بىرلەسكەن مەملەكەتتەر ۇيىمى ادامدىق ۇقىق القالار كەڭەسى 50 - كەزەكتى ءماجىلىسىنىڭ بۇلتتىق تاراپتار ءماجىلىسى اشىلدى
ماجىلىسكە قاتىناسقان وقىمىستىلار ەڭبەك ۇقىعىن قامتاماسىز ەتۋدىڭ ءوزى ادامنىڭ ار - نامىسىن قورعاۋ ەكەندىگىن ءبىلدىردى
2022.07.04 17:33 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جىڭ جو 7 - ايدىڭ 1 - كۇنى ۇرىمجىدەن حابارلايدى. 6 - ايدىڭ 30 - كۇنى بىرلەسكەن مەملەكەتتەر ۇيىمى ادامدىق ۇقىق القالار كەڭەسى 50 - كەزەكتى ءماجىلىسىنىڭ ”شينجياڭداعى ءار ۇلتتىڭ ەڭبەك ۇقىعىنىڭ قامتاماسىز ەتىلۋى جانە تاماشا تۇرمىس“ اتىنداعى بۇلتتىق تاراپتار ءماجىلىسى ۇرىمجىدە اشىلدى. وسى رەتكى تاراپتار ءماجىلىسىن جۇڭگو ادامدىق ۇقىقتى دامىتۋ قور قوعامى باس بولىپ، شينجياڭ داشۋەسى وتكىزۋدى ۇستىنە الدى. ەل ءىشى - سىرتىنداعى كوپتەگەن ماماندار، وقىمىستىلار ماجىلىستە ءسوز سويلەپ، شينجياڭداعى ءار ۇلت حالقىنىڭ ەڭبەكپەن جۇمىستانۋ ۇقىعىنىڭ قامتاماسىز ەتىلۋى سياقتى تاقىرىپتاردى ارقاۋ ەتىپ زەرتتەۋ - تالقى ورىستەتتى.
شينجياڭ داشۋەسىنىڭ ورىنباسار مەكتەپ باستىعى ءزۇريات سىمايىل مىنالاردى ءبىلدىردى: شينجياڭنىڭ حالىق تۇرمىسىن جاقسارتۋ سياقتى جاقتاردا قول جەتكىزگەن رەال تابىستارى ءار ۇلت حالقى ەڭبەك ۇقىعى مەن تاماشا تۇرمىستى قامتاماسىز ەتۋدىڭ قاتىناسۋشىسى، ىلگەرىلەتۋشىسى بولىپ قانا قالماستان، ەڭ كەڭ يگىلىكتەنۋشىسى جانە پايداسىنا كەنەلۋشىسى ەكەندىگىن دە دالەلدەدى.
مەملەكەتتىك كەڭەس اقپارات كەڭسەسى ادامدىق ۇقىقتى دامىتۋ جانە اۋىس - كۇيىس ورتالىعىنىڭ مەڭگەرۋشىسى زو فىڭ بىلاي دەپ اتاپ كورسەتتى: حالىقارالىق جاماعات پىكىر امەريكانىڭ، باتىس ەلدەرىنىڭ مەڭگەرۋىندە بولعاندىقتان، شىندىقتى ىزدەۋ جولى تىكەنگە تولى بولدى. وسى بىرنەشە جىلدا زور توپتاعى شەتەلدىك قايراتكەرلەر شينجياڭعا كەلىپ ەكسكۋرسيالاپ، ساپارلاپ، شىنايى شينجياڭدى كوردى. ”شىندىق كەشىگۋى مۇمكىن، ءبىراق، كەلمەي قالمايدى“. ول مىنانى ءبىلدىردى: جۇڭگو شينجياڭنىڭ ادامدىق ۇقىق جاعىنداعى العا باسقان شىندىعى وسەك - اياڭدى، ءسوز جوق، پاش ەتەدى.
شينجياڭ داشۋەسىنىڭ باستىعى ياۋ چياڭ بىلاي دەپ باسا دارىپتەدى: ەڭبەك − ادامنىڭ ءومىر ءسۇرۋ ءتاسىلى، ازاماتتاردىڭ ەڭبەك ۇقىعىن قامتاماسىز ەتۋدىڭ ءوزى ازاماتتاردىڭ ار - نامىسىن قورعاعاندىق، ازاماتتاردىڭ ادامدىق ۇقىعىن قامتاماسىز ەتكەندىك. امەريكاداعى، باتىستاعى جۇڭگوعا قارسى كۇشتەر شىندىقتىڭ جاي - جاپسارىن ەلەپ - ەسكەرمەي، جۇڭگو شينجياڭىنداعى ءار ۇلت حالقىنىڭ ەڭبەكپەن جۇمىستانۋ ۇقىعىنىڭ قامتاماسىز ەتىلۋ جاعدايىنا قاساقانا كۇيە جاعىپ، شينجياڭداعى ءار ۇلت حالقىن زاڭدى ەڭبەك ۇقىعىنان ماقرۇم ەتۋ قيالىندا بولدى، بۇل شينجياڭداعى ءار ۇلت حالقىنىڭ تاماشا تۇرمىسقا تالپىنۋىنا قارسى ارەكەت، تۋراشىلدىقتى، العا باسۋدى سۇيەتىن بارلىق ادامنىڭ باتىل قارسى تۇرۋىنا ۇشىراۋى ءتيىس.
جۇڭگو حالىق داشۋەسى حالىقارالىق ىستەردى زەرتتەۋ ورنىنىڭ باستىعى ۋاڭ ي - ۋي مىنالاردى ءبىلدىردى: بارلىق ادامنىڭ ادامدىق ۇقىقتان تولىق يگىلىكتەنۋى ادامزات قوعامىنىڭ ۇلى ارمانى ءارى شينجياڭداعى ءار ۇلت حالقىن قامتىعان بۇكىل جۇڭگو حالقىنىڭ ۇزاق ۋاقىتتىق تالپىنعان، قاجىماي - تالماي قۇلشىنعان ورتاق نىساناسى، ”ادامدىق ۇقىقتى“ جەلەۋ ەتىپ، باسقا ەلدەردىڭ ىشكى ىسىنە كيلىگۋدىڭ سىلتاۋى ەمەس.
بەيجيڭ داشۋەسى جۇڭگو − شەتەل گۋمانيتارلىق اۋىس - كۇيىسىن زەرتتەۋ بازاسىنىڭ اتقارۋشى مەڭگەرۋشىسى ۋاڭ دۇڭ بىلاي دەپ قارادى: باسقا ەلدەردىڭ ادامدىق ۇقىق امالياتىن كەمسىتۋ امەريكانىڭ ادامدىق ۇقىقتى جەلەۋ ەتىپ، زورەكەرلىككە ۇمتىلعان نيەتىنە ۇيلەسەدى.
برازيليالىق ءتىلشى لافەر ءوزىنىڭ كەزىندە شينجياڭدا ساپاردا بولعاندىعىن، شينجياڭنىڭ ءار جاقتا قول جەتكىزگەن تابىستارىن ءوز كوزىمەن كورگەندىگىن ءبىلدىردى. ”مەن جۇڭگو شينجياڭى مەن جۇڭگونىڭ باسقا جەرلەرىندە ەڭبەكشىلەر ۇقىعى جاعىندا پالەندەي پارىق بارلىعىن بايقامادىم“. لافەر: شينجياڭداعى ءار ۇلتتىڭ جاراسىمدى بىرگە ءوتۋى وسى ءوڭىردىڭ ”ءبارىن تەگىس قامتىعان“ باسقارۋ امالياتىن جاندى بەينەلەپ وتىر، - دەدى.
پاكيستاندىق وقىمىستى ميڭجۋ مىنالاردى ءبىلدىردى: نەشە 10 جىلدان بەرى، امەريكا، باتىستاعى ەلدەر ءمورال بيىگىندە تۇرىپ وزگە ەلدىڭ ادامدىق ۇقىق جاعدايى جونىندە كوسەمسىپ، شينجياڭعا قاتىستى وسەك - اياڭدار شىعاردى. امالياتتا جۇڭگو ادامدىق ۇقىقتى، ەڭبەكشىلەردىڭ ۇقىعىن قورعاۋ جانە جاي بۇقارانىڭ تۇرمىس ساپاسىن جوعارىلاتۋ جاعىندا جۇمىستى ەڭ جاقسى ىستەگەن ەل.
برازيليالىق وقىمىستى ماك بىلاي دەدى: جۇڭگونىڭ سىرتىندا شينجياڭدى تۇسىنەتىندەر وتە از، ءىس جۇزىندە ولاردىڭ امەريكاداعى، باتىستاعى اقپارات مەديالارى ارقىلى ەستىگەن شينجياڭعا قاتىستى ىستەردىڭ ءبارى جالعان اقپارات جانە جۇڭگوعا قارسى ۇگىتتەردى نەگىز ەتكەن. وراي بولسا، ولشينجياڭعا بارىپ ەكسكۋرسيالاپ، ساپارلاپ، امەريكا مەن باتىستاعى ەلدەردىڭ شينجياڭ جونىندەگى وسەك - اياڭىنىڭ تاس - تالقانىن شىعارۋدى ءۇمىت ەتەتىندىگىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
