بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شاي سياقتى 8 كاسىپتىڭ تۇتاس تىزبەگىنىڭ جىلدىق ءونىم قۇنى 100 ميلليارد يۋاننان استى

فۋجيان ولكەسى جەرگىلىكتى جاعدايعا قاراي ەرەكشەلىككە يە وسىزامانعى اۋىل شارۋاشىلىعىن قۇردى

«حالىق گازەتىنىڭ» تىلشىلەرى جياڭ شىڭياڭ، يان كى، ۋاڭ يىنشين

2022.08.02 17:45     كەلۋ قاينارى : حالىق تورابى

  ۇزىننان - ۇزاققا سوزىلىپ، جاسىل جەلەك جامىلعان ءورلى – ەڭىستى القاپ. بۇل ارا − فۋجيان ولكەسىنىڭ ۋ - ي تاۋى. 5 - ايدا ەڭ سوڭعى توپتاعى كوكتەمگى شاي ءۇزىلىپ بولعاننان كەيىن، مانەرلەنىپ دۇنيە ءجۇزىنىڭ جەر - جەرىنە جەتكىزىلەدى.

  كوز جەتكىسىز كوك اسپان. بۇل ارا − فۋجيان ولكەسىنىڭ نيڭدى قالاسى. 7 - ايدا شارباق - شارباق سارى بالىق جاعاعا شىعارىلىپ، چاڭجياڭنىڭ وڭتۇستىگى مەن سولتۇستىگىندەگى اس ۇستەلدەرىنە جەتكىزىلەدى.

  تاۋى بولۋ، تەڭىز جاعالاۋىنا ورنالاسۋ سياقتى جاراتىلىستىق ەرەكشەلىگى، ونىڭ ۇستىنە شارۋالاردىڭ قاجىرلى ەڭبەگى فۋجياننىڭ كوپتەگەن ەرەكشە اۋىل شارۋاشىلىق ونىمدەرىن جاراتتى. ەرەكشەلىككە يە وسى زامانعى اۋىل شارۋاشىلىعى فۋجياننىڭ اۋىل شارۋاشىلىعىنىڭ ابزالدىعىنا، كورىنەۋ تۇيىنىنە اينالدى.

  2014 – جىلى 11 - ايدا باس شۋجي شي جينپيڭ فۋجياندا تەكسەرىپ – زەرتتەۋ جۇرگىزگەندە بىلاي دەپ اتاپ كورسەتتى: فۋجياننىڭ اۋىل شارۋاشىلىعىنىڭ الۋان ءتۇرلى بايلىعى مول، الۋان ءتۇرلى اۋىل شارۋاشىلىعىنىڭ ەرەكشەلىگى كورنەكتى، ەرەكشەلىككە يە وسى زامانعى اۋىل شارۋاشىلىعىن قۇرۋدى ارقاۋ ەتىپ، استىق ءوندىرىس قۋاتىن جوعارىلاتۋ جاعىندا تىڭ كومەسكى كۇشتەردى اشۋعا قۇلشىنىپ، اۋىل شارۋاشىلىعى قۇرىلىمىن ساپالىلاندىرۋ جاعىندا تىڭ جول اشىپ، اۋىل شارۋاشىلىعىنىڭ دامۋ تاسىلىندە بۇرىلىس جاساۋ جاعىندا تىڭ قامال الىپ، شارۋالاردىڭ كىرىسىن ارتتىرۋدى جەبەۋ جاعىندا تىڭ ونىمدىلىككە قول جەتكىزىپ، جاڭاشا اۋىل - قىستاق قۇرۋدا تىڭ قادام تاستاۋ كەرەك. 2021 - جىلى 3 - ايدا باس شۋجي شي جينپيڭ فۋجياندا قىزمەت تەكسەرگەندە اۋىل - قىستاقتى گۇلدەندىرۋدى جەدەل ىلگەرىلەتىپ، اۋىل شارۋاشىلىق بايلىعىنىڭ الۋان تۇرلىلىگى مەن كليماتىنىڭ ۇيلەسىمدى ابزالدىعىن تياناق ەتىپ، ەرەكشە ابزالدىققا يە كاسىپتەردى جەتىلدىرۋدى دارىپتەدى.

  باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتى تياناقتاندىرۋدا فۋجيان ەرەكشە جولمەن جۇرۋدە، ەرەكشە ماركا جاراتۋدا تاباندى بولىپ، ىلگەرىندى - كەيىندى 10 نەشە ولكە دارەجەلى جوبا، جەلىلەس شارالاردى شىعارىپ، جەرگىلىكتى جاعدايعا قاراي ەرەكشەلىككە يە وسى زامانعى اۋىل شارۋاشىلىعىن قۇرىپ، شاي، كوكونىس، جەمىس - جيدەك، مال، قۇس، سۋ ونىمدەرى، بامبۇك، گۇل - ءشوپ، قالامشا، ازىقتىق باكتەريا سياقتى ەرەكشە وسى زامانعى اۋىل شارۋاشىلىعىن قارىشتاتا دامىتتى.

  ەرەكشەلىككە يە وسى زامانعى اۋىل شارۋاشىلىعىندا جاسىل، ساپالى اۋىل شارۋاشىلىق ونىمدەرى نەگىز. ۋ - يشان قالاسى شيڭسۇن قالاشىعى يانزىكى دەگەن جەرىندەگى مىڭ مۋلىق شاي باقشاسىنداعى سويا بۇرشاقتىڭ بويى جارىم مەترگە جەتتى. شاي تاۋىندا 20 نەشە جىل كاسىپپەن شۇعىلدانعان شاي باقشاسىنىڭ جاۋاپتىسى ياڭ ۋىنچۇن عىلىم - تەحنيكا ارناۋلى قىزمەتكەرى، فۋجيان ەگىن، ورمان شارۋاشىلىعى داشۋەسىنىڭ پروفەسسورى لياۋ حۇڭنىڭ جەتەكشىلىگىندە 2018 - جىلدان باستاپ ەكولوگيالىق شاي ەكتى. «جازدا سويا بۇرشاق، كۇزدە قىشى ەگەمىز. جاسىل تىڭايتقىش بەرىپ، دەرت - دەربەزدەن، زياندى جاندىكتەردەن بيولوگيالىق جولمەن ساقتانامىز، شاي اعاشىنا حيميالىق تىڭايتقىش بەرمەيمىز، ەگىس دارىلەرىن شاشپايمىز، ەگىلگەن شايدىڭ حوش ءيىسى اڭقىپ، ءدامى ءتىل ۇيىرەدى» دەدى ياڭ ۋىنچۇن.

  جاراتىلىستىق بايلىق ابزالدىعىن تياناق ەتكەن فۋجيان ساپا ارقىلى اۋىل شارۋاشىلىعىن گۇلدەندىرۋدە، جاسىل جولمەن اۋىل شارۋاشىلىعىن گۇلدەندىرۋدە تاباندى بولدى. قازىرگە دەيىن ەكولوگيالىق شاي باقشاسى ۇلگىسى بۇكىل ولكەنى نەگىزىنەن قامتىدى. فۋجياننىڭ نەگىزگى ەگىس داقىلدارىندا سورتتى تۇقىمىنىڭ قامتۋ شاماسى %98.5 كە جەتىپ، ساپالى كۇرىش، دەربەس ءبىلىم مەنشىك ۇقىعىنا يە اق ءجۇندى ەتتى تاۋىق سياقتى ءبىر توپ جاڭا تۇقىم جەتىلدىرىلدى.

  بۇرىن فۋجيانداعى شارۋالار باستاۋىش دارەجەلى ونىمدەردى ساتۋدى نەگىز ەتەتىن، قوسىمشا قۇنى جوعارى ەمەس ەدى. تاياۋ جىلداردان بەرى فۋجيان اۋىل شارۋاشىلىق ونىمدەرىن مانەرلەۋ كاسىبىن زور كۇشپەن دامىتىپ، كاسىپ قۇرىلىمىن ساپالىلاندىرىپ، العاشقى ونىمدەردى ساتۋدان دايىن ونىمدەردى ساتۋعا بۇرىلىس جاساۋدى ىلگەرىلەتتى. ليانجياڭ اۋدانى اۋجياڭ قالاشىعىنداعى فۋجيان ي - دا ازىق - تۇلىك شەكتى سەرىكتەستىگىنىڭ زاۆودىندا تەڭىز بالدىرلارى توڭازىتىپ قۇرعاتۋ، قاقتاۋ، قوراپتاۋ ارقىلى ادەمى قالبىرلارعا سالىنىپ، ازىقتىق تەڭىز قۇراعى ۇگىلمەسىنە اينالدى. تەڭىز بالدىرى وندىرىسىمەن شۇعىلدانعانىنا 10 نەشە جىل بولعان سەرىكتەستىكتىڭ باس ديرەكتورى چيۋ بيشياڭ 2017 - جىلدان باستاپ كاسىپتىڭ تيبىن وزگەرتىپ، جىنتىكتەي مانەرلەۋگە ويىستى، ول: «جىڭداپ ساتۋدان قالبىرلاپ ساتۋعا وتتىك، بۇرىن ءبىر جىڭى ون فىن بولسا، قازىر كىشكەنە ءبىر قالبىرى 8 يۋانعا ساتىلادى» دەدى.

  بيىل الدىڭعى جارتى جىلدا فۋجيان اۋىل شارۋاشىلىق ونىمدەرىن سول جەردىڭ وزىندە مانەرلەيتىن 121 ورتالىقتى جاڭادان قۇرىپ، كولەمدەنگەن اۋىل شارۋاشىلىق ونىمدەرىن مانەرلەۋ كاسىپورىندارىنىڭ نەگىزگى تيجارات كىرىسى 721 ميلليارد 600 ميلليون يۋان بولىپ، سايكەس مەزگىلدەگىدەن %7 ارتتى.

  ماركا تانىمىن كۇشەيتىپ، جاڭا كاسىپ كۇيىنە ىلەسىپ، اينالىم بۋىندارىن كۇن سايىن ساپالىلاندىردى. «بۇل دايىن ساڭىراۋقۇلاق توسابى ...». اپپارات كوزىنىڭ الدىندا وتىرعان گۋتيان اۋدانى شىڭنۇڭ زالالسىز اق ساڭىراۋقۇلاق بازاسىنىڭ جاۋاپتىسى جاڭ جيچياۋ ۇستىنەن تاراتۋ جۇيەسى ارقىلى ءونىمدى تانىستىرۋدا. «ءبىر رەتكى تىكە تاراتۋدا مىڭ قالبىرعا جۋىق زات ساتىلدى، اق ساڭىراۋقۇلاق توسابى قاجەتتى قامداي الماي وتىر» دەدى جاڭ جيچياۋ. ەلەكتروندى ساۋدا كاسىپ باقشاسى مەن اۋىل - قىستاق زات اينالىمى جۇيەسىنە سۇيەنىپ، توپ - توپ «باقىت» ماركالى جاسىل، ساپالى اۋىل شارۋاشىلىق ونىمدەرى بۇكىل ەلدىڭ جەر - جەرىنە ساتىلىپ، فۋجياننىڭ اۋىل - قىستاقتى گۇلدەندىرۋدى ىلگەرىلەتۋىندەگى ماڭىزدى كۇشكە اينالدى.

  «جاقسى باعىلسا، ساپالى وندىرىلسە، ءوتىمى ءتىپتى دە جاقسى بولادى». فۋجيان ولكەلىك اۋىل شارۋاشىلىعى، اۋىل - قىستاق مەڭگەرمەسىنىڭ قاتىستى جاۋاپتىسى بىلاي دەپ تانىستىردى: فۋجيان تۇتاس كاسىپ سالاسى تىزبەگىنىڭ ساپاسىن جوعارىلاتىپ، ونىمدىلىگىن ارتتىرۋدى كۇش سالا ىلگەرىلەتىپ، ەگىمشىلىك، باعىمشىلىق بۋىندارىندا ساپانى جاقسارتىپ، مانەرلەۋ بۋىنىندا ۇستەمە قۇندى جوعارىلاتىپ، ساتۋ بۋىنىندا ەلەكتروندى ساۋدادان پايدالانىپ زات اينالىمىن اشىپ، ايگىلى ماركا جاراتىپ، باسقالاردا بولماسا، وزىمىزدە بار بولۋدى، باسقالاردا بولسا، باسقالاردان ساپالى بولۋدى، باسقالاردىكى ساپالى بولسا، وزىمىزدىكى ەرەكشەلىككە يە بولۋدى جۇزەگە اسىرىپ، «شاعىن، ەرەكشە ونىمدەردىڭ» «ىرگەلى كاسىپكە» قاراي بۇرىلىس جاساۋىن جەبەدى.

  بيىل الدىڭعى جارتى جىلدا فۋجيان ولكەسىنىڭ ەگىن، ورمان، مال، بالىق شارۋاشىلىعىنىڭ جالپى ءونىم قۇنى 208 ميلليارد 180 ميلليون يۋانعا جەتىپ، سالىستىرمالى باعا بويىنشا ەسەپتەگەندە، سايكەس مەزگىلدەگىدەن %4.6 ارتتى؛ اۋىل - قىستاق تۇرعىندارىنىڭ كىسى باسىنا تۋرا كەلەتىن يگەرىلمەلى كىرىسى 11 مىڭ 977 يۋانعا جەتىپ، سايكەس مەزگىلدەگىدەن %7.1 ارتتى. قازىر شاي، كوكونىس، جەمىس - جيدەك، مال، قۇس، بامبۇك، گۇل - ءشوپ، قالامشا، ازىقتىق باكتەريا سياقتى 8 ەرەكشە اۋىل شارۋاشىلىعى تۇتاس كاسىپ تىزبەگىنىڭ جىلدىق ءونىم قۇنى تۇگەلدەي 100 ميلليارد يۋاننان استى. ولكە بويىنشا ەرەكشەلىككەيە اۋىل شارۋاشىلىق كاسىپ سالاسىندا 10 ميلليارد يۋاندىق قۇن جاراتقان قۋاتتى اۋدان 9، ءبىر ميلليارد يۋاندىق قۇن جاراتقان قۋاتتى قالاشىق 79، ءجۇز ميلليون يۋاندىق قۇن جاراتقان قۋاتتى قىستاق 146 بولدى.

  «كەلەسى قادامدا فۋجيان اۋىل شارۋاشىلىعىنىڭ ساپالى دامۋىن ىلگەرىلەتۋدى نىسانا ەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، اۋىل شارۋاشىلىعىنىڭ تۇتاس كاسىپ سالاسى تىزبەگىن قالىپتاستىرىپ، اۋىل - قىستاقتىڭ 1 ـ، 2 ـ، 3 - كاسىپتەرىنىڭ تەرەڭدەي توعىسۋىن جەبەپ، اۋىل - قىستاق كاسىپ سالاسىنىڭ گۇلدەنۋىن جەدەل ىلگەرىلەتەدى» دەدى فۋجيان ولكەلىك اۋىل شارۋاشىلىعى، اۋىل - قىستاق مەڭگەرمەسىنىڭ قاتىستى جاۋاپتىسى.

  شاي باقشاسىن تاماشالاۋ، شايحانادا شاي ءىشۋ، تاۋعا شىعىپ ساياحاتتاۋ... جازدىق دەمالىستا ءار كۇنى 10 مىڭعا جۋىق ساياحاتشى يانزىكى ەكولوگيالىق شاي باقشاسىنا كەلىپ دەمالادى. «بىلتىر 3 - ايدا باس شۋجي شي جينپيڭ يانزىكى ەكولوگيالىق شاي باقشاسىنا كەلىپ قىزمەت تەكسەرىپ، اۋىلداستارعا <شاي مادەنيەتى، شاي كاسىبى، شاي عىلىم - تەحنيكاسى سىندى كەلەلى ءىستى ءبىر تۇتاس جوسپارلاپ ويداعىداي ىستەۋ كەرەك> دەپ تاپسىردى. اۋىل - قىستاق ساياحاتىن، مادەنيەت كەشىرمەلەرىن، سەيىل - سەرۋەن اۋىل شارۋاشىلىعىن توعىستىرعان يانزىكى بولاشاقتا، ءسوز جوق، اناعۇرلىم قارىشتاپ داميدى» دەدى ياڭ ۋىنچۇن نىق سەنىممەن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار