مەملەكەتتىك ساياسي كەڭەس «جاڭا داۋىردەگى مەملەكەتتى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارۋ» ارناۋلى كەڭەس ءماجىلىسىن اشتى
ۋاڭ ياڭ ماجىلىسكە قاتىناستى ءارى ءسوز سويلەدى
2022.07.20 15:28 كەلۋ قاينارى : حالىق تورابى
«حالىق گازەتى»، 7 - ايدىڭ 19 - كۇنى، بەيجيڭ (ءتىلشى فىڭ چۇنمەي). مەملەكەتتىك ساياسي كەڭەس 7 - ايدىڭ 19 - كۇنى بەيجيڭدە «جاڭا داۋىردەگى مەملەكەتتى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارۋ» ارناۋلى كەڭەس ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ دارىندىلار قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، ءتۇسىنىپ، ورتالىقتىڭ دارىندىلار قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ءتۇزىلىس، مەحانيزمدى كەمەلدەندىرۋ جانە ساياساتتىق شارالار ارقىلى دارىندىلاردىڭ دامۋىنا تۇساۋ بولاتىن ءپىشىندى كەدەرگىلەردى تالقانداپ، قوعامدىق كوزقاراستان، يدەيالىق تانىمنان باستاپ كىرىسىپ، تەرەڭ قاتپارلى كومەسكى بۇعاۋلاردى الاستاپ، ءتۇرلى دارىندىلار تولاسسىز جارىققا شىعاتىن جاعداي جاراتىپ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن دارىندىلار نەگىزىن بەكەمدەۋ كەرەك.
مەملەكەتتىك ساياسي كەڭەستىڭ 80 گە جۋىق مۇشەسى ماجىلىسكە قاتىناستى، 30 مۇشە، مامان ماجىلىستە ءسوز سويلەدى، 370 نەشە مۇشە مۇشەلەردىڭ مىندەت وتەۋ تۇعىرى مەن كىتاپ وقۋ زەردەلى تۇعىرى ارقىلى پىكىر ايتتى. مۇشەلەر تاياۋ جىلداردان بەرى ەلىمىزدىڭ دارىندىلار ىستەرىنىڭ دامۋ جەتىستىكتەرىنە جوعارى باعا بەرىپ، دارىندىلار قىزمەتىندەگى ءتۇيىندى، قيىن ماسەلەلەر توڭىرەگىندە اقىل - كەڭەس بەردى. كوپشىلىك مىنانى ۇسىنىس ەتتى: جوعارى مەكتەپتەردىڭ نەگىزدىك زەرتتەۋ دارىندىلارىن تاربيەلەۋدەگى نەگىزگى قوسىندىق رولىن اناعۇرلىم ويداعىداي ساۋلەلەندىرىپ، «جوعارى، نازىك، وزىق، كەم» سالالاردى كوزدەپ، پاندەردىڭ ورنالاسۋىن ساپالىلاندىرىپ، جوعارى، ورتا مەكتەپ وقۋ - اعارتۋىنىڭ ۇلاسۋىن، تۇتاسۋىن ىلگەرىلەتىپ، ەڭ ۇزدىك وقۋشىلاردى نەگىزدىك زەرتتەۋگە بەل بايلاۋعا باۋراۋ كەرەك. دارىندىلاردى تاربيەلەۋ، باۋلۋ ۇلگىسىندە جاڭالىق اشىپ، ءوندىرۋ، وقىتۋ، زەرتتەۋ، قولدانۋ جاقتارىنان سەلبەسە ادام تاربيەلەۋدى كۇشەيتىپ، جوعارى مەكتەپتەر مەن كاسىپورىندار سىندى ەكى «دارىندىلاردى جيناۋ كولشىگىن» اشۋ كەرەك. قابىلەتتى، ناقتى ناتيجەنى جانە ۇلەس قوسۋدى باعدار ەتكەن دارىندىلاردى باعالاۋ جۇيەسىن اقاۋسىزداندىرىپ، تۇرلەر بويىنشا باعالاۋدى جولعا قويىپ، باعالاۋ كورسەتكىشىن ساپالىلاندىرىپ، عىلمي ماقالاعا، كاسىپتىك اتاققا، وقۋ ماعلۇماتىنا، سيلىققا اسىلىپ الۋ نىسايىن جويۋ كەرەك. ادام ىستەتۋدەگى نەگىزگى تۇلعانىڭ ءوزىن - ءوزى باسقارۋ ۇقىعىن تياناقتاندىرىپ، عىلمي زەرتتەۋدى باسقارۋدىڭ «جاسىل ارناسى» مەن نىسان قاراجاتىن «كوتەرمەگە الۋ ءتۇزىمىن» تۇيىندە سىناق ەتۋدى كەڭەيتىپ، دارىندىلار بازارى قۇرىلىسىن ىلگەرىلەتىپ، دارىندىلاردىڭ اۋىرتپالىعىن ونان ارى جەڭىلدەتۋ كەرەك. عالىمدار رۋحىن ساۋلەلەندىرىپ، عىلمي زەرتتەۋدىڭ ەتيكا جانە ۇيرەنۋ ستيلى قۇرىلىسىن كۇشەيتىپ، عىلمي زەرتتەۋدىڭ تاماشا ەكولوگيالىق ورتاسىن قالىپتاستىرۋ كەرەك. جاس دارىندىلاردى دامىتۋ ساياساتىن قامتاماسىز ەتۋدى ساپالىلاندىرىپ، عىلمي زەرتتەۋ بايلىعىنىڭ ۇزدىك جاس دارىندىلارعا بەيىمدەلۋىن ىلگەرىلەتىپ، ستاجعا قاراۋ قۇبىلىسىن جەڭۋ كەرەك. دارىندىلاردىڭ حالىقارالىق اۋىس - كۇيىسىن كۇشەيتىپ، ەل ءىشى - سىرتىنداعى تاڭداۋلى دارىندىلاردى شوعىرلاندىراتىن جاڭالىق اشۋ بيىگىن قالىپتاستىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن شي ماجىلىسكە قاتىناستى ءارى ءسوز سويلەدى. ول بىلاي دەپ اتاپ كورسەتتى: پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەلىمىزدىڭ دارىندىلار قىزمەتىندە تاريحي تابىسقا قول جەتكىزىلىپ، تاريحي وزگەرىس تۋىلدى. دارىندىلار − ۇلتتىڭ گۇلدەنۋىن جۇزەگە اسىرىپ، حالىقارالىق باسەكەدە ىرىقتىلىققا قول جەتكىزەتىن ستراتەگيالىق بايلىق، جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرۋدا، سايىپ كەلگەندە، جوعارى دەڭگەيدەگى جاڭالىق اشۋشى دارىندىلارعا سۇيەنۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ورتالىقتىڭ دارىندىلار قىزمەتى ءماجىلىسى ورنالاستىرعان ءتۇرلى مىندەتتەردى قاداعالاپ، مىقتاپ يگەرىپ، جاڭا داۋىردەگى مەملەكەتتى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارىپ، دۇنيە جۇزىندەگى ماڭىزدى دارىندىلار ورتالىعى مەن جاڭالىق اشۋ بيىگىن جەدەل قۇرىپ، مەملەكەتتىڭ ستراتەگيالىق دارىندىلار كۇشىن جەدەل قۇرىپ، دارىندىلاردى دامىتۋ ءتۇزىلىس، مەحانيزمى رەفورماسىن ۇزدىكسىز تەرەڭدەتىپ، دارىندىلاردى جان - جاقتى باۋلىپ، ەنگىزىپ، كادەگە جاراتىپ، سوتسياليستىك وسىزاماندانعان مەملەكەتتى جاپپاي قۇرۋعا دارىندىلار جاعىنان پارمەندى تىرەك ازىرلەۋ كەرەك. پارتيانىڭ دارىندىلار قىزمەتىنە جاپپاي باسشىلىق ەتۋىندە تاباندى بولىپ، دارىندىلاردى ىنتىماقتاستىرۋ، ۇيىستىرۋ، تاربيەلەۋ، جەتەكتەۋ، بايلانىس جاساۋ، قىزمەت وتەۋ قىزمەتىن ويداعىداي ىستەپ، قالىڭ دارىندىلاردى وتانشىلدىق كۇرەس رۋحىن اسقاقتاتۋعا، جاڭا داۋىرگە ەڭبەك ءسىڭىرىپ، ۇلەس قوسۋعا ىنتالاندىرۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى جاڭ چيڭلي تۇستەن بۇرىنعى ءماجىلىستى باسقاردى، ليۋ چيباۋ، ۋان گاڭ، لۋ جانگۇڭ، لي بين، سۋ حۇي، ليۋ شينچىڭ، حى ۋەي ماجىلىسكە قاتىناستى. ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارى مەن ورىندارىنداعى جاۋاپتى جولداستار ماجىلىسكە قاتىناسىپ، پىكىر، ۇسىنىستاردى تىڭداپ، مۇشەلەرمەن كەڭەسىپ، پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
