شىلىڭگىر ىستىق جالعاسۋدا، جوعارى تەمپەراتۋرادا جۇمىس ىستەيتىندەرگە بەرىلەتىن قوسىمشا قاراجاتتى قالاي الۋعا بولادى؟
حالىق گازەتىنىڭ ءتىلشىسى لي شينپيڭ
2022.07.22 16:23 كەلۋ قاينارى : حالىق تورابى
قازىر، جىل باسىنان بەرى جوعارى تەمپەراتۋرانىڭ شارپيتىن كولەمى اسا كەڭ بولىپ، ەلىمىزگە ىقپال جاساۋدا. ءۇرتىس جالعاسقان شىلىڭگىر ىستىق پەن اڭىزعاققا ءدوپ كەلگەن ساتتە، بولمە سىرتىندا جۇمىس ىستەيتىندەردىڭ دەنساۋلىعىنىڭ اقاۋسىزدىعى مەن ءومىرىنىڭ حاۋىپسىزدىگىنە قالاي كەپىلدىك ەتۋگە بولادى؟ ولار قانداي قوسىمشا قاراجاتتاردان يگىلىكتەنۋىنە بولادى؟
«ىستىقتان ساقتانىپ، تەمپەراتۋرانى تومەندەتۋ شارالارىن باسقارۋ ادىسىنە» قاراعاندا، جۇمىسشى ىستەتكەن ورىن ەڭبەكشىنى ℃35 تان جوعارى شىلىڭگىر ىستىقتا بولمە سىرتىنداعى اشىق جەردە جۇمىس ىستەۋگە ورنالاستىرسا، سونداي – اق، ءونىمدى شارالاردى قولدانىپ، جۇمىس ىستەپ جاتقان ورىننىڭ اۋا تەمپەراتۋراسىن ℃33 تان تومەن دەڭگەيگە تۇسىرۋگە مۇمكىندىك بولماسا، ەڭبەكشىگە جوعارى تەمپەراتۋرادا جۇمىس ىستەيتىندەرگە بەرىلەتىن قوسىمشا قاراجاتتى بەرۋى ءارى ونى جۇمىس ەڭبەكاقىسىنىڭ جالپى سوماسىنا قوسىپ ەسەپتەۋى كەرەك. جوعارى تەمپەراتۋرادا جۇمىس ىستەيتىندەرگە بەرىلەتىن قوسىمشا قاراجاتتىڭ ناقتى ولشەمىن ءارقايسى ولكە دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى قاتىستى تاراۋلارمەن سەلبەسە وتىرىپ بەلگىلەيدى ءارى ۇيلەسىمدى وزگەرىستەر ەنگىزەدى.
مىسالى، حىنان ولكەسى بيىل 6 – ايدىڭ 1 – كۇنىنەن باستاپ، جوعارى تەمپەراتۋرادا جۇمىس ىستەيتىندەرگە بەرىلەتىن قوسىمشا قاراجاتتىڭ ولشەمىن بۇرىنعى ءبىر ادامعا ءار قىزمەت كۇنىندە 10 يۋاننان قازىر ءبىر ادامعا ءار قىزمەت كۇنىندە 15 يۋانعا رەتتەگەن. گۋاڭدۇڭ ولكەسى جوعارى تەمپەراتۋرادا ىستەيتىندەرگە بەرىلەتىن قوسىمشا قاراجاتتىڭ ولشەمىن ءبىر ادامعا ايىنا 300 يۋان دەپ بەلگىلەگەن؛ بەلگىلەمە ساي، كۇن سانى بويىنشا جوعارى تەمپەراتۋرا قوسىمشا قاراجاتىن بەلگىلەيتىن بولسا، ءار ادامعا كۇنىنە 13.8 يۋان بولادى.
مۇنان سىرت، شىلىڭگىر ىستىقتا جۇمىس ىستەيتىن ەڭبەكشىلەردى قورعاۋ قىزمەتىن ويداعىداي ىستەۋ ءۇشىن، «ىستىقتان ساقتانىپ، تەمپەراتۋرانى تومەندەتۋ شارالارىن باسقارۋ ادىسىندە» بىلاي بەلگىلەنگەن: كۇندىك ەڭ جوعارى اۋا تەمپەراتۋراسى ℃40 تان جوعارى بولسا، سول كۇنى بولمە سىرتىنداعى اشىق جەردە جۇمىس ىستەۋدى توقتاتۋ كەرەك؛ كۇندىك ەڭ جوعارى اۋا تەمپەراتۋراسى ℃37 تان جوعارى، ℃40 تان تومەن بولسا، جۇمىسشى ىستەتۋشى ورىننىڭ ەڭبەكشىنى بولمە سىرتىندا اشىق جەردە جۇمىس ىستەۋگە ورنالاستىرعان ۋاقىتى جيىنى 6 ساعاتتان اسىپ كەتپەۋى كەرەك، ءبىر كۇندەگى ەڭ ىستىق 3 ساعات ىشىندە بولمە سىرتىندا جۇمىس ىستەۋگە ورنالاستىرۋعا بولمايدى. ەڭبەكشىلەر جوعارى تەمپەراتۋرادا جۇمىس ىستەگەندە نەمەسە شىلىڭگىر ىستىقتا جۇمىس ىستەگەندە ىستىق وتسە، كاسىپتىك اۋرۋ دەگەن دياگنوز قويىلعان جاعدايدا، جۇمىس ۇستىندە جارالانۋدان قامسىزداندىرۋ مامىلەسىنەن يگىلىكتەنەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
