پارتيانىڭ 18 - قۇرىلتايىنان بەرى بۇكىل ەلدەگى قوعام حاۋىپسىزدىگى ورگاندارى قوعامدىق جونگە سالۋدىڭ قوعامدانۋ، زەردەلىلەنۋ، زاڭمەن جونگە سالىنۋ، ارنايىلانۋ دەڭگەيىن كۇش سالا جوعارىلاتتى –
اناعۇرلىم جوعارى دەڭگەيدەگى تىنىش جۇڭگو قۇرىلىسى ىلگەرىلەتىلدى (جۇڭگونىڭ وسى 10 جىلى جەلىلەس تاقىرىپتىق حابارلارى)
«حالىق گازەتىنىڭ» ءتىلشىسى جاڭ تيانپەي
2022.07.26 16:40 كەلۋ قاينارى : حالىق تورابى
ج ك پ ورتالىق كوميتەتىنىڭ ۇگىت ءبولىمى 7 - ايدىڭ 25 - كۇنى «جۇڭگونىڭ وسى 10 جىلى» اتىنداعى جەلىلەس تاقىرىپتىق اقپار جاريالاۋ ءماجىلىسىن اشتى. قوعام حاۋىپسىزدىگى مينيسترلىگى پارتكومىنىڭ مۇشەسى سۇن ماۋلي مەن قوعام حاۋىپسىزدىگى مينيسترلىگى كادرلار - جاتتىعۋ مەكەمەسىنىڭ باستىعى ۋ دىچيڭ، اماندىق باسقارۋ مەكەمەسىنىڭ باستىعى چيۋ باۋلي، قىلمىستىق ىستەردى بارلاۋ مەكەمەسىنىڭ باستىعى ليۋ جۇڭ - ي، ينتەرنەت حاۋىپسىزدىگىن قورعاۋ مەكەمەسىنىڭ باستىعى ۋاڭ يىڭ - ۋەي، قاتىناس باسقارۋ مەكەمەسىنىڭ باستىعى لي جياڭپيڭ قوعام حاۋىپسىزدىگى ورگانىنىڭ اناعۇرلىم جوعارى دەڭگەيدەگى تىنىش جۇڭگو قۇرىلىسىن ىلگەرىلەتۋ ناتيجەسىن تانىستىردى ءارى تىلشىلەردىڭ سۇراۋىنا جاۋاپ بەردى.
«پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى قوعام حاۋىپسىزدىگى ورگاندارى تىنىش جۇڭگو قۇرىلىسىن ىشكەرىلەي ىلگەرىلەتىپ، قوعامدىق جونگە سالۋدىڭ قوعامدانۋ، زەردەلىلەنۋ، زاڭمەن جونگە سالۋ، ارنايىلانۋ دەڭگەيىن كۇش سالا جوعارىلاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى» دەپ تانىستىردى سۇن ماۋلي.
ۇعىسۋعا قاراعاندا، ەلىمىز بۇقاراسىنىڭ حاۋىپسىزدىك سەزىمى 2012 - جىلعى %87.55 تەن 2021 - جىلى %98.62 كە كوتەرىلگەن، حالىقارالىق قوعام جاپپاي جۇڭگونى دۇنيە جۇزىندەگى ەڭ حاۋىپسىز ەلدەردىڭ ءبىرى دەپ قاراعان.
ساياسي حاۋىپسىزدىكتى، قوعام تىنىشتىعىن قورعادى
پارتيانىڭ 18 - قۇرىلتايىنان بەرى بۇكىل ەلدەگى قوعام حاۋىپسىزدىگى ورگاندارى ساياسي حاۋىپسىزدىككە ىقپال جاسايتىن كورنەكتى حاۋىپ - قاتەردى قاداعالاپ، شەكارا ءىشى - سىرتىنداعى جاۋ كۇشتەردىڭ ءسىڭىپ كىرۋ، اۋدارۋ، ءبۇلدىرۋ ارەكەتتەرىنەن قاتاڭ ساقتانىپ، قاتاڭ سوققى بەرىپ، شياڭگاڭ، اۋمىن رايوندارىنىڭ حاۋىپسىزدىگىن، ورنىقتىلىعىن باتىل قورعاپ، لاڭكەستىككە، بولشەكتەۋشىلىككە قارسى تۇرۋ كۇرەسىن تەرەڭدەتتى، بۇكىل ەل بويىنشا ءۇرتىس 5 جىلدان استام ۋاقىت بويى زورلىقتى كۇش لاڭكەستىك دەلوسى تۋىلمادى.
اماندىق قۇرىلىسىنىڭ نەگىزگى قوسىندىق رولىن تولىق ساۋلەلەندىردى. بۇكىل ەلدەگى قوعام حاۋىپسىزدىگى ورگاندارى كەلەلى ەكونوميكالىق، فينانستىق حاۋىپ - قاتەردى قاداعالاپ، «چاڭجياڭ وزەنىن جاپپاي قورعاۋ» سياقتى قىزمەتتەردى ىشكەرىلەي ىلگەرىلەتىپ، مەملەكەتتىڭ بيولوگيالىق، ەكولوگيالىق حاۋىپسىزدىگىن قورعاپ، جاڭا جۇڭگو قۇرىلعانىنىڭ 70 جىلدىعى، پارتيا قۇرىلعانىنىڭ 100 جىلدىعى، بەيجيڭ قىسقى وليمپيادا سپورت جارىسى، قىسقى مۇگەدەكتەر وليمپيا سپورت جارىسى سياقتى كەلەلى حاۋىپسىزدىكتى قورعاۋ مىندەتتەرىن تابىسپەن ورىندادى.
سۇرقيا كۇشتەردى الاستاۋ كۇرەسىن ۇدايىلاندىرىپ ورىستەتتى. 2018 - جىلدان بەرى بۇكىل ەلدەگى قوعام حاۋىپسىزدىگى ورگاندارى 16 مىڭ 600 قارا، سۇرقيا كۇش ۇيىمدىق توبىن تالقاندادى. قارا كۇشتەردى الاستاۋ، سۇرقيا كۇشتەردى جويۋ ۇدايىلاندىرىپ ورىستەتىلگەننەن بەرى قوعام حاۋىپسىزدىگى ورگاندارى «قىستاق زورەكەرلەرى»، «قۇم - شاعىل زورەكەرلەرى»، «كەن زورەكەرلەرى» سياقتى ءداستۇرلى سالالارداعى قارا، سۇرقيا كۇشتەرگە زاڭ بويىنشا سوققى بەرىپ، «شىرعالى قارىز»، «جالاڭاش اڭگىمەلەسۋ» سياقتى ينتەرنەتتەن پايدالانىپ جۇرگىزىلگەن قارا، سۇرقيا قىلمىستىق ارەكەتتەردى زاڭ بويىنشا قاتاڭ جازالاپ، قارا كۇشتەرگە ساياتىن 249 ۇيىمدى، ءبىر مىڭ 486 سۇرقيا كۇش قىلمىستىق توبىن تالقانداپ، 22 مىڭ قىلمىس كۇدىكتىسىن قولعا الىپ، ارناۋلى كۇرەستىڭ جەتىستىكتەرىن پارمەندى بەكەمدەدى.
بۇقارانىڭ اڭىسى كۇشتى بولعان زاڭعا قايشى كورنەكتى قىلمىستارعا زاڭ بويىنشا قاتاڭ سوققى بەردى. قوعام حاۋىپسىزدىگى ورگاندارى «سارى الاپات، قۇمار ويناۋ، ەسىرتكى تۇتىنۋ»، «ۇرلاۋ، توناۋ، الداپ الۋ»، «ازىق - تۇلىك، ءدارى - دارمەك ساقيناسى» سياقتى كوپ تۋىلاتىن دەلولار مەن ايەلدەردى، بالالاردى الداپ ساتۋ سياقتى زاڭعا قايشى قىلمىستارعا نازار اۋدارىپ، ءىرى دەلولاردى ءتىپتى دە تەز، شاعىن دەلولاردى ءتىپتى دە كوپ تالقاندادى. «بيىل 3 - ايدا قوعام حاۋىپسىزدىگى مينيسترلىگى قاتىستى تاراۋلارمەن بىرگە بۇكىل ەل كولەمىندە ءبىر جىلدىق ايەلدەر مەن بالالاردى الداپ ساتۋ قىلمىسىنا سوققى بەرۋ ارناۋلى قيمىلىن ورىستەتتى. قازىرگە دەيىن 906 ايەلدەر مەن بالالاردى الداپ ساتۋ دەلوسى اشكەرەلەنىپ، بۇرىنعى جىلدارى ايەلدەر مەن بالالاردان الداپ ساتىلعان ءبىر مىڭ 198 ادام تابىلىپ، ءبىر مىڭ 69 قىلمىس كۇدىكتىسى قولعا الىندى» دەدى ليۋ جۇڭ - ي.
توراپ حاۋىپسىزدىگىن باقىلاۋ - باسقارۋدى زاڭ بويىنشا ورىستەتىپ، شەشۋشى ينفورماتسيا نەگىزدىك قۇرىلعىلارىنىڭ، ماڭىزدى توراپتاردىڭ جانە ساندى مالىمەتتەردىڭ حاۋىپسىزدىگىن شىنايى قامتاماسىزداندىردى. پارتيانىڭ 18 - قۇرىلتايىنان بەرى بۇكىل ەل بويىنشا 100 مىڭ ادام - رەت ساقشى كۇشىن شىعارىپ، 100 مىڭعا جۋىق ورىنعا، 300 مىڭنان استام ينفورماتسيا جۇيەسىنە باقىلاۋ - تەكسەرۋ جۇرگىزىپ، ينتەرنەت حاۋىپسىزدىگى مەن ساندى مالىمەت حاۋىپسىزدىگى حاۋىپ - قاتەرىنەن 2 ميلليون 200 مىڭنان استام كومەسكى قاتەردى بايقادى جانە جويدى.
تانىستىرۋعا قاراعاندا، 2021 - جىلى ەلىمىزدەگى 8 ءتۇرلى نەگىزگى قىلمىستىق ىستەر قىلمىسىنىڭ دەلو تۇرعىزۋ سانى 2012 - جىلداعىدان %64.4 تومەندەپ، بۇكىل ەل بويىنشا وسى مەزگىلدە تۋىلعان ءولىم دەلوسىنداعى دەلو اشۋ شاماسى %99 كە جەتتى. ەلىمىز ۇزاق ۋاقىتتان بەرى دۇنيە جۇزىندەگى ءولىم دەلوسىنىڭ تۋىلۋ شاماسى ەڭ تومەن ەلدەر قاتارىندا بولىپ كەلدى.
قوعامدى جونگە سالۋدى كەمەلدەندىرىپ، حالىقتىڭ تىنىشتىعىن قامتاماسىزداندىردى
«2018 - جىلدان بەرى قوعام حاۋىپسىزدىگى مينيسترلىگى بۇكىل ەلدەگى قوعام حاۋىپسىزدىگى ورگاندارىن ءۇرتىس 5 جىل ۇيىمداستىرىپ، ‹ينتەرنەتتى تازارتۋ› ارناۋلى قيمىلىن ورىستەتىپ، ازاماتتاردىڭ جەكە ينفورماتسياسىنا شابۋىل جاساۋ، حاككەرلەردىڭ شابۋىلداپ ءبۇلدىرۋى، ينتەرنەتتەگى زاڭسىز ونىمدەر، ينتەرنەتتەگى قۇمار ويناۋ، ينتەرنەتتەگى بادىك مازمۇندار، ينتەرنەتتەگى جالعان ينفورماتسيا سياقتى ينتەرنەت ءتارتىبى مەن حالىقتىڭ ۇقىق - مۇددەسىنە اۋىر زالال جەتكىزەتىن زاڭعا قايشى قىلمىستىق ارەكەتتەرگە قاراتا اۋىر سوققى بەرىپ، دەلونى تالقانداپ، توپتاردى الاستادى» ۋاڭ يىڭۋە بىلاي دەپ تانىستىردى: ارناۋلى ارەكەت جۇرگىزىلگەننەن بەرى ءار تۇردەگى 255 مىڭ قىلمىس دەلوسى بارلاپ انىقتالىپ، 385 مىڭ قىلمىس كۇدىكتىسى قولعا ءتۇسىرىلدى.
پارتيانىڭ 18 - قۇرىلتايىنان بەرى بۇكىل ەلدەگى قوعام حاۋىپسىزدىگى ورگاندارى شىرعالاڭنان ساقتانۋدى، حاۋىپسىزدىككە كەپىلدىك ەتۋدى، ىركىلىسسىزدىكتى ساقتاۋدى مىقتاپ ارقاۋ ەتىپ، بۇكىل ەلدىڭ جول قاتىناس حاۋىپسىزدىگى جاعدايىنىڭ ۇزدىكسىز ورنىقتى بولۋىنا، جاقسارۋىنا بار كۇشپەن كەپىلدىك ەتتى. اۋىر قاتىناس شىرعالاڭىنىڭ سانى 2012 - جىلعى 25 تەن 2021 - جىلى 4 كە تومەندەپ، ءۇرتىس 33 اي ەرەكشە اۋىر قاتىناس شىرعالاڭى تۋىلمادى، ءبىر رەتتە 3 تەن ارتىق ادام قازا بولعان ءبىرشاما اۋىر شىرعالاڭ سانىنىڭ تومەندەۋ مولشەرى %59.3 كە جەتتى.
اراق ءىشىپ اۆتوموبيل جۇرگىزۋدى ۇزدىكسىز قاتاڭ جونگە سالدى. «اراق ءىشىپ اۆتوموبيل جۇرگىزۋ قىلمىس قاتارىنا قوسىلعاننان بەرى اراق ءىشىپ اۆتوموبيل جۇرگىزۋ مولشەرى كورنەكتى تومەندەدى، اراق ءىشىپ كولىك جۇرگىزۋدەن تۋىلعان جارالانۋ، ءولۋ شىرعالاڭى كوپ مولشەردە ازايدى، ‹اراق ىشكەن سوڭ كولىك جۇرگىزبەۋ› كەڭ كولەمدى قوعامدىق ورتاق تانىمعا اينالدى. قازىر زاڭ اتقارۋ بارىسىندا ءار 100 اۆتوموبيلدە اراق ءىشىپ اۆتوموبيل جۇرگىزۋ سالىستىرماسى اراق ءىشىپ اۆتوموبيل جۇرگىزۋ قىلمىس قاتارىنا قوسىلۋدىڭ الدىنداعىدان %70 تەن استام ازايدى» دەپ تانىستىردى لي جياڭپيڭ.
قوعام اماندىعىن ساقتاۋ، الدىن الۋ، تىزگىندەۋ جۇيەسى بىرتىندەپ كەمەلدەندى. بۇكىل ەل بويىنشا 21 مىڭ كوشە ساقشى پۋنكتى، 136 مىڭ الەۋمەتتىك اۋماق ساقشى كەڭسەسى، 5 مىڭ 26 زەردەلى قوعام حاۋىپسىزدىگى تەكسەرۋ پۋنكتى قۇرىلىپ، 256 مىڭ زەردەلى حاۋىپسىزدىك قورعانىس الەۋمەتتىك اۋماعى قۇرىلدى. 2021 - جىلى مەملەكەت بويىنشا تارتىپ الۋ، توناۋ دەلوسى مەن ۇرلىق دەلوسى 2012 - جىلداعىمەن سالىستىرعاندا جەكە - جەكە %96.1، %62.6 تومەندەدى، 218 مىڭ شاعىن رايوندا «بىردە - ءبىر دەلو تۋىلماۋ» جۇزەگە استى.
جاڭا داۋىردەگى «فىڭچياۋ تاجىريبەسىندە» تاباندى بولىپ جانە ونى دامىتىپ، قايشىلىقتار مەن داۋ - شاردى ىشكەرىلەي شەشتى. چيۋ باۋلي بىلاي دەپ تانىستىردى: جەر - جەردەگى ساقشى بولىمشەلەرى مالىمدەۋدى قابىلداپ ءبىر جاقتى ەتۋمەن، دەلولاردى تەكسەرىپ ءبىر جاقتى ەتۋمەن، الەۋمەتتىك اۋماقتا تۇرۋمەن ۇشتاستىرىپ، قايشىلىقتار مەن داۋ - شاردى ەرتە بايقاۋدى، جاپپاي كيلىگۋدى، ۇنەمى رەتتەپ ءبىر جاقتى ەتۋدى قۇلشىنا ىسكە اسىردى. ساناققا قاراعاندا، 2021 - جىلى بۇكىل ەلدەگى قوعام حاۋىپسىزدىگى ساقشى بولىمشەلەرى 6 ميلليون 50 مىڭ قايشىلىق پەن داۋ - شاردى تەكسەرىپ شەشىپ، 3 ميلليون 880 مىڭ كومەسكى حاۋىپ - قاتەردى جويعان.
ساقشىلىق ىستەرى رەفورماسىن تەرەڭدەتىپ، زاڭ اتقارۋدى ارناعا ءتۇسىرۋدى ىلگەرىلەتتى
پارتيانىڭ 18 - قۇرىلتايىنان بەرى بۇكىل ەلدەگى قوعام حاۋىپسىزدىگى ورگاندارى ساقشى ىستەرى ءتۇزىلىس، مەحانيزمى رەفورماسىن تەرەڭدەتۋدى تىنىش جۇڭگو قۇرىلىسىنىڭ ماڭىزدى قوزعاۋشى كۇشى ەتتى. «قوعام حاۋىپسىزدىگى رەفورماسىندا تاريحي وزگەرىس، جۇيەلى قايتا سومداۋ، تۇتاس تۇلعالىق سيپاتتا قايتا قۇرىلىمداۋ جۇزەگە اسىرىلىپ، مەملەكەتتىڭ ساياسي حاۋىپسىزدىگى مەن قوعام ورنىقتىلىعىن قورعاۋ ونىمدىلىگى ونان ارى جوعارىلاپ، جاڭا داۋىردەگى بورىش - مىندەتتى ادالدىقپەن اتقارۋعا پارمەندى كەپىل ازىرلەندى» دەدى سۇن ماۋلي.
وتكەن 10 جىلدا بۇكىل ەلدەگى قوعام حاۋىپسىزدىگى ورگاندارى نازاردى زاڭمەن جونگە سالىناتىن قوعام حاۋىپسىزدىگى قۇرىلىسى نىساناسىنا شوعىرلاندىرىپ، زاڭ اتقارۋدى ارناعا ءتۇسىرۋ قۇرىلىسىن ۇزدىكسىز تەرەڭدەتىپ، ءادىل، وركەنيەتتى، جۇيەلى زاڭ اتقارۋدى ىلگەرىلەتتى.
زاڭ اتقارۋ ءتۇزىم جۇيەسى اناعۇرلىم كەمەلدەنىپ، زاڭ اتقارۋدى باقىلاۋ - باسقارۋ اناعۇرلىم جۇيەلى، قاتاڭ بولدى. پارتيانىڭ 18 - قۇرىلتايىنان بەرى قوعام حاۋىپسىزدىگى ورگاندارى زاڭ اتقارۋ ولشەمىن ۇزدىكسىز كەمەلدەندىرىپ، زاڭ اتقارۋ ءتارتىبىن ارناعا ءتۇسىرىپ، قوعام حاۋىپسىزدىگى ورگاندارىنىڭ قىلمىستىق ىستەر دەلولارىن، اكىمشىلىك دەلولاردى ءبىر جاقتى ەتۋ ءتارتىپ - بەلگىلەمەلەرىنە وزگەرىس ەنگىزىپ جانە ونى كەمەلدەندىرىپ، قوعام حاۋىپسىزدىگى ورگاندارىنىڭ زاڭ اتقارۋ ەرەجەسىن، ناق مايداندا زاڭ اتقارۋ جەتەكشىلىگىن جاساپ، نەگىزگى ساتىنىڭ زاڭ اتقارۋ، دەلو باسقارۋ ىستەرىن ايقىن، ناقتى اتقارۋ ولشەمى مەن ەرەجەسىن ازىرلەپ، زاڭ اتقارۋداعى ەركىنسۋشىلىكتى بارىنشا تومەندەتتى.
سونىمەن بىرگە، قوعام حاۋىپسىزدىگى ورگاندارى دەلو تۇرعىزۋ رەفورماسىن تەرەڭدەتىپ، قوعام حاۋىپسىزدىگى ورگاندارىنىڭ زاڭ - ءتۇزىم تاراۋلارى قىلمىستىق ىستەر دەلولارىنىڭ ءتۇيىندى زاڭ اتقارۋ بۋىندارىنا ءبىر تۇتاس تەكسەرۋ جۇرگىزىپ، پروكۋراتۋرا ورگاندارىمەن ءبىر تۇتاس ۇشتاسۋدى ىلگەرىلەتتى. ساقشى بولىمشەسى سياقتى نەگىزگى ساتى زاڭ اتقارۋورىندارىندا زاڭ - ءتۇزىم قىزمەتكەرى ءتۇزىمىن اتقارىپ، زاڭ اتقارۋ، دەلو ىستەۋ ساپاسىن باسقارۋ - مەڭگەرۋدى كۇشەيتتى.
زاڭ اتقارۋعا قىزمەت وتەۋدى قامتاماسىز ەتۋ اناعۇرلىم زەردەلى، جوعارى ءونىمدى بولدى. قوعام حاۋىپسىزدىگى ورگاندارى ساقشى بولىمشەسى سياقتى نەگىزگى ساتى زاڭ اتقارۋ ورىندارىنىڭ دەلو ىستەۋ رايوندارىن ارناعا ءتۇسىرىپ قۇرۋدى جاپپاي ورىنداپ، قالا، اۋدان ەكى دارەجەلى قوعام حاۋىپسىزدىگى ورگاندارىندا ءبىر بەكەتتىك زاڭ اتقارۋ، دەلو ءبىتىرۋ باسقارۋ ورتالىعىن قۇرىپ، زاڭ اتقارۋ، دەلو ءبىتىرۋ، باقىلاۋ، باسقارۋ، قىزمەت وتەۋ، قامتاماسىز ەتۋ ءبىر تۇلعالانعان اينالىم ۇلگىسىن اتقاردى. قازىرگە دەيىن 2 مىڭ 994 زاڭ اتقارۋدى، دەلو ءبىتىرۋدى باسقارۋ ورتالىعى قۇرىلىپ، جوسپاردىڭ ورىندالۋ شاماسى %97.4 كە جەتتى. سونىمەن بىرگە، توراپتا دەلو ءبىتىرۋدى جاپپاي اتقارىپ، ينفورماتسيالانعان تاسىلدەرگە سۇيەنىپ، زاڭ اتقارۋدىڭ جالپى بارىسىن ەستەلىككە الۋ ءتۇزىمىن ورناتىپ جانە كەمەلدەندىرىپ، زاڭ اتقارۋ قيمىلىنىڭ تۇتاس بارىسىندا ءىز – دەرەك بولۋدى جانە قايىرىلا باسقارۋدى جۇزەگە اسىردى.
زاڭ اتقارۋ قۋاتى ورەسى كورنەكتى ونىمدىلىككە قول جەتكىزدى. تاياۋ جىلداردان بەرى قوعام حاۋىپسىزدىگى ورگاندارى سوتسياليستىك زاڭمەن باسقارۋ تانىمى تاربيەسىن كۇشەيتىپ، زاڭ اتقارۋ كۋرستارىن ۇيىمداستىرىپ جانە ورىستەتىپ، زاڭ اتقارۋ تولىمدىلىعى دارەجە ەمتيحانىن جولعا قويىپ، حالىق ساقشىلارىنىڭ زاڭمەن باسقارۋ ساپاسى مەن زاڭ قولدانۋ قابىلەتىن ۇزدىكسىز جوعارىلاتتى.
قازىرگە دەيىن بۇكىل ەلدەگى قوعام حاۋىپسىزدىگى ورگاندارىنداعى قىزمەتتەگى حالىق ساقشىلارىنان شامامەن ءبىر ميلليون 900 مىڭنان استام ادام نەگىزگى دارەجەلى زاڭ اتقارۋ تولىمدىلىعىنا يە بولىپ، 60 مىڭ ادام جوعارى دارەجەلى زاڭ اتقارۋ تولىمدىلىعىنا يە بولدى.
ۋ دىچيڭ بىلاي دەپ تانىستىردى: تاياۋ جىلداردان بەرى قوعام حاۋىپسىزدىگى ورگاندارى ءتۇرلى ساقشى ىستەرى تەحنيكاسى، تاكتيكا كۋرسى، كاسىپتىك تاربيەلەۋ كۋرسى سياقتى 300 مىڭنان استام كەزەك كۋرس اشىپ، قارسىلىق كورسەتۋ سيپاتتى ونەر سالىستىرۋ جارىسى مەن ناقتى سوعىس جاتتىعۋىن 250 مىڭ رەتتەن استام ۇيىمداستىردى. اسىرەسە، 2019 - جىلدان بەرى قوعام حاۋىپسىزدىگى ورگاندارى ناقتى شايقاستىڭ قولدانىلۋ ونىمدىلىگىن كورنەكتىلەندىرىپ، ساقشىلارعا 3 جىلدىق جاتتىعۋ قيمىلىن ۇيىمداستىرىپ ورىستەتىپ، قوعام حاۋىپسىزدىگى قوسىنىنىڭ ساياسي ەكولوگياسىن ونان ارى ساپالىلاندىرىپ، قابىلەت ساپاسىن ونان ارى جوعارىلاتىپ، ءتارتىپ ستيلىن ونان ارى جاقسارتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
