مەملەكەتتىك كليمات ورتالىعىنىڭ بولجامىنا قاراعاندا
7 – ايدان 8 – ايعا دەيىن كوپ جەردە جاۋىن – شاشىن مولىراق بولادى
2022.07.06 15:14 كەلۋ قاينارى : حالىق تورابى
حالىق گازەتىنىڭ ءتىلشىسى لي حۇڭمەي، ۋاڭ حاۋ، چيۋ چاۋ – ي 7 – ايدىڭ 5 – كۇنى بەيجيڭنەن حابارلايدى. ءتىلشىنىڭ 7 – ايدىڭ 5 – كۇنى جۇڭگو اۋا رايى مەكەمەسى اشقان اقپار جاريالاۋ ماجىلىسىنەن ۇعىسۋىنشا، 6 – ايدا مەملەكەت بويىنشا اۋا تەمپەراتۋراسى ورتا ەسەپپەن 21.3 سەلسي گرادۋس بولىپ، بۇرىنعى جىلدارداعى وسى مەزگىلدەگىدەن 0.9 سەلسي گرادۋس جوعارى بولعان، 1961 – جىلدان بەرى وسى مەزگىلدەگى ەڭ جوعارى مانگە جەتكەن؛ حىنان، شانشي، گانسۋ، نيڭشيا، سانشي، شاندۇڭ، جياڭسۋ، انحۇي قاتارلى جەرلەردە اۋا تەمپەراتۋراسى تاريحتاعى وسى مەزگىلدەگى ەڭ جوعارى دەڭگەيگە جەتكەن. 6 – ايدا ەلىمىز بويىنشا جاۋىن – شاشىن مولشەرى مولىراق بولعان، جاۋىن – شاشىن مولشەرى ورتا ەسەپپەن 112.1 ميلليمەتر بولىپ، بۇرىنعى جىلدارداعى وسى مەزگىلدەگىمەن سالىستىرعاندا %9.1 كوپ بولعان.
مەملەكەتتىك كليمات ورتالىعىنىڭ مەجەلەۋىنشە، بيىل جاز مەزگىلىندە (7 – ايدان 8 – ايعا دەيىن)، كوپ جەرلەردە جاۋىن – شاشىن مولشەرى ءبىرشاما مول بولادى، قۋاڭشىلىق پەن سۋ اپاتى ءبىرشاما اۋىر بولادى، بۇكىل ەل بويىنشا وڭتۇستىك پەن سولتۇستىكتە ەكى جاۋىن – شاشىندى بەلدەۋ قالىپتاسادى. گۋاڭدۇڭنىڭ وڭتۇستىك بولەگىندە، گۋاڭشيدىڭ وڭتۇستىك بولەگىندە، يۇننانىڭ وڭتۇستىك بولەگىندە، حايناندا جاۋىن – شاشىن مولشەرى مەجەمەن 600 ميلليمەتردەن اسادى، ىشكى موڭعۇل، نيڭشيا، گانسۋ، چيڭحاي قاتارلى سولتۇستىكتەگى ولكەلەردىڭ كوپ جەرلەرىندە دە جاۋىن – شاشىن مولشەرى 50 – 200 ميلليمەتر بولادى. مەجەمەن جازدا ەلىمىزدىڭ كوپ جەرىندە اۋا تەمپەراتۋراسى بۇرىنعى جىلدارداعى سول مەزگىلدەگىمەن سالىستىرعاندا جوعارىراق بولادى، مۇندا شينجياڭ، حەيلۇڭجياڭنىڭ ورتا – شىعىس بولەگى، جيليننىڭ شىعىس بولەگى، جياڭسۋدىڭ وڭتۇستىك بولەگى قاتارلى 10 نەشە ولكەنىڭ ءىشىنارا جەرلەرىندە تەمپەراتۋرا 1 – 2 سەلسي گرادۋس جوعارى بولادى، شينجياڭ، باتىس سولتۇستىك ءوڭىردىڭ شىعىس بولەگى، شىعىس جۇڭگو، ورتا جۇڭگو، وڭتۇستىك جۇڭگونىڭ شىعىس بولەگى قاتارلى جەرلەردە اۋا تەمپەراتۋراسى ىستىق بولاتىن كۇندەر (35 سەلسي گرادۋس ≤) بۇرىنعى جىلدارداعىمەن سالىستىرعاندا كوپ بولادى، كەزەڭدىك سيپاتتى جوعارى تەمپەراتۋرالى اڭىزعاق سوعادى.
بيىل سوڭعى جىلدا قۇرلىققا ىلىنەدى نەمەسە ەلىمىزگە كورنەكتى ىقپال ەتەدى دەپ مەجەلەنگەن تايفىڭ داۋىلىنىڭ سانى 4 – 6 رەت، بۇرىنعى جىلدارداعىعا جۋىقتايدى (6 رەت) نەمەسە ودان ازداۋ بولادى. تايفىڭ داۋىلىنىڭ قۋاتى جالپى جاقتان السىزدەۋ بولىپ، تايفىڭ داۋىلىنىڭ ويىسۋ جولى باتىسقا قاراي بەتتەۋدى نەمەسە باتىس سولتۇستىككە قاراي بەتتەۋدى نەگىز ەتەدى، باستىسى ەلىمىزدىڭ شىعىس وڭتۇستىك تەڭىز جاعالاۋىنداعى وڭىرلەرگە ىقپال جاسايدى، مۇندا جازدا تۋىلىپ، سولتۇستىككە قاراي بەتتەيتىن تايفىڭ داۋىلىنىڭ شىعىس جۇڭگو مەن ودان سولتۇستىككە قارايعى وڭىرلەرگە كورنەكتى ىقپال جاساۋىنىڭ ىقتيمالدىعى جوعارى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
