لي جانشۋ وزبەكستان جوعارى ءماجىلىسى سەناتىنىڭ ءتورايىمى ناربايەۆامەن كەڭەس وتكىزدى
2022.07.07 16:15 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 6 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 7 - ايدىڭ 6 - كۇنى بەيجيڭدەگى حالىق سارايىندا بەينە ەكران تاسىلىمەن وزبەكستان جوعارى ءماجىلىسى سەناتىنىڭ ءتورايىمى ناربايەۆامەن كەڭەس وتكىزدى.
لي جانشۋ بىلاي دەدى: ءتوراعا شي جينپيڭ مەن ميرزيويەۆ زۇڭتۇڭنىڭ ستراتەگيالىق جەتەكشىلىگى مەن تىكەلەي جەبەۋىندە، جۇڭگو مەن وزبەكستاننىڭ ساياسي سەنىمدىلىگى ۇزدىكسىز تەرەڭدەپ، ءار سالاداعى سەلبەستىگى سۇبەلى تابىستارعا قول جەتكىزىپ، ەكى ەلدىڭ جالپى بەتتىك ستراتەگيالىق سەرىكتەستىك قاتىناسى ۇزدىكسىز دامىدى. بيىل − جۇڭگو مەن وزبەكستاننىڭ ديپلوماتيالىق قاتىناس ورناتقانىنىڭ 30 جىلدىعى. جۇڭگو وزبەكستانمەن بىرگە ەكى ەل باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، «ءبىر بەلدەۋ، ءبىر جولدى» بىرگە قۇرۋ باستاماسىن «جاڭا وزبەكستان» ستراتەگياسىمەن ۇشتاستىرۋ سەلبەستىگىن ۇزدىكسىز كۇشەيتىپ، ەكى ەل قاتىناسىنىڭ دامۋىندا ۇزدىكسىز جاڭا جاعداي اشۋدى قالايدى.
لي جانشۋ بىلاي دەپ اتاپ كورسەتتى: جۇڭگو - وزبەكستان قاتىناسىن دامىتۋدا ساياسي سەنىمدىلىكتى اناعۇرلىم كۇشەيتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا قولداۋ سەرپىنىن ارتتىرۋ كەرەك. جۇڭگو وزبەكستاننىڭ تايۋان، شياڭگاڭعا، شينجياڭعا، شيزاڭعا ساياتىن ىستەر، «شىعىس تۇركستانعا» سوققى بەرۋ سياقتى ماسەلەلەردە جۇڭگونىڭ تۇرعىسىن قولداپ كەلگەنىنە العىس ايتادى، جۇڭگو وزبەكستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي باتىل قولدايدى، وزبەكستاننىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋ جولىندا جاساعان قۇلشىنىستارىن قولدايدى. جۇڭگو وزبەكستانمەن بىرگە دۇنيە جۇزىلىك حاۋىپسىزدىك باستاماسىن امالياتتا ايگىلەپ، ءوز رايونىنىڭ حاۋىپسىزدىگى مەن ورنىقتىلىعىن قول ۇستاسا قورعاپ، قاتىناستى، سەلبەستىكتى كۇشەيتىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋدى قالايدى.
لي جانشۋ مىنانى ءبىلدىردى: تاياۋدا ءتوراعا شي جينپيڭ دۇنيە جۇزىلىك دامۋ جوعارى جىكتەگىلەرىنىڭ كەڭەسىندە دۇنيە جۇزىلىك دامۋ باستاماسىن تياناقتاندىرۋ جونىندە ءبىرقىدىرۋ ماڭىزدى شارانى جاريالادى. جۇڭگو وزبەكستاننىڭ دۇنيە جۇزىلىك دامۋ باستاماسىنا ءمان بەرگەنىن جانە قولداۋ كورسەتكەنىن القايدى، وزبەكستاندى قامتىعان حالىقارالىق قوعاممەن بىرگە جوعارى جىكتەگىلەردىڭ كەڭەس ءماجىلىسىنىڭ جەتىستىكتەرىن بىرگە تياناقتاندىرۋدى ءۇمىت ەتەدى. جۇڭگو - وزبەكستان ەكى جاقتىڭ بىرگە قۇلشىنۋىندا، ەكى ەلدىڭ ءتۇيىندى نىسان سەلبەستىگى ورنىقتى ىلگەرىلەپ، ءوزارا ءتيىمدى سەلبەستىكتە تىڭ ىلگەرىلەۋشىلىككە قول جەتكىزىلدى. ەكى جاقتىڭ اناعۇرلىم ءورىس اشا جاڭالىق اشىپ، ءوزارا ەكونوميكا - ساۋدا، قارجى قوسۋدى كەڭەيتىپ، ەنەرگيا سەلبەستىگىنىڭ دەڭگەيىن جوعارىلاتىپ، ءوزارا بايلانىس جاعدايىن ساپالىلاندىرىپ، ىنتىماقتاسىپ ىندەتكە قارسى اتتانۋدى كۇشەيتىپ، گۋمانيتارلىق جانە كەدەيلەردى ازايتۋ تاجىريبەلەرىن اۋىستىرۋدى تەرەڭدەتىپ، جۇڭگو مەن وزبەكستاننىڭ «ءبىر بەلدەۋ، ءبىر جولدى» بىرگە قۇرۋ سەلبەستىگىنىڭ ساپالى دامۋىن ىلگەرىلەتۋىن ءۇمىت ەتەمىن.
لي جانشۋ مىنالاردى دارىپتەدى: زاڭ شىعارۋ قۇرىلىمدارىنىڭ بارىس - كەلىسى − جۇڭگو مەن وزبەكستاننىڭ جالپى بەتتىك ستراتەگيالىق سەرىكتەستىك قاتىناسىنىڭ ماڭىزدى قۇرامداس بولەگى. جۇڭگو مەملەكەتتىك حالىق قۇرىلتايى وزبەكستان جوعارى ءماجىلىسى سەناتىمەن ءار دارەجەلى اۋىس - كۇيىس جاساپ، ءوزارا ۇلگى الۋدى ورىستەتىپ، قاتىستى زاڭدىق قۇجاتتارعا دەر كەزىندە وزگەرىس ەنگىزىپ جانە ونى كەمەلدەندىرىپ جانە ىلگەرىلەتىپ، ناقتى سەلبەستىككە ءادىل، ادىلەتتى، جاريالى، بارابار زاڭمەن جونگە سالۋ ورتاسىن ازىرلەپ، كوپ جاقتى پارلامەنت ۇيىمدارىنداعى سايكەسۋدى، سەلبەسۋدى ۇزدىكسىز كۇشەيتۋدى قالايدى.
ناربايەۆا بىلاي دەدى: وزبەكستان مەن جۇڭگونىڭ مەملەكەت باسشىلارى تىعىز قاتىناستى ساقتاپ، وزبەكستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىنا ۇزدىكسىز تىڭ دا قۇدىرەتتى قوزعاۋشى كۇش قوستى. وزبەكستان جۇڭگونىڭ ءار سالادا قول جەتكىزگەن وراسان زور دامۋ جەتىستىكتەرىنە جوعارى باعا بەرەدى، ءبىر جۇڭگو ساياساتىن باتىل اتقارادى. وزبەكستان سەناتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى كۇشەيتىپ، ەكى ەلدىڭ ءار سالاداعى سەلبەستىگىن جەبەۋ، حالىقتار دوستىعىن تەرەڭدەتۋ، ءوڭىردىڭ بەيبىتشىلىگى مەن ورنىقتىلىعىن قورعاۋ جولىندا قاجىماي - تالماي قۇلشىنۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
