شيزاڭ اۆتونوميالى رايونىندا 620 دان استام شەكاراداعى قىستاق تۇگەلدەي دوڭگەلەك داۋلەتتى ورەگە جەتتى
قارلى القاپتا گىساڭ گۇلى جايقالا اشىلدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ − كورىكتى شەكارا ءوڭىر)
«حالىق گازەتىنىڭ» ءتىلشىسى شىن لين
2022.07.04 17:01 كەلۋ قاينارى : حالىق تورابى
اسقار تاۋلاردان اساتىن تاس جول يرەكتەلىپ، بۇلتپەن استاسىپ جاتىر، ورمان اراسى قۇلپىرىپ تۇر. جاڭادان سالىنعان تاس جولدى بويلاپ، لحاسادان شىعىپ بىرنەشە ساعات جۇرگەنىمىزدە تاۋ قويناۋىنداعى شاعىن قالاشىق كوز الدىمىزدا بوي كورسەتتى. بۇل ارا − شيزاڭ اۆتونوميالى رايونى شاننان قالاسى لۇڭزى اۋدانى يۇيماي اۋىلى.
بۇل ارادا كەزىندە ساقا اۋىل باستىعى ساڭجيە چۇيبا قىزدارى جوگا مەن ياڭزۇڭدى ەرتىپ مال باعىپ، شەكارانى شارلايتىن. «قازىر يۇيمايدا 67 وتباسى، 240 ادام بار، ەلەكتر، جول، 5G تورابى، ەمدەۋ، فينانس سياقتى قۇرىلعىلار جاپپاي جاقساردى» دەدى يۇيماي اۋىلدىق پارتكومنىڭ شۋجيى حۋ شۋەمين.
ياڭزۇڭنىڭ ۇلى سولاڭدۇنجۋ − يۇيماي اۋىلىنان شىققان تۇڭعىش ستۋدەنت، قازىر ول اۋىلىنا قايتىپ، يۇيماي قىستاعىنىڭ ءبىرىنشى شۋجيى بولدى. ءار كۇنى جايناعان بەس جۇلدىزدى قىزىل تۋ يۇيماي اۋىلىنىڭ بۇقارالىق قيمىل الاڭىندا، باستاۋىش مەكتەبىندە، اۋىل - قالاشىق ەمحانالارىندا، قىستاق تۇرعىندارىنىڭ ەرەكشە حالىقتىق تۇسەلحانالارىندا دا كوتەرىلەتىن بولدى.
شيزاڭدا − ەلىمىزدىڭ ماڭىزدى شەكاراداعى ۇلتتىق رايونى، 21 شەكارا اۋدانى بار. شەكارا اۋدانداردى ويداعىداي قۇرۋ، دامىتۋ شيزاڭنىڭ باياندى تىنىشتىعى مەن ساپالى دامۋى جونىنەن كەلەلى ماڭىز الادى. 2017 - جىلى 10 - ايدىڭ 28 - كۇنى باس شۋجي شي جينپيڭ جوگا مەن ياڭزۇڭعا جازعان جاۋاپ حاتىندا بىلاي دەپ اتاپ كورسەتتى: «سىزدەردىڭ وتاندى ءسۇيۋ، شەكارانى قورعاۋ رۋحىنا ۇزدىكسىز مۇراگەرلىك ەتىپ، ءتىپتى دە كوپ مالشى قاۋىمدى قارلى القاپتاعى شەكارا وڭىرگە تامىر تارتىپ، قاسيەتتى مەملەكەت تەريتورياسىنىڭ قورعاۋشىسى، باقىتتى مەكەننىڭ قۇرۋشىسى بولۋعا جەتەكتەۋلەرىڭىزدى ءۇمىت ەتەمىن».
2018 - جىلدان باستاپ شيزاڭ 21 شەكارا اۋداندا «قاسيەتتى مەملەكەت جەرىن قورعاپ، باقىتتى مەكەن قۇرۋشدى» نەگىزگى تاقىرىپ ەتكەن اۋىل - قىستاقتى گۇلدەندىرۋ ينجەنەرياسىن اتقارىپ، ساياساتتىق قولداۋ سەرپىنىن ارتتىرىپ، شەكارا رايون قۇرىلىسىن جەدەل ىلگەرىلەتىپ، بۇقارانىڭ تۇرمىس دەڭگەيىن كۇش سالا جوعارىلاتتى. قازىرگە دەيىن شەكارا 1 -، 2 - لەنيالارىنداعى اكىمشىلىك قىستاقتاردىڭ تاس جولى ىركىلىسسىزدەندى، نەگىزگى ەلەكتر تورابى بارلىق شەكارا اۋىلعا (قالاشىق) جەتكىزىلدى، قىستاقتارعا پوچتا جەتكىزۋ، جىلجىمالى حابارلاسۋ تورىن جەتكىزۋ جاپپاي جۇزەگە اسىرىلدى، اۋىل - قىستاق حالقىنىڭ اۋىز سۋ حاۋىپسىزدىگى قامتاماسىز ەتىلدى، جاقىن ماڭنان وقۋعا ءتۇسۋ، ەمدەلۋ سياقتى الەۋمەتتىك قىزمەت وتەۋ قۇرىلعىلارى كۇن سايىن كەمەلدەندى. شەكارا رايونداردىڭ كاسىپ نىساندارى اتقارىلىپ، شەكارا رايونداردىڭ مول بايلىعىنا سۇيەنۋ ارقىلى ەرەكشەلىككە يە كاسىپتەر دامىتىلىپ، ءتىپتى دە كوپ قىستاق تۇرعىندارى اۋقاتتانۋ جولىنا ءتۇستى.
الي رايونى گا - ىر اۋدانى زاشيگاڭ اۋىلى ديانجياۋ قىستاعىنا باردىق، رەتتى جوبالانعان زاڭزۋلار ۇلگىسىندەگى شاعىن عيماراتتار كوزگە شالىنادى، رەتتى دە تەگىس اسفالت جول ءاربىر وتباسىنىڭ الدىنا دەيىن تۇتاسقان، ءۇي – ءۇيدىڭ تۇسىنا اعاش قالامشالارى وسىرىلگەن. ەڭ العاش تاستان سالىنعان قاراپايىم ۇيدە وتىرعان، ودان كەرپىش - بەتون قۇرىلىمدى ۇيگە كىرگەن، ەندى 2 قابات شاعىن عيماراتقا قونىس تەپكەن 70 جاستاعى سونانرام بىلاي دەدى: «پارتيا مەن ۇكىمەت بىزگە جيىنى 5 رەت ءۇي سالىپ بەردى، ءۇي شارت - جاعدايىمىز بارعان سايىن جاقساردى، قازىر بارلىعى قالاداعى ۇيلەرمەن بىردەي بولدى».
قارلى تاۋدىڭ ەتەگى جاسىل جەلەك جامىلعان، تابىن – تابىن قوي جايىلىپ ءجۇر. رىكازى قالاسى گاڭبا اۋدانى گاڭبا قالاشىعى مىندى قىستاعىندا يەلەگەن جەر كولەمى 36 مۋ كەلەتىن قوي باعىمشىلىعى كاسىپتىك سەلبەستىك كووپەراتيۆىندە قوي قورا، مال ەمدەۋ ءۇيى، تاجىريبەحانا، جەم - ءشوپ قامباسى، جەم - ءشوپ مانەرلەۋ بولمەسى ءبىر تۇلعالاندىرىلعان. «گاڭبا قويىنىڭ ساپاسى الىس - جاقىنعا ايگىلى، ءبىز قولدا باعۋ، جارتىلاي قولدا باعۋ ۇلگىسىن قولدانىپ، وزىق تەحنيكالاردى ەنگىزىپ، قويدىڭ ساتىلۋ شاماسىن جوعارىلاتتىق». كووپەراتيۆتىڭ جاۋاپتىسى ۋاڭدۇيزابۋ بىلاي دەدى: «قازىر قىستاق بويىنشا 78 وتباسىداعى 303 ادام سەلبەستىك كوپەراتيۆىنە كىردى، 2021 - جىلى نەگىزگى تيجارات كىرىسى ءبىر ميلليون 370 مىڭ يۋاننان استى». تاياۋ جىلداردان بەرى گاڭبا اۋدانى گاڭبا قويىنىڭ ايگىلى ماركا قۇرىلىسىن بار كۇشپەن ىلگەرىلەتىپ، 4 ميلليون 560 مىڭ يۋان قارجى توپتاپ، گاڭبا قويىنىڭ تۇتاس كاسىپ سالاسىنداعى ساپا حاۋىپسىزدىگىن قاداعالاپ وتىرۋ جۇيەسى مەن كاسىپ ۇلكەن ساندى مالىمەت ورتالىعىن قۇرىپ، گاڭبا قويىنىڭ مال فەرماسىنان داستارقانعا دەيىنگى «ءبىر ءونىم، ءبىر ءنومىر» جالپى بارىستىق قاداعالاۋىن جۇزەگە اسىردى. بىلتىر اۋدان بويىنشا گاڭبا قويى باعىمشىلىعىنىڭ سانى 203 مىڭعا، قوي شارۋاشىلىعىنىڭ جالپى كىرىسى 59 ميلليون 523 مىڭ يۋانعا جەتتى.
لينجى قالاسى چايۇي اۋدانى تومەنگى چايۇي قالاشىعى تاما قىستاعىنىڭ شيپاگەرى نيما الىس ارالىقتى جەلى ارقىلى كەۋدەسى اۋىرعان ءبىر ناۋقاستىڭ جۇرەك كارديوگرامما ساندى مالىمەتى، ەمدەۋ ءوتىنىشى قاتارلىلاردى اۋداندىق حالىق شيپاحاناسىنىڭ جۇرەك قان تامىر بولىمىنە جولداپ بەردى. كوپ وتپەي اۋداندىق شيپاحانانىڭ شيپاگەرى نيماعا ەمدەۋ ناتيجەسى مەن شيپاگەردىڭ تاپسىرماسىن اڭىس ەتتى: «كورنەكتى قالىپسىزدىق بايقالمادى. دەمالۋعا كوڭىل ءبولىپ، جۇرەك ارەكەتىن باقىلاۋدى كۇشەيتۋ كەرەك». دياگنوز قويۋ ناتيجەسى نەما مەن ناۋقاستىڭ كوڭىلىن ورنىقتىردى. تاياۋ جىلداردان بەرى شيزاڭنىڭ شەكارا وڭىرىندەگى جەرى كەڭ، ادامى سيرەك، قونىستانۋى بىتىراڭقى بولۋ ەرەكشەلىگىنە مەڭزەس، گۋاڭدۇڭ ولكەسىنىڭ شيزاڭعا كومەككە كەلگەن قىزمەت اترەتى 15 ميلليون 420 مىڭ يۋان قارجى توپتاپ، لينجىدا قالا، اۋدان، اۋىل، قىستاق سىندى 4 دارەجەلى الىس ارالىقتى ەمدەۋ جۇيەسىن قۇردى، بۇل 55 اۋىل - قالاشىق ەمحاناسىن جانە 144 شالعاي قىستاقتى قامتىدى، وسىلايشا 35 مىڭ ەگىنشى - مالشىنىڭ الىس ارالىقتى ەمدەۋ قاجەتىن قاناعاتتاندىرۋعا مۇمكىندىك تۋىلدى.
شەكارا كوركەيسە، شەكارا ءوڭىر كوركەيەدى، شەكارا حالقى اۋقاتتانسا، شەكارا قورعانىسى بەرىك بولادى. پارتيا ورتالىق كوميتەتىنىڭ قامقورلىعىندا شيزاڭ اۆتونوميالى رايونى شەكارانى بەكەمدەپ، شەكارانى گۇلدەندىرىپ، حالىقتى اۋقاتتاندىرۋ ارەكەتىن ىشكەرىلەي ىلگەرىلەتتى، 2021 - جىلدىڭ سوڭىنا دەيىن 620 دان استام شەكاراداعى قىستاق تۇگەلدەي دوڭگەلەك داۋلەتتى ورەگە جەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
