الدىڭعى 5 ايدا سۋ يگىلىگى قۇرىلىسىندا 10 مىڭ 644 نىساندا تىڭنان جۇمىس باستالدى (جاڭا ساندى مالىمەت، جاڭا ءتۇيىن)
ورىندالعان قارجى بىلتىرعى ۇقساس مەزگىلدەگىدەن 109 ميلليارد يۋان ارتتى
2022.07.05 16:49 كەلۋ قاينارى : حالىق تورابى
«حالىق گازەتى»، 7 - ايدىڭ 4 - كۇنى، بەيجيڭ (ءتىلشى لي شياۋچيڭ). ءتىلشىنىڭ تاياۋدا سۋ يگىلىگى مينيسترلىگىنەن ۇعىسۋىنشا، بيىل الدىڭعى 5 ايدا بۇكىل ەلدىڭ سۋ يگىلىگى قۇرىلىسى جاپپاي تەزدەپ، كورنەكتى ونىمدىلىككە قول جەتكىزىلگەن. نىساننىڭ جۇمىس باستاۋىن ىلگەرىلەتۋ جاعىندا، 10 مىڭ 644 نىساندا تىڭنان جۇمىس باستالىپ، 414 ميلليارد 400 ميلليون يۋان قارجى قوسىلعان؛ مۇنىڭ ىشىندە قارجى قوسۋ كولەمى 100 ميلليون يۋاننان اساتىن 609 نىسان بار ەكەن. ۋ – سۇڭ وزەنىن جونگە سالۋ، فۋجيان ولكەسى مۋلانشي وزەنىنىڭ تومەنگى اعارىنداعى سۋ ەكولوگياسىن قالپىنا كەلتىرۋ جانە جونگە سالۋ، شيۇڭ - ان جاڭا رايونىنىڭ تاسقىننان ساقتانۋ - جونگە سالۋى، جياڭشي ولكەسى دا - اۋ سۋارمالى رايونى، گۋاڭشيدىڭ داتىڭشيا سۋ يگىلىگى تورابى سۋارمالى رايونى سياقتى 14 كەلەلى سۋ يگىلىگى نىسانىندا جۇمىس باستالىپ، 86 ميلليارد 900 ميلليون يۋان قارجى قوسىلعان.
قۇرىلىس قارجىسىن ۇلعايتۋ جاعىندا قازىنالىق ۇسىنىلىمدى ارتتىرۋعا قول جەتكىزۋمەن بىرگە، بانكە قارىز اقشاسىنان پايدالانۋ، قوعامدىق كاپيتالدى باۋراۋ سياقتى جاقتاردان جەتەكشى پىكىر شىعارىپ، قۇرىلىس قارجىسىن كوپ ارنامەن توپتادى. الدىڭعى 5 ايدا بۇكىل ەل بويىنشا تياناقتانعان قارجى 606 ميلليارد 100 ميلليون يۋان بولىپ، بىلتىرعى سول مەزگىلدەگىدەن 154 ميلليارد 400 ميلليون يۋان، ياعني %34.5 ارتتى؛ ورىندالعان قارجى 310 ميلليارد 800 ميلليون يۋان بولىپ، بىلتىرعى ۇقساس مەزگىلدەگىدەن 109 ميلليارد يۋان، ياعني %54 ارتتى. ءبىر ميلليون 30 مىڭ ادام جۇمىستاندى، مۇنىڭ ىشىندە شارۋا جۇمىسكەرلەردەن 770 مىڭ ادام جۇمىستانىپ، سۋ يگىلىگىنىڭ ارتۋدى ورنىقتىرۋداعى، جۇمىستانۋعا كەپىلدىك ەتۋدەگى ماڭىزدى رولى تولىق ساۋلەلەندىرىلدى.
قۇرىلىس تەبىنىن جەدەلدەتۋ جاعىندا حاينان ناندۋ وزەنىندە سۋ باستاۋ ينجەنەرياسى ءبىتىپ، وتكىزىپ الىندى، چيڭحاي شۇيجيشيا، حۋنان ماۋجۇن، يۇننان چىمابي سياقتى سۋ يگىلىگى توراپتارى سۋ جيناپ، گۋاڭشيدىڭ داتىڭشيا سۋ يگىلىگى تورابى سۋدى جاپپاي توسۋ كەزەڭىنە ءوتىپ، ءبىر توپ ينجەنەريا ونىمدىلىگىن ساۋلەلەندىرە باستادى. سونىمەن بىرگە، 3 مىڭ 500 قاتەرلى سۋ قويماسىن حاۋىپتەن ارىلتۋ، بەكەمدەۋ ورنالاستىرىلىپ، جونگە سالىنعان ورتا، شاعىن وزەن اعارلارىنىڭ ۇزىندىعى 2 مىڭ 300 كيلومەتردەن استى؛ 493 ءىرى، ورتاشا سۋارمالى رايوندى وسىزامانداندىرۋ، قايتا قۇرۋ تەزدەتىلىپ، 3 ميلليون 510 مىڭ مۋ جەر تىڭنان اشىلىپ، قالپىنا كەلتىرىلىپ، 23 ميلليون 430 مىڭ مۋ جەر سۋارۋ شارت – جاعدايى جاقسارتىلدى؛ 6 مىڭ 474 اۋىل - قىستاق سۋمەن قامداۋ ينجەنەرياسى سالىنىپ، 2 مىڭ 419 ورىندا جۇمىس تامامدالىپ، 9 ميلليون 320 مىڭ اۋىل - قىستاق حالىق سانىنىڭ سۋمەن قامداۋ، قامتاماسىزداندىرۋ ورەسى جوعارىلاتىلدى.
سۋ يگىلىگى مينيسترلىگى 19 ءتۇرلى قىزمەت شاراسىن ورتاعا قويىپ، سۋ باستاۋ، ءتۇيىندى سۋ قاينارى، تىزگىندەۋ سيپاتتى توراپ، تاسقىن ىركۋ رايونى قۇرىلىسى سياقتى كەلەلى سۋ يگىلىگى ينجەنەريالارىن، سونداي - اق قاتەرلى سۋ قويمالارىن حاۋىپتەن ارىلتۋ، بەكەمدەۋ، ورتا، شاعىن وزەن اعارلارىن جونگە سالۋ، سۋارمالى رايوندار قۇرىلىسى جانە وزگەرتۋ، اۋىل - قىستاقتى سۋمەن قامداۋ، سۋدىڭ سارقىلۋىنان، توپىراقتىڭ شايىلۋىنان ساقتانۋ سياقتى نىسانداردى ىلگەرىلەتۋ شارالارىن ايقىنداپ، جاۋاپكەرلىكتى دالمە - ءدال تياناقتاندىردى. كەلەسى قادامدا تاسقىننان ساقتانىپ، قۋاڭشىلىققا قارسى اتتانۋ جانە ءوندىرىس حاۋىپسىزدىگى ويداعىداي ىستەلۋمەن بىرگە، ۇيىمدىق ىلگەرىلەتۋ ونان ارى كۇشەيتىلىپ، اناعۇرلىم پارمەندى شارالار قولدانىلىپ، ايلىق، ماۋسىمدىق، جىلدىق قۇرىلىس مىندەتىنىڭ ورىندالۋىنا كەپىلدىك ەتىلىپ، جاڭا كەزەڭدەگى سۋ يگىلىگى ىستەرىنىڭ ساپالى دامۋى ىلگەرىلەتىلمەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
