8000 مىڭنان استام ادامنان 140 ميلليون يۋان اقشانى الداپ العان، تەك ءبىر ادام عانا ساقشىعا مالىمدەگەن
2022.07.19 17:09 كەلۋ قاينارى : حالىق تورابى
جياڭسۋ ولكەسى نانجيڭ قالالىق ساقشى مەكەمەسى جۋىردا دەلوعا قاتىستى قاراجات سوماسى 140 ميلليون يۋان كەلەتىن جاڭا تيپتى ينتەرنەتتىك الدامكوستىك دەلوسىن انىقتاعان. دەلوعا قاتىستى توپ «ەشقانداي شارتسىز دۇكەن اشۋ» دەگەندى شىرعا ەتىپ، كەڭىنەن تور جايىپ، دۇكەن اشۋعا جەتەكشىلىك ەتۋ دەگەن اتپەن «جەتەكشىلىك ەتۋ قاراجاتىن» الداپ الۋمەن اينالىسقان، ءتىپتى زياندالۋشىلارمەن توقتام جاساسقان. ساقشى جاق 2000 نان استام ادامعا ءىشىنارالىق تەكسەرۋ جۇرگىزگەندە، تەك ءبىر ادام عانا بۇل ءىستىڭ الدامكوستىك ەكەنىن تانىپ جەتكەن ءارى ساقشىعا مالىمدەگەن.
نانجيڭ قالالىق قوعام حاۋىپسىزدىگى مەكەمەسى اشكەرەلەگەن ينفورماتسياعا قاراعاندا، بۇل توپ سەرىكتەستىك فورماسىندا تيجارات جۇرگىزىپ، قول استىنا 4 بولىمشە سەرىكتەستىك قۇرعان، سەرىكتەستىكتىڭ ىشكى بولەگىندە ۇگىتتەۋ، ساتۋ، وقىتۋ، تيجارات ەتۋ قاتارلى قىزمەتتەردى اتقاراتىن بولىمدەردى ورنالاستىرعان. دەلوعا قاتىستى توپ «ەشقانداي شارتسىز دۇكەن اشۋ» دەگەن اتپەن ينتەرنەتتىك تەكشەلەردە ۇگىت جۇرگىزىپ، زياندالۋشىلاردى وزدەرىنىڭ توراپتارىندا دۇكەن اشۋعا شىرعالاعان، ونان سوڭ، دۇكەن اشۋعا جەتەكشىلىك ەتۋ دەگەن اتپەن، «جەتەكشىلىك ەتۋ قاراجاتىن» الداپ العان. «ءبىر ادامعا ءبىر جەتەكشى» جاۋاپتى بولاتىن قىزمەت وتەۋ ءتۇرىن كۇمىس، التىن، گاۋھار، ءتاج سىندى 4 دارەجەگە ءبولىپ، 4580 يۋاننان 12880 يۋانعا دەيىنگى ارالىقتا باعا قويعان.
دەلو انىقتالعان سوڭ، قىلمىس كۇماندىلارىنىڭ مويىنداۋىنشا، سەرىكتەستىكتىڭ اتالمىش التىن مەدالدى وقىتۋشىسى تەك ورتالاۋ، تولىق ورتا دەڭگەيىندەگى وقۋ ماعلۇماتىنا يە ەكەن، ولار زياندالۋشىلارعا كورسەتكەن تابىسقا جەتكەندەردىڭ مىسالى دا وتىرىكتەن قۇراستىرىلعان بولىپ شىققان. زياندالۋشىلاردىڭ ينتەرنەت ارقىلى اشقان دۇكەندەرىنىڭ كوبى ەڭ سوڭىندا قايتارىلعان نەمەسە جابىلعان.
نانجيڭ ساقشى جاعىنىڭ تانىستىرۋىنشا، بۇل دەلودا قىلمىس وتكىزۋشىلەردىڭ ءتاسىلى جاسىرىن بولىپ، ءاربىر ءتۇيىن ءبىر – بىرىمەن ۇشتاستىرىلعان، دەلوعا قاتىستى توپ ءتىپتى زياندالۋشىلارمەن قالىپتاسقان فورمادا توقتام جاساسقان. دەلوعا قاتىستى ساۋدا سوماسى 140 ميلليون يۋانعا جەتىپ، ەلىمىزدىڭ جەر – جەرىنەن زياندالعانداردىڭ جالپى سانى 8000 ادامنان اسقان. ساقشى جاق 2000 نەشە ادامعا ءىشىنارالىق تەكسەرۋ جۇرگىزگەندە، تەك ءبىر ادام عانا بۇل ءىستىڭ الدامكوستىك ەكەنىن تانىپ جەتكەن ءارى ساقشىعا مالىمدەگەن.
بيىل 5 – ايدىڭ 12 – كۇنى نانجيڭ ساقشى جاعى 800 نەشە ساقشىنى جۇمىلدىرىپ، بۇل دەلوعا قاتىستى قىلمىستىق توپتى تۇبەگەيلى تالقانداپ، قىلمىس كۇماندىلارىنان 450 نەشە ادامدى قولعا العان. قازىر قىلمىستىق توپتىڭ باستى قىلمىس كۇماندىلارىن تۇتقىنداۋ بۇيرىعى بەكىتىلگەن، دەلو پروكۋراتۋرا تاراۋىنىڭ ءبىرجاقتى ەتۋىنە جوتكەلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
