مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى حۋبەيدە چاڭجياڭ وزەنىن قورعاۋ زاڭىنىڭ اتقارىلۋ احۋالىن تەكسەردى
لي جانشۋ مىنالاردى دارىپتەدى: چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى كورنەكتىلەندىرىپ، وزەن سۋىنىڭ شىعىسقا قاراي تۇنىق اعۋىن زاڭ بويىنشا قورعاۋ كەرەك
2022.07.05 16:52 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 4 – كۇنى، ۋحان. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 – ايدىڭ 30 – كۇنىنەن 7 - ايدىڭ 4 - كۇنىنە دەيىن مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسىن باستاپ حۋبەيدە چاڭجياڭ وزەنىن قورعاۋ زاڭىنىڭ اتقارىلۋ جاعدايىن تەكسەردى. ول مىنالاردى دارىپتەدى: باس شۋجي شي جينپيڭنىڭ چاڭجياڭ وزەنىن قورعاۋ جونىندەگى ماڭىزدى نۇسقاۋلارىنىڭ تالاپتارىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى كورنەكتىلەندىرىپ، چاڭجياڭ وزەنىن قورعاۋ زاڭىنىڭ جاپپاي ءونىمدى اتقارىلۋىن ىلگەرىلەتىپ، وزەن سۋىنىڭ شىعىسقا قاراي تۇنىق اعۋىن زاڭ بويىنشا قورعاۋ كەرەك.
تەكسەرۋ گرۋپپاسى ىلگەرىندى - كەيىندى يچاڭ، جيڭجوۋ، ۋحان سياقتى جەرلەرگە بارىپ، كاسىپ باقشا رايونى، ءۇش قىساڭ توسپا رايونى، اۋەجاي، كەمەجاي، كول، ەكولوگيانى قالپىنا كەلتىرۋ جۇمىس باسىندا ناق مايداندا تەكسەرۋ جۇرگىزىپ، چاڭجياڭ وزەنىن قورعاۋ زاڭىنىڭ اتقارىلۋىن تەكسەرۋ اڭگىمە ءماجىلىسىن جانە چاڭجياڭعا ساياتىن نەگىزگى ساتى ورىندارىنىڭ اڭگىمە ءماجىلىسىن اشىپ، زاڭنىڭ اتقارىلۋ جاعدايى جونىندەگى مالىمەتتى جانە قاتىستى پىكىر - ۇسىنىستاردى تىڭداپ، حۋبەيدىڭ چاڭجياڭ وزەنىن قورعاۋدى زاڭ بويىنشا ىلگەرىلەتۋدە كورنەكتى ونىمدىلىككە قول جەتكىزگەنىن تولىق تۇراقتاندىردى.
لي جانشۋ بىلاي دەپ اتاپ كورسەتتى: باس شۋجي شي جينپيڭ چاڭجياڭ وزەنىن قورعاۋعا ايرىقشا ءمان بەرىپ، تالاي رەت ماڭىزدى نۇسقاۋ بەرىپ، چاڭجياڭ وزەنىن زاڭ بويىنشا قورعاۋدى دارىپتەدى. شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تۇتاس چاڭجياڭ ەكولوگيالىق جۇيەسىن قالپىنا كەلتىرۋدى، قورعاۋدى، قالپىنا كەلتىرۋدى كوزدە ۇستاپ، چاڭجياڭ وزەنىنىڭ نەگىزگى اعارىن ارقاۋ، تاۋ، سۋ، ورمان، اتىز، كول، جايىلىم، ءشول، مۇزدىقتى ورگانيكالىق تۇتاس تۇلعا ەتكەن، وزەن، كول قاتىناسى جاراسىمدى، اعارلاردىڭ سۋ ساپاسى تاماشا، ەكولوگيالىق اعىن مولشەرى جەتكىلىكتى، سۋ، توپىراقتى ساقتاۋ ءونىمدى، ورگانيزمدەردىڭ ءتۇرى الۋان بولعان ەكولوگيالىق حاۋىپسىزدىك جاعدايىن قالىپتاستىرۋ كەرەك.
لي جانشۋ بىلاي دەپ اتاپ كورسەتتى: چاڭجياڭ وزەنىن قورعاۋ زاڭىندا چاڭجياڭ وزەنى الابىنداعى بايلىقتى قورعاۋ، سۋدىڭ لاستانۋىنان ساقتانۋ جانە ونى جونگە سالۋ، ەكولوگيانى قالپىنا كەلتىرۋ، جاسىل دامۋ سياقتىلار جونىندە زاڭدىق بەلگىلەمەلەر جاسالعان، مۇنىڭ وزەگى − چاڭجياڭ وزەنى الابىنداعى تۇتاس ەكولوگيالىق ورتانى قالپىنا كەلتىرۋ. «چاڭجياڭ وزەنى سىرقاتتانىپ قالدى، ونىڭ ۇستىنە سىرقاتى جەڭىل ەمەس». بۇل «سىرقاتتىڭ» تامىرى تۇتاس چاڭجياڭ وزەنى الابىنىڭ ەكولوگيالىق جۇيەسى اسا زور زيانعا ۇشىرادى: بالىقتى قالىپتان تىس اۋلاۋ چاڭجياڭ وزەنى الابىنىڭ ەكولوگيالىق جۇيەسىنىڭ الۋان تۇرلىلىگىن زياندادى؛ زاڭسىز كەسۋ، شەكتەن تىس تىڭ يگەرۋ، قۇم – شاعىل الۋ تاسقىن اپاتىنىڭ ءجيى تۋىلۋىنا سەبەپشى بولدى؛ سۋ بايلىعىنىڭ بىلعانۋى اعارلاردىڭ ەكولوگيالىق ورتاسىن اۋىر دارەجەدە ءبۇلدىرىپ، حالىق بۇقاراسىنىڭ ءوندىرىس - تۇرمىسىنا حاۋىپ ءتوندىردى؛ وزەن جاعالاۋلارىن كوزسىزدىكپەن ءتارتىپسىز اشۋ، اسىرەسە زاۆود، قالا - اۋىل، كەمەلەردىڭ كومىر قىشقىل گازىن كوپ مولشەردە ىعىستىرۋى ەكولوگيانىڭ ناشارلاۋىن ۋشىقتىردى. وسىنداي جاعدايدى كوزدە ۇستاي وتىرىپ، چاڭجياڭ وزەنىن قورعاۋ زاڭىندا باس شۋجي شي جينپيڭنىڭ «چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى باسىم ورىنعا قويۋ» جونىندەگى تالابى دايەكتىلەندىرىلىپ، جەدەل قالپىنا كەلتىرۋ، باستىسى سىرقاتتى ەمدەپ، تامىرىنا بالتا شابۋ سىندى «رەتسەبى» كورنەكتىلەندىرىلدى. زاڭنىڭ اتقارىلۋىن تەكسەرۋ جاعدايىنان قاراعاندا، چاڭجياڭ وزەنىنىڭ سۋى تازارىپ، جاعالاۋى جاسىلدانىپ، ورگانيزمدەردىڭ الۋان تۇرلىلىگى بىرتىندەپ قالپىنا كەلىپ، حالىق بۇقاراسىنىڭ باقىت سەزىمى كۇشەيگەن.لي جانشۋ مىنالاردى دارىپتەدى: چاڭجياڭ وزەنى الابىنىڭ ەكولوگيالىق ورتاسىن قورعاۋ − جۇيەلى ينجەنەريا، «جاپپاي قورعاۋدى بىرگە يگەرۋ، قاۋىرت اشۋعا سالىنباۋ» ۇستانىمىن ساباقتاستىرىپ، زاڭدا بەلگىلەنگەن جوبا سيپاتتى قالپىنا كەلتىرۋ، تيىم سالۋ سيپاتتى قالپىنا كەلتىرۋ، شارا سيپاتتى قالپىنا كەلتىرۋ، جاراتىلىس سيپاتتى قالپىنا كەلتىرۋ تاسىلىنە ۇزدىكسىز كۇش سالىپ، ۇزاق ۋاقىت ۇلەس قوسىپ، چاڭجياڭ وزەنىن تۇزىمگە جانە زاڭمەن جونگە سالۋعا سۇيەنىپ قورعاۋ كەرەك. زاڭدى اتقارۋ بارىسىندا ورىن تەۋىپ وتىرعان ماسەلەلەردى مۇقيات زەرتتەپ، شەشىپ، زاڭنىڭ ۇشتاسۋىن، سايكەسۋىن ويداعىداي ىستەپ، سايكەستىرۋ مەحانيزمىن جەدەل ورناتىپ، زاڭ - ءتۇزىمدى زەرتتەپ جانە كەمەلدەندىرىپ، زاڭدىق جاۋاپكەرلىكتىڭ تياناقتانۋىن ىلگەرىلەتىپ، زاڭ اتقارۋ، ءادىليا تەبىنىن ارتتىرىپ، زاڭ جالپىلاستىرۋ ۇگىتىن كۇشەيتۋ كەرەك.
حۋبەيدەگى كەزىندە لي جانشۋ جوعارى، جاڭا تەحنيكا كاسىبىنىڭ، وسى زامانعى قىزمەت وتەۋ كاسىبىنىڭ دامۋ جاعدايىن تەكسەرىپ، ۋحانداعى ج ك پ ورتالىق كوميتەتى ورگانىنىڭ بايىرعى جۇرتىن قۇرمەتپەن كوردى ءارى ولكەلىك حالىق قۇرىلتايى ورگانىنا بارىپ تەكسەرۋ - زەرتتەۋ جۇرگىزدى. لي جانشۋ بىلاي دەدى: باس شۋجي شي جينپيڭ حۋبەيدىڭ قىزمەتىنە ايرىقشا ءمان بەرىپ، حۋبەيگە تالاي رەت تەكسەرۋ - زەرتتەۋ جۇرگىزىپ، حۋبەي ولكەسىنىڭ رەفورما، دامۋ ىستەرىنە جوبا جاساپ، باعدار نۇسقادى، اسىرەسە، 6 - ايدىڭ 28 - كۇنى قىزمەت تەكسەرگەندە عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جەدەلدەتىپ، ەلىمىز دامۋىنىڭ دەربەستىگىن، ءوزىن - ءوزى باسقارۋىن، حاۋىپسىزدىگىن جوعارىلاتۋدى دارىپتەدى، بۇل اسا كەلەلى مانگە يە. حۋبەي ولكەسى باس شۋجي شي جينپيڭنىڭ ماڭىزدى نۇسقاۋىن، تالابىن جاپپاي دايەكتىلەندىرىپ، بۇكىل ەل بويىنشا جاڭا دامۋ جۇلگەسىندە الدا جۇرەتىن رايون قۇرۋعا قۇلشىنۋى كەرەك. ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن دايەكتىلەندىرىپ، زاڭ شىعارۋ، باقىلاۋ، ۋاكىلدەر سياقتى قىزمەتتەردى مۇقيات جاقسى ىستەپ، مەملەكەتتىڭ زاڭدارى مەن قاتىستى تۇزىمدىك بەلگىلەمەلەرىنىڭ تياناقتانۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
