«شي جينپيڭ ەل باسقارۋ جونىندە» اتتى كىتاپتىڭ 4 - تومى شياڭگاڭدا تاراتىلدى
2022.07.04 16:57 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 3 – كۇنى، شياڭگاڭ (ءتىلشى ۋەي حۋا). ورتالىق كوميتەتتىڭ ۇگىت ءبولىمى (مەملەكەتتىك كەڭەستىڭ اقپارات كەڭسەسى) ورتالىقتىڭ پارتيا تاريحى جانە قۇجات زەرتتەۋ ورنىمەن، جۇڭگو شەتەل تىلدەرى مەكەمەسىمەن بىرلەسىپ قۇراستىرعان «شي جينپيڭ ەل باسقارۋ جونىندە» اتتى كىتاپتىڭ 4 - تومىنىڭ حانزۋشا - اعىلشىنشا نۇسقاسى 7 - ايدىڭ 3 - كۇنى شياڭگاڭدا تاراتىلدى.
ءتىلشى سول كۇنى شياڭگاڭنىڭ تۇڭلوۋان دەگەن جەرىندەگى ساۋدا باسپاسى سارايىنان «شي جينپيڭ ەل باسقارۋ جونىندە» اتتى كىتاپتىڭ 4 - تومىنىڭ كىتاپ دۇكەنىنىڭ تەرەزەسىنە قويىلعانىن؛ 1 - قاباتتاعى «دۇكەن ديرەكتورى وقۋعا ۇسىنعان كىتاپتار» تاقتاسىندا بۇل كىتاپتىڭ ورتاداعى كورنەكتى ورىنعا قويىلعانىن كوردى.
كىتاپ دۇكەنىنىڭ 2 - قاباتىنداعى گۋمانيتارلىق كىتاپتار سارايىنا قادام تاستادىق، «شي جينپيڭ ەل باسقارۋ جونىندە» اتتى جەلىلەس كىتاپتار كىتاپ سورەسىنە رەتتى ءتىزىلىپتى، جاڭادان باسپادان شىققان 4 - تومنان سىرت وسىدان بۇرىن باسپادان شىققان 1 - توم، 2 - توم، 3 - توم دا تىزىلگەن. بۇدان سىرت، تاعى «جىجياڭ جاڭا لەبىزدەرى»، «شي جينپيڭ ‹ءبىر بەلدەۋ، ءبىر جول› جونىندە» سياقتى كىتاپتار وقىرمانداردىڭ تاڭداپ ساتىپ الۋىنا قويىلعان.
«شي جينپيڭ ەل باسقارۋ جونىندە» اتتى كىتاپتىڭ 1 -، 3 - تومدارى باسپادان شىققاننان بەرى پارتيانىڭ جاڭالىق اشۋ نازارياسىن ۇگىتتەۋ، حالىقتىڭ كۇرەس امالياتىنا دەم بەرۋ، جۇڭگونىڭ تاماشا وبرازىن ايگىلەۋ جاقتارىندا ماڭىزدى رول اتقاردى. «شي جينپيڭ ەل باسقارۋ جونىندە» اتتى كىتاپتىڭ 4 - تومىنا باس شۋجي شي جينپيڭنىڭ 2020 – جىلى 2 - ايدىڭ 3 - كۇنىنەن 2022 - جىلى 5 - ايدىڭ 10 - كۇنىنە دەيىنگى ارالىقتا سويلەگەن ءسوزى، اڭگىمەسى، لەكسياسى، ارناۋ ءسوزى، نۇسقاۋى، قۇتتىقتاۋ حاتى سياقتى 109 شىعارما ەنگىزىلىپ، 21 ارناۋلى تاقىرىپقا ءبولىندى. وقىرمانداردىڭ وقۋىنا قولايلى بولۋ ءۇشىن، رەداكتور قاجەتتى تۇسىنىك جاسادى. بۇل كىتاپقا باس شۋجي شي جينپيڭنىڭ 2020 - جىلى 1 - ايدان بەرگى 45 سۋرەتى ەنگىزىلگەن.
بەيبىتشىلىك كىتاپ شەكتى سەرىكتەستىگى ءتوراعاسىنىڭ ۇنەمىلىك ىستەرگە جاۋاپتى ورىنباسارى لي شياۋحۋانىڭ تانىستىرۋىنشا، «شي جينپيڭ ەل باسقارۋ جونىندە» اتتى كىتاپتىڭ 4 - تومىنىڭ حانزۋشا، اعىلشىنشا نۇسقالارى جاي مۇقابالى جانە قاتتى مۇقابالى بولىپ ەكى ءتۇرلى باسىلعان، تۇڭلوۋان، جۇڭحۋان جانە يوۋمادي سىندى 3 جەردەگى كىتاپ دۇكەندەرى كىتاپتىڭ العاش تاراتۋ دۇكەندەرى ەتىپ تاڭدالعان، ونان سوڭ شياڭگاڭداعى ءىرى كىتاپ دۇكەندەرىندە كەڭ كولەمدە تانىستىرىلىپ، ساتىلماق. اشىلۋ الدىندا تۇرعان شياڭگاڭ كىتاپ كورمەسىندە دە وسى كىتاپ ءتۇيىندى تۇردە تانىستىرىلماق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
