالىق بۇقاراسى؛ قىزىل ارميا داۋىرىندە حالىق بۇقاراسى پارتيا مەن حالىق ارمياسىنىڭ قۇرىش قورعانى بولدى؛ جاپون شاپقىنشىلارىنا قارسى سوعىس داۋىرىندە پارتيامىز بۇقارانى كەڭ كولەمدە اتتانىسقا كەلتىردى، جاپون شاپقىنشىلارىن حالىقتىق سوعىستىڭ تەلەگەي تەڭىزىنە باتىردى؛ حۋايحاي شايقاسىنىڭ جەڭىسىندە بۇقاراعا سۇيەندىك؛ وزەننەن ءوتۋ شايقاسىنىڭ جەڭىسىندە بۇقاراعا سۇيەندىك؛ سوتسياليستىك توڭكەرىس پەن قۇرىلىستىڭ تابىستارىن حالىق بۇقاراسى ىستەدى؛ رەفورما جاساپ، ەسىك اشۋدىڭ تاريحي ۇلى تەاترىن ءجۇز ميلليونداعان حالىق بۇقاراسى ورىندادى. بۇگىنگى تاڭدا جۇڭگو حالقى اناعۇرلىم سەنىمدى، ەڭسەلى، الۋەتتى بولدى، ەرىك - جىگەر، قايرات - قارىم، سەنىمىن بارىنشا كۇشەيتتى، تاريحي بارىستا توپتاعان قۇدىرەتتى ەنەرگيا تولىق جارىققا شىعىپ، بۇرىن - سوڭدى بولماعان تاريحي ىرىقتىلىق رۋحىن، تاريحي جاسامپازدىق رۋحىن ايگىلەپ، پارتيانىڭ باسشىلىعىندا جاڭا داۋىردەگى جۇڭگونىڭ دامۋ ۇلى تاريحىن ەسەلەپ جازۋدا. اماليات مىنانى تولىق دالەلدەدى: حالىق − پارتيامىزدىڭ بيلىك جۇرگىزۋىنىڭ ەڭ ۇلكەن تىرەگى، رەسپۋبليكامىزدىڭ بەرىك نەگىزى، ءبىزدىڭ پارتيانى قۇدىرەتتەندىرىپ، ەلدى كوركەيتۋىمىزدىڭ ءتۇبىرلى تياناعى.
سوتسياليستىك وسىزاماندانعان مەملەكەتتى جاپپاي قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بولاشاعى نۇرلى، جولى بۇراڭ، تاعى دا كوپتەگەن قاتەرلى قايراڭدارعا ءدوپ كەلەمىز. ءسوز جوق، حالىقتىڭ سەنىمىنە بولەنىپ، حالىقتىڭ قولداۋىنا يە بولعاندا عانا، پارتيانىڭ ءارقانداي قيىنشىلىقتى جەڭە الاتىنىن، العان بەتىنەن قايتپاي، جەڭىستەن جەڭىسكە جەتە بەرەتىنىن تەرەڭ تانۋ كەرەك. جاڭا جورىقتا ءبىز قوعامنىڭ دامۋ زاڭدىلىعىنا قۇرمەت ەتۋ مەن حالىقتىڭ تاريحي نەگىزگى تۇلعالىق ورنىنا قۇرمەت ەتۋدىڭ بىردەيلىگىندە، وسكەلەڭ مۇرات ءۇشىن كۇرەسۋ مەن قالىڭ حالىقتىڭ مۇددەسىن كوزدەۋدىڭ بىردەيلىگىندە، پارتيانىڭ ءتۇرلى قىزمەتتەرىن ورىنداۋ مەن حالىقتىڭ مۇددەسىن جۇزەگە اسىرۋدىڭ بىردەيلىگىندە تاباندى بولىپ، بۇقارادان ماڭگى قول ۇزبەۋىمىز، بۇقارامەن باقىتتان بىرگە يگىلىكتەنۋىمىز، قيىنشىلىقتى بىرگە ارقالاۋىمىز، اششى - تۇشتىنى بىرگە كورۋىمىز كەرەك. پارتيانىڭ سيپاتى مەن نەگىزگى ماقساتىن جەتە تانىپ، حالىقتى وزەك ەتكەن دامۋ يدەياسىندا تاباندى بولىپ، حالىقتى باستان - اياق كوڭىلدەگى ەڭ جوعارى ورىنعا قويىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، جالپى حالىقتى رەفورما، دامۋ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋدى ىلگەرىلەتىپ، بىرگە اۋقاتتانۋدىڭ اناعۇرلىم كورنەكتى ماندىك ىلگەرىلەۋشىلىككە قول جەتكىزۋىن ىلگەرىلەتىپ، ءبىر ميلليارد 400 ميلليوننان استام جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن قۇدىرەتتى كۇش ەتىپ ۇيىستىرۋىمىز كەرەك. حالىققا باقىت جاراتۋدى ەڭ ماڭىزدى ساياسي ناتيجە ەتىپ، حالىقتىڭ قولداۋ - قولداماۋىن، قۇپتاۋ - قۇپتاماۋىن، قۋانۋ - قۋانباۋىن، ماقۇل بولۋ - بولماۋىن بارلىق قىزمەتتىڭ پايدا - زيانىن ولشەيتىن ءتۇبىرلى ولشەم ەتىپ، باستان - اياق حالىقپەن بىرگە ويلاپ، بىرگە ىستەۋىمىز كەرەك.
دۇنيە جۇزىندەگى ەڭ ۇلكەن باقىت حالىقتىڭ باقىتى جولىندا كۇرەسۋدەن ارتىق بولمايدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، قاشان دا حالىقپەن تىلەكتەس بولىپ، حالىقپەن راقاتتا دا، جاپادا دا بىرگە بولىپ، حالىقپەن ىنتىماقتاسا كۇرەس جاساپ، قالىڭ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، قورعاپ، دامىتىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتۋىمىز كەرەك!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
