الدا ءجۇرىپ، ىرىقتىلىقپەن ىسكەرلىك كورسەتتى
− رايونىمىزدىڭ جەر - جەرى، تاراۋلارى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ىلگەرىلەتتى
□ انار بۇلت \ شينجياڭ گازەتىنىڭ تىلشىلەرى
2022.07.05 16:35 كەلۋ قاينارى : شينجياڭ گازەتى
تۇگەلدەي ناقتى ىستەر ىستەلىپ، ءار ءىس جۇرت جۇرەگىن جادىراتتى. بيىل جىل باسىنان بەرى، رايونىمىزدىڭ جەر - جەرى، تاراۋلارى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ىلگەرىلەتىپ، نازاردى حالىق تۇرمىسىنداعى قيىن، بوگەتتى، كەسىرلى ماسەلەلەرگە شوعىرلاندىرىپ، ءبىر تۇتاس جوسپارلاۋدى، سايكەستىرۋدى كۇشەيتىپ، بايلىقتىڭ سەپتەلۋىن ساپالىلاندىرىپ، ساياساتتىق قامداۋدى كۇشەيتىپ، حالىقتىڭ قۇت - ىرىسىن ۇزدىكسىز مولايتتى.
تۇزىمدەردى كەمەلدەندىردى
ساياحاتتىڭ قاۋىرت مەزگىلىنىڭ كەلۋىنە بايلانىستى شايار اۋدانى تويبولدى قالاشىعى كىجيماتا قىستاعىنىڭ تۇرعىنى ياسىن اتاوللا اشقان شارۋالار شاتتىعى ساياجايىنىڭ ساۋداسى ءتىپتى قىزا ءتۇستى. بيىل شايار اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ىلگەرىلەتىپ، ءۇرتىس 6 كەزەك ”اۋىل - قىستاقتى گۇلدەندىرۋ . ساياحات ارقىلى بىرگە بايۋ“ ارناۋلى تاقىرىپتىق باۋلۋ كۋرسىن وتكىزىپ، ساياحاتتىق قىزمەت وتەۋ كاسىبىمەن شۇعىلدانۋ ويى بار قىستاق تۇرعىندارىنا ساباق بەردى. ”تويبولدى قالاشىعىندا كۋرس ارقىلى شارۋالار شاتتىعى ساياجايىن اشقان مەن سياقتى 7 − 8 قىستاق تۇرعىنى بار“، - دەدى ياسىن.
بيىل رايونىمىزدىڭ جەر - جەرى، تاراۋلارى نازاردى حالىق بۇقاراسىنىڭ تاماشا تۇرمىس قاجەتىنە شوعىرلاندىرىپ، بۇقارا ءۇشىن ناقتى ءىس ىستەۋدىڭ مەحانيزمى مەن ناقتى ونىمدىلىگىن كۇشەيتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ تەرەڭدەۋىن، ناقتىلانۋىن ىلگەرىلەتتى.
شايار اۋدانى بۇقارانىڭ ءوندىرىسى، جۇمىستانۋى، كىرىس ارتتىرۋى سياقتى تولعاقتى ماسەلەلەرىمەن تىعىز بايلانىستىرىپ، كادرلاردىڭ جاۋاپكەرشىلىگىن قاتايتىپ، شەكتى مەرزىم ىشىندە ىستەردى تىندىرىپ، تىزىمنەن شىعارىپ وتىردى. قازىر اتالعان اۋدانداعى ءارقايسى ورىندار، تاراۋلار بۇقارانىڭ قيىنشىلىق، تالاپ - تىلەكتەرىنەن 35 مىڭىن شەشتى.
سانجى حۇيزۋ اۆتونوميالى وبلىسى حالىق جاعدايىن اڭىس ەتۋ ءتۇزىمىن ورناتىپ، اقاۋسىزداندىرىپ، بۇكىل وبلىستاعى پارتيالى كادرلاردى زور تەكسەرۋ - زەرتتەۋ، جاپپاي ارالاپ جاعداي ۇعىسۋ قيمىلىن ورىستەتۋگە ۇيىمداستىرىپ، مىندەتتەردى زەرتتەۋ، اشالاۋ، جىكتەۋ ارقىلى جاۋاپكەرشىلىكتى ايقىنداپ، حالىق تۇرمىسى ينجەنەريالارىن ورىندادى، تياناقتاندىردى. بىلتىردان بەرى ”بارشا وتباسىلاردا قارتتاردىڭ كۇتىمدەلۋى“ الەۋمەتتىك اۋماقتىڭ تاماق جاردەمى ينجەنەرياسىن اتقارىپ، الەۋمەتتىك اۋماقتاردا 100دەن استام تاماق جاردەمى ءتۇيىنىن قۇرىپ، ۇيىندە تۇراتىن 10 مىڭنان استام قارتقا تاماقتانۋ، تاماق دايىنداۋ جانە تاماق جەتكىزۋ قىزمەتىن ازىرلەدى. سونىمەن بىرگە سىرت جەردە ەمدەلۋدىڭ امبولاتوريا اقىسىنىڭ ەسەبىن ولكە اتتاپ، تىكە جابۋ امالىن ىسكە قوسىپ، بۇيرەك قىزمەتى السىرەۋ سياقتى 15 اۋرۋدى ەمدەۋ قۇرىلىمدارى مەن ءدارىحانالار سىندى قوس ارنادا ءدارى ساتىپ الۋ بويىنشا باسقارۋ، قىزمەت وتەۋ كولەمىنە ەنگىزىپ، بۇقارانىڭ اۋرۋ كورسەتۋى قيىن بولۋ، قىمبات بولۋ ماسەلەسىن ىشكەرىلەي شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.
شارالاردا جاڭالىق اشتى
رايونعا قاراستى ادەتتەگى جوعارى مەكتەپتەردەن بيىل وقۋ تاۋىساتىن وقۋشىلاردىڭ جۇمىستانۋ باعدارىنىڭ تياناقتانۋ مولشەرىنىڭ بىلتىرعى دەڭگەيدەن تومەن بولماۋىنا شىنايى كەپىلدىك ەتۋ ءۇشىن، 6 - ايدىڭ باسىندا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋ بويىنشا 12 مىڭ 16 پراكتيكالىق جۇمىس ورنىن شوعىرلى جاريالاپ، جوعارى مەكتەپتەن وقۋ تاۋىسىپ جۇمىستانباعان وقۋشىلار مەن 16 جاستان 24 جاسقا دەيىنگى شينجياڭدىق جۇمىسسىز جاستاردى بەلسەنە ات سالىسۋعا كەڭىنەن جۇمىلدىرىپ، وقۋ تاۋىسقان وقۋشىلار سىندى اناعۇرلىم كوپ جاستىڭ پراكتيكا ارقىلى تاجىريبە جيناۋىنا، جۇمىستانۋىنا كومەكتەستى، سونداي - اق جۇمىس ورنىن كوبەيتۋگە بەرىلەتىن ءبىر رەتتىك جاردەماقى تاراتۋ ارقىلى كاسىپورىنداردى وقۋ تاۋىسۋ جىلىنداعى جوعارى مەكتەپ وقۋشىلارىن باۋراۋعا ىنتالاندىردى.
الدىن الا جوسپار ءتۇزىپ، ىرىقتىلىقپەن ىسكەرلىك كورسەتتى. بيىل رايونىمىزدىڭ جەر - جەرى، تاراۋلارى ءتۇرلى ساياسات - شارالاردىڭ ورىندالۋىن، تياناقتانۋىن جاسامپازدىقپەن ىلگەرىلەتىپ، ءار ۇلت بۇقاراسى ءۇشىن شىنايى جاقسى ءىس، ناقتى ءىس ىستەپ، قيىن ماسەلەلەردى شەشتى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپورىندارعا كومەكتەسۋ، جۇمىس ورىندارىن ورنىقتىرۋ سەرپىنىن جانە كاسىپورىنداردىڭ قيىنشىلىقتان قۇتىلۋىنا كومەكتەسۋ سەرپىنىن ارتتىردى. ورتا، شاعىن، ۇساق كاسىپورىنداردىڭ جۇمىسسىزدىق قامسىزداندىرۋىن جۇمىس ورنىن ساقتاعاندىعى ءۇشىن قايتارىپ بەرۋ سالىستىرماسىن بىلتىرعى ％60تەن ％90كە جوعارىلاتقاننان كەيىن، ءىرى كاسىپورىنداردىڭ جۇمىسسىزدىق قامسىزداندىرۋىن جۇمىس ورنىن ساقتاعاندىعى ءۇشىن قايتارىپ بەرۋ سەرپىنىن دە جوعارىلاتىپ، قايتارىپ بەرۋ سالىستىرماسىن ％30تەن ％50كە كوتەرىپ، قامسىزداندىرۋعا قاتىناسقان 100 مىڭنان استام كاسىپورىنعا تيىمدىلىك جاسادى.
6 - ايدان 10 - ايعا دەيىن ورتالىق ورىندار مەن شينجياڭعا كومەكتەسەتىن ولكە - قالالاردان شينجياڭعا كومەكتەسۋگە كەلگەن 70 تەن استام مەديتسينالىق مامان كەزەك - كەزەگىمەن رايونىمىزدىڭ شەكارا وڭىرلەرىنە بارىپ، شوعىرلى تەگىن ەمدەۋ ورىستەتتى، سونداي - اق ۇنەمى كەزدەسەتىن دارىلەرمەن تەگىن قامدادى. ماماندار تاعى نەگىزگى ساتى شيپاحانالارىنا بارىپ وقىتۋ ماقساتىندا ناۋقاس بولمەلەرىن ارالاپ تەكسەرۋ، عىلمي لەكسيا سويلەۋ، ارناۋلى تاقىرىپتا ساباق بەرۋ سياقتى قيمىلدار ورىستەتىپ، جەرگىلىكتى ورىنداردىڭ ەمدەۋ دەڭگەيىن جوعارىلاتتى؛ شەكارا وڭىرلەردە كوپ كەزدەسەتىن اۋرۋلارعا، ءجيى تۋىلاتىن اۋرۋلارعا باعىتتاي وتىرىپ، دەنساۋلىق ساقتاۋ، سالاماتتىق بىلىمدەرى لەكسيالارىن ورىستەتتى.
بيىل اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى ءتۇيىندى حالىق تۇرمىسى نىساندارىن تۇتقا ەتىپ، جالپى حالىقتىڭ دەنساۋلىعىن تەكسەرۋ قىزمەتىن ۇزدىكسىز ىلگەرىلەتىپ، اۋرۋلارعا تالداۋ جاساۋ جانە ونىڭ الدىن الۋ قابىلەتىن كۇشەيتتى. اۋىل - قىستاقتارداعى تۋىت جاسىنداعى ايەلدەردىڭ فولين قىشقىلىن اقىسىز تولىقتاۋ ارقىلى جۇيكە تۇتىگىنىڭ اقاۋىنىڭ الدىن الۋ نىسانى، كوشپەلى مەديتسينالىق قىزمەت وتەۋ سياقتىلاردى ۇيىمداستىرىپ، اتقارىپ، نەگىزگى ساتى بۇقاراسىنىڭ سالاماتتىعىنا ىشكەرىلەي نازار اۋدارىپ، نەگىزگى ساتى بۇقاراسىنىڭ سالاماتتىق ساپاسىن جوعارىلاتتى.
قىزمەت وتەۋدى ساپالىلاندىردى
”قازىر تيجارات كۋالىگىن ءبىتىرۋدىڭ جالپى بارىسىن ينتەرنەتتە جۇرگىزۋگە بولادى، ماتەريالىڭ تولىق بولسا، سول كۇنى كۋالىك الا الاسىڭ، شىنىندا، وتە قولايلى بولدى“! 6 - ايدىڭ 28 - كۇنى ءۇرىمجى قالالىق اكىمشىلىك قىزمەت وتەۋ ورتالىعىندا ءۇرىمجى قالاسىنداعى ءبىر عىلىم - تەحنيكالىق سەرىكتەستىكتىڭ جاۋاپتىسى ليۋ يۇيلين قىزمەتكەردىڭ جەتەكشىلىگىندە بازار تۇلعالارىنىڭ بازارعا كىرۋىن ”ءبىر بەكەتتە قابىلداۋ“، ”جالپى بارىستى ەلەكتروندىق تاسىلگە كوشىرۋ“ سياقتى قىزمەت وتەۋلەردەن يگىلىكتەنىپ، انە - مىنە دەگەنشە تيجارات كۋالىگىن الىپ ۇلگىردى.
جەر - جەردەگى اكىمشىلىك قىزمەت وتەۋ زالدارى بازار تۇلعالارى مەن قالىڭ بۇقارا ءۇشىن تىكەلەي قىزمەت وتەيتىن ماڭىزدى تۇعىر. حالىققا قولايلى شارالار جاعىندا ”ءبولۋ“ امالىن قولدانىپ، نەگىزدىك قامتاماسىز ەتۋ جاعىندا ”كوبەيتۋ“ امالىن قولداندى، بيىل رايونىمىزدىڭ جەر - جەرى، تاراۋلارى ۇيىمدىق جۇيەنى كەمەلدەندىرۋ، ءادىس - تاسىلدە جاڭالىق اشۋ ارقىلى حالىق ءۇشىن قىزمەت وتەيتىن ينفورماتسيالانعان ينتەرنەتتىك تۇعىرلاردى بەلسەنە ورناتىپ، بۇقارا مەن كاسىپورىندارعا ىشكەرىلەگەن تۇردە جوعارى ءونىمدى، قولايلى قىزمەت وتەدى.
”ەلەكتروندى ساۋدانى جانداندىرۋ“ ارەكەتىن جولعا قويۋ، بازار باقىلاۋ - باسقارۋ سالاسىنداعى قارتتاردى كۇتىمدەۋ الدامكوستىگىنە سوققى بەرۋ جانە ونى وڭاۋ، ”ءسىز اشكەرەلەسەڭىز، مەن تەكسەرىپ ءبىر جاقتى ەتەمىن“ قيمىلىن ورىستەتۋ... اۆتونوميالى رايوندىق بازار باقىلاۋ - باسقارۋ مەكەمەسى بازار باقىلاۋ - باسقارۋ فۋنكتسياسىن تياناق ەتىپ، الەۋمەتتىك حاۋىپسىزدىكتى قامتاماسىز ەتۋ، شارۋاشىلىق - ساۋدا ورتاسىن ساپالىلاندىرۋ، ءادىل باسەكەنى جەبەۋ، بازاردىڭ ومىرشەڭدىگىن قاۋلاتۋ، ساپانى، حاۋىپسىزدىكتى ساقتاۋ سياقتى قىزمەتتەردى ارقاۋ ەتىپ، ءبىر قىدىرۋ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ۇيىمداستىرىپ، ورىستەتىپ، كاسىپورىندار مەن بۇقارانىڭ قيىنشىلىعىن شىنايى تۇردە جەڭىلدەتتى، شەشتى.
بۇقارانىڭ اڭىسى كۇشتى بولعان ءىس بىتىرۋدە جول قاتىناسىنىڭ وزىندىك قۇنى جوعارى بولۋ سياقتى ماسەلەلەرگە باعىتتاي وتىرىپ، التاي ايماعى كوكتوعاي اۋدانىندا 5G ەگىنشى - مالشىلارعا قىزمەت وتەۋ E بەكەتىن تۇيىندە سىناق ەتىپ قۇرىپ، ساندى مالىمەتتى كوپ قولدانۋدى، بۇقارانى از سابىلتۋدى جۇزەگە اسىردى. بيىل جىل باسىنان بەرى بۇل بەكەتتە ءىسى ءبىتىرۋ مولشەرى ％98كە، بۇقارانىڭ رازى بولۋ دەڭگەيى ％100كە جەتتى.
(ءتىلشى سۋ لۋپيڭ، قاتىناسقان تىلشىلەر جاڭ جىلي، گى يوۋجۇن، رىن حۋا، جاڭ تيڭ، لي لين)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
