”اۋىل شارۋاشىلىعىن عىلىم - تەحنيكامەن قاناتتاندىردى“
□ شينحۋا اگەنتتىگىنىڭ ءتىلشىسى يە جيڭ
2022.08.03 16:05 كەلۋ قاينارى : شينجياڭ گازەتى
2013 - جىلى 11 - ايدىڭ 27 - كۇنى باس شۋجي شي جينپيڭ شاندۇڭ ولكەلىك اۋىل شارۋاشىلىق عىلىم اكادەمياسىنا كەلىپ، عىلىم - تەحنيكادا جاڭالىق اشۋ، اۋىل شارۋاشىلىعىنىڭ دامۋىن جەبەۋ جاعدايىن تەكسەردى. ولكەلىك اۋىل شارۋاشىلىق عىلىم اكادەمياسى كوكونىس زەرتتەۋ ورنىنىڭ زەرتتەۋشىسى ۋاڭ شۋفىن باس شۋجيگە عىلىم - تەحنيكادا جاڭالىق اشۋدىڭ كوكونىستى جەتىلدىرۋ، ەگۋ جاعىنداعى قولدانىلۋىن تانىستىردى. تاياۋدا شينحۋا اگەنتتىگىنىڭ ءتىلشىسى ۋاڭ شۋفىنعا امانداسا بارىپ، ونىڭ باس شۋجيدىڭ تاپسىرماسىن ەستە بەرىك ساقتاپ، عىلىم - تەحنيكادا جاڭالىق اشۋ ارقىلى ”جۇڭگونىڭ كوجە - قاتىعىن“ بايىتۋداعى كۇرەس حيكاياسىن تىڭدادى −
سول كۇنى باس شۋجي شي جينپيڭ ءبىزدىڭ زەردەلى جىلىجايىمىزعا كەلدى. شياۋيوۋساي، يوۋمايساي سياقتى سۋدا جەتىلدىرىلگەن قاتار - قاتار كوكونىستەردى كورگەن باس شۋجي ايالداپ، زەر سالا قارادى. مەن سۋدا قالقىتىپ جەتىلدىرۋ تەكشەسىن كوتەرىپ، سۋدا جەتىلدىرۋ ناۋاسىنداعى اينالمالى پايدالانىلاتىن قورەكتىك سۇيىقتىقتى كورسەتىپ، باس شۋجيگە ونداعى عىلىم - تەحنيكادا جاڭالىق اشۋ جەتىستىكتەرىن تانىستىردىم.
توپىراقتا جەتىلدىرۋمەن سالىستىرعاندا، سۋدا جەتىلدىرىلەتىن كوكونىستەر اناعۇرلىم تازا، حاۋىپسىز، ءوندىرىس پەريودى اناعۇرلىم قىسقا بولادى ءارى تىڭايتقىشتىڭ وزىندىك قۇنىن ۇنەمدەپ، سۋ ۇنەمدەۋگە، اينالمالى پايدالانۋعا دا بولادى. كوپ رەت ورىپ الۋعا، ديقانداردىڭ كىرىسىن ارتتىرۋعا ابدەن بولادى. بۇقارا ءۇيىنىڭ سامالدىعىن شاعىن كوكونىس باقشاسىنا اينالدىرىپ الۋىنا بولادى.
باس شۋجي شي جينپيڭ بىزگە اۋىل شارۋاشىلىعىن عىلىم - تەحنيكامەن قاناتتاندىرىپ، ازىق - تۇلىكتىڭ جاقسى، حاۋىپسىز بولۋىن قاناعاتتاندىرۋدى باعدار ەتىپ، ساپالى، حاۋىپسىز اۋىل شارۋاشىلىق ونىمدەرىن زور كۇشپەن دامىتۋدى تاپسىردى.
شاندۇڭ − اۋىل شارۋاشىلىعىنداعى ءىرى ولكە، قۇرىلعىلى كوكونىس − شاندۇڭ ەرەكشەلىگى ەڭ وزگەشە ”اۋىل شارۋاشىلىق ونىمدەرىنىڭ“ ءبىرى. باس شۋجي شي جينپيڭنىڭ تاپسىرماسىن ەستە بەرىك ساقتاپ، بەلدى بەكەم بۋىپ، جەرگىلىكتى ورىننىڭ ەرەكشەلىگىن تياناق ەتىپ، اناعۇرلىم كوپ عىلىم - تەحنيكانى كوكونىس كاسىپ سالاسىن دامىتۋ بارىسىندا قولدانىپ، شارۋالاردىڭ كىرىسىن ارتتىرۋىنا، بۇقارانىڭ ازىق - تۇلىك جاعىندا يگىلىككە كەنەلۋىنە دەم بەرەمىن. سوڭعى جىلدارى ۇجىمىمىز كوكونىستىڭ جاڭا سورتىن تاڭداپ جەتىلدىرۋ، نەگىزگى كوكونىستەردىڭ مايساسىن شوعىرلى جەتىلدىرۋ، دەرت - دەربەزدەردەن، زياندى جاندىكتەردەن جاسىل ساقتانۋ، تەجەۋ سياقتى تەحنيكالىق زەرتتەۋ سالاسىندا تىڭ جەتىستىكتەرگە قول جەتكىزدى، 6 ءتۇرلى جاڭا تەحنيكا شاندۇڭ ولكەسىنىڭ اۋىل شارۋاشىلىعىن ءتۇيىندى ىلگەرىلەتەتىن تەحنيكاعا اينالدى.
ەل ءىشى بازارىنداعى كەيبىر جوعارى ساپالى كوكونىس تۇقىمى ءبىر مەزەت يمپورتقا ءبىرشاما يەك سۇيەگەن ەدى. تاڭداۋلى تۇقىمدىق زات جانە ساپالى تۇقىم جەتىلدىرۋ تەحنيكاسىندا ۇزدىكسىز جاڭالىق اشۋ ارقىلى ءتوزىمدى، ساپالى كوكونىستەردىڭ جاڭا سورتىن تاڭداپ جەتىلدىرۋدى جەدەلدەتۋ ارقىلى ءبىز يمپورت ەتىلەتىن كوكونىس تۇقىمدارىن ەل ىشىندە ءوندىرۋدى، ەل ىشىندەگى ايگىلى تاڭداۋلى، سورتتى تۇقىمدى حالىقارالاندىرۋدى ۇزدىكسىز ىلگەرىلەتتىك.
بايساي، شومىر اسىلىندە ەلىمىزدەن تاراعان، ءبىراق جوعارى سورتتى كوكتەمدىك، جازدىق سورت يمپورت ەتىلگەن تۇقىم جاعىنان ءبىر مەزگىل مونوپوليالانعان ەدى. وسى جاعدايدى شەشۋ ءۇشىن، ۇجىمىمىز بىرنەشە قامال الۋ گرۋپپاسىن ۇيىمداستىرىپ، بىرتىندەپ قامال الدى. قىستا جىلى قالتقىدا تۇقىم ءسىڭىرىپ، مايسا جەتىلدىردى؛ جازدا تۇقىم جيناۋ، تۇقىم تەكسەرۋ سىناعىن جۇرگىزدى. وسىلايشا ۇزاق ۋاقىت ىزدەنىس جاساۋ ارقىلى العا باسىپ، ونان سوڭ زەرتتەۋ جەتىستىگىن بىرىكتىرىپ قولدانىپ، ەڭ سوڭىندا يمپورتتىڭ ورنىن ءونىمدى تۇردە باساتىن بايساي، شومىردىڭ جاڭا سورتىن جەتىلدىردى.
بۇگىنگى تاڭدا ەلىمىزدە وندىرىلگەن كوكونىس تۇقىمىنىڭ شاندۇڭ شوۋگۋاڭ بازارىنداعى يەلەگەن سالىستىرماسى 2010 - جىلدان بۇرىنعى ％54تەن ％70تەن استامعا جوعارىلادى. كەزىندە يمپورت ەتىلگەن سورتتىڭ بازار يەلەۋ مولشەرى ％80تەن استامعا جەتكەن تاباقشا اسقاباقتىڭ تۇقىمى بۇكىلدەي ەلىمىزدە ءوندىرىلۋدى نەگىزىنەن جۇزەگە اسىردى.
باس شۋجي شي جينپيڭنىڭ تاپسىرماسى مەنى عىلىم - تەحنيكادا جاڭالىق اشۋ ارقىلى ”جۇڭگونىڭ كوجە - قاتىعىن“ بايىتۋعا جىگەرلەندىردى. مەن شارۋالاردىڭ، اۋىل - قىستاقتىڭ دامۋ قاجەتىن ۇزدىكسىز مىقتاپ قاداعالاپ، كوكونىس كاسىپ سالاسىنىڭ جوعارى ساپالى دامۋى ءۇشىن ”جول اشۋعا“، ”تاجىريبە توپتاۋعا“ قۇلشىنىپ، بۇقارانىڭ الاڭسىز تۇردە جوعارى ساپالى كوكونىستەردى تۇتىنۋىنا مۇمكىندىك جاسايمىن. (شينحۋا اگەنتتىگىنىڭ 7 - ايدىڭ 20 - كۇنى جيناننان بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
