جۇڭگو شينجياڭ ـ قازاقستان كاسىپورىنشىلارى توراپ ارقىلى كەڭەس وتكىزدى
2022.06.30 16:27 كەلۋ قاينارى : حالىق تورابى
انار بۇلتى - شينجياڭ گازەتىنىڭ حابارى. (ءتىلشى حي حۇڭۋەي حابارلايدى) 6 - ايدىڭ 29 - كۇنى تۇستەن كەيىن، بيىلعى تۇڭعىش رەتكى جۇڭگو شينجياڭ - قازاقستان كاسىپورىنشىلارىنىڭ كەڭەسى توراپ ارقىلى جەلىدە وتكىزىلدى.
وسى رەتكى كەڭەس بەينە ەكران ارقىلى تىكە تاراتۋ فورماسىمەن جۇرگىزىلدى. جۇڭگو مەن قازاقستاننىڭ 120 دان استام كاسىپورىن ۋاكىلى ماجىلىستەن بۇرىن قامداۋ مەن قاجەتسىنۋدى دالمە ـ ءدال سايكەستىرۋ، ماجىلىستە ۇشتاستىرۋ - سەلبەستىرۋ، ماجىلىستەن سوڭ زاكاز بويىنشا تيجارت جاساۋ ءتاسىلى ارقىلى توقىماشىلىق، كيىم ـ كەشەك، جەڭىل ونەركاسىپ، ماشينا ـ ەلەكتر، اۋىل شارۋاشىلىق ونىمدەرى سياقتى سالالارعا نازار اۋدارىپ، سەلبەستىككە ۇمتىلىپ، ءوزارا پايدا جەتكىزىپ، تەڭ يگىلىككە كەنەلۋدى تىلگە تيەك ەتتى.
جۇڭگو مەن قازاقستان ديپلوماتيالىق قاتىناس ورناتقان 30 جىلدان بەرى، ەكى ەل باسشىلارىنىڭ ستراتەگيالىق جەتەكشىلىگىندە، ەكى جاقتىڭ ەكونوميكا ـ ساۋدا سەلبەستىگى سۇبەلى تابىستارعا قول جەتكىزدى، ەكى جاقتى ساۋدا سوماسى ديپلوماتيالىق قاتىناس ورناتقان العاشقى كەزدەگى 368 ميلليون دوللاردان دامىپ 2021 ـ جىلى 25 ميلليارد 250 ميلليون دوللارعا جەتىپ، تاريحتاعى ەڭ جوعارى ورەنى جاراتىپ، 70 ەسەگە جۋىق ارتتى. جۇڭگو قازاقستاننىڭ ەكىنشى ۇلكەن ساۋدا سەرىگىنە، ءبىرىنشى ۇلكەن ەكسپورت نىساناسى ەلىنە جانە ەكىنشى ۇلكەن يمپورت قاينارى ەلىنە اينالدى.
جۇڭگونىڭ الماتىداعى باس كونسۋلحاناسىنىڭ ساۋدا اقىلشىسى لۇي انچي بىلاي دەدى: وسى ساندى مالىمەتتەردىڭ استارىندا ەكى جاقتىڭ كاسىپورىنشىلارىنىڭ كۇرەسى مەن ۇلەسى جاتىر. جۇڭگونىڭ شينجياڭى قازاقستانمەن ىرگەلەس، ەكى جاقتىڭ ەكونوميكا ـ ساۋدا قارىم ـ قاتىناسىن دامىتۋ ەرەكشە وڭىرلىك باسىمدىققا جانە گۋمانيتارلىق باسىمدىققا يە، شينجياڭ قازاقستانمەن سەلبەستىكتىڭ الدىڭعى لەگىندە كەلەدى، «ءبىر بەلدەۋ، ءبىر جول» قۇرىلىسىندا جۇڭگونىڭ شينجياڭى مەن قازاقستاننىڭ سەلبەستىگىن ۇزدىكسىز تەرەڭدەتۋ كەرەك.
شينجياڭ ۇيعۇر اۆتونوميالى رايوندىق ساۋدا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى رۇڭ جۇن ماجىلىستە بىلاي دەدى: بيىل شينجياڭ ۇيعۇر اۆتونوميالى رايوندىق ساۋدا مەڭگەرمەسى قازاقستاندى ءتۇيىندى سەلبەستىك جاسايتىن ەل ەتىپ، ىركەس ـ تىركەس 6 رەت جەلىلەس توراپ ارقىلى بايلانىس جاساۋ قيمىلىن وتكىزەدى، سونداي ـ اق ءتۇيىلىسۋ ساپاسى مەن ونىمدىلىگىن جوعارىلاتۋعا ءتۇيىندى تۇردە كۇش سالىپ، كاسىپورىنداردىڭ بىرگە-ءبىر اقىلداسۋ سالىستىرماسى مەن ۋاقىتىن جوعارىلاتىپ، ماجىلىستەن كەيىن زاكاز بويىنشا تيجارات جۇرگىزۋگە قىزمەت وتەۋ مەرزىمىن ارتتىرىپ، ەكى جاقتى ەكونوميكا ـ ساۋدا سەلبەستىگىن ناقتى ىلگەرىلەتەدى.
ماجىلىستەن كەيىن، ماجىلىسكە قاتىناسقان كاسىپورىندار دالمە ـ ءدال كەڭەسىپ، زاكاز الىستى.
«توراپ ارقىلى ءتۇيىلىسۋ جيىنىنان پايدالانىپ، ءبىز ءتىپتى دە كوپ قازاقستان قاريدارلارىمەن تانىستىق، ءتىپتى دە كوپ سەلبەستىككە قول جەتكىزەمىز، بۇل بىزگە تاماشا ساتۋ ارناسىن اشتى» دەدى ەرەكشە ترانسفورماتور سەرىكتەستىگى زەردەلى ەلەكتر شەكتى جاۋاپكەرشىلىك سەرىكتەستىگىنىڭ باس مەڭگەرۋشىسى جاڭ لەي.
ۇعىسۋعا قاراعاندا، سوڭعى جارتى جىلدا شينجياڭ ۇيعۇر اۆتونوميالى رايوندىق ساۋدا مەڭگەرمەسى جەكە ـ جەكە جۇڭگو شينجياڭ ـ قازاقستان كاسىپورىنشىلارىنىڭ بۇلتتىق بايلانىس قوعامى ىلە ارناۋلى قيمىلى مەن قىزمەت وتەۋ ساۋداسى ارناۋلى قيمىلىن وتكىزىپ، سەلبەستىك سالاسىن كەڭەيتىپ، جاساندى زەردە، ەلەكتروندىق ساۋدا، سيفرلى فينانس سياقتى سالالاردا سەلبەستىكتىڭ جاڭا ارتۋ تۇيىندەرىن جەتىلدىرۋگە كۇش سالادى ەكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
