قازاقستان ىندەتتەن ساقتانۋدا تاعى دا قاتاڭ جاعدايعا ءدوپ كەلدى
2022.08.01 19:35 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى جاڭ شو 7 – ايدىڭ 30 – كۇنى نۇر – سۇلتاننان حابارلايدى. وميكرون BA.5 وزگەرگەن ۆيرۋس تۇبىرشىگىنىڭ ىقپالىنا ۇشىراعاندىقتان، قازاقستاندا جۋىردان بەرى جاڭا تيپتى ايدارشا ۆيرۋس وكپە قابىنۋ اۋرۋىنا شالدىقتى دەپ دياگنوز قويىلعان ناۋقاستاردىڭ سانى كۇنىنە ءۇرتىس 3000 ادامنان اسىپ، قازاقستان استاناسى نۇر – سۇلتان قالاسى ىندەتتىڭ حاۋىپ – قاتەر دەڭگەيى بويىنشا «سارى ايماققا» ەنگىزىلدى، قازاقستاندا ىندەت كورنەكتى تۇردە قايتادان تارالىپ، ىندەتتەن ساقتانۋدا تاعى دا قاتاڭ جاعدايعا ءدوپ كەلدى.
قازاقستان دەنساۋلىق ساقتاۋ مينيسترلىگىنىڭ مەديتسينالىق ۇيىمداستىرۋ مەڭگەرمەسىنىڭ ورىنباسار باستىعى ءبىرجانوۆانىڭ جۋىردا ايتۋىنشا، وتكەن ءبىر اپتا ىشىندە، قازاقستاندا دياگنوزى تۇراقتاندىرىلعان ناۋقاستار 1.9 ەسە ارتقان، نۇر – سۇلتان، الماتى قالالارىنداعى، جامبىل وبلىسى جانە سولتۇستىك قازاقستان وبلىسىنداعى ەمحانالاردا اۋرۋ توسەگىن پايدالانۋ مولشەرى كورنەكتى جوعارىلاعان. مۇنان سىرت، دەنساۋلىق ساقتاۋ مينيسترلىگى دياگنوزى تۇراقتاندىرىلعان 1176 ادامعا ءىشىنارالىق تەكسەرۋ جۇرگىزگەندە، 18 جاستان تومەنگىلەردىڭ ۇستايتىن سالىستىرماسى %33.7 بولعان؛ اۋرۋ بەلگىسى جوق جۇعىمدالۋشىلاردا ۆيرۋستىڭ جاسىرىن ساقتالۋ ۋاقىتى ءبىرشاما قىسقا بولىپ، 2 كۇننەن 14 كۇنگە دەيىن بولعان؛ ناۋقاستاردىڭ 90 پايىزداعى امبۋلاتوريالىق ەمدەۋدى قابىلداعان.
ءبىرجانوۆانىڭ تانىستىرۋىنشا، قازىر ىندەت جاعدايىنىڭ اۋىرلاسۋىنا توتەپ بەرەتىن مەديتسينالىق بايلىق قاينارى جەتكىلىكتى. قازىر قازاقستاندا 5000 نان استام امبۋلاتوريالىق ءبولىم، شۇعىل قۇتقارۋ ورتالىعى جانە ۋنيۆەرسال ەمحانا بار، سونداي – اق، شيپاگەرلەردىڭ، سەسترالار مەن بالالار اۋرۋى شيپاگەرلەرىنىڭ سانى 50 مىڭنان اسادى. قازىرگى ىندەت جاعدايىنا ساي، دەنساۋلىق ساقتاۋ مينيسترلىگى جاڭا وقۋ ماۋسىمىندا مەكتەپتەر مەن بالالار باقشالارىنىڭ ساباعىن ينتەرنەت ارقىلى ءوتۋ فورماسىنا كوشۋدى ويلاستىرۋدا، الايدا، بۇل بالالاردىڭ اۋرۋعا شالدىعۋ مولشەرىنە بايلانىستى بولادى.
قازاقستان دەنساۋلىق ساقتاۋ مينيسترلىگىنىڭ ورىنباسار مينيسترى ءارى مەملەكەتتىك دەنساۋلىق ساقتاۋ باس شيپاگەرى ەسماعامبەتوۆانىڭ جۋىردا ايتۋىنشا، قازاقستان قازىر ءبىر ميلليون 500 مىڭ دوزا ۆاكسينا ساقتاپ وتىر. مۇندا قازاقستاندا وندىرىلگەن QazVac ۆاكسيناسىنان 180 مىڭ دوزاسى، جۇڭگو مەملەكەتتىك ءدارى – دارمەك توبى وندىرگەن ۆاكسينادان ءبىر ميلليون 200 مىڭ دوزاسى جانە ا ق ش حۇيرۇي سەرىكتەستىگىنىڭ ۆاكسيناسىنان 55 مىڭ دوزاسى قامتىلادى. ەسماعامبەتوۆانىڭ ايتۋىنشا، قاتىستى تاراۋلار حۇيرۇي ۆاكسيناسىنان تاعى 300 مىڭ دوزاسىن ساتىپ الۋدى جوسپارلاعان.
وتكەن 24 ساعات ىشىندە (7 - ايدىڭ 29 - كۇنى)، قازاقستاندا ءبىر تاۋلىكتە دياگنوزى تۇراقتاندىرىلعان ناۋقاستاردىڭ سانى 3095 ادام بولعان، جيىنى ءبىر ميلليون 340 مىڭ ادامنىڭ دياگنوزى تۇراقتاندىرىلعان، 13 مىڭنان استام ادام قازا بولعان، نۋكلەين قىشقىلىن تەكسەرۋ ناتيجەسى تەرىس بولعانمەن جاڭا تيپتى ايدارشا ۆيرۋس وكپە قابىنۋ ىندەتىنىڭ اۋرۋ بەلگىلەرى بايقالعان ناۋقاستاردىڭ سانى 89499 ادام. قازىرگە دەيىن، ۆاكسينانىڭ ءبىر دوزاسىن ەكتىرگەندەردىڭ سانى 10 ميلليون 780 مىڭ ادامنان اسقان، ۆاكسينانىڭ ەكىنشى دوزاسىن ەككەندەردىڭ سانى 10 ميلليون 510 مىڭ ادامنان اسقان، كۇشەيتپەلى ۆاكسينانى ەككەندەردىڭ سانى 4 ميلليون 990 مىڭ ادامنان اسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
