قۇتقارۋ - ەمدەۋدىڭ ءبىرىنشى شەبىندە اتويلاعان اق حالاتتى پەرىشتە
− مەملەكەتتىك تاڭداۋلى كوممۋنيستىك پارتيا مۇشەسى گەرجەستبانۇم ابدۇرەشيت جونىندە
□ انار بۇلت \ شينجياڭ گازەتىنىڭ ءتىلشىسى بارشا تەگىس
2022.07.04 17:31 كەلۋ قاينارى : شينجياڭ گازەتى
6 - ايدىڭ 28 - كۇنى كەشقۇرىم، ىلە قازاق اۆتونوميالى وبلىسى شينحۋا شيپاحاناسى شۇعىل ەمدەۋ ءبولىمى قاربالاستىققا ەندى.
”ءدارىنى قايدان الامىن، حيميالىق ساراپتاۋدى قاي جەرگە جەتكىزەمىن؟ اقىنى قالاي تاپسىرامىن“؟ سول كۇنى كەشكى قىزمەتتەن باستاپ شۇعىل ەمدەۋ ءبولىمىنىڭ سەستراسى گەرجەستبانۇم ابدۇرەشيت قىزمەتكە قاي - قاشان دا دەن قويعان كۇيدەن جازبادى، ارلى - بەرلى ءدارى جەتكىزۋ، ناۋقاستى كۇتىمدەۋ بارىسىندا ناۋقاس پەن وتباسىنداعىلاردىڭ ءتۇرلى سۇراۋىنا جالىقپاي جاۋاپ قايتاردى.
”ءار كۇنگى قىزمەت بەينە شايقاس جۇرگىزگەن سياقتى، ناۋقاستىڭ اۋرۋ جاعدايىنىڭ وزگەرىسى وتە تەز، وتباسىنداعىلار ’سەسترا‘ دەپ شاقىرعان ساتتە جۇگىرىپ بارىپ نە جاعداي بولعانىن كورۋىمىز كەرەك“، - دەدى گەرجەستبانۇم. كۇتىمدەۋ قىزمەتىمەن اينالىسقانىنا كوپ جىل بولعان گەرجەستبانۇم ءار كۇنى قىزمەتىن ايرىقشا كوڭىل قويىپ ىستەپ، قىزمەتتەن تۇسپەيىنشە ەشقاشان بوساڭسىپ كورمەدى.
2018 - جىلى گەرجەستبانۇم نانفاڭ مەديتسينا داشۋەسى كۇتىمدەۋ ماماندىعىنان وقۋ تاۋىسقان. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ قىزمەتىندە بەينەسى كورنەكتى بولعاندىقتان، مەملەكەتتىك جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى وزات جەكە، مەملەكەتتىك تاڭداۋلى كوممۋنيستىك پارتيا مۇشەسى بولىپ باعالاندى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، شينحۋا شيپاحاناسى ىلە وبلىسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن قۇتقارۋ - ەمدەۋگە بەلگىلەنگەن شيپاحانا بولىپ تۇراقتانادى. شيپاحانا پارتكومى ىندەتتەن ساقتانۋ، قۇتقارۋ - ەمدەۋ قوسىنىن قۇرعاندا گەرجەستبانۇم ىندەتكە قارسى اتتانۋدىڭ ءبىرىنشى شەبىنە بارۋدى ىرىقتىلىقپەن سۇراندى. سونىمەن ول ىلە وبلىسى جاڭا تيپتى ايدارشا ۆيرۋس وكپە قابىنۋ ىندەتىنەن قۇتقارۋ - ەمدەۋگە بەلگىلەنگەن شيپاحانىڭ دياگنوزى تۇراقتانعان ناۋقاستار رايونىنا 1 - كەزەكتە سەسترا بولادى.
تيتتەي دە ايالداماستان، 1 - كەزەكتەگى ەمدەۋ - كۇتىمدەۋ قىزمەتكەرلەرى ناۋقاس رايونىن وزگەرتىپ قۇرۋعا دەرەۋ قاتىناسادى، گەرجەستبانۇم شيپاحانادا جۇعىمدالۋدى باسقارۋ، قورعانۋ، قورعانۋ كيىمىن كيۋ - شەشۋ سياقتى ءتۇرلى باۋلۋعا قاتىناسىپ، جاڭادان وزگەرتىلىپ سالىنعان ناۋقاس رايونى ءتۇرلى ارناسىنىڭ كىرۋ - شىعۋ ءتارتىبىن، ەمدەۋ قوقىر - قوقسىقتارىن ءبىر جاقتى ەتۋ، شۇعىل قۇتقارۋ جابدىقتارىن ىستەتۋ جۇمىستارىنا تەزدەن قانىق بولادى. كوپشىلىكپەن بىرگە زاتتىق بۇيىمداردى ازىرلەپ، تازالىق ىستەپ، ەمدەۋ جابدىقتارىن كوشىرىپ، بەلگى جاپسىرىپ، ءتۇرلى زاتتىق بۇيىمداردى رەتتەپ، قويىپ، توسەك جاپقىشتاردى رەتتەيدى...
ىندەت كەزىندە ءبولىمنىڭ مىندەتى اۋىر، ادامى از بولۋ سياقتى ماسەلەلەرى الدىندا گەرجەستبانۇم ءبىرىنشى شەپتە كەزەكشىلىك وتەۋگە بەلسەنە قاتىناسىپ، اۋاشالاۋ ناۋقاس بولمەسىندە دياگنوزى تۇراقتانعان كوپ ناۋقاستى كۇتىمدەۋ مىندەتىن ىرىقتىلىقپەن ۇستىنە الادى. قورعانۋ زاتتىق بۇيىمدارىن ۇنەمدەۋ ءۇشىن، ول ناۋقاس رايونىنا كىرىپ، كۇتىمدەۋ بارىسىندا سۋ ىشپەيدى، تاماق جەمەيدى. ۇنەمى تاڭ اتقانشا قىزمەت ورنىنان تاپجىلمايدى، بۇرىننان قانى از ونىڭ نەشە رەت ءوڭى بوزارىپ كەتكەندە قىزمەتتەستەرى وعان ءبىراز دەمالىپ الۋدى ايتادى، ايتسەدە ول قاشاندا بەكەم تۇردە: ”ەشتەڭە ەتپەيدى، قولىمنان كەلەدى“! دەيتىن.
شيپاحاناعا جاڭا تيپتى ايدارشا ۆيرۋس وكپە قابىنۋ ىندەتى بويىنشا دياگنوزى تۇراقتانعان تۇڭعىش ناۋقاس جوتكەلگەندە ”شايقاس كيىمىن“ كيىپ، اۋاشالاۋ ناۋقاس بولمەسىنە ءبىرىنشى بولىپ كىرگەن ساتتە ونىڭ كوڭىل كۇيى ەرەكشە الاساپىران بولعان ەدى. تازا رايوننان جارتىلاي لاستانعان رايونعا، ودان لاستانعان رايونعا دەيىن، لاستانعان رايونعا اياق باسقان ساتتە ول وزىنە :”مەن ءبىر ەمدەۋ - كۇتىمدەۋ قىزمەتكەرىمىن، ناۋقاستى قۇتقارۋ - ەمدەۋ مەنىڭ مىندەتىم، ودان دا ماڭىزدىسى، مەن ءبىر پارتيا مۇشەسىمىن، وسى ناۋقاس رايونىنىڭ تۋى بولۋىم كەرەك“، - دەيدى.
ناۋقاستاردىڭ كوبەيۋىنە بايلانىستى، قۇتقارۋ - ەمدەۋ قوسىنىنا ىركەس - تىركەس جاڭا سەسترالار كەلىپ قوسىلادى. گەرجەستبانۇم دەمالعان ۋاقىتىنان پايدالانىپ، 2 - ، 3 - كەزەكتە تۇرعان سەسترالاردى ىرىقتىلىقپەن تاربيەلەپ، قايتا - قايتا كورسەتىپ، قايتا - قايتا تاپسىرىپ، ءوزىنىڭ تاجىريبەلەرىن ”ساپتاستارىنا“ ەش بۇكپەسىز ۇيرەتتى.
ول كەزىندە بىرەۋدەن 11 جاستاعى كىشكەنتاي ناۋقاسقا ۇيرەنۋ كىتاپتارىن ساتىپ العىزىپ، قىزمەت ارەدىگىندە وعان پىسىقتاۋ سۇراۋلارىن ءتۇسىندىرىپ، ساباعىنا جەتەكشىلىك ەتەدى؛ دەمالىس ۋاقىتىن قيىپ، وتباسىن ساعىنعان قارت ناۋقاسپەن اڭگىمەلەسەدى... گەرجەستبانۇم قاي - قاشان دا ناۋقاسپەن سابىرلى تۇردە سويلەسىپ، جىلى سوزدەرىمەن ناۋقاستاردى ابىرجىعان كوڭىل كۇيدەن ارىلتادى، ول ناۋقاستارعا كوپتەگەن ادامنىڭ وسىندا وزدەرىن قورعاپ، ولارعا جان - جاقتى، حاۋىپسىز ەمدەۋ جۇرگىزىپ جاتقانىن بىلدىرەدى.
وسى بىرنەشە كۇندە شينحۋا شيپاحاناسىنىڭ شۇعىل ەمدەۋ ءبولىمى شۇعىل ەمدەۋدى قاجەت ەتكەن ءتۇرلى ناۋقاستاردى ەمدەۋدە، بۇل جەردىڭ قۇتقارۋ جانە باسقارۋ مىندەتى شيپاحانانىڭ باسقا بولىمدەرىنەن اۋىر، نەگىزىنەن كۇنىنە كوپتەگەن ”توسىن“ جاعدايلارعا ءدوپ كەلەدى، گەرجەستبانۇم شۇعىل ەمدەۋ ءبولىمىنىڭ بارلىق جەرىندە قاربالاستاپ جۇرەدى، ”وسى قىزمەتتى سۇيەمىن، ناۋقاستاردىڭ دەنساۋلىعىنىڭ قالپىنا كەلگەننەن كەيىنگى كۇلىمسىرەگەن بەينەلەرى مەنى زور باقىتقا بولەيدى، قانشا جاپا شەكسەم دە، قانشا شارشاسام دا ءبارى تاتيدى دەپ ويلايمىن“! - دەدى ول.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
