ورتالىق ينتەرنەت ينفورماتسياسى كەڭسەسى قاتارلى تاراۋلار ينتەرنەتتىك تىكە تاراتىلىم مەن قىسقا كەسكىن سالاسىنداعى «بادىك، سوراقى، وعاش، جالعان، ورەسكەل ارەكەتتەر جانە ءباس تىگىسۋ» سىندى بىلىققان جاعدايدى قاتاڭ جونگە سالادى
2022.08.01 19:41 كەلۋ قاينارى : حالىق تورابى
ءتىلشىنىڭ 7 – ايدىڭ 30 – كۇنى ورتالىق ينتەرنەت ينفورماتسياسى كەڭسەسىنەن ۇعىسۋىنشا، بيىل 4 – ايدان بەرى، ورتالىق ينتەرنەت ينفورماتسياسى كەڭسەسى قاتىستى تاراۋلارمەن بىرگە ءۇش ايلىق مەرزىم بويىنشا «پاكتەندىرۋ . ينتەرنەتتىك تىكە تاراتىلىم جانە قىسقا كەسكىن سالاسىنداعى بىلىققان جاعدايلاردى جونگە سالۋ» ارناۋلى ارەكەتىن ورىستەتىپ، «بادىك، سوراقى، وعاش، جالعان، ورەسكەل ارەكەتتەر جانە ءباس تىگىسۋ» سىندى زاڭ – تۇزىمگە قايشى مازمۇنداعى بىلىققان جاعدايلاردى شوعىرلى تۇردە جونگە سالىپ، رولىنان اعاتتىق بايقالۋ، «ينتەرنەت جۇلدىزدارىنا قاتىستى بىلىققان جاعداي»، ساۋعا سيلاۋدا شەكتەن اسۋ، بەلگىلەمەگە قايشى تۇردە تيجارات جۇرگىزۋ، بۇرىس جولمەن وتىمدىلەندىرۋ قاتارلى كورنەكتى ماسەلەلەردى قاتاڭ جونگە سالدى. ارناۋلى ارەكەت مەزگىلىندە، تىكە تاراتىلىم جانە قىسقا كەسكىن تەكشەلەرى ءوزىن ءوزى تەكسەرۋ – تۇزەتۋدى بەلسەندى ورىستەتىپ، ماسەلەگە بايلانىستى جان – جاقتى، ىشكەرىلەي وزگەرىس ەنگىزۋ جۇرگىزىپ، ينتەرنەتتىك تىكە تاراتىلىم جانە قىسقا كەسكىن كاسىپ سالاسىنداعى ينفورماتسيالىق مازمۇنداردى كورسەتۋ بەت – بەينەسىندە باستاپقى قادامداعى جاقسى وزگەرىستەر جارىققا شىقتى.
ارناۋلى ارەكەت مەزگىلىندە، دوۋيىن، تاۋباۋ، ۋيچات كەسكىن تەكشەسى قاتارلى ءتۇيىندى تىكە تاراتىلىم جانە قىسقا كەسكىن تەكشەلەرىنەن 16 تەكشەدە بەلگىلەمەگە قايشى تىكە تاراتىلىم بولمەلەرىنەن 563 مىڭى ءبىرجاقتى ەتىلىپ، بەلگىلەمەگە قايشى قىسقا كەسكىندەردەن 2 ميلليون 351 مىڭى تازالانعان، بەلگىلەمەگە قايشى تىركەلگىلەردەن 120 مىڭى جابىلعان، بەلگىلەمەگە قايشى كەلگەن جۇرگىزۋشىلەر مەن قىسقا كەسكىن تىركەلگىلەرىنەن 218 مىڭ 600 تىركەلگى ءبىرجاقتى ەتىلگەن نەمەسە ولارعا اقشالاي ايىپ سالىنعان، تىكە تاراتىلىم جانە قىسقا كەسكىن سالاسىنداعىن ينفورماتسيالىق مازمۇنداردى كورسەتۋ بەت – بەينەسىندە باستاپقى قادامدا جاقسى وزگەرىستەر جارىققا شىققان.
جونگە سالۋ مەزگىلىندە، ءار دارەجەلى ينتەرنەتتىك ينفورماتسيا تاراۋلارى توردوستار مالىمدەگەن، باقىلاۋ – جەتەكشىلىك ەتۋ جانە تەكسەرۋ، ينتەرنەتتىك شارلاپ تەكسەرۋ بارىسىندا بايقالعان ءجىپ ۇشتارىنا نەگىزدەلە وتىرىپ، ينتەرنەت حاۋىپسىزدىگىن باسقارۋ جاعىندا ولقىلىق ساقتالعان، ماسەلەگە دەر كەزىندە، تۇبەگەيلى رەتتەۋ جانە وزگەرتۋ ورىستەتپەگەن 134 تەكشەنى (رەت) زاڭ بويىنشا تەكسەرىپ ءبىرجاقتى ەتىپ، اكىمشىلىك جاقتان 12 ميلليون يۋاننان استام اقشالاي ايىپ سالعان. مۇندا، بادىك مازمۇندار ارقىلى كورۋگە باۋراعان، تۇرپايى دا انايى مازمۇنداردى، زورلىق – زومبىلىق پەن بالاعات سوزدەردى تاراتۋ، ساۋعا سيلاۋعا شىرعالاۋ قاتارلى زالالدى، ناشار ينفورماتسيالارعا قاتىستى ماسەلەلەر ساقتالعان كۋايشوۋ، بيليبيلي، حۋيا قاتارلى تەكشەلەردىڭ جاۋاپتىلارىن زاڭ بويىنشا شاقىرىپ سويلەستى، شەكتەۋلى مەرزىمدە رەتتەۋ جانە تۇزەتۋ جۇرگىزۋگە بۇيىرۋ، تىركەلگىلەردى جابۋعا بۇيىرۋ، اقشالاي ايىپ سالۋ قاتارلى ءبىرجاقتى ەتۋ شارالارىن قولداندى؛ بادىك مازمۇندار، قۇمارعا قاتىستى مازمۇندار قاتارلى زاڭعا قايشى ينفورماتسيالاردى شوعىرلى تۇردە تاراتقان پۋتاۋ مەينۇي تىكە تاراتىلىمى، مىڭگو تىكە تاراتىلىم قاتارلى 106 تىكە تاراتىلىم جانە قىسقا كەسكىن تەكشەسىن زاڭ بويىنشا جەلىدەن ءتۇسىردى، توقتاتتى ءارى ولاردى جۇرگىزۋشىلەردى قولدانىلمالى باعدارلامالاردى اشۋشىلاردىڭ قارا تىزىمدىگىنە ەنگىزدى.
ۇعىسۋعا قاراعاندا، كەلەسى قادامدا، ينتەرنەت ينفورماتسياسى تاراۋلارى تىكە تاراتىلىم، قىسقا كەسكىن تەكشەلەرىن ماڭىزدى فۋنكتسيالارىن ۇزدىكسىز جاقسارتىپ، ماڭىزدى تۇيىندەردى جۇيەگە ءتۇسىرىپ، ءتۇزىم مەن مەحانيزمدى كەمەلدەندىرىپ، زاڭ – تۇزىمگە قايشى ارەكەتتەرگە سوققى بەرۋ تەبىنىن ۇزدىكسىز جاقسارتىپ، ينتەرنەتتىك تىكە تاراتىلىم جانە قىسقا كەسكىن كاسىبىنىڭ جۇيەلى دە اقاۋسىز دامۋىن ىلگەرىلەتۋگە، حالىق بۇقاراسىنىڭ زاڭدى ۇقىق – مۇددەسىن اناعۇرلىم ويداعىداي قورعاۋعا قۋزايدى ءارى وعان جەتەكشىلىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
