مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى
لي كىچياڭ زۇڭلي سەرت بەرۋدى باقىلادى
2022.07.06 17:59 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 5 - كۇنى، بەيجيڭ. مەملەكەتتىك كەڭەس 7 - ايدىڭ 5 - كۇنى جۇڭنانحايدا نەگىزگى زاڭعا سەرت بەرۋ سالتىن وتكىزدى. مەملەكەتتىك كەڭەستىڭ زۇڭليى لي كىچياڭ سەرت بەرۋدى باقىلادى.
«جۇڭحۋا حالىق رەسپۋبليكاسىنىڭ نەگىزگى زاڭىنا» جانە «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىن نەگىزگى زاڭعا سەرت بەرۋگە ۇيىمداستىرۋ زاڭىنا» ساي، مەملەكەتتىك كەڭەس تاعايىنداعان 35 تاراۋ مەن ورىننىڭ 45 جاۋاپتىسى نەگىزگى زاڭعا زاڭ بويىنشا سەرت بەردى.
تۇستەن بۇرىن ساعات 11 دە مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە نەگىزگى زاڭعا سەرت بەرۋ سالتىنىڭ باستالعانىن جاريالادى. كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن شىرقادى. ونان سوڭ سەرت بەرۋشى نەگىزگى زاڭدى قورعاپ، سەرت ءسوزىن وقىدى، باسقا سەرت بەرۋشىلەر ارتقى شەپتە ساپ تۇزەپ تۇرىپ، سەرتتى ىلەسىپ وقىدى.
سەرت بەرۋدەن كەيىن لي كىچياڭ كوپشىلىكتىڭ وسى سالتاناتتى ءساتتى ەستە بەرىك ساقتاپ، سەرتتە بەرىك تۇرىپ، ۋادەنى ارەكەتتە جۇزەگە اسىرۋىن ءۇمىت ەتتى. ول مىنالاردى تالاپ ەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نەگىزگى زاڭ بويىنشا بيلىك جۇرگىزىپ، زاڭ بويىنشا اكىمشىلىك جۇرگىزىپ، مىندەتتى ادا ەتىپ، حالىق ءۇشىن شوگەلدىكپەن قىزمەت ىستەۋ كەرەك. زاڭ بويىنشا مىندەت اتقارىپ، جاۋاپكەرلىكتى ادا ەتۋ كەرەك. زاڭ − مەملەكەتتىڭ پروگرامماسى، ارەكەت ولشەمى. زاڭعا قۇرمەت ەتۋدى، زاڭدى ۇيرەنۋدى، زاڭعا بويسۇنۋدى، زاڭدى قولدانۋدى سانالى ارەكەتكە جانە قاجەتتى ساپاعا اينالدىرىپ، زاڭمەن جونگە سالۋ وي جەلىسى مەن تاسىلىنەن پايدالانىپ شەشىم جاساپ، ساياسات شىعارىپ، تياناقتاندىرۋدى يگەرىپ، زاڭمەن جونگە سالۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ رولىن اناعۇرلىم ويداعىداي ساۋلەلەندىرۋ كەرەك. باتىلدىقپەن جاۋاپكەرلىك ارقالاپ، ىسكەرلىك كورسەتۋ كەرەك. ءىستىڭ وڭايىنا جۇگىرمەيتىندەر تابىسقا جەتەدى، قيىن ىستەن جالتارمايتىندار العا باسادى، وبيەكتيۆ زاڭدىلىققا قۇرمەت ەتىپ، قىزمەت ورنىن تياناق ەتىپ، جاسامپازدىقپەن قىزمەت ىستەپ، سىننان وتە الاتىن ناقتى ناتيجە جاراتۋ كەرەك. دامۋدا تاباندى بولۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ناقتى ىستەر ىستەپ، كەلەلى ىستەرگە ءمان بەرىپ، قيىنشىلىقتار مەن سىن - سايىسقا بەلسەنە توتەپ بەرۋ كەرەك. ارتۋدى ورنىقتىرۋدى اناعۇرلىم كورنەكتى ورىنعا قويىپ، ارتۋدى ورنىقتىرۋدى، قۇرىلىمدى رەتتەۋدى، رەفورمانى ىلگەرىلەتۋدى ءبىر تۇتاس جوسپارلاپ، ەكونوميكا مەن قوعامنىڭ باياندى، اقاۋسىز دامۋىن جەبەۋ كەرەك. بار ىنتا - پەيىلمەن حالىق ءۇشىن قىزمەت ىستەۋ كەرەك. حالىقتىڭ جاعدايىن ەگجەي - تەگجەيلى تەكسەرىپ، حالىقتىڭ مۇددەسىن كوزدە ۇستاپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەر كەزىندە شەشىپ، دامۋ بارىسىندا حالىقتىڭ ىرىس - قۇتىن ۇزدىكسىز ارتتىرۋ كەرەك. قازىر، اسىرەسە، بۇقارانىڭ مۇڭ - مۇقتاجىن كوكەيدە ساقتاپ، حالىق تۇرمىسىن قامتاماسىزداندىرۋ قىزمەتىن تىڭعىلىقتى ىستەۋ كەرەك. پاك، كوپشىل بولۋ كەرەك. ۇكىمەت قىزمەتىمەن شۇعىلدانعان ەكەنبىز، قارا باستىڭ قامىن ويلاماۋىمىز كەرەك. جوعارىداعىلار تومەنگە ۇلگى بولىپ، وزگەلەردى دۇرىس جءولعا باستاپ، ۇقىقتان زاڭ، ەرەجە بويىنشا ابايلاپ پايدالانۋ سىندى ارقاۋدى باستان - اياق مىقتاپ شيراتىپ، تۋراشىل ادام بولىپ، جۇمىستى كىرشىكسىز ىستەۋ كەرەك. كوپشىلىك اۋىر مىندەت ارقالاپ وتىر، بويكۇيەزدىككە سالىنباي، قۇلشىنا ىستەۋ كەرەك. ۇدەرە العا تارتىپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ جولىندا قاجىماي - تالماي كۇرەس جۇرگىزۋ كەرەك.
مەملەكەتتىك كەڭەس زۇڭليىنىڭ ورىنباسارلارى حان جىڭ، سۇن چۇنلان، حۋ چۇنحۋا، ليۋ حى، مەملەكەتتىك كەڭەستىڭ مۇشەلەرى ۋاڭ يۇڭ، جاۋ كىجى، سونداي - اق مەملەكەتتىك كەڭەستىڭ قاتىستى تاراۋلارىنداعى نەگىزگى جاۋاپتى جولداستار قاتارلىلار سالتقا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
