ۋاڭ ياڭ مەملەكەتتىك ساياسي كەڭەستىڭ ءتوراعالار ءماجىلىسىن باسقارىپ اشتى
8 – ايدىڭ 22 - كۇنىنەن 24 - كۇنىنە دەيىن ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 23 - ءماجىلىسىن اشۋدى ۇيعاردى
2022.07.19 17:12 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 18 - كۇنى، بەيجيڭ. ساياسي كەڭەس مەملەكەتتىك 13 - كەزەكتى كوميتەتىنىڭ 74 - رەتكى ءتوراعالار ءماجىلىسى 7 - ايدىڭ 18 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى.
ءماجىلىس مەملەكەتتىك ساياسي كەڭەس ءتوراعالار ءماجىلىسىنىڭ ساياسي كەڭەس 13 - كەزەكتى كوميتەتىنىڭ 5 - ماجىلىسىنەن بەرگى قىزمەت جاعدايى جونىندەگى بايانداماسىن قاراپ ماقۇلدادى. ۋاڭ ياڭ مىنالاردى اتاپ كورسەتتى: بيىل جىل باسىنان بەرى مەملەكەتتىك ساياسي كەڭەس ىندەتتىڭ ىقپالىن جەڭىپ، ءتۇرلى قىزمەتتەردى تارتىپپەن ىلگەرىلەتىپ، بەلسەندى ونىمدىلىككە قول جەتكىزدى. باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جەتەكشى ەتۋدە تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ قاتىستى ورنالاستىرۋلارىنا، تالاپتارىنا تۋرالانىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جاعدايىنا «قايىرىلا قاراۋ» سياقتى قىزمەتتەردى تىڭعىلىقتى ىستەپ، «جۇڭگو كوممۋنيستىك پارتياسىنىڭ ساياسي كەڭەس قىزمەتى ەرەجەسىن» ۇيرەنۋمەن، دايەكتىلەندىرۋمەن ۇشتاستىرىپ، ىشكەرىلەي تەكسەرۋ - زەرتتەۋ جۇرگىزۋ، زەرتتەۋ - تالقىلاۋ، اۋىس - كۇيىس جاساۋ ارقىلى ۇيرەنۋ ونىمدىلىگىن تەرەڭدەتىپ، تاجىريبەلەردى قورىتىندىلاپ، زاڭدىلىقتى يگەرىپ، مىندەت اتقارۋ امالياتىنا اناعۇرلىم ويداعىداي جەتەكشىلىك ەتىپ، سوڭعى جارتى جىلداعى ساياسي كەڭەس قىزمەتىنىڭ ساپاسىن جوعارىلاتىپ، ونىمدىلىگىن ارتتىرىپ، ورنىقتىلىق بارىسىندا العا باسۋىن ىلگەرىلەتۋ كەرەك. حالىق ساياسي كەڭەسىنىڭ ارناۋلى كەڭەس قۇرىلىمى بولۋ فۋنكتسيالىق ورنىن تياناق ەتىپ، ءتۇرلى كەڭەس قيمىلدارى ارقىلى يدەيالىق - ساياسي جەتەكشىلىكتى كۇشەيتىپ، قوعام نازار اۋدارىپ وتىرعان ماسەلەلەرگە جاۋاپ قايتارىپ، ورتاق تانىمدى كەڭىنەن ۇيىستىرىپ جانە تاراتىپ، ءار سالاداعى قالىڭ بۇقارانى زەيىن - زەردەنى، كۇش - قۋاتتى اناعۇرلىم ويداعىداي شوعىرلاندىرىپ، سەنىمدى بەكەمدەپ، ج ك پ 20 - قۇرىلتايىنىڭ جەڭىسپەن اشىلۋىنا تاماشا ورتا ازىرلەۋگە ىنتىماقتاستىرا باستاۋ كەرەك.
ءماجىلىس ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 23 - ءماجىلىسىنىڭ كەڭەستىك ءتارتىبى (جوبا) مەن كۇن ءتارتىبىن قاراپ ماقۇلداپ، 8 - ايدىڭ 22 - كۇنىنەن 24 - كۇنىنە دەيىن بەيجيڭدە ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 23 - ءماجىلىسىن اشىپ، «جۇمىستاندىرۋدى الدىمەن ويلاستىرۋ ساياساتىن اتقارۋدا تاباندى بولۋ» توڭىرەگىندە ۇكىمەت ءىسىن كەڭەسۋدى ۇيعاردى. ءماجىلىس تاعى ساياسي كەڭەس مەملەكەتتىك كوميتەتىنىڭ جاڭا داۋىردەگى تاريحي ماتەريالدار قىزمەتىن كۇشەيتۋ جانە جاقسارتۋ جونىندەگى پىكىرىن جانە باسقا دا قاتىستى ىستەردى قاراپ ماقۇلدادى.
مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى لي بين قاتارلىلار قاتىستى تاقىرىپتار جونىندە تۇسىنىك جاسادى. مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ليۋ چيباۋ، ۋان گاڭ، لۋ جانگۇڭ، ما بياۋ، چىن شياۋگۋاڭ، باتىر، ۋاڭ يۇڭچيڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
