سول ءبىر قىزىل سارى ءتۇس − كىرىستى ارتتىرۋدىڭ جاڭا بوياۋى
□ انار بۇلت \ شينجياڭ گازەتىنىڭ تىلشىلەرى ياڭ شۋحان، جىڭ جو
2022.07.05 16:34 كەلۋ قاينارى : شينجياڭ گازەتى
6 - ايدىڭ 21 - كۇنى ءبىر جولعى جازعى جاڭبىر شىلىڭگىر ىستىقتىڭ بەتىن قايتارعانداي بولدى، ياركەن اۋدانى يىڭوستەڭ اۋىلى قوشوستەڭ قىستاعىنداعى جولدىڭ ەكى جاعالاۋىنداعى بارقىت ءشوپتىڭ دە كوركىن ونان ارى اسىردى.
تاياۋداعى بىرنەشە كۇندە قوشوستەڭ قىستاعىنىڭ تۇرعىنى ورگۇل وسمان ءوز ءۇيىنىڭ بارقىت ءشوپ اتىزىندا تەرۋمەن قاربالاس بولىپ ءجۇردى، ول مۇنداي ەگۋگە قولايلى، كىرىسى جوعارى ءارى ادەمى داقىلدى قاتتى ۇناتادى. ”بارقىت ءشوپتىڭ ءتۇسىمى جوعارى، ءبىر مۋىن 4000 نەشە يۋانعا ساتۋعا بولادى“. ورگۇل: قازىر ءبىزدىڭ ءۇي 4 مۋ جەرگە بارقىت ءشوپ ەگىپ، ءۇيىمىزدىڭ كىرىستى ارتتىرۋداعى جاڭا جولىنا اينالدىردىق، - دەدى كۇلىمسىرەپ.
بارقىت شوپتەن تابيعي ليۋتەين الىنىپ، ازىق - تۇلىك، بەزەنۋ بۇيىمدارى، دەنساۋلىق قورعاۋ بۇيىمدارى سياقتى سالالارعا كەڭىنەن قولدانىلادى. سوڭعى جىلدارى ياركەن اۋدانى جەتەكشى كاسىپورىنداردى ەنگىزىپ، جەرگىلىكتى جاعدايعا قاراي بارقىت ءشوپ كاسىپ سالاسىن دامىتىپ، كاسىپ سالاسى قۇرىلىمىن ساپالىلاندىردى. جەتەكشى كاسىپورىنداردىڭ باستاۋىندا، بارقىت ءشوپ جەرگىلىكتى شارۋالارعا كىرىستى ارتتىرىپ، بايۋدىڭ جاڭا ارناسىن ازىرلەۋمەن بىرگە، اسا ادەمى اۋىل - قىستاق كورىنىسىنە اينالدى.
ياركەن اۋدانىنىڭ بارقىت ءشوپ ەگىمشىلىگىنەن ۇلگى كورسەتۋ ءتۇيىنى رەتىندە، يىڭوستەڭ اۋىلى بيىل جيىنى 5100 مۋ جەرگە بارقىت ءشوپ ەكتى. ”ءداستۇرلى ەكونوميكالىق ەگىس داقىلدارىمەن سالىستىرعاندا، بارقىت ءشوپ ەگۋگە وڭاي، قاتارعا قوسىلۋى جوعارى، گۇل اشۋ مەرزىمى 5 ايعا جەتەدى“. التىنداي جارقىراعان بارقىت ءشوپ گۇل تەڭىزى ماڭىندا يىڭوستەڭ اۋىلدىق پارتكومنىڭ شۋجيى جۋ يۇيباۋ تىلشىگە بىلاي دەدى: شارۋالار ەككەن بارقىت ءشوپتىڭ ءبارىن چىنگۋاڭ بيولوگيالىق عىلىم - تەحنيكا توبى ياركەن شەكتى سەرىكتەستىگى ساتىپ الادى. شارۋالاردىڭ اۋىرتپالىعىن جەڭىلدەتۋ ءۇشىن كاسىپورىن ەگىمشى وتباسىلارىنا قاراجات بەرە تۇرۋ سياقتى فورمالار ارقىلى شارۋالاردىڭ ەگۋ بەلسەندىلىگىن جوعارىلاتتى.
قوشوستەڭ قىستاعىنا 3 كيلومەترگە جەتپەيتىن جەر چىنگۋاڭ بيولوگيالىق عىلىم - تەحنيكا توبى ياركەن شەكتى سەرىكتەستىگىنىڭ ساتىپ الۋ پۋنكتى. ءار جىلعى ساتىپ الۋ ماۋسىمىندا جولدىڭ بارلىعىندا بارقىت ءشوپ ەگەتىن شارۋالار ءيىن تىرەسەدى.
”ساتىپ العاندا سىرتقى پىشىنىنە قاراپ جاتپايمىز، شارۋالار قانشا ساتسا ءبىز سونشاسىن ساتىپ الامىز ءارى سول جەردىڭ وزىندە ناق اقشامەن ەسەپ ايىرامىز“. وسى سەرىكتەستىكتىڭ ورىنباسار باس ديرەكتورى تۇڭ يۇيحاي بىلاي دەپ تانىستىردى: سەرىكتەستىك جىلىنا وندىرەتىن تابيعي ليۋتەين 4000 توننادان اسادى، ”سەرىكتەستىك +بازا + سەلبەستىك كووپەراتيۆى + شارۋالار“ سىندى فورما جانە شارۋالاردىڭ قورعالاتىن باعامەن ساتىپ الۋ توقتامىنا قول قويۋى ارقىلى ءاربىر اۋىل - قالاشىقتا بارقىت ءشوپ ساتىپ الۋ پۋنكتىن اشىپ، بارقىت ءشوپ ەگۋدىڭ، ساتىپ الۋدىڭ كولەمدەنۋىن، ءبىر تۇلعالانۋىن ىلگەرىلەتتىك. ءۇزۋ ماۋسىمىندا سەرىكتەستىك 130 مىڭعا جۋىق ادام قابىلداپ، ماۋسىمدىق جۇمىستاندىرۋدى جۇزەگە اسىرادى ءارى 1000نان استام تاسىمالمەن اينالىساتىن وتباسىلارىن كىرىستەرىن ارتتىرۋعا جەتەكتەيدى.
شارۋالاردىڭ بارقىت ءشوپتى جاقسىلاپ ەگۋىنە مۇمكىندىك جاساۋ ءۇشىن ياركەن اۋدانى مايسا جەتىلدىرۋ بۋىنىنان باستاپ ساپانى يگەرىپ، زاۆودتاندىرىپ، كولەمدەندىرىپ، ولشەمدەندىرىپ مايسا جەتىلدىرۋدى جالپىلاستىرىپ، سول ارقىلى وزىندىك قۇندى تومەندەتىپ، ساپانى جوعارىلاتتى. قازىر وسى اۋدانداعى 71 مايسا جەتىلدىرۋ سەلبەستىك كووپەراتيۆى شوعىرلى تۇردە 420 ميلليون ءتۇپ مايسا جەتىلدىرىپ، مايسا ەگۋدە ءاربىر كوشەتتىڭ وزىندىك قۇنىن 0.1 يۋاننان 0.07 يۋانعا ءتۇسىرىپ، تەك مايسا ەگۋدىڭ وزىندىك قۇنى سىندى وسى ءبىر ءتۇردىڭ وزىنەن وسى اۋدانداعى ەگىمشى وتباسىلارىنا 12 ميلليون 600 مىڭ يۋان شىعىندى ۇنەمدەدى. مايسا جەتىلدىرۋ كەزەڭىندە تاعى ماۋسىمدىق ادام ىستەتۋ بويىنشا 3000نان استام ادامدى قابىلداي الادى.
سونىمەن بىرگە، ياركەن اۋداندىق اۋىل شارۋاشىلىق تەحنيكاسى ورتالىعى مەن چىنگۋاڭ بيولوگيالىق عىلىم - تەحنيكا توبى ياركەن اۋداندىق شەكتى سەرىكتەستىگى 30دان استام اۋىل شارۋاشىلىعى تەحنيكتەرىن جىبەرىپ، جىلدار بويى اتىز باسىندا، ەگىنجايلاردا جەتەكشىلىك جاساپ، باۋلۋ جۇرگىزدى. ورگۇل بىلاي دەدى: بارقىت ءشوپ ەگۋدى ەندى باستاعان كەزدە كوپشىلىك تەحنيكادان حابارسىز بولاتىن. كەيىن اۋىل شارۋاشىلىعى تەحنيكتەرى ىرىقتىلىقپەن ۇيلەرگە بارىپ، شارۋالارعا ەگۋ مەن باسقارۋدى قولما - قول ۇيرەتتى، ءۇزۋ كەزىندە دە تىكەلەي ۇيلەرگە بارىپ جەتەكشىلىك جاسادى، قازىر شارۋالاردىڭ ءبارى تەحنيكادان حابارسىز ادامداردان مايتالمان شەبەرلەرگە اينالدى.
سوڭعى بىرنەشە جىلدا كاسىپ سالاسىن دامىتۋ جانە نىسان بويىنشا سۇيەمەلدەۋ ارقىلى ياركەن اۋدانىندا بارقىت ءشوپ ءتۇسىمى 2018 - جىلعى مۋىنا 2 توننادان 2021 - جىلى مۋىنا 2.5 تونناعا جوعارىلاپ، جالپى ءتۇسىم مولشەرى 250 مىڭ تونناعا جەتىپ، 262 ميلليون يۋان ءونىم قۇنىن جۇزەگە اسىردى. وسى اۋداننىڭ بارقىت ءشوپ ەگىلەتىن جەر اۋدانى 2012 - جىلعى 30 مىڭ مۋدان 2022 - جىلى 100 مىڭ مۋعا كوبەيىپ، 78 مىڭ وتباسىنداعى شارۋانى بارقىت ءشوپ ەگۋگە باستادى.
قوشوستەڭ قىستاعىنىڭ تۇرعىنى ءمامتىمىن عاپىز بىلاي دەدى: ”بۇرىن قىستاقتا ەكى - اق ءتۇرلى ءتۇس بار ەدى، كوكتەم مەن جازدا جاسىل ءتۇس، كۇز بەن قىستا سۇرى ءتۇس. قازىر قاراڭىز، بىزدە قىزىل سارى ءتۇس بار بولدى، نەتكەن ادەمى“!
يەڭوستەڭ اۋىلىنىڭ باستىعى پازىلات امەر بىلاي دەدى: بارقىت ءشوپ ەگىمشىلىگى ەكونوميكانىڭ دامۋىن ىلگەرىلەتۋمەن بىرگە، ەكونوميكانىڭ دامۋى مەن قورشاعان ورتانى قورعاۋدىڭ ءبىرىن - ءبىرى جەبەۋىن جۇزەگە اسىردى. شارۋالار كىرىستى ارتتىرۋدى جۇزەگە اسىرۋمەن بىرگە، تاعى كوركەم اۋىل - قىستاق كورىنىسىن قالىپتاستىرىپ، اۋىلداستاردى بايىتىپ، اۋىل - قىستاقتى كوركەيتۋدى رەالدىققا اينالدىردى.
”سەرىكتەستىك تاعى پيگمەنتتى قىزىل بۇرىش، ءتاتتى جاپىراقتى كۇرەڭكەي سياقتى ەرەكشە داقىلداردى دامىتۋدى جوسپارلاپ، كاسىپ سالاسى باقشاسىن سالىپ، بۇل اراعا تاعى جاڭا ءتۇس قوستى“، - كەلەسى باسقىشتاعى دامۋدى تىلگە تيەك ەتكەن تۇڭ يۇيحاي وسىلاي دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
