ج ك پ ورتالىق كوميتەتى كەڭسەسى «ورتالىق كوميتەت ۇگىت ءبولىمىنىڭ، ورتالىق كوميتەت ۇيىمداستىرۋ ءبولىمىنىڭ ‹شي جينپيڭ ەل باسقارۋ جونىندەنىڭ› 4 - تومىن ۇيرەنۋدى مۇقيات ۇيىمداستىرۋ جونىندەگى ۇقتىرۋىن» جالعاپ تاراتتى
2022.07.12 17:52 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 11 - كۇنى، بەيجيڭ. ج ك پ ورتالىق كوميتەتىنىڭ كەڭسەسى تاياۋدا «ورتالىق كوميتەت ۇگىت ءبولىمىنىڭ، ورتالىق كوميتەت ۇيىمداستىرۋ ءبولىمىنىڭ ‹شي جينپيڭ ەل باسقارۋ جونىندەنىڭ› 4 - تومىن ۇيرەنۋدى مۇقيات ۇيىمداستىرۋ جونىندەگى ۇقتىرۋىن» جالعاپ تاراتتى ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«ورتالىق كوميتەت ۇگىت ءبولىمىنىڭ، ورتالىق كوميتەت ۇيىمداستىرۋ ءبولىمىنىڭ ‹شي جينپيڭ ەل باسقارۋ جونىندەنىڭ› 4 - تومىن ۇيرەنۋدى مۇقيات ۇيىمداستىرۋ جونىندەگى ۇقتىرۋىنىڭ» تولىق ءماتىنى مىناداي:
پارتيانىڭ 18 - قۇرىلتايىنان بەرى شي جينپيڭ جولداستى باستى ۋاكىل ەتكەن جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، ماۋ زىدۇڭ يدەياسىندا، دىڭ شياۋپيڭ نازارياسىندا، «ۇشكە ۋاكىلدىك ەتۋ» ماڭىزدى يدەياسىندا، عىلمي دامۋ كوزقاراسىندا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاراتتى. شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگونىڭ ماركسيزمى، 21 - عاسىرداعى ماركسيزم، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ول ماركسيزمنىڭ جۇڭگوشالانۋىنىڭ جاڭا شارىقتاۋىن جۇزەگە اسىردى. پارتيا شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە.
«شي جينپيڭ ەل باسقارۋ جونىندەنىڭ» 1 -، 2 -، 3 – تومدارى باسپادان شىققاننان بەرى پارتيانىڭ جاڭالىق اشۋ نازارياسىن ۇگىتتەۋ، حالىقتىڭ كۇرەس امالياتىنا دەم بەرۋ جاعىندا ماڭىزدى رول اتقاردى، سونداي - اق حالىقارالىق قوعامنىڭ جۇڭگونى تۇسىنۋىنە، جۇڭگونى ۇعىنۋىنا ماڭىزدى «يدەيالىق تەرەزە» اشىپ، جۇڭگو وبرازىن پارمەندى تۇردە ايگىلەدى. «شي جينپيڭ ەل باسقارۋ جونىندەنىڭ» 3 - تومى باسپادان شىققان 2 جىلدان استام ۋاقىتتان بەرى باس شۋجي شي جينپيڭ پارتيا مەن حالىققا باسشىلىق ەتىپ وزگەرىسكە سايكەسۋ، جاڭا جاعداي اشۋ ۇلى امالياتى بارىسىندا يدەيانى ازات ەتۋدە، شىندىقتى ءىس جۇزىنەن ىزدەۋدە، دۇرىس جولدان تايماي جاڭالىق اشۋدا تاباندى بولىپ، ەل باسقارۋداعى ءبىرقىدىرۋ ءتول جاسامپازدىق سيپاتتى جاڭا ۇستانىمداردى، جاڭا يدەيالاردى، جاڭا ستراتەگيالاردى تاعى دا العا قويىپ، جۇڭگونىڭ سۇراۋىنا، دۇنيە ءجۇزىنىڭ سۇراۋىنا، حالىقتىڭ سۇراۋىنا، ءداۋىردىڭ سۇراۋىنا اناعۇرلىم عىلمي جاۋاپ بەردى.
ج ك پ ورتالىق كوميتەتىنىڭ بەكىتۋىمەن ورتالىق كوميتەتتىڭ ۇگىت ءبولىمى (مەملەكەتتىك كەڭەستىڭ اقپارات كەڭسەسى) ورتالىقتىڭ پارتيا تاريحى جانە قۇجات زەرتتەۋ ورنىمەن، جۇڭگو شەتەل تىلدەرى مەكەمەسىمەن بىرلەسىپ، «شي جينپيڭ ەل باسقارۋ جونىندەنىڭ» 4 - تومىن رەداكسيالاپ باسپادان شىعاردى. بۇل كىتاپقا باس شۋجي شي جينپيڭنىڭ 2020 – جىلى 2 - ايدىڭ 3 - كۇنىنەن 2022 – جىلى 5 - ايدىڭ 10 - كۇنىنە دەيىنگى مەزگىلدەگى ءسوزى، اڭگىمەسى، لەكسياسى، ارناۋ ءسوزى، نۇسقاۋى، قۇتتىقتاۋ حاتى سياقتى 109 شىعارما ەنگىزىلىپ، 21 ارناۋلى تاقىرىپقا ءبولىندى.
«شي جينپيڭ ەل باسقارۋ جونىندەنىڭ» 4 - تومىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ عاسىرلىق وزگەرىس پەن عاسىرلىق ىندەت ءوزارا قاباتتاسقان، دۇنيە ءجۇزى جاڭا اۋمالى - توكپەلى وزگەرىس كەزەڭىنە وتكەن كۇردەلى جاعداي الدىندا، دۇنيە جۇزىندە سيرەك كەزدەسەتىن، تاريحتا سيرەك كەزدەسەتىن حاۋىپ - قاتەر مەن سىن - سايىس الدىندا ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋىنىڭ ۇلى امالياتى جاندى ەستەلىككە الىنعان، ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرى شوعىرلى تۇردە ايگىلەنگەن، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ، كوركەم دۇنيە ءجۇزىن بىرگە قۇرۋ جولىندا قوسقان ەڭ جاڭا ۇلەسى تولىق بەينەلەنگەن، بۇل − شي جينپيڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى بەينەلەگەن بەدەلدى كىتاپ.
«شي جينپيڭ ەل باسقارۋ جونىندەنىڭ» 4 - تومىنىڭ باسپادان شىعىپ تاراتىلۋى قالىڭ پارتيا مۇشەلەرىنىڭ، كادرلاردىڭ جانە بۇقارانىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتۋدە، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا ءداۋىر، جاڭا جورىقتا ىنتىماقتاسا كۇرەس جاساپ، ەرلىكپەن العا باسۋىندا؛ حالىقارالىق قوعامنىڭ وسى ماڭىزدى يدەيانىڭ ەڭ جاڭا دامۋىن دەر كەزىندە ءتۇسىنىپ، جۇڭگو كوممۋنيستىك پارتياسى مەن جۇڭگو حالقىنىڭ بۇرىن نە ءۇشىن تابىسقا جەتكەنى، بولاشاقتا قايتكەندە ۇزدىكسىز تابىسقا جەتە الاتىنى جونىندەگى تانىمدى كۇشەيتىپ، جۇڭگو جولى، جۇڭگو باسقارۋى، جۇڭگو قاعيداسى جونىندەگى تۇسىنىكتى تەرەڭدەتۋىنە كومەكتەسۋدە كەلەلى ماڭىز الادى.
«شي جينپيڭ ەل باسقارۋ جونىندەنىڭ» 4 - تومىن مۇقيات ۇيرەنۋ − شي جينپيڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋداعى، حالىقتى تاربيەلەۋدەگى ماڭىزدى ساياسي مىندەت. ءار دارەجەلى پارتيا ۇيىمدارى دەن قويا ۇيىمداستىرىپ، ورنالاستىرۋ جاساپ، «شي جينپيڭ ەل باسقارۋ جونىندەنىڭ» 4 - تومىن 1 -، 2 -، 3 - تومدارىمەن ءبىر تۇتاس تۇلعا ەتىپ، قالىڭ پارتيا مۇشەلەرىن، كادرلاردى اۋەلگى شىعارمانى وقىپ، ءتۇپ نۇسقانى ۇيرەنىپ، قاعيداسىن ۇعىنۋعا، شىن مانىندە ادال، تاباندى، سەنىمدى بولۋعا باستاۋى كەرەك. ءار دارەجەلى پارتكومداردىڭ (پارتگرۋپپا) نازاريا ۇيرەنۋ وزەكتى گرۋپپالارى «شي جينپيڭ ەل باسقارۋ جونىندەنىڭ» 4 - تومىن ۇيرەنۋ جوسپارىنا ەنگىزىپ، جەتە ۇيرەنۋ، جەتە يگەرۋ، شىنايى تياناقتاندىرۋ جاعىنا كۇش سالىپ، ساياسي تۇجىرىم جاساۋ قابىلەتىن، ساياسي اڭعارۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ۇيرەنۋ جەتىستىكتەرىن ەكپىندەي ىلگەرىلەۋدىڭ جاڭا جورىعىنا، جاڭا داۋىرگە ۇلەس قوسۋدىڭ قىزمەت شارالارىنا جانە ءىس جۇزىندىك ونىمدىلىگىنە شىن مانىندە اينالدىرۋى كەرەك. ءار دارەجەلى پارتيا مەكتەپتەرى (اكىمشىلىك شۋەيۋاندارى)، كادرلار شۋەيۋاندارى «شي جينپيڭ ەل باسقارۋ جونىندەنىڭ» 4 - تومىن تاربيەلەۋ، وقىتۋدىڭ ماڭىزدى مازمۇنىنا ەنگىزۋى، جوعارى مەكتەپتەر ونى يدەيالىق - ساياسي تاربيەنىڭ ماڭىزدى وقۋلىعى ەتۋى، ءار دارەجەلى پارتكومداردىڭ لەكتورلار ۇيىرمەسى، سونداي - اق جاڭا داۋىردەگى وركەنيەت امالياتى ورتالىعى، اۋدان دارەجەلى توعىسپالى اقپارات قۇرالدارى ورتالىعى، «ۇيرەنۋدە قۋاتتى ەل» ۇيرەنۋ تۇعىرى جاڭالىق اشىپ، وبيەكتىلەردى تۇراقتاندىرىپ، بۇقارالاندىرىپ ۇگىت - لەكسيا ورىستەتىپ، باۋراۋ، اسەرلەندىرۋ قۋاتىن ۇزدىكسىز كۇشەيتۋى كەرەك. نازاريانى امالياتپەن ۇشتاستىرۋ سىندى ماركسيزمدىك ۇيرەنۋ ستيلىندە تاباندى بولىپ، رەفورمانىڭ، دامۋدىڭ، ورنىقتىلىقتىڭ ءار جاقتاعى قىزمەتتەرىن جاپپاي ويداعىداي ىستەۋمەن، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن جوعارى ونىمدىلىكپەن ويداعىداي ىستەۋمەن ۇشتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى اناعۇرلىم ويداعىداي قارۋلاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنداعى ءتۇرلى مىندەتتەردى تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ قۇدىرەتتى كۇشىن ۇيىستىرىپ، ءىس جۇزىندىك ارەكەتپەن پارتيانىڭ 20 - قۇرىلتايىنىڭ تابىسپەن اشىلۋىن قارسى الۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
