”تارتىمدى شينجياڭ − بۇعازدىڭ ەكى جاعالاۋىنداعى تىلشىلەردىڭ بىرلەسكەن تىلشىلىك قيمىلى“ تولىق تابىسپەن اياقتادى
2022.07.14 15:46 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لياڭ ليحۋا، ەرىكتى تىلشىلەر شى شۋەحۇڭ، جاي رۋزىڭ، جاڭ حۇڭليڭ 7 - ايدىڭ 12 - كۇنى قاشقاردان حابارلايدى. 9 كۇنگە جالعاسقان ”تارتىمدى شينجياڭ − بۇعازدىڭ ەكى جاعالاۋىنداعى تىلشىلەردىڭ بىرلەسكەن تىلشىلىك قيمىلى“ 7 - ايدىڭ 11 - كۇنى قاشقاردا اياقتادى، بۇعازدىڭ ەكى جاعالاۋىنداعى 27 اقپارات قۇرالىنان كەلگەن 45 ءتىلشى ىلگەرىندى - كەيىندى ءۇرىمجى، ىلە، قاشقار، قىزىلسۋ سياقتى جەرلەرگە بارىپ، شينجياڭنىڭ ەكونوميكالىق دامۋ، ۇلتتار ىنتىماعى، قوعام جاراسىمدىلىعى، ەكولوگيانى قورعاۋ، اۋىل - قىستاقتى گۇلدەندىرۋ، ءار ۇلتتىڭ مادەنيەتىن جالعاستىرۋ جانە دامىتۋ سياقتى جاقتارداعى دامۋىن، وزگەرىسىن جانە قول جەتكىزگەن وراسان زور جەتىستىكتەرىن باسى - قاسىندا سەزىندى.
تىلشىلىك ۇيىرمەسى شينجياڭداعى كەزىندە ىلگەرىندى - كەيىندى شينجياڭ ءىسلام ءدىنى شۋەيۋانى، شينجياڭ حالىقارالىق ۇلكەن بازارى، قاراجون حالىقارالىق ەكولوگيالىق ساياحات اۋماعى، قۇلجا اۋدانى توقىما كاسىپ سالاسى باقشاسى، تەكەس اۋداندىق 1 - ورتا مەكتەپ، قاشقار قالاسىنىڭ كونە قالا اۋماعىن قورعاۋ، كەشەندى جونگە سالۋ ەستەلىك سارايى، قاشقار بايىرعى قالاسى، اقتاۋ اۋدانىنىڭ كۇنلۇن جيايۋانى سياقتى جەرلەرگە بارىپ تىلشىلىك ىستەدى، سونداي - اق ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى.
7 - ايدىڭ 10 - كۇنى قۇربان ايت مەرەكەسى، قاشقار قالاسى ايتكار الاڭىندا ءار ۇلت بۇقاراسى ءان شىرقاپ، بيگە باستى، تىلشىلىك ۇيىرمەسىنىڭ مۇشەلەرى ءار ۇلت بۇقاراسى مەرەكەنى بىرگە وتكىزگەن بەرەكەلى رايدى ءوز كوزدەرىمەن كورىپ، شىنايى سەزىندى. وسىدان سوڭ تىلشىلىك ۇيىرمەسى ايتكار مەشىتىن ەكسكۋرسيالادى.
تايۋان دۇڭسىن تەلەۆيزياسىنىڭ ءتىلشىسى ليۋ يچيڭ تەرەڭ اسەرمەن بىلاي دەدى: ”ءدىني قيمىل ورنىن باسى - قاسىندا ەكسكۋرسيالاپ، ءدىني قايراتكەرلەرمەن بەتپە - بەت پىكىرلەسۋ ارقىلى مەن شينجياڭداعى ءار ۇلت بۇقاراسىنىڭ ءدىني سەنىم ەركىندىگى ۇقىعىنىڭ تولىق قامتاماسىز ەتىلگەندىگىن ءبىلدىم“.
”شينجياڭ جاقسى جەر ەكەن، مەن قاتتى ۇناتتىم“! قاراجوننىڭ كوركەم كورىنىسىنە كوز سۋارعان تايۋان داۋباۋ گازەتىنىڭ ءتىلشىسى ساي شۋجۋان گۇل تەڭىزىندە ءلاززاتقا شومدى. ول بىلاي دەدى: بۇعازدىڭ ەكى جاعالاۋىنداعى حالىقتىڭ اراسىندا قاشىقتىق جوق، تىلشىلەردىڭ بىرلەسكەن تىلشىلىگى ەكى جاعالاۋ حالقىنىڭ اۋىس - كۇيىسى مەن تۇسىنىستىگىن تەرەڭدەتەدى.
كۇنلۇن جيايۋان شاعىن اۋماعىنداعى قونىس جاڭالاپ كوشىپ كەلگەن تۇرعىندارعا تىلشىلىك جاساپ بولعان سوڭ، شياڭگاڭ جۇڭپيڭ اگەنتتىگىنىڭ ءتىلشىسى جاڭ شۋاڭ شينجياڭنىڭ كەدەيلىكتەن ارىلتۋدان قامال الۋ قىزمەتى جونىندە تەرەڭ اسەر الدى، ول بىلاي دەدى: ”قونىس جاڭالاعان بۇقارانىڭ جۇزىنەن شىن جۇرەكتەن شىققان باقىتتىڭ كۇلكىسى ەسىپ تۇرعانىن كورىپ، مەن ايرىقشا اسەرلەندىم، شينجياڭنىڭ كەدەيلىكتەن ارىلتۋدان قامال الۋ قىزمەتىندە قول جەتكىزگەن وراسان زور جەتىستىگى ءۇشىن قۋانامىن“.
”وسى رەتكى تىلشىلىك قيمىلى وتە ءماندى بولدى، ەكى جاعالاۋ اقپارات قۇرالدارىنىڭ حابارى ارقىلى ەكى جاعالاۋداعى باۋىرلاستار، ءسوز جوق، تۇسىنىستىكتى تەرەڭدەتىپ، بارعان سايىن جاقىنداي تۇسەدى“، - دەدى شيامىن راديو - تەلەۆيزيا توبىنىڭ ءتىلشىسى ني تيانيۇن.
ورتالىق كوميتەت تايۋان ىستەرى كەڭسەسى ۇگىت مەكەمەسىنىڭ باستىعى، مەملەكەتتىك كەڭەستىڭ تايۋان ىستەرى كەڭسەسىنىڭ اقپارات مالىمدەمەشىسى ما شياۋگۋاڭ مىنانى ءبىلدىردى: ەكى جاعالاۋداعى اقپارات قۇرالدارىنىڭ تىلشىلەرى كورگەن - بىلگەندەرىمەن بۇعازدىڭ ەكى جاعالاۋىنا شىنايى دا وبيەكتيۆ، قوعامى ورنىقتى، ەكونوميكاسى شاپشاڭ دامىعان، ۇلتتارى ىنتىماقتى دا جاراسىمدى، ءار ۇلتتىڭ ءداستۇرلى مادەنيەتى جالعاستىرىلعان جانە قورعالعان شينجياڭدى كورسەتتى، سىرتقى دۇنيەگە كوركەم شينجياڭنىڭ تارتىمدىلىعىن كورسەتتى. ول ەكى جاعالاۋداعى باۋىرلاستاردى، اسىرەسە، تايۋاندىق باۋىرلاستاردى وراي بولسا شينجياڭعا كەلىپ ارالاپ قايتۋعا ۇندەدى، قالىڭ تايۋاندىق ساۋداگەرلەر مەن تايۋاننىڭ ساۋدا - ونەركاسىپ سالاسىنداعى دوستاردىڭ وراي بولسا شينجياڭعا كەلىپ تەكسەرۋ جۇرگىزىپ، قارجى قوسۋىن ءۇمىت ەتتى.
”بۇعازدىڭ ەكى جاعالاۋىنداعى تىلشىلەردىڭ بىرلەسكەن تىلشىلىگى“ 2000 - جىلدان باستاپ جىل سايىن ءبىر كەزەك وتكىزىلىپ، ەكى جاعالاۋداعى تىلشىلەر جەر - جەرگە بارىپ ىشكەرىلەي تىلشىلىك جاساۋعا، حابارلاۋعا ۇيىمداستىرىلىپ، باستان - اياق ەكى جاعالاۋداعى اقپارات قۇرالدارى سالاسىنىڭ قارسى الۋىنا بولەنىپ كەلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
