بيىل شينجياڭ تەمىر جولىنىڭ جۇك تاسىمال مولشەرى 100 ميلليون توننادان استى
بىلتىرعىدان 21 كۇن ىلگەرى بولدى
2022.07.04 16:37 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى گاۋ فىڭ، ەرىكتى تىلشىلەر ۋ چي، حوۋ جياۋ 7 - ايدىڭ 2 - كۇنى ۇرىمجىدەن حابارلايدى. 6 - ايدىڭ 28 - كۇنى ساعات 11دە 2310 توننا جۇگەرى، حيميالىق تىڭايتقىش سياقتى زاتتار تيەگەن پويەز ءۇرىمجى باتىس وۆگزالىنان گۋدوك شالا اتتانىپ، سىچۋاننىڭ لىشان سولتۇستىك وۆگزالىنا جول الدى. وسى توپتاعى زاتتار جونەلتىلگەننەن كەيىن، بيىل شينجياڭ تەمىر جولىنىڭ جۇك تاسىمال مولشەرى 100 ميلليون توننادان اسىپ، بىلتىرعىدان 21 كۇن ىلگەرى بولدى.
جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى زات تاسىمال ءبولىمىنىڭ ورىنباسار مەڭگەرۋشىسى لي شيڭ بىلاي دەپ تانىستىردى: بيىل جىل باسىنان بەرى شينجياڭ تەمىر جول تاراۋلارى ساۋداعا قىزمەت وتەۋدى كۇشەيتىپ، وندىرىسكە ۇيىمداستىرۋدى ساپالىلاندىرىپ، ءوندىرىس ونىمدىلىگىن ۇزدىكسىز ارتتىردى، قازىرگە دەيىن جۇك تاسىمال مولشەرى سايكەس مەزگىلدەگىدەن ％9. 11 ارتىپ، ورنىقتىلىق بارىسىندا ىلگەرىلەۋدەي تاماشا دامۋ كۇيى جارىققا شىقتى.
6 - ايدىڭ 16 - كۇنى حوتان − چارقىلىق تەمىر جولىنىڭ اشىلىپ، ىسكە قوسىلۋىنا بايلانىستى تاكلاماكان ءشولىن اينالعان تەمىر جول تۇيىق اينالما قالىپتاستىرىپ، شينجياڭ تەمىر جولىنىڭ تيجاراتتىق ۇزىندىعى 1. 9091 كيلومەترگە جەتتى. قازىر شينجياڭدا لانجوۋ − شينجياڭ تەمىر جولىن جانە لانجوۋ − شينجياڭ جوعارى جىلدامدىقتى تەمىر جولىن نەگىزگى ارنا، لينحىدان قۇمىلعا دەيىنگى تەمىر جولدى سولتۇستىك ارنا، گولمۇد − كورلا تەمىر جولىن وڭتۇستىك ارنا ەتكەن ”ءبىر نەگىز، ەكى قوسىمشا“ قاتىناس جۇلگەسى قالىپتاستى. تيانشان الابىن ەندەي وتكەن تەمىر جول لەنياسى كومىر، مەتال كەن تاسى، استىق، حيميا - ونەركاسىپ سياقتى زاتتىق ماتەريالداردى تاسۋعا پارمەندى تىرەك ازىرلەدى.
بيىل شينجياڭ تەمىر جول تاراۋى شينجياڭدا تۇراتىن 33 ورتالىق كاسىپورىندارىمەن، سونداي - اق شينجياڭنىڭ تىرەكتى كاسىپورىندارىمەن ستراتەگيالىق سەلبەستىك كەلىسىمىنە قول قويىسىپ، تاسىمال مولشەرىن 153 ميلليون 450 مىڭ تونناعا جەتكىزۋگە كەلىسىم جاسادى، بۇل 2021 - جىلداعىدان ％7.1 ارتتى. لي شيڭ مىنالاردى ءبىلدىردى: بىلتىر شينجياڭنىڭ تەمىر جول جۇك تاسىمال مولشەرى 185 ميلليون 600 مىڭ تونناعا جەتكەن، بيىل 201 ميلليون 330 مىڭ تونناعا جەتكىزۋگە قۇلشىنىپ، ”ءبىر بەلدەۋ، ءبىر جول“ قۇرىلىسىنا اناعۇرلىم جاقسى قىزمەت وتەپ، شينجياڭ ەكونوميكاسىنىڭ جوعارى ساپالى دامۋىنا دەم بەرەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
