شينجياڭ جاساۋ كاسىبى سيفرلانىپ العا اتويلادى
□ انار بۇلت \ شينجياڭ گازەتىنىڭ ءتىلشىسى ما ينيڭ
2022.07.05 16:31 كەلۋ قاينارى : شينجياڭ گازەتى
جاساۋ كاسىبى مەملەكەت ەكونوميكاسى جان تامىرىنىڭ نەگىزى، ءىرى ەل ەكونوميكاسىنىڭ ”ورنىقتىرعىشى“.
پارتيا 18 - قۇرىلتايىنان بەرى شينجياڭنىڭ جاساۋ كاسىبى وزىندىك ەرەكشەلىكتى تياناق ەتىپ، جاساۋدى سيفرلاندىرىپ العا اتويلاپ، ىلەسە جۇگىرۋدەن ءىشىنارا سالالاردا باستاپ جۇگىرۋگە دەيىنگى قارىشتاۋدى جۇزەگە اسىرىپ، جاساۋ كاسىبىنىڭ ”جۇڭگو تانىسقىلارىن“ جارق ەتكىزىپ جارىققا شىعاردى. ترانسفورماتور سالاسى كوپتەگەن تارام سالالارداعى دۇنيە جۇزىلىك بىرىنشىلىكتى جاساپ، كوپتەگەن جەتەكشى ونىمدەر شەتەلدىڭ شەڭگەلدەۋىن بۇزدى؛ 4 جولدى، 6 جولدى ماقتا جيناۋ ماشيناسى ەل ىشىندەگى اقتاڭداقتى تولتىردى؛ جەل ەلەكتر جابدىقتارى دۇنيە جۇزىندەگى الدىڭعى لەككە ءوتتى.
قازىر شينجياڭنىڭ جەتەكشى كاسىپورىندارى ۇمتىلا العا ىلگەرىلەپ، تىرەكتى كۇشتەر ارىندارىن اڭعارتىپ، جۇڭگو جاساۋىنا ”شينجياڭ كۇشىن“ قوسۋدا.
دارەجەسىن جوعارىلاتۋدىڭ قارقىنى تەز، قادامى ورنىقتى بولىپ، مىعىم قۋاتتى ايگىلەدى
6 - ايدىڭ 3 - كۇنى شينجياڭ جينفىڭ عىلىم - تەحنيكا جارنا شەكتى سەرىكتەستىگى جاساعان الەمدەگى العاشقى تۇراقتى ماگنيتپەن تىكەلەي جەتەكتەيتىن تومەن جيىلىكتى جەل گەنەراتور اگراگاتى جىجياڭ ولكەسىنىڭ تايجوۋ قالاسىنداعى داچىنداۋدا جەلىگە ءساتتى قوسىلىپ، ەلەكتر تاراتىپ، تەڭىز ۇستىندە جەل ەلەكترىن جەتكىزۋدىڭ 3 ءىرى تەحنيكالىق بەتالىسىنىڭ ءبىرى تومەن جيىلىكپەن ەلەكتر جەتكىزۋ تەحنيكاسى دامۋىنىڭ جاڭا پاراعىن اشتى. تومەن جيىلىكتى جەل گەنەراتورىنىڭ ءساتتى زەرتتەپ جاسالۋى مەن قولدانىسقا بەرىلۋى بولاشاقتا ورتا، قيىر تەڭىزدە جەل ەلەكتر بايلىعىن كولەمدەندىرىپ اشۋ جونىنەن اسا كەلەلى ءمان الادى.
تالاي جىل تىنىش جاتىپ، اقىرىندا تىڭ سەرپىلىس جاسادى. 2010 - جىلى جۇڭگوداعى ەڭ باستاپقى تەڭىز ءۇستى جەل گەنەراتورىن جاساۋ بازاسى وندىرىسكە قوسىلعاننان بەرى، جينفىڭ عىلىم - تەحنيكاسىنىڭ تەڭىز ءۇستى جەل ەلەكترىن زەرتتەۋ جانە امالياتتا ايگىلەۋ قادامى تولاس تاپقانى جوق. 10 ميلليون يۋاندىق زەرتتەۋ - اشۋ قاراجاتىن تەحنيكالىق جاقتا قامال الۋعا جۇمساۋدان تىس، قىرۋار زەرتتەۋ - اشۋ قىزمەتكەرلەرىن اگراگاتتاردى جاقسارتۋعا قاتىناستىرىپ، ءبىر - بىرلەپ تەحنيكالىق قيىن قامالداردى تالقاندادى.
بۇگىنگى تاڭدا جينفىڭ عىلىم - تەحنيكاسى جەل ەلەكترى سالاسىنداعى ”مەملەكەت تانىسقىسى“ رەتىندەگى مىعىم قۋاتىن ايگىلەپ، قاتتى بولشەكتەن جۇمساق بولشەككە دەيىن، كولەمنەن ساپاعا دەيىن تيبىن جاڭارتۋ اۋىر مىندەتىن جان - جاقتىلى جالعاستىرىپ، جۇڭگو جەل ەلەكترى كاسىپ سالاسىنىڭ سيفرلانىپ دامۋىنا شىت جاڭا ولشەم شىعاردى.
جەل ەلەكتر جابدىقتارىن جاساۋداعى يتەراتيۆتى جاڭارتۋلار شينجياڭ جاساۋىنىڭ شاعىن كورىنىسى بولىپ تابىلادى.
جۇڭگو جاساۋىنداعى باستاماشى كاسىپورىن رەتىندە، ەرەكشە ترانسفورماتور جارنا شەكتى سەرىكتەستىگى شەتەلدىڭ زاۆودتارىنىڭ وزىق كەرنەۋ اۋىستىرعىش گەنەراتور سالاسىنداعى ۇزاق ۋاقىتتىق شەڭگەلدەۋىن بۇزدى. قازىر سەرىكتەستىك جالاڭ اپپاراتتان جۇيەلى توپتاستىرۋعا دەيىنگى، ودان ارى جۇڭگونىڭ ەلەكتر قۋاتى ولشەمىنە دەيىنگى جاپپاي شىعارۋدى جۇزەگە اسىردى.
پارتيا 18 - قۇرىلتايىنان بەرى، شينجياڭ جاساۋى شەشۋشى، وزەكتى تەحنيكالاردان قامال الۋدى كۇشەيتىپ، حالىقارادا جانە ەل ىشىندە وزىق ءبىر توپ جاسامپازدىق جەتىستىكتەرىن جارىققا شىعاردى. اسا (ەرەكشە) جوعارى كەرنەۋلى ەلەكتر جەتكىزۋ، تۇراقتى توكپەن ەلەكتر جەتكىزۋ سياقتى ەلەكتر جەتكىزۋ، كەرنەۋ وزگەرتۋ جابدىقتارى، يكەمدى تۇراقتى توك، كەرنەۋ اۋىستىرۋ كلاپانى، تۇراقتى ماگنيتپەن تىكەلەي جەتەكتەيتىن تومەن جيىلىكتى جەل گەنەراتور اگراگاتى، فوتوۆولتتىق كەرى تۇرلەندىرگىش سياقتى تەحنيكالار مەن ونىمدەر حالىقارادا الدىڭعى قاتارعا ءوتىپ، وزىق ورەگە جەتتى، شىدامدى اليۋمين قورىتپاسى، جوعارى كەرنەۋلى ەلەكتروندىق اليۋمين جاپىراقشاسى، جوعارى ساپتىقتاعى كوپ كريستالدى كرەمني، بيولوگيالىق ىدىراعىش شايىر، بيولوگيالىق نەگىزدى پولي اميد سياقتى تەحنيكالار مەن ونىمدەر ەل ىشىندەگى وزىق ورەگە جەتتى.
مەملەكەتتىڭ ”ءۇش بازا، ءبىر ارنا“ قۇرىلىسىن جەدەل ىلگەرىلەتۋدى ارقاۋ ەتكەن شينجياڭ جاساۋ كاسىبىنىڭ تيبىن وزگەرتىپ، دارەجەسىن جوعارىلاتۋ نەگىزىن ۇزدىكسىز بەكەمدەپ، جاسامپازدىق ۇسىنىلىمى مەن ءوندىرۋدىڭ بىردەي جوعارىلاۋىن جۇزەگە اسىرىپ، كاسىپ سالاسى قۇرىلىمىندا كورنەكتى وزگەرىس تۋدىرىپ، جاساۋ كاسىبى جەدەل تۇردە كاسىپ سالاسى تىزبەگىنىڭ، قۇن تىزبەگىنىڭ وزىق دەڭگەيىنە قاراي قادام تاستادى.
2021 - جىلى بۇكىل رايونداعى جاساۋ كاسىبىندەگى كولەمنەن جوعارى كاسىپورىن 2778 بولىپ، ونەركاسىپتىڭ ارتقان قۇنىن 221 ميلليارد 500 ميلليون يۋانعا جەتكىزىپ، سايكەس مەزگىلدەگىدەن ％7.9 ارتتىرىپ، 2 جىلدا ورتا ەسەپپەن ％6.1 ارتتىردى. جاساۋ كاسىبىنىڭ ونىمدىلىگى زور كولەمدە جاقسارىپ، سوڭعى 10 جىلعا تاياۋ ۋاقىتتاعى ونىمدىلىگى ەڭ جاقسى ءبىر جىل بولدى.
ەڭ زەرەك ۇلكەن ميدى ”زەردەلى جاساپ“، دامۋدىڭ كومەسكى كۇشىن ىسكە قوستى
6 - ايدىڭ 7 - كۇنىنە دەيىن، شينجياڭ تيانشان ليفت جاساۋ شەكتى سەرىكتەستىگى بيىل 300دەن استام ليفت ءوندىرىپ، ساتىپ، تاريحتاعى ەڭ جوعارى رەكوردتى جاڭالادى. وسىنشاما جاقسى ناتيجە سەرىكتەستىكتىڭ ”زەردەلى جاساۋ + تاپسىرىسپەن جاساۋ“ سىندى ءوندىرۋدىڭ، شارۋاشىلىق جۇرگىزۋدىڭ جاڭا ۇلگىسىن اتقارۋىنىڭ ارقاسى. بۇل ءونىمنىڭ بازارداعى باسەكەلىك قۋاتىن ۇزدىكسىز جوعارىلاتتى.
سوڭعى جىلداردان بەرى، تيانشان ليفتى تەحنيكادا جاڭالىق اشۋعا تاباندى بولىپ، ەنەرگيا ۇنەمدەيتىن، شىعىندى ازايتاتىن ونىمدەردى بەلسەنە زەرتتەپ، جاساپ، كوپتەگەن تەحنيكادا بۇكىل ەل بويىنشا وزىق ورەگە جەتتى. 10 جىلدىڭ الدىندا مۇنداي سەرپىلىستىڭ بولارى ويعا دا كىرمەيتىن. اتالعان سەرىكتەستىكتىڭ القا باستىعى جۇڭ جيانگو بىلاي دەدى: ”بۇرىن بارلىعى ادام قولىمەن جاسالاتىن، ءبىر جىلدا كوپ بولسا 100 − 200 عانا جاسايتىنبىز، سوڭعى جىلداردان بەرى، اۆتونوميالى رايوننىڭ جاڭا كەزەكتى ءداستۇرلى كاسىپ سالالارىندا ەلەۋلى تەحنيكالىق جاڭارتۋ، دارەجە جوعارىلاتۋ ينجەنەرياسى شىعىس جەلىنىڭ ارقاسىندا، سەرىكتەستىگىمىز جىلىنا تيجارات سوماسىنىڭ ％10ىن ءونىم زەرتتەۋگە، اشۋعا سالدى. قازىرگى تاڭدا، سەرىكتەستىگىمىز ءوز كۇشىنە سۇيەنىپ زەرتتەپ جاساعان اۋىر جۇك كوتەرەتىن شاپشاڭ ليفت بۇكىل ەل بويىنشا الدىڭعى قاتارعا ءوتىپ، 40 نەشە ءتۇرلى پاتەنتكە يە بولىپ، ونىمدەرىن 20 نەشە مەملەكەتكە ساتىپ وتىر“.
سوڭعى جىلداردان بەرى، شينجياڭ زەردەلى جاساۋدى زور كۇشپەن دامىتىپ، زەردەلى سەحتار قۇرىلىسىن ءتۇيىن ەتىپ، ”زەردەلى جاساۋ بىرلىگى − زەردەلى ءوندىرىس جەلىسى − سيفرلى سەح − زەردەلى زاۆودتى“ ارقاۋ ەتىپ، ”جابدىقتار ءبىر - بىرىمەن جالعاناتىن، ساندى مالىمەتتەر ءوزارا اۋىساتىن، بارىستا ءوزارا ىقپالداساتىن، كاسىپ سالالارى ءبىر - بىرىنە توعىساتىن“ زەردەلى جاساۋدىڭ جاڭا ۇلگىسىن بىرتىندەپ تۇلعالاپ، جاساۋ كاسىبىنىڭ جوعارى ساپالى دامۋىنا دەم بەردى.
”13 - بەسجىلدىق“ مەزگىلدە، شينجياڭنىڭ جاساۋ كاسىبى ۇزدىكسىز جاڭالىق اشىپ، ءورىسىن كەڭەيتىپ، كاسىپورىنداردى جاڭا ونىمدەردى، جاڭا تەحنيكالاردى زەرتتەۋگە، اشۋعا ۇسىنىلىم سالۋ سەرپىنىن ارتتىرۋعا جەتەكتەپ، ىنتالاندىرىپ، ينفورماتسيا تەحنيكاسى، ولقى بولىپ وتىرعان كەسەك جابدىقتار، جاڭا ماتەريالدار، ەنەرگيا ۇنەمدەپ، قورشاعان ورتانى قورعاۋ سياقتى شەشۋشى سالالاردا، شەشۋشى، وزەكتى تەحنيكالاردا قامال الۋدى جانە كاسىپ سالالاندىرۋدى ىلگەرىلەتتى.
كەزەكتە، شينجياڭ بيولوگيالىق جولمەن ىدىرايتىن جاڭا ماتەريالدار، ءتۇستى، سيرەك كەزدەسەتىن مەتالداردان جاسالاتىن جاڭا ماتەريالدار، بيومەديتسينالىق ەرەكشە دارىلىك ازىق بايلىقتارىنان پايدالانۋ، اۋىل شارۋاشىلىعى قوسىمشا ونىمدەرىن جىنتىكتەي مانەرلەۋ بويىنشا قىزاناق كاسىپ سالاسى تىزبەگى، ينفورماتسيالىق تەحنيكالىق قولدانبالار، ونەركاسىپتىك بۇلت، ۇلكەن ساندى مالىمەت، اۋىل شارۋاشىلىعى ماشينا - جابدىقتارى سياقتى كاسىپ سالالارىندا اۆتونوميالى رايون دارەجەلى جاساۋ كاسىبىندە جاڭالىق اشۋ ورتالىعىنان التاۋىن تىڭنان جەتىلدىرىپ، اۆتونوميالى رايون دارەجەلى كاسىپورىن تەحنيكالىق ورتالىقتارىنان 42سىن تانىپ، تەحنيكادا جاڭالىق اشۋ جۇيەسى ونان ارى كەمەلدەندى. ءتۇيىندى كاسىپورىنداردىڭ ءوندىرىس جابدىقتارىنىڭ سيفرلانۋ مولشەرى ％42.8كە، ”شينجياڭ كاسىپورىندارىندا بۇلتقا شىققان“ كاسىپورىندار 20 مىڭنان استامعا جەتتى.
ينفورماتسيا تەحنيكاسى مەن جاساۋ كاسىبى تەرەڭ توعىسىپ، ءوندىرىس ءتاسىلىن وزگەرتىپ، ءوندىرىس ونىمدىلىگىن جوعارىلاتىپ، سونى ءورىس اشتى، شينجياڭ جاساۋ كاسىبىنىڭ دامۋ ساپاسى ۇزدىكسىز جوعارىلاۋى ونەركاسىپ ءوندىرىسىنىڭ جاسىل تيپكە بۇرىلىس جاساۋىن جانە ەنەرگيا ۇنەمدەپ، ىعىستىرۋدى ازايتۋدى اسا اۋقىمدى دەڭگەيدە ىلگەرىلەتتى. قازىرگە دەيىن، اۆتونوميالى رايون دارەجەلى جاسىل زاۆودتان جالپى 136سىن (مەملەكەت دارەجەلى 72)، اۆتونوميالى رايون دارەجەلى جاسىل قامداۋ تىزبەگىنەن جالپى 7سىن (مەملەكەت دارەجەلى 5) قۇرىپ، اۆتونوميالى رايون دارەجەلى جاسىل جولمەن جوبالانعان 46 ءتۇرلى ءونىمدى (مەملەكەت دارەجەلى 45 ءتۇرلى) دامىتىپ، جاسىل باقشا اۋماعىنان 9ىن (مەملەكەت دارەجەلى 7) قۇرۋدى ىلگەرىلەتىپ، جوعارى ءونىمدى، تازا، تومەن كومىر قىشقىل گازدى، اينالمالى جاسىل جاساۋ جۇيەسىن ورناتتى.
باسىمدىققا يە كاسىپ سالالارىن الۋەتتەندىرىپ، بولاشاق ءورىستى كەڭەيتتى
قۇبا تۇزدەن جەل كەلىپ، جەلكەن كوتەرۋدىڭ دەر شاعى جەتتى.
قازىر شينجياڭنىڭ قۇمىلىنداعى قۇبا تۇزدە جەل گەنەراتور اگراگاتتارى ۇزاق تىزبەكتى شەپ بولىپ، بيىككە بوي سوزىپ تۇر؛ قالاقشالار جەلمەن بىرگە اينالىپ، جاسىل ەنەرگيا تولاسسىز شىعارىلۋدا... مول بايلىققا سۇيەنىپ، ۇزدىكسىز تىزبەك ۇزارتۋ، تىزبەك تولىقتاۋ، تىزبەكتى الۋەتتەندىرۋ ارقىلى جاڭالىق اشۋ قابىلەتى مەن دامۋ ساپاسىن جوعارىلاتقان قۇمىل شينجياڭ بويىنشا كولەمى ەڭ ۇلكەن، كاسىپ سالاسى تىزبەگى ەڭ ۇزىن جاڭا ەنەرگيالىق جابدىقتار جاساۋ بازاسىن قۇرىپ شىقتى. بيىل الدىڭعى 4 ايدا، قۇمىلدىڭ جابدىق جاساۋ كاسىبى ونەركاسىپ قۇنىنىڭ سايكەس مەزگىلدەگىدەن 1.6 ەسە ارتۋىن جۇزەگە اسىردى.
كەزەكتە، شينجياڭ جاڭا ەنەرگيالىق جابدىقتاردى، كەرنەۋ وزگەرتىپ ەلەكتر جەتكىزۋ جابدىقتارىن، جاڭاشا ەگىن، مال شارۋاشىلىعى ماشينالارىن ەرەكشەلىك، باسىمدىق ەتكەن، ماشينا جاساۋ، زەردەلى توقىما ماشينالارى، ينجەنەريالىق جانە كەن ماشينالارى، مۇناي جانە حيميا ونەركاسىبى جابدىقتارى سياقتىلاردى قامتىعان وزىق جابدىق جاساۋ كاسىپ سالاسى جۇيەسىن العاشقى قادامدا قۇرىپ شىقتى.
جاڭا دامۋ ۇستانىمىنا تاباندى بولىپ، جاڭالىق اشۋ، دارەجە جوعارىلاتۋ ءىسىن بەكەمدەگەن شينجياڭ ەرەكشەلىككە، باسىمدىققا يە كاسىپ سالالارىن ناقتىلاندىرىپ، تەرەڭدەتىپ، تيپ وزگەرتۋدىڭ، دارەجە جوعارىلاتۋدىڭ جاڭا نەگىزىن كۇشەيتتى.
سوڭعى جىلداردان بەرى، شينجياڭ بايلىق باسىمدىعىن تياناق ەتىپ، جاڭا بۋىن ينفورماتسيا تەحنيكاسىن، وزىق جابدىق جاساۋدى، جاڭا ەنەرگيا جانە جاڭا ماتەريالداردى، بيولوگيالىق كاسىپ سالاسىن، ەنەرگيا ۇنەمدەپ، قورشاعان ورتانى قورعاۋدى نەگىز ەتكەن، شينجياڭ ەرەكشەلىگىنە، باسىمدىعىنا يە ستراتەگيالىق جاڭا وركەندەگەن كاسىپ سالالارى جۇيەسىن جەدەل ورناتىپ، باسەكەمەن دامۋدىڭ جاڭا باسىمدىعىن قايتا تۇلعالاپ، عىلىم - تەحنيكامەن جەتەكشىلىك ەتەتىن، دەربەس، مەڭگەرىمدى، سالا ولشەمىنە جەتەكشىلىك ەتۋ قابىلەتى كورنەكتى كاسىپ سالاسى تىزبەگىن جەدەل قالىپتاستىردى. كرەمني نەگىزدى، اليۋمين نەگىزدى، سيرەك كەزدەسەتىن مەتالدار، حيميا ونەركاسىپتىك جاڭا ماتەريالدار، جاڭا ەنەرگيالىق جابدىقتار، بيومەديتسينا، بيولوگيالىق اۋىل شارۋاشىلىعى سياقتى كاسىپ سالالارى قاتىناسقان ەل ءىشى، حالىقارالىق كاسىپ سالاسى اينالىمىن العاشقى قادامدا قالىپتاستىرىپ، ءارقايسىسى وزىندىك ەرەكشەلىككە يە وڭىرلىك جۇمىس ءبولىسىنىڭ العاشقى جۇلگەسىن ورناتتى.
2021 - جىلى شينجياڭ سيفرلى كاسىپ سالالاندىرۋ مەن كاسىپ سالاسىن سيفرلاندىرۋدى تىڭعىلىقتى ىلگەرىلەتىپ، جاڭا بۋىن ينفورماتسيا تەحنيكاسى مەن جاساۋ كاسىبىنىڭ توعىسپالى دامۋىن تياناقتاندىرۋدىڭ اتقارۋ جوباسىن جانە ونەركاسىپتىك ينتەرنەتتى جاڭالىق اشا دامىتۋدىڭ قىزمەت جوباسىن جاساپ جانە تياناقتاندىرىپ، رايونىمىزدان 31 نىساننىڭ ونەركاسىپ جانە ينفورماتسيالاندىرۋ مينيسترلىگىنىڭ جاڭا بۋىن ينفورماتسيا تەحنيكالارىن قولدانۋ جانە ينفورماتسيا تۇتىنىلىمى سياقتى سىناق تۇيىندەرىندە ۇلگى كورسەتۋ كولەمىنە ەنۋىن ىلگەرىلەتتى، 2 نىسان 2021 - جىلعى بۇكىل مەملەكەتتىك ونەركاسىپ APPلەر جانە ينفورماتسيا تۇتىنىلىمى جارىسىندا سيلىق الدى. ”5G+ ونەركاسىپتىك ينتەرنەت“ 512 ينجەنەرياسى جانە 5G قولدانىلىمىنىڭ ”جەلكەن كوتەرۋ“ ارەكەت جوسپارىندا ۇزدىكسىز كۇش شىعاردى. سول جىلى، ستراتەگيالىق جاڭادان وركەندەگەن كاسىپ سالالارى ارتقان قۇننان 25 ميلليارد يۋان مولشەرىندە ورىنداپ، ％7 ارتتىردى، بۇل جاساۋ كاسىبىنىڭ ارتقان قۇنىنىڭ ％10تەيىن يەلەدى.
شينجياڭنىڭ اناعۇرلىم وزىق، اناعۇرلىم اشىق جاساۋ ۇلگىسى قالىپتاسۋ ۇستىندە. ”14 - بەسجىلدىق“ مەزگىلدە، شينجياڭ جاساۋ كاسىبىن دامىتۋدىڭ تىڭ كومەسكى كۇشتەرىن اشىپ، ءتۇرلى فاكتورلاردى شينجياڭعا جينالۋعا، كاسىپ سالالارىن شينجياڭعا ويىسۋعا، كاسىپورىنداردى شينجياڭعا قارجى قوسۋعا باۋراپ، ەكونوميكانىڭ جاڭا ارتۋ تۇيىندەرىن جەدەل قالىپتاستىرادى. سونىمەن بىرگە، سيفرلى ەكونوميكانىڭ كولەمىن ۇلعايتىپ، سيفرلانۋعا قاراي تيپ وزگەرتۋدىڭ جاڭا مۇمكىندىكتەرىن توپتايدى. ەرەكشەلىككە، باسىمدىققا يە كاسىپ سالالارىن ناقتىلاندىرۋدا، تەرەڭدەتۋدە ءتۇيىندى تۇردە سەرپىلىس جاساپ، جاساۋ كاسىبىنىڭ تيبىن وزگەرتىپ، دارەجەسىن جوعارىلاتۋدىڭ جاڭا نەگىزىن كۇشەيتىپ، كوپ شارانى قاتار قولدانىپ كاسىپ سالاسى تىزبەگىنىڭ، قامداۋ تىزبەگىنىڭ ارتىقشىلىقتارىن تۇلعالاپ، جاڭالىق اشا دامۋدىڭ جاڭا قوزعاۋشى قۋاتىن جەتىلدىرەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
