شينجياڭ تۇڭعىش توپتاعى كاسىپتىك تولىق كۋرس عىلمي دارەجە كۋالىگىن تاراتتى
2022.07.05 16:37 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاۋ شييا 7 - ايدىڭ 3 - كۇنى ۇرىمجىدەن حابارلايدى. 7 - ايدىڭ 2 - كۇنى ”000001“ ءنومىرلى عىلمي دارەجە كۋالىگىن قولىنا العان، شينجياڭ تيانشان كاسىپتىك - تەحنيكالىق داشۋەسى بۇعالتىرلىق كاسىبىنەن تۇڭعىش توپتا تولىق كۋرس بىتىرگەن وقۋشى چىن شياۋ اسەرلى سەزىمىن جاسىرا الماي، قۋانىشپەن: ”بۇل شينجياڭ كاسىپتىك تولىق كۋرس مەكتەبى تۇڭعىش رەت تاراتىپ وتىرعان باكلاۆر عىلمي دارەجە كۋالىگى، مۇعالىم بۇل كۋالىكتىڭ سۋرەتى مەكتەپ تاريحى سارايىندا ساقتالاتىندىعىن ايتتى“، - دەدى.
سول كۇنى شينجياڭ تيانشان كاسىپتىك - تەحنيكالىق داشۋەسىنەن تۇڭعىش توپتا تولىق كۋرس بىتىرگەن وقۋشىلاردىڭ وقۋ ءبىتىرۋ سالتى جانە باكلاۆر عىلمي دارەجەسىن بەرۋ سالتى وتكىزىلىپ، تولىق كۋرس بىتىرگەن (تەحنيكۋمنان تولىق كۋرسقا جوعارىلاپ وقىعان) 521 وقۋشىعا باكلاۆر عىلمي دارەجە بەرىلدى، بۇل ءارى شينجياڭنىڭ كاسىپتىك تولىق كۋرس عىلمي دارەجە كۋالىگىن تۇڭعىش رەت تاراتۋى بولىپ سانالادى.
شينجياڭ تيانشان كاسىپتىك - تەحنيكالىق داشۋەسى 2019 - جىلى وقۋ - اعارتۋ مينيسترلىگىنىڭ بەكىتۋىمەن قۇرىلعان بولىپ، مەملەكەتتىك تولىق كۋرس دارەجەسىندەگى 21 كاسىپتىك وقۋ - اعارتۋ سىناق ءتۇيىنى مەكتەپتەرىنىڭ بىرىنە اينالدى. شينجياڭ تيانشان كاسىپتىك - تەحنيكالىق داشۋەسىنىڭ قۇرىلۋى شينجياڭ كاسىپتىك وقۋ - اعارتۋ جۇيەسى مەن حالىقتىق وقۋ - اعارتۋ جۇيەسىن كەمەلدەندىرىپ، كاسىپتىك وقۋ - اعارتۋ مەن جوعارى دارەجەلى وقۋ - اعارتۋدىڭ دارىندىلاردى باۋلۋ جۇيەسىنىڭ ءوزارا توعىسۋىن جەبەدى. كاسىپتىك تولىق كۋرس وقۋ - اعارتۋى ورىستەتىلگەننەن بەرى، مەكتەپ شينجياڭ ىشىنەن وقۋشى قابىلداۋدان بۇكىل مەملەكەتتەن وقۋشى قابىلداۋدى جۇزەگە اسىردى.
مەكتەپتىڭ تۇڭعىش توپتا تولىق كۋرس بىتىرگەن وقۋشىلارى 6 كاسىپتى قامتىدى، ولار جەكە - جەكە مىنالار: بۇعالتىرلىق، ەلەكتروندى ساۋدا، ساياحات باسقارۋ، ۇلكەن ساندى مالىمەت تەحنيكاسى جانە ونى قولدانۋ، زەردەلى جاساۋ ينجەنەرياسى جانە حابارلاسۋ ينجەنەرياسى كاسىبى.
شينجياڭنان تۇڭعىش توپتا كاسىپتىك تولىق كۋرس بىتىرگەن وقۋشىلار رەتىندە، 2 جىلدىق جۇيەلى وقۋ ارقىلى وقۋشىلاردىڭ كاسىپتىك بىلىمدەردى جانە كاسىپتىك شەبەرلىكتى يگەرۋى اناعۇرلىم بەكەم بولىپ، قىزمەت ورنىنا قادام باسۋدا بەرىك سەنىمگە يە بولدى. تۇڭعىش توپتا تولىق كۋرس بىتىرگەن وقۋشى ليۋ شياۋچىن بۇكپەسىز تۇردە: ”مەكتەپتەگى ساباقتارىمىزدا امالياتتان وتكىزۋ ساباعى مەن مادەنيەت ساباعى نەگىزىنەنتەپە - تەڭ ورنالاستىرىلدى، امالياتتىق تاجىريبەمىز مولايدى، مەكتەپ بىتىرگەننەن كەيىن قىزمەتكە اناعۇرلىم وڭاي كىرىسە الامىز“، - دەدى. ليۋ شياۋچىن بۇرىن اۆتونوميالى رايونداعى كاسىپتىك مەكتەپ وقۋشىلارىنىڭ جاڭالىق اشۋ، كاسىپ كوزىن اشۋ جارىسىندا كۇمىس مەدال العان، مەكتەپ بىتىرمەي جاتىپ الي بابانىڭ قاراستىلىعىنداعى ءبىر سەرىكتەستىكپەن جۇمىسقا ورنالاسۋ كەلىسىمىنە قول قويىستى.
”كەزەكتەگى وقۋشىلاردىڭ جۇمىستانۋ جاعدايىنا تەكسەرۋ جۇرگىزۋدەن قاراعاندا، بىردەي ءبىلىم ماعلۇماتىندا كاسىپتىك مەكتەپتەردىڭ تولىق كۋرسىن وقىعان وقۋشىلاردىڭ كاسىپتىك شەبەرلىگى ءبىرشاما كۇشتى، ءتىپتى دە قارسى الىنىپ وتىر، جۇمىس تاڭداۋدا دا اناعۇرلىم ۇلكەن كەڭىستىگى بار“. شينجياڭ تيانشان كاسىپتىك - تەحنيكالىق داشۋەسى وقۋشى قابىلداۋ، جۇمىستاندىرۋ باسقارماسىنىڭ ورىنباسار باستىعى شىن جيالي ”مەكتەبىمىزدەن تۇڭعىش كەزەكتە تولىق كۋرستان وقۋ تاۋىسقان وقۋشىلاردىڭ باسىم كوپ ساندىسى ادام ىستەتۋشى ورىندار جاعىنان قابىلداندى، وقۋ تاۋىسقان وقۋشىلاردىڭ ％2ى اسپيرانتتىققا ەمتيحان بەرىپ، ءبىلىمىن ۇزدىكسىز تولىقتاماقشى“، - دەپ تانىستىردى.
بيىل 5 - ايدىڭ 1 - كۇنىنەن باستاپ اتقارىلعان جاڭادان وزگەرىس ەنگىزىلگەن «كاسىپتىك وقۋ - اعارتۋ زاڭىندا» جوعارى دارەجەلى كاسىپتىك مەكتەپتەردىڭ وقۋ - اعارتۋىن ارناۋلى كۋرس، تولىق كۋرس جانە ودان جوعارى وقۋ - اعارتۋ ساتىسىنداعى جوعارى دارەجەلى كاسىپتىك مەكتەپتەر مەن ادەتتەگى جوعارى مەكتەپتەر جۇرگىزەدى دەپ ايقىن بەلگىلەندى. بۇل كاسىپتىك وقۋ - اعارتۋدىڭ ارناۋلى كۋرس دارەجەسىندە كىدىرىپ قالاتىن ءبىلىم ماعلۇماتى شەكتەمەسىنىڭ تالقاندالىپ، ورتا تەحنيكۋمنان، ارناۋلى تەحنيكۋمنان، تولىق كۋرستان اسپيرانتتىققا دەيىنگى ”توتە ارناسىنىڭ “ قالىپتاسقاندىعىنان دەرەك بەرەدى.
”كاسىپتىك وقۋ - اعارتۋدىڭ بولاشاعى كەڭ، بولاشاعى نۇرلى“. اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: تۇڭعىش كەزەكتە كاسىپتىك تولىق كۋرستان وقۋ تاۋىسقان وقۋشىلارعا باكلاۆر عىلمي دارەجە كۋالىگىن تاراتۋ شينجياڭنىڭ كاسىپتىك وقۋ - اعارتۋ ىستەرى جونىنەن ءمانى تەرەڭ. كاسىپتىك تولىق كۋرس وقۋ - اعارتۋىنىڭ دامۋىن ىلگەرىلەتۋ شينجياڭ ەكونوميكاسىنىڭ جوعارى ساپالى دامۋىنا اناعۇرلىم مىعىم شەبەر دارىندىلار تىرەگىن ازىرلەيدى؛ مۇنان سىرت، كاسىپتىك وقۋ - اعارتۋ ءارى ماڭگىلىك وقۋ - اعارتۋ، كاسىپتىك تولىق كۋرس وقۋ - اعارتۋى مىناداي بەلسەندى بەتالىستى تاراتتى، ياعني بارلىق ادام ايتۋلى بولۋى كەرەك، قوعام ءاربىر ادامعا ءادىل جۇمىستانۋ ورايىن ازىرلەيدى، بۇل مۇنان دا كوپ جاستاردى شەبەرلىك ارقىلى دارىندىعا اينالىپ، شەبەرلىك ارقىلى وتان ءۇمىتىن اقتاۋ جولىمەن جۇرۋگە ىنتالاندىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
