ءبىلىم قۋىپ، ىلگەرىلەۋگە ۇمتىلىپ، ۇيرەنگەنىمىزدى كادەگە جاراتامىز
− اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى تيانجيندە، حىبەيدە، سانشيدە ۇيرەنۋدە، تەكسەرۋدە بولعاندا كورگەن - بىلگەندەرىمىز
انار بۇلت \ شينجياڭ گازەتىنىڭ ءتىلشىسى لياڭ ليحۋا
2022.07.04 16:41 كەلۋ قاينارى : حالىق تورابى
شىلىڭگىر شىلدە، بوحاي تەڭىزىنىڭ جاعالاۋى، يانجاۋدىڭ بايتاق دالاسى، تايحاڭشان تاۋىنىڭ ىشكى جاعى مەن حۋاڭحى وزەنىنىڭ سىرتقى الابى جوعارى ساپالى دامۋدىڭ تولقىنىندا ءوزىنىڭ جاسىل، ومىرشەڭ، اشىق الپەتىن ايگىلەپ جاتىر.
6 - ايدىڭ 27 - كۇنىنەن 7 - ايدىڭ 1 - كۇنىنە دەيىن اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى ماسەلە جانە ويلانۋ ۇستىندە ىلگەرىندى - كەيىندى تيانجيندە، حىبەيدە، سانشيدە ۇيرەنۋدە، تەكسەرۋدە بولىپ، وزگەلەردەن ۇلگى الىپ رايونىمىزدىڭ جوعارى ساپالى دامۋىنا كۇش ۇستەدى.
5 كۇندىك ۋاقىت ىشىندە ەكولوگيالىق ورتا قۇرىلىسى، اۋىل - قىستاقتى گۇلدەندىرۋدەن تارتىپ شارۋاشىلىق - ساۋدا ورتاسىن ساپالىلاندىرۋ، كاسىپورىندى جوعارى ساپالى دامىتۋعا دەيىنگى 10 نەشە تەكسەرۋ ءتۇيىنى ۋاكىلدەر ۇيىرمەسىندەگى مۇشەلەرگە باۋىرلاس ولكەلەردىڭ جوعارى ساپالى دامۋ بارىسىنداعى باتىلدىقپەن يدەيانى ازات ەتۋدەگى، رەفورما جاساپ، جاڭالىق اشۋداعى كۇرەس جۇرگىزۋ رۋحىن ايگىلەدى.
”توتەنشە كۇشتى ۋاكىلدىك سيپاتقا، ونەگەلىك سيپاتقا جانە جەتەكشىلىك سيپاتقا يە بولدى، ءبىز باۋىرلاس ولكەلەردىڭ جاڭا ۇستانىمىن، تاماشا تاجىريبەسىن شينجياڭعا الا قايتىپ، رەفورما، دامۋ، ورنىقتىلىقتىڭ ءتۇرلى قىزمەتتەرىن ويداعىداي ىستەۋگە اناعۇرلىم ويداعىداي جەتەكشىلىك ەتەمىز“. ۋاكىلدەر ۇيىرمەسىندەگى مۇشەلەر اسەرلەرىن ءبىلدىرىپ، ۇيرەنگەن تاجىريبەلەرىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ قوزعاۋشى كۇشىنە اينالدىردى.
تابيعاتتى قورعاپ، ەكولوگيانى كارتينالادى
تيانجين قالاسىنىڭ قوس قالا اراسىنداعى جاسىل ەكولوگيالىق قالتقى رايونىنا بارعاندا، قۇددى جاپ - جاسىل تەڭىزدە تۇرعان سياقتانىپ، دىمقىل تازا اۋادا قۇستار سايراپ، گۇلدەر جايناپ، سونشالىق جانعا راقات سەزىلدى.
جاسىل ەكولوگيالىق قالتقى رايونىنىڭ جالپى جەر اۋدانى 736 شارشى كيلومەتر، تيانجين قالاسى ”ەكولوگيالىق قالتقى، جينگۋ جاسىل اڭعارى“ نىساناسىن تۇراقتاندىرۋ بويىنشا، قالتقى رايونىن ءبىرىنشى، ەكىنشى، ءۇشىنشى دارەجەلى باسقارۋ - تىزگىندەۋ رايونىنا ءبولىپ، دارەجەگە ءبولىپ باسقارۋ - تىزگىندەۋدى قولدانىپ، ”ءبىر ءوس، ەكى ءدالىز، ەكى بەلدەۋ، ءۇش رايون، كوپ شوعىرلى“ جاسىل ەكولوگيا كەڭىستىگىن قالىپتاستىرادى.
”جاسىل ەكولوگيالىق قالتقى رايونىن تۇلعالاۋ تيانجين قالاسىنىڭ جاسىل تاۋ، تۇنىق سۋ − باعالى بايلىق ۇستانىمىن ىشكەرىلەي دايەكتىلەندىرۋىنىڭ جاندى امالياتى بولىپ، حالىقتى جاسىل دامۋدىڭ جەتىستىكتەرىنەن تولىق يگىلىكتەندىردى“. اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار باستىعى داي ۋجۇن بىلاي دەدى: جاسىل ەكولوگيالىق قالتقى رايونىنىڭ جوبالانۋى عىلمي دا ۇيلەسىمدى، ۇيرەنىپ ۇلگى الۋعا ەرەكشە تاتيدى.
فىنحى − سانشيدىڭ انا وزەنى، رەفورما جاساۋ، ەسىك اشۋدىڭ العاشقى كەزىندە لاستانۋى اۋىر بولدى، ەكولوگيالىق ورتاسى ءبۇلىندى، جيىرما نەشە جىلدىق ۇزدىكسىز قالپىنا كەلتىرۋ ارقىلى بۇگىنگى تاڭدا فىنحى كورىنىس ءوڭىرى تىنىعۋ، دەنە شىنىقتىرۋ، ساياحاتتاۋ، سەرۋەندەۋ ءبىر تۇلعالانعان باياندى دامۋدىڭ كوپ نەگىزدەنگەن ەكولوگيالىق جۇيەسىن قالىپتاستىردى. وزەن جاعاسىندا سەرۋەندەپ جۇرگەن حوتان ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ورىنباسار ءۋاليى ماحمۇت ءومارجان تەرەڭ اسەر الدى. ول بىلاي دەدى: رايونىمىزدىڭ ەكولوگيالىق وركەنيەت قۇرىلىسىنىڭ مىندەتى اۋىر، جولى ۇزاق، ءسوز جوق، جاسىل دامۋ جولىمەن ءجۇرىپ، جاڭالىق اشۋ، سايكەستىرۋ، جاسىل بولۋ، اشىق بولۋ، ورتاق يگىلىكتەنۋ سىندى جاڭا دامۋ ۇستانىمىن دايەكتىلەندىرىپ، ەكونوميكانىڭ دامۋ تاسىلىنە ۇزدىكسىز بۇرىلىس جاساپ، جاسىل، تومەن كومىر قىشقىل گازدى سالادا جاڭا ارتۋ ءتۇيىنىن جەتىلدىرىپ، جاڭا قوزعاۋشى كۇش قالىپتاستىرۋى كەرەك.
يدەيانى ازات ەتۋ بارىسىندا دامۋدىڭ ومىرشەڭدىك كۇشىن تاسقىنداتتى
رەفورما جاساۋ، ەسىك اشۋ يدەيانى ازات ەتۋدى، جۇرەكتىلىكپەن جاڭالىق اشۋدى، الدىمەن اتقارىپ، الدىمەن سىناق ەتۋدى قاجەت ەتەدى.
جۇڭگو (حىبەي) ەركىن ساۋدا سىناق رايونى جىڭديڭ اۋماعى 2019 - جىلى قۇرىلعاننان بەرى كورنەكتى ناتيجەگە قول جەتكىزىپ، مەملەكەت ءۇشىن ءتۇزىم سىنايتىن، جەرگىلىكتى ورىن ءۇشىن دامۋدى جوسپارلايتىن بەلسەندى رول اتقارىپ، ءبىر توپ تۇزىمدە جاڭالىق اشۋ جەتىستىكتەرىن قالىپتاستىردى.
”باتىلدىقپەن يدەيانى ازات ەتۋ، جۇرەكتىلىكپەن رەفورما جاساۋدا جاڭالىق اشۋ رۋحى ءبىزدىڭ ۇيرەنۋىمىزگە ابدەن تاتيدى“. اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشىسى زاكىر زوردۇن بىلاي دەدى: رايونىمىز ”ءبىر بەلدەۋ، ءبىر جول“ قۇرىلىسىندا يدەيانى ونان ارى ازات ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتىپ، ەلىمىزدىڭ ىشكى قۇرلىقتىق ەسىك اشۋ مەن شەكارالىق ەسىك اشۋىنىڭ جاڭا بيىگىن كۇش سالا تۇلعالاۋى كەرەك.
شارۋاشىلىق - ساۋدا ورتاسىن ساپالىلاندىرۋ رايونىمىزدىڭ كەزەكتەگى قىزمەتتەرىنىڭ ماڭىزدى تاقىرىبى، وسى تاقىرىپقا مەڭزەس سانشي ولكەسىنىڭ ىزدەنىسى مەن امالياتى اسا كۇشتى ۇلگى الۋ سيپاتىنا يە.
جۋىق جىلداردان بەرى سانشي ولكەسى ”پارىقسىز، كەدەرگىسىز، الاڭدامايتىن“، ”مەجەلەۋگە بولاتىن، سەنىمدى بولاتىن، دامىتاتىن“ شارۋاشىلىق - ساۋدا ورتاسىن كۇش سالا قالىپتاستىردى. سونىمەن بىرگە ”بەس ءبىر“ قىزمەت وتەۋ تۇعىرىن قالىپتاستىردى، ياعني ءبىر زالدا قىزمەت وتەۋدى باسقارۋ، ءبىر تاڭبادا تەكسەرىپ بەكىتۋدى باسقارۋ، ءبىر قوسىنمەن زاڭ اتقارۋدى باسقارۋ، ءبىر جەلىدە ءبىر تۇتاس ءبىتىرۋدى باسقارۋ ونىمدىلىگىن جوعارىلاتۋ، ءبىر - بىرلەپ سويلەسىپ ءبىتىرۋ ونىمدىلىگىن جوعارىلاتۋ.
”سانشي ولكەسىنىڭ ادىستەرىنەن شارۋاشىلىق - ساۋدا ورتاسىن ساپالىلاندىرۋدا رايونىمىزدىڭ قىزمەت وتەۋ سيپاتىنداعى ۇكىمەت قۇرۋدى جەدەلدەتىپ، ونىمدىلىك تانىمىن ورناتىپ، اكىمشىلىك قىزمەت وتەۋ ونىمدىلىگىن جوعارىلاتىپ، كاسىپورىندارعا بەلسەنە ەرىك بەرىپ، بازاردىڭ ومىرشەڭدىك كۇشىن قاۋلاتۋىن قاجەت ەتەتىندىگىن كورۋگە بولادى“، - دەدى سانجى حۇيزۋ اۆتونوميالى وبلىستىق پارتكومنىڭ شۋجيى ۋاڭ گوحى.
عىلىم - تەحنيكادا جاڭالىق اشۋ جوعارى ساپالى دامۋعا كۇش ۇستەدى
اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى قايسار ابدۇكەرىمنىڭ شىجياجۋاڭ قالاسىنداعى لىرىنتاڭ دەنساۋلىق ساقتاۋ، مادەنيەت، عىلىم - تەحنيكا كاسىپ سالاسى باقشاسىنا دەگەن اسەرى تەرەڭ بولدى. مۇنىڭ ىشىنە ورنالاسقان لىرىنتاڭ جۇڭي، ءدارى - دارمەك، دەنساۋلىق ساقتاۋ عىلىم - تەحنيكا جالپىلاستىرۋ سارايى ەل ىشىندەگى تۇڭعىش جۇڭي، ءدارى - دارمەك، دەنساۋلىق ساقتاۋدى نەگىزگى تاقىرىپ ەتكەن الەۋمەتتىك يگىلىك عىلىم - تەحنيكا جالپىلاستىرۋ سارايى بولىپ، عىلىم - تەحنيكالىق ورەسى جوعارى، ىقپالداستىعى، تارتىمدىلىعى كۇشتى، ماقساتى دەنساۋلىق ساقتاۋ بىلىمدەرىن جالپىلاستىرۋ، جۇڭي، ءدارى - دارمەك مادەنيەتىن تاراتۋ، حالىق بۇقاراسىنىڭ سالاماتتىق ساپاسىن جوعارىلاتۋ.
”الەۋمەتتىك يگىلىك عىلىم - تەحنيكا جالپىلاستىرۋ فورماسى ارقىلى قاۋىمعا جۇڭي، ءدارى - دارمەك مادەنيەتىن تاراتۋ ۇستانىمى توتەنشە وزىق“. قايسار ابدۇكەرىم بىلاي دەدى: ”بۇل ماعان زور شابىت بەردى، ءبىز دە وسىنداي كاسىپ سالاسى باقشاسىن قۇرىپ، ءداستۇرلى جۇڭي، ءدارى - دارمەك مادەنيەتىن اناعۇرلىم ويداعىداي اسقاقتاتىپ، شينجياڭدى مادەنيەتپەن نارلەندىرۋ ينجەنەرياسىنىڭ ىشكەرىلەي اتقارىلۋىن ىلگەرىلەتۋدى ويلاستىرۋىمىزعا بولادى“.
تاييۋان اۋىر ونەركاسىپ توبىنىڭ رەليستى قاتىناس جابدىقتارى شەكتى سەرىكتەستىگىنە بارعاندا، شىڭدالعان بولات دوڭعالاق ءوندىرىس جەلىسىندە ۋاكىلدەر ۇيىرمەسىنىڭ مۇشەلەرى دوڭعالاقتىڭ ”جاسالۋىن“ جاقىن ارالىقتان كوردى.
تاييۋان اۋىر ونەركاسىپ رەليستى قاتىناس جابدىقتارى شەكتى سەرىكتەستىگىنىڭ كۇشتى زەرتتەۋ - اشۋ جانە جاساۋ قابىلەتىنە يە بولۋى ءبىر توپ جوعارى ساپالى دارىندىلار قوسىنىنىڭ بولعاندىعىنىڭ ارقاسى. قازىرگە دەيىن بۇل سەرىكتەستىكتە 637 قىزمەتكەر بار، مۇنىڭ ىشىندە ماگيسترلىق جانە ودان جوعارى ماعلۇماتقا يە ادام 73، جوعارى دارەجەلى كاسىپتىك اتاققا يە ادام 22، ورتا دارەجەلى كاسىپتىك اتاققا يە ادام 114، جوعارى دارەجەلى تەحنيك 34 ادام، تەحنيك 101 ادام.
”عىلىم - تەحنيكادا جاڭالىق اشۋ جوعارى ساپالى دارىندىلار قوسىنىنان ايرىلا المايدى، ءبىز عىلمي دارىندىلار مەحانيزمىن ورناتىپ، عىلىم - تەحنيكادا جاڭالىق اشۋعا ءتيىمدى ءتۇزىلىس - مەحانيزمدى ورناتۋىمىز، اقاۋسىزداندىرۋىمىز، سونىمەن بىرگە تۋىسقان ولكەلەرمەن كوبىرەك اۋىس - كۇيىس، سەلبەستىك جاساسىپ، رايونىمىزدىڭ دارىندىلار قوسىنى دەڭگەيىن جوعارىلاتۋىمىز كەرەك“، - دەدى بايىنعولين موڭعۇل اۆتونوميالى وبلىستىق پارتكومنىڭ شۋجيى رىن گۋاڭپىڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
