ءۇرىمجى حالىقارالىق قۇرلىقتىق پورت رايونى تاس جول ەكسپورتى تۇڭعىش رەت 10 مىڭ اۆتوموبيل - رەتتەن استى
2022.07.13 16:30 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 7 - ايدىڭ 11 - كۇنى ۇرىمجىدەن حابارلايدى. ءۇرىمجى − سانجى كەدەنىنەن ۇعىسۋىمىزشا، ”7 - ايدىڭ 1 - كۇنى ءۇرىمجى حالىقارالىق قۇرلىقتىق پورت رايونىنىڭ باقىلاپ - باسقارۋىنداعى تاس جول ەكسپورتىمىز 10 مىڭ اۆتوموبيل - رەتتەن استى، بۇل قۇرلىقتىق پورت رايونى تاس جول جىلدىق ەكسپورتىنىڭ تۇڭعىش رەت 10 مىڭ اۆتوموبيل - رەتتەن اسۋى“، - دەدى 7 - ايدىڭ 7 - كۇنى ءۇرىمجى − سانجى كەدەن باقىلاۋ - باسقارۋ 1 - ءبولىمىنىڭ باستىعى ۋاڭ جيشي.
2021 - جىلى تۇتاس جىلدا قۇرلىقتىق پورت رايونى تاس جول ەكسپورتى بويىنشا شىققان اۆتوموبيل - رەت سانى 9824كە جەتتى، بيىل تەك 6 ايدان استام ۋاقىتتىڭ ىشىندە قۇرلىقتىق پورت رايونى ەكسپورتى بويىنشا شىققان اۆتوموبيل - رەت سانى بىلتىرعى تۇتاس جىلداعىدان اسىپ ءتۇستى. 7 - ايدىڭ 7 - كۇنىنە دەيىن بۇل سان 10 مىڭ 726 اۆتوموبيل - رەتكە جەتتى.
”بيىل جىل باسىنان بەرى قۇرلىقتىق پورت رايونىنان شىققان ەكسپورت تاۋارلارىن تيەگەن اۆتوموبيلدەر كۇنىنە ورتا ەسەپپەن 100گە تايادى، ەڭ كوپ بولعان كۇنى 180 اۆتوموبيلگە دەيىن تەكسەرىپ جونەلتتىك. وسى اۆتوموبيلدەرگە تۇگەلدەي ەكسپورت كەدەن اۋىستىرۋ ءتاسىلى قولدانىلىپ، قۇرلىقتىق پورت رايونىندا پەشەتتەۋ، تەكسەرۋ، اۆتوموبيلگە تيەۋ سياقتى كەدەندىك باقىلاۋ - باسقارۋ راسمياتتارى وتەلگەننەن كەيىن، شەكارا وتكەلى ارقىلى شەكارادان شىعۋىنا بولادى“، - دەدى ۋاڭ جيشي.
ءۇرىمجى − سانجى كەدەنى ”كوپ تۇيىندە زات تيەۋ، شوعىرلى تەكسەرۋ“ سىندى تاس جول ەكسپورتى جاڭا ۇلگىسىن جولعا قويىپ، قۇرلىقتىق پورت رايونىنىڭ زات جيناۋ - جونەلتۋ رولىن ونان ارى ساۋلەلەندىرىپ، كوپ تۇيىندە زات تيەۋ، شوعىرلى پەشەتتەۋ، شوعىرلى تەكسەرۋ سياقتى تاسىلدەر ارقىلى كەدەننەن ءوتۋ، باقىلاۋ - باسقارۋ، تەكسەرۋ سىندى جۇيەلى قىزمەت وتەۋدى جۇزەگە اسىردى، مۇندا زاتتى ءونىمدى باقىلاۋ - باسقارۋمەن بىرگە، تۇتاس زات اينالىمى تىزبەگىنىڭ ونىمدىلىگىن دە جوعارىلاتتى.
”تاس جولدا كەدەن اۋىستىرۋ فورماسى ارقىلى ءبىز زاتتاردى، ەڭ تەز بولعاندا، 2 كۇندە شەكارا وتكەلى ارقىلى شەكارادان شىعارا الامىز، شەكارا وتكەلىندە تەكسەرۋگە ايلانبايتىن بولدىق، كەدەننەن ءوتۋ ۋاقىتىمىز بارىنشا قىسقاردى. بيىل سەرىكتەستىگىمىز تاسۋعا جاۋاپتى بولعان زاتتاردىڭ ءبارىن تاس جول ارقىلى ەكسپورت ەتۋ ءتاسىلىن تاڭدادى“، - دەدى شينجياڭداعى بەلگىلى حالىقارالىق زات تاسىمالدايتىن ءبىر ۋاكىلاتتى سەرىكتەستىكتىڭ جاۋاپتىسى كان جيانحۋا. وسى ءتاسىل ارقىلى وسى سەرىكتەستىكتىڭ بيىلعى زات تاسىمالداۋ مولشەرى ％50 ارتقان.
ءۇرىمجى كوپ فورماداعى بىرلەسىپ تاسىمالداۋ ورتالىعى 2016 - جىلدان باستاپ جۇمىس باستادى، سول جىلدىڭ سوڭىندا الاڭ - پۋنكتتە جابىق اينالىسقا ءتۇسىپ، كونتينەر تۇراتىن الاڭنىڭ جەر اۋدانى شامامەن 149عا جەتتى. بۇل ورتالىق كوپ فورماداعى بىرلەسىپ تاسىمالداۋعا ۇيىمداستىرۋ يقۋاتى مەن شەكارا وتكەلىندە تەكسەرۋ، كەدەنگە مالىمدەۋ يقۋاتىن جۇزەگە اسىرىپ، تۇرلىشە تاسىمالداۋ تاسىلىندەگى جۇك جۇمىسىن ۇيىمداستىرۋ ارقىلى شىعىستان باتىسقا جەتكىزىلەتىن جۇكتىڭ تاس جول، تەمىر جول ۇلاسپالى تاسىمالى مەن قۇرلىق، اۋە جولى ۇلاسپالى تاسىمالىن جۇزەگە اسىرىپ، زاتتاردى شوعىرلى مالىمدەۋ، كەدەندىك تەكسەرۋدى شوعىرلى جۇرگىزۋ جانە كەدەننىڭ باقىلاۋ - باسقارۋىندا قامبادا ساقتاۋ يقۋاتىن ورىنداپ، ”ءبىر جولدا مالىمدەپ، ءبىر جولدا تەكسەرىپ، ءبىر جولدا جونەلتىپ وتىردى“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
