لي كىچياڭ مەملەكەتتىك ءوندىرىس حاۋىپسىزدىگى تەلەۆيزور – تەلەفون ماجىلىسىنە ماڭىزدى بەكىتۋ سالىپ مىنانى دارىپتەدى
ءوندىرىس حاۋىپسىزدىگى جاۋاپكەرلىگى مەن شارالارىن ساتىلار بويىنشا قاتايتىپ، ناقتىلاندىرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ - تەجەۋ كەرەك
ليۋ حى، ۋاڭ يۇڭ، جاۋ كىجى ماجىلىسكە قاتىناستى
2022.07.12 17:53 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 11 - كۇنى، بەيجيڭ. مەملەكەتتىك كەڭەستىڭ حاۋىپسىزدىك كوميتەتى 7 - ايدىڭ 11 - كۇنى مەملەكەتتىك ءوندىرىس حاۋىپسىزدىگى تەلەۆيزور - تەلەفون ءماجىلىسىن اشتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ سالدى. بەكىتۋدە مىنالار اتاپ كورسەتىلدى: ءوندىرىس حاۋىپسىزدىگىن استە بوساڭسىتۋعا بولمايدى. بيىل جىل باسىنان بەرى كەيبىر رايوندار مەن كاسىپ سالالارىندا شىرعالاڭ كوپ تۋىلدى، بۇدان اشتى ساباق الۋىمىز كەرەك. جەر - جەر، قاتىستى تاراۋلار جانە ورىندار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، تومەنگى شەكتە ويلاۋدى بەرىك ورناتىپ، ءوندىرىس حاۋىپسىزدىگى جاۋاپكەرلىگى مەن شارالارىن ساتىلار بويىنشا قاتايتىپ، ناقتىلاندىرىپ، اۋىر حاۋىپسىزدىك حاۋىپ - قاتەرىنەن ءونىمدى ساقتانۋى، شەشۋى كەرەك. حاۋىپسىزدىكتى باقىلاۋ - باسقارۋدى، زاڭ اتقارۋدى اناعۇرلىم كۇشەيتىپ، ءوندىرىس حاۋىپسىزدىگى نەگىزىن ۇزدىكسىز بەكەمدەپ، حاۋىپسىز دامۋ دەڭگەيىن جوعارىلاتۋ كەرەك. تيجارات سيپاتتى جەكەلەر سالعان ۇيلەردىڭ حاۋىپسىزدىك كومەسكى قاتەرى مەن قالا - قالاشىقتارداعى جانار گاز سياقتى حاۋىپسىزدىك حاۋىپ - قاتەرىن جونگە سالۋدى تىڭعىلىقتى ورىستەتىپ، قاتىناس - تاسىمال، كەن - تاۋ، قۇرىلىس جۇرگىزۋ، قاتەرلى بۇيىمدار، سۋ ءۇستى كەمەلەرى، ءورت ءسوندىرۋ، ورتتەن ساقتانۋ سياقتى ءتۇيىندى كاسىپ سالالارىن ارناۋلى جونگە سالۋدى اناعۇرلىم كۇشەيتىپ، نەمقۇرايدى قاراپ، جاۋاپكەرسىزدىك ىستەگەندەردى قاتاڭ جاۋاپقا تارتىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ جانە ونى تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.
مەملەكەتتىك كەڭەس زۇڭليىنىڭ ورىنباسارى، مەملەكەتتىك كەڭەس ءوندىرىس حاۋىپسىزدىگى كوميتەتىنىڭ مەڭگەرۋشىسى ليۋ حى، مەملەكەتتىك كەڭەستىڭ مۇشەسى، مەملەكەتتىك كەڭەس ءوندىرىس حاۋىپسىزدىگى كوميتەتى مەڭگەرۋشىسىنىڭ ورىنباسارلارى ۋاڭ يۇڭ، جاۋ كىجى ماجىلىسكە قاتىناستى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، لي كىچياڭ زۇڭليدىڭ بەكىتۋىنىڭ تالاپتارىن تياناقتاندىرىپ، «حاۋىپ - قاتەردەن ساقتانىپ، حاۋىپسىزدىككە كەپىلدىك ەتىپ، 20 - قۇرىلتايدى قارسى الۋ» سىندى نەگىزگى جەلىنى مىقتاپ توڭىرەكتەپ، اۋىر، ەرەكشە اۋىر شىرعالاڭداردى تەجەۋ نىساناسىن مىقتاپ ارقاۋ ەتىپ، ءوندىرىس حاۋىپسىزدىگى جاعدايىنىڭ باياندى ورنىقتىلىعىن بار كۇشپەن قورعاپ، پارتيانىڭ 20 - قۇرىلتايىنا تاماشا حاۋىپسىزدىك ورتاسىن ازىرلەۋ كەرەك.
ءماجىلىس بىلاي دەپ قارادى: ءار جاقتىڭ ورتاق قۇلشىنۋىندا، بۇكىل ەلدىڭ ءوندىرىس حاۋىپسىزدىگى قىزمەتىندە بەلسەندى تابىستارعا قول جەتتى، ءبىراق ءالى دە تار جول، تايعاق كەشۋدەن ءوتۋ كەزەڭىندە تۇر، ءتۇرلى نەگىزگى، وبيەكتيۆ فاكتورلاردىڭ ىقپالىندا، جاعدايدىڭ قاتاڭدىعى مەن كۇردەلىلىگى بۇرىنعىدان الدەقايدا اسىپ ءتۇستى. ءسوز جوق، تانىمدى سەرگەك ۇستاپ، تومەنگى شەكتە ويلاۋدى كۇشەيتىپ، ءوندىرىس حاۋىپسىزدىگى قىزمەتتەرىن تاباندىلىقپەن مىقتى يگەرۋ كەرەك.
ءماجىلىس مىنانى دارىپتەدى: اۋىر حاۋىپسىزدىك حاۋىپ - قاتەرىنەن ساقتانۋدى جانە ونى شەشۋدى كەلەلى ساياسي جاۋاپكەرلىك ەتىپ، ءوندىرىس حاۋىپسىزدىگىنىڭ 15 تارماقتى قاتاڭ شاراسىن قاتاڭ تياناقتاندىرۋ كەرەك. اۋىر، ەرەكشە اۋىر شىرعالاڭداردى تەجەۋدى اناعۇرلىم كورنەكتى ورىنعا قويىپ، ءتۇرلى اۋىر حاۋىپ - قاتەر مەن كومەسكى قاتەرلەردى جاپپاي تەكسەرىپ، جونگە سالۋ كەرەك. ءوندىرىس حاۋىپسىزدىگىن جاپپاي تەكسەرىپ، شىرعالاڭداردىڭ جاۋاپكەرلىگىن قۋزاۋدى، جاۋاپقا تارتۋدى زاڭ - ەرەجە بويىنشا قاتايتۋ كەرەك. سەلبەسىپ، بىرلەسىپ قيمىلداپ، قالتارىس وڭىردەگى ساڭلاۋلاردى بىتەپ، حاۋىپ - قاتەردى باقىلاۋ - ولشەۋ، ساقتاندىرۋ جانە ناق مايداندى باقىلاۋ - مەڭگەرۋدى كۇشەيتىپ، «زاڭسىز ارەكەتتەرگە سوققى بەرىپ، بەلگىلەمەگە قايشى ىستەردى جونگە سالۋدى» ماڭداي الدى ورىنعا قويۋ كەرەك. وسى ەرەكشە، شەشۋشى مەزگىلدە، ءسوز جوق، جاۋاپكەرلىك بولۋ، ۇقىپتى بولۋ، ءسوز جوق، ىرىقتىلىق بولۋ، ءسوز جوق، تەز قيمىلداۋ، سوڭعى جارتى جىلداعى ءوندىرىس حاۋىپسىزدىگى قىزمەتىن بىرگە جاقسى ىستەپ، پارتيا ورتالىق كوميتەتىنىڭ سەنىمى مەن ماڭىزدى تاپسىرىعىن ورىنداۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
