ەلىمىزدە تىزە بۋىنىنىڭ قابىنۋىنا شالدىعۋ مولشەرى شامامەن %8! اعات تۇسىنىكتەن ساقتانىپ، عىلىمي تۇردە ساقتانۋ – ەمدەلۋ وتە ماڭىزدى
2022.07.26 16:03 كەلۋ قاينارى : حالىق تورابى
جۇرت ۇنەمى «قارتايۋ اياقتان باستالادى» دەگەندى ءجيى ايتادى، ادامنىڭ قوس اياعى بۇكىل دەنەنىڭ سالماعىن كوتەرىپ تۇرادى، قوس اياقتىڭ السىرەگەنىنىڭ ەڭ كورنەكتى بەينەسى — تىزە بۋىنىنىڭ قاۋساعانىنان بايقالادى. ەلىمىزدە تىزە بۋىنىنىڭ قابىنۋىنا شالدىعۋ مولشەرى %8، مۇنىڭ ىشىندە، 75 جاستان اسقان قارتتاردىڭ وسى اۋرۋعا شالدىعۋ مولشەرى %80 كە جەتەدى.
75 جاستان اسقان قارتتاردىڭ تىزە بۋىنىنىڭ قابىنۋىنا شالدىعۋ مولشەرى %80 كە جەتەدى
استانا مەديتسينا داشۋەسىنىڭ قاراماعىنداعى بەيجيڭ ساۋىقتىرۋ ەمحاناسى سۇيەك اۋرۋلارى امبۋلاتورياسىنا كەلىپ ەمدەلىپ جۇرگەن ناۋقاستاردىڭ شامەمەن %60 ىنىڭ تىزە بۋىنى قابىنعان.
تىزە بۋىنى — ادام دەنەسىندەگى ەڭ ۇلكەن، ەڭ كۇردەلى بۋىن، ءتۇزۋ جەردە جۇرگەندە، قاباتقا شىعىپ – تۇسكەندە جانە تىزەرلەپ وتىرعاندا، باستىسى، تىزە بۋىنى رول اتقارادى. تىزە بۋىنىنىڭ اۋىرعانى بايقالاتىن ۋاقىت ادەتتە باسقا بۋىندارمەن سالىستىرعاندا ەرتە بولادى.
استانا مەديتسينا داشۋەسىنىڭ قاراماعىنداعى بەيجيڭ ساۋىقتىرۋ ەمحاناسى سۇيەك اۋرۋلارى 2 – ءبولىمىنىڭ مەڭگەرۋشىسى سۇن فىڭلۇڭ: تىزە بۋىنى ەڭ ورنىقتى بولۋمەن بىرگە، ەڭ يكەمدى بۋىن، سوندىقتان بۇل بۋىن ەڭ الدىمەن قۇرىلىم جاعىنان وتە كۇردەلى. ەندەشە، وسىنداي كۇردەلى ورگاندا ۇنەمى كوپتەگەن ماسەلەلەر وڭاي تۋىلادى، ەڭ كوپ بايقالاتىنى، بىرىنشىدەن، ارەكەتتەنۋ بارىسىندا تۋىلاتىن جاراقاتتار، ەكىنشىدەن، ورتا جاستاعىلار مەن قارتتار جونىنەن ايتقاندا، تىزە بۋىنىنىڭ بىرتىندەپ ناشارلاۋ بارىسى شەمىرشەكتىڭ ازعىنداۋ بارىسى بولىپ سانالادى، بۋىننىڭ قابىنۋى دا وسىنداي بارىستا بايقالادى.
تىزە بۋىنىنىڭ قابىنۋىنىڭ اۋرۋ بەلگىلەرى بۋىننىڭ اۋرۋى، بۋىن ارەكەتىنىڭ شەكتەمەگە ۇشىراۋى، بۋىن ءپىشىنىنىڭ وزگەرۋى، بۋىننىڭ ءىسىنۋى، بۇلشىق ەتتىڭ سولۋى قاتارلىلاردى قامتيدى. 65 جاستان اسقانداردىڭ شالدىعۋ مولشەرى شامامەن %50 بولادى، 75 جاستان اسقانداردىڭ شالدىعۋ مولشەرى وتە جوعارى بولىپ، %80 كە جەتەدى. تىزە بۋىنىنىڭ قابىنۋى جەڭىلدەۋ بولعانداردىڭ اراسىندا، ەرلەر مەن ايەلدەردىڭ شالدىعۋ مولشەرىندە كورنەكتى پارىق بولمايدى؛ 60 جاستان اسقان، تىزە بۋىنىنىڭ قابىنۋى سالماقتى بولعان قارتتاردىڭ اراسىندا ايەلدەردىڭ وسى ناۋقاسقا شالدىعۋ مولشەرى ەرلەردەن جوعارى بولادى.
جاڭساق تۇسىنىكتەن اۋلاق بولىپ، تىزە بۋىنىنىڭ قابىنۋىنان عىلىمي تۇردە ساقتانۋ جانە ەمدەتۋ كەرەك
شيپاگەردىڭ تانىستىرۋىنشا، قازىر تىزە بۋىنىنىڭ قابىنۋىنا شالدىققانداردا ءىشىنارا جاڭساق تۇسىنىكتەر ورىن تەبۋدە، مىسالى، ەمدەلۋ مولشەرى جوعارى بولماۋ، دارىگەردىڭ ايتقانى بويىنشا ىستەۋ دەڭگەيى ءبىرشاما تومەن بولۋ قاتارلىلار، ەندەشە، كۇندەلىكتى تۇرمىستا تىزە بۋىنىنىڭ قابىنۋىنان قالاي ساقتانۋعا، ونى قالاي ەمدەتۋگە جانە تىزەنى قالاي قورعاۋعا بولادى؟
كەيبىر ناۋقاستار تىزە بۋىنىنىڭ قابىنۋى ەلەۋسىز سىرقات دەپ قاراپ، دەر كەزىندە ەمدەلمەيدى، وسىنىڭ سالدارىنان اۋرۋ بارعان سايىن اسقىنادى.
استانا مەديتسينا داشۋەسىنىڭ قاراماعىنداعى بەيجيڭ ساۋىقتىرۋ ەمحاناسى سۇيەك اۋرۋلارى 2 – ءبولىمىنىڭ مەڭگەرۋشىسى سۇن فىڭلۇڭ بىلاي دەدى: ورتا جاستاعىلار مەن قارتتاردىڭ كوبى ادام الدىمەن اياقتان قارتايادى دەپ قارايدى، 50 – 60 جاسقا كەلگەن سوڭ بۋىن ءسوزسىز ناشارلايدى، بۇل قالىپتى قۇبىلىس، ءبىراز ءدارى ىشسە بولدى دەپ ويلاپ، شيپاگەرگە بارىپ ەمدەلمەيدى.
شيپاگەر مىنانى ەسكەرتەدى: قازىر كلينيكالىق سالادا تىزە بۋىنى قابىنعان ناۋقاستاردىڭ سىرقاتىن قايتادان قالپىنا كەلتىرەتىن ءدارى جوق. تەك بۋىن شەمىرشەگى قالپىنا كەلمەسە، بۋىننىڭ اۋرۋى قايتالاي تۋىلادى، اۋرۋ جاعدايى ونان ارى اسقىنادى. مامانداردىڭ ايتۋىنشا، ارەكەتتەنۋ ءتاسىلى دۇرىس بولماسا، بۋىننىڭ ۇيكەلىسى مەن جۇگىن ارتتىرىپ، بۋىن قابىنۋىن اسقىندىرادى.
استانا مەديتسينالىق داشۋەسىنىڭ قاراماعىنداعى بەيجيڭ ساۋىقتىرۋ ەمحاناسى سۇيەك اۋرۋلارى 2 – ءبولىمىنىڭ مەڭگەرۋشىسى سۇن فىڭلان بىلاي دەيدى: بىرىنشىدەن، تاۋعا شىعۋ، ەكىنشىدەن، ءبي بيلەۋ، ۇشىنشىدەن، جۇدىرىقشىلىق. وسى ءۇش ءتۇرلى ارەكەت بارىسىندا تىزە بۋىنى ۇنەمى جارتىلاي يىلگەن كۇيدە بولاتىندىقتان، توبىق بۋىنى زاقىمدالادى، مۇنان سىرت، بۇكىل بۋىننىڭ ىشكى جاعى مەن سىرتقى جاعىنىڭ زاقىمدالۋى ەرەكشە زور بولادى، وتە – موتە، شەمىرشەك وتە وڭاي زاقىمدالادى.
سەيىلدەۋ، سۋدا ءجۇزۋ، ۆەلوسيپەت ءمىنۋ قاتارلى ۇيلەسىمدى مولشەردەگى وتتەكتى جاتتىعۋلار بۋىن قىزمەتىن ساقتاۋعا ءتيىمدى، تىزە بۋىنى جەڭىل دارەجەدە قابىنعان ناۋقاستار اياق بۇلشىق ەتىن جاتتىقتىرعانى ءجون.
استانا مەديتسينا داشۋەسىنىڭ قاراماعىنداعى بەيجيڭ ساۋىقتىرۋ ەمحاناسى سۇيەك اۋرۋلارى 2 – ءبولىمىنىڭ مەڭگەرۋشىسى سۇن فىڭلۇڭ بىلاي دەدى: مىسالى، سان بۇلشىق ەتىنىڭ كۇشىن جاتتىقتىرۋ كەرەك، مۇندا ءۇش باستى بۇلشىق ەتتى جاتتىقتىرۋ قامتىلادى، اتاپ ايتقاندا، اياقتىڭ ارتقى بولىمىندەگى بۇلشىق ەتتەردى جاتتىقتىرۋ تۇتاس تىزە بۋىنىنىڭ ورنىقتىلىعىن ساقتاۋدا توتەنشە ماڭىزدى رول اتقارادى. تىزە بۋىنىنىڭ قابىنۋى ورتاشا دارەجەدەگى ناۋقاستاردىڭ دەنەسىنىڭ بەلگىلى ءبولىمىنىڭ زاقىمدالۋى ءبىرشاما اۋىر بولسا، تىزەنى قورعاۋ تەحنيكاسىنىڭ ەمدەۋ امالى بويىنشا ەمدەپ، ناۋقاستىڭ اۋىرسىنۋىن باسەڭدەتۋگە، ناۋقاستىڭ ارەكەت قۋاتى مەن تۇرمىس ساپاسىن جاقسارتۋعا بولادى. ەگەر بۋىن قابىنۋى اۋىر دارەجەگە جەتكەن بولسا، بۋىندى اۋىستىرۋدىڭ ءونىمى دە وتە كورنەكتى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
