الدىڭعى 6 ايدا مەملەكەت تەمىر جولى ارقىلى ءبىر ميلليارد 946 ميلليون توننا زات جونەلتىلدى
جۇڭگو - ەۆروپا كەزەكشى پويەزىنەن جيىنى 7 مىڭ 473 كەزەك قاتىنادى
2022.07.05 17:00 كەلۋ قاينارى : حالىق تورابى
«حالىق گازەتى»، 7 - ايدىڭ 4 - كۇنى، بەيجيڭ (ءتىلشى لۋ يانان). ءتىلشىنىڭ تاياۋدا جۇڭگو مەملەكەتتىك تەمىر جول توبى شەكتى سەرىكتەستىگىنەن ۇعىسۋىنشا، بيىل الدىڭعى 6 ايدا مەملەكەت تەمىر جولىنىڭ زات جونەلتۋ مولشەرى ءۇرتىس جوعارى ورەدە بولىپ، جالپى ءبىر ميلليارد 946 ميلليون توننا زات جونەلتىپ، وتكەن جىلدىڭ ۇقساس مەزگىلىندەگىدەن 102 ميلليون توننا، ياعني %5.5 ارتقان، كۇندىك ورتاشا زات جونەلتۋ مولشەرى سياقتى كوپ ءتۇرلى زات تاسىمال كورسەتكىشىندە تاريحي رەكورد جاراتىلعان.
ساناقتا كورسەتىلۋىنشە، بيىل الدىڭعى 6 ايدا مەملەكەت تەمىر جولىنىڭ كۇندىك جۇك تيەۋ مولشەرى 178 مىڭ ۆاگون بولىپ، وتكەن جىلدىڭ ۇقساس مەزگىلىندەگىدەن 10 مىڭ ۆاگون كوبەيىپ، %5.9 ارتقان، ءبىر كۇندىك زات جونەلتۋ مولشەرى، جۇك تاسىمال اينالىم مولشەرى، جۇك تيەۋ سانى، جۇك ءتۇسىرۋ سانى سياقتى كوپ ءتۇرلى كورسەتكىشتە تاريحي رەكورد جاڭالانعان. وسى مەزگىلدە مەملەكەت تەمىر جولى ارقىلى ءبىر ميلليارد 40 ميلليون توننا كومىر جونەلتىلىپ، وتكەن جىلدىڭ ۇقساس مەزگىلىندەگىدەن %7.9 ارتقان؛ مۇنىڭ ىشىندە ەلەكتر كومىرى 690 ميلليون توننا بولىپ، وتكەن جىلدىڭ ۇقساس مەزگىلىندەگىدەن %9.1 ارتقان. 6 - ايدىڭ 30 – كۇنىنە دەيىن بۇكىل ەلدەگى كومىرى تەمىر جولمەن تىكەلەي قامدالاتىن 363 ەلەكتر ستانسياسىنداعى كومىر قورى 64 ميلليون 640 مىڭ توننا بولعان، ورتاشا سارىپ ەتۋ كۇن سانى 25.4 كۇن بولىپ، ءبىرشاما جوعارى ورەنى ساقتاعان.
سونىمەن قاتار، تەمىر جول تاراۋلارى جۇڭگو - ەۆروپا كەزەكشى پويەزدەرىنىڭ ستراتەگيالىق ارنالىق رولىن ساۋلەلەندىرىپ، باتىس، ورتا، شىعىس ارنالارىنىڭ قۋاتىنان ءبىر تۇتاس ويداعىداي پايدالانىپ، الاتاۋ ساعاسى، ىرليانحوت، مانجۋري سياقتى شەكارا وتكەلدەرىنىڭ تاسىمال قۋاتىن كەڭەيتۋدى، جاڭالاۋدى بەلسەنە ىلگەرىلەتىپ، جەلى بويىنداعى ءار ەلدىڭ تەمىر جول تاراۋلارىمەن سەلبەستىكتى كۇشەيتىپ، جۇڭگو - ەۆروپا كەزەكشى پويەزدەرىنىڭ ورنىقتى قاتىناۋىن جۇزەگە اسىرىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋعا دەم بەردى.
بيىل الدىڭعى 6 ايدا جۇڭگو - ەۆروپا كەزەكشى پويەزىنەن جيىنى 7 مىڭ 473 كەزەكشى پويەز قاتىناپ، 720 مىڭ ولشەمدى ساندىق جونەلتىلىپ، بىلتىرعى سول تۇستاعىدان جەكە - جەكە %2، %2.6 ارتتى؛ باتىس بولەكتەگى قۇرلىق، تەڭىز جاڭا ارناسى تەڭىز جولىمەن، تەمىر جولمەن بىرلەسىپ تاسىمالداۋداعى جۇك تيەۋىش قوراپتى كەزەكشى پويەزىنىڭ بەلگىلەنگەن لەنياسى 9 دان 12 گە جەتىپ، جيىنى 379 مىڭ ولشەمدى ساندىق زات جونەلتىلىپ، پارمەندى ارتۋ جاعدايى ساقتالدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
