شينجياڭدا زەينەتكەرلەردىڭ نەگىزدىك زەينەتاقىسى جوعارىلاتىلدى
زەينەتكە شىققان ءبىر ميلليون 553 مىڭ 700 ادام يگىلىككە كەنەلەدى
2022.07.28 16:27 كەلۋ قاينارى : حالىق تورابى
تيانشان تورابى – شينجياڭ گازەتىنىڭ ءتىلشىسى لي لين حابارلايدى. شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى مەن قازىنا مەڭگەرمەسى 7 – ايدىڭ 25 – كۇنى «زەينەتكە شىققانداردىڭ نەگىزدىك زەينەتاقىسىن 2022 – جىلى رەتكە سالۋعا قاتىستى ماسەلەلەر جونىندەگى ۇقتىرۋدى» باسىپ تاراتتى، شينجياڭدا 2021 – جىلدىڭ سوڭىنان بۇرىن بەلگىلەمە بويىنشا زەينەتكە شىعۋ رەسميەتىن بىتىرگەن ءارى اي سايىن نەگىزدىك زەينەتاقى الا باستاعان، كاسىپورىنداردان جانە ورگاندار مەن ءىسورىندارىنان زەينەتكە شىققان زەينەتكەرلەردىڭ نەگىزدىك زەينەتاقىسىنىڭ ورەسى 2022 -جىلى 1 – ايدىڭ 1 – كۇنىنەن باستاپ رەتكە سالىنادى، اۆتونوميالى رايون بويىنشا زەينەتكە شىققانداردان ءبىر ميلليون 553 مىڭ 700 ادام يگىلىكتەنەدى.
وسى رەت زەينەتكە شىققانداردىڭ زەينەتاقىسىن رەتكە سالۋ بارىسىندا، «تۇراقتى سوما بويىنشا رەتكە سالۋ، ۇشتاستىرىپ رەتكە سالۋ جانە ۇيلەسىمدى تۇردە بەيىمدەلۋ ۇشتاستىرىلعان» رەتكە سالۋ ءادىسى قولدانىلادى.
سوماسىن تۇراقتاندىرىپ رەتكە سالۋ: اۆتونوميالى رايون بويىنشا رەتكە سالۋ ولشەمى بىردەي بولادى، اي سايىن ورتا ەسەپپەن 55 يۋان ارتتىرىلادى. ۇشتاستىرىپ رەتكە سالۋ: ءبىر جاعىنان اقى تولەگەن جىل شەگىنە قاراي رەتتەلەدى، اقى تولەگەن جىل شەگى 15 جىلدان اسپاعان بولسا، ءار جىلىنا ءبىر يۋان ارتتىرىلادى؛ اقى تولەگەن جىل شەگى 16 جىلدان 30 جىلعا دەيىنگى ارالىقتا بولسا، ءار جىلىنا 2 يۋان ارتتىرىلادى؛ اقى تولەگەن جىل شەگى 30 جىلدان اسقان بولسا، 31 – جىلدان باستاپ، ءار جىلىنا 4 يۋان ارتتىرىلادى. ەندى ءبىر جاعىنان، نەگىزدىك زەينەتاقىنىڭ نەگىزدىك سانىنا رەتتەۋ جۇرگىزىلەدى، زەينەتكە شىققان ادامنىڭ 2021 – جىلى 12 – ايداعى نەگىزدىك زەينەتاقىسىنىڭ %1.6 ى بويىنشا رەتتەلەدى.
ۇيلەسىمدى تۇردە بەيىمدەلۋ: باستىسى ءۇش توپتاعى ادامدارعا قامقورلىق جاسالادى. بىرىنشىدەن، زەينەتكە شىققان قارتتارعا بەيىمدەلەدى. 2021 – جىلى 12 – ايدىڭ 31 – كۇنىنەن بۇرىن جاسى 70 جاستان 74 جاسقا دەيىنگى ارالىقتا بولعان زەينەتكەرلەردىڭ اربىرەۋىنە اي سايىن 10 يۋان قوسىلادى؛ 75 جاستان 79 جاسقا دەيىنگىلەردىڭ اربىرەۋىنە اي سايىن 15 يۋان قوسىلادى؛ 80 جاستاعىلار مەن ودان جوعارعىلاردىڭ اربىرىنە اي سايىن 35 يۋان قوسىلادى. ەكىنشىدەن، جاپالى، شەكارا ءوڭىر فاكتورى ويلاستىرىلىپ، وسىعان ساي بەيىمدەلەدى. ەكىنشى تۇردەگى وڭىرلەردە ءاربىر زەينەتكەرگە اي سايىن 10 يۋان قوسىلادى؛ ءۇشىنشى، ءتورتىنشى تۇردەگى وڭىرلەردە ءار زەينەتكەرگە اي سايىن 15 يۋان قوسىلادى؛ بەسىنشى، التىنشى تۇردەگى وڭىرلەردە ءار زەينەتكەرگە اي سايىن 35 يۋان قوسىلادى. ۇشىنشىدەن، كاسىپورىنداردان زەينەتكە شىققانداردىڭ اراسىنداعى بۇرىن ارميادان كاسىپ اۋىستىرعان كادرلاردىڭ نەگىزدىك زەينەتاقىسىنا رەتتەۋ جۇرگىزىلگەن سوڭ، زەينەتاقىسىنىڭ اي سايىنعى ورەسى 2022 – جىلى رەتتەۋ جۇرگىزىلگەننەن كەيىنگى اۆتونوميالى رايونداعى كاسىپورىنداردان زەينەتكە شىققانداردىڭ زەينەتاقىسىنىڭ ايلىق ورتاشا ورەسىنەن تومەن بولسا، ورتاشا ورە بويىنشا ەسەپتەپ تاراتىلادى.
قىزمەتكە جاسالعان ورنالاستىرۋعا ساي، زەينەتكە شىققانداردىڭ زەينەتاقىسىنىڭ بيىل رەتتەلگەن بولەگى 7 – ايدىڭ سوڭىنان بۇرىن تاراتىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
