جيڭ شىڭتيان:
بالىقشىلىقتى ۇيرەتىپ، بالىق ءوسىرۋ جولىن كورسەتتى
□ انار بۇلت \ شينجياڭ گازەتىنىڭ ءتىلشىسى جاڭ تيڭ
2022.07.06 16:49 كەلۋ قاينارى : شينجياڭ گازەتى
”قازىر كولشىكتەگى باعالى ەلەتىس بالىعى ىركەس - تىركەس كوبەيۋ مەزگىلىنە ءوتتى، 10 كۇن اينالاسىندا ۋىلدىرىق شاشادى، وسى ءبىر مەزگىلدە سۋدىڭ تازالىعىن، ءسوز جوق، ساقتاۋ كەرەك، ونىڭ ۇستىنە بەلگىلى ۋاقىتتا بالىققا جەم شاشىپ، سۋ اعىسىمەن تىتىركەندىرۋ كەرەك“، - دەدى 6 - ايدىڭ 2 - كۇنى بۋرىلتوعاي اۋدانى سۋ ونىمدەرىن دامىتۋ ورتالىعىندا جيڭ شىڭتيان باعىمشىلىق كولشىگىندەگى سۋ جاعدايىن تەكسەرە ءجۇرىپ، باعىمشىلىق وتباسىنا باعىمشىلىق تۇيىندەرىن تاپسىرىپ.
قوڭىرقاي ءجۇزدى وسى سۋ ونىمدەر مامانى حيلۇڭجياڭ ولكەسى داچيڭ قالاسى اۋىل شارۋاشىلىعى، اۋىل - قىستاق مەكەمەسىنەن كەلگەن، بالىق شارۋاشىلىعى ءوندىرىسى تەحنيكاسىن جالپىلاستىرۋعا قاتىستى قىزمەتپەن اينالىسقانىنا 30 نەشە جىل بولعان، كەزىندە ىلگەرىندى - كەيىندى سۋىق سۋ بالىعى، ەرەكشە سورتتى بالىق سياقتى بالىق تۇرلەرىن ءوسىرۋ جانە كوبەيتۋ جۇمىستارىمەن اينالىسىپ، سۋ ونىمدەرىن باعۋ ۇلگىسىن جالپىلاستىرۋعا جانە بالىق تۇرلەرىنىڭ ىندەتىنەن ساقتانۋ - تەجەۋگە جاۋاپتى بولعان، بالىق شارۋاشىلىعى ءوندىرىسى جونىندە مول امالياتتىق تاجىريبەگە يە.
2020 - جىلى 3 - ايدا جيڭ شىڭتيان حيلۇڭجياڭ ولكەسىنىڭ اۋىل شارۋاشىلىعى جاعىندا شينجياڭعا كومەكتەسۋ كاسىپتىك - تەحنيك دارىندىلار قوسىنىنا ىلەسىپ بۋرىلتوعاي اۋدانىنا بارىپ، 3 جىلدىق شينجياڭعا كومەكتەسۋ قىزمەتىن باستايدى.
بۋرىلتوعاي اۋداندىق اۋىل شارۋاشىلىعى، اۋىل - قىستاق مەكەمەسى سۋ ونىمدەرى تەحنيكاسىن جالپىلاستىرۋ پۋنكتىنە العاش بارىپ قىزمەت ىستەگەن شاعىندا ول جەرگىلىكتى ورىننىڭ بالىق شارۋاشىلىعىنىڭ دامۋ جاعدايىن ءبىلۋ ءۇشىن، تىزىمدەلگەن كۇننىڭ ەرتەسىندە بۋرىلتوعاي اۋدانى ايگىلى، ساپالى بالىق تۇرلەرى شاباعىن ءوسىرۋ بازاسىنا بارىپ، وسى بازانىڭ قولمەن بالىق سورتىن جەتىلدىرۋ جاعدايىن ۇعىسادى. وسىدان كەيىن ءبىر اي ۋاقىتپەن بۋرىلتوعاي اۋدانى وڭىرىندەگى سۋ ونىمدەرى باعىمشىلىق وتباسىلارىن ارالاپ، ولاردىڭ باعىمشىلىق بارىسىن قاداعالايدى ءارى بۇكىل اۋداننىڭ ءبىر ميلليون 700 مىڭ مۋدان استام سۋ ايدىنىنا شاباق جىبەرۋ، ءوسىرۋ جاعدايىن العاشقى قادامدا يگەرەدى.
وسىدان كەيىنگى كۇندەردە ۇلكەندى - كىشىلى باعىمشىلىق الاڭدارىنان جيڭ شىڭتياننىڭ دامىل تاپپاي شاپقىلاپ جۇرگەن بەينەسىن ۇنەمى كورۋگە بولاتىن بولدى: باعىمشىلىق وتباسىلاردىڭ ءوندىرىس بارىسىندا كەزىككەن قيىن ماسەلەلەرىن شەشىپ، ولاردىڭ ءتۇسىمنىڭ جوعارى - تومەن بولۋداعى سەبەبىنە تالداۋ جاساۋىنا كومەكتەسىپ، كەلەسى جىلعى وندىرىسكە تاجىريبە توپتادى... جيڭ شىڭتيان ءوزىنىڭ كاسىپتىك شەبەرلىگىن جەرگىلىكتى ورىننىڭ ءوندىرىس ءىس جۇزىندىك جاعدايىنا قولدانىپ، سۋ ونىمدەرى باعىمشىلىعى شەبەرلىگىندە ”ۇيرەتۋ، كومەكتەسۋ، جەتەكتەۋ“ رولىن اتقاردى. 2 جىلدان استام ۋاقىتتان بەرى ول جەرگىلىكتى ورىننىڭ تەحنيكتەرىنەن 100 ادام - رەتتەن استام تاربيەلەپ، باعىمشىلىق وتباسىلارىنىڭ جان اشىرىنا اينالدى.
سونىمەن قاتار جيڭ شىڭتيان جەرگىلىكتى ورىننىڭ باعىمشىلىق تەحنيكاسىن ۇعىسۋدان باستاپ، جەرگىلىكتى ورىننىڭ سۋ ونىمدەرى باعىمشىلىعى تەحنيكاسىنىڭ ارتىقشىلىعى مەن كەمشىلىگىنە تالداۋ جاسايدى. بۋرىلتوعاي اۋدانى ەرەكشە سۋ ونىمدەرىن باعۋدا سۋىق سۋ بالىعى نەگىز ەتىلىپ، تۇگەلدەي ءىرى، ورتاشا سۋ ايدىنىندا قويا بەرىلىپ قاراپايىم باعىلادى، ال داچيڭ قالاسى كوبىنەسە جىلى سۋ بالىق تۇرلەرىن وسىرەتىندىكتەن، باعىمشىلىق جاعىندا ەكى جەردىڭ تەحنيكاسى جاعىنداعى پارىقتارعا تالداۋ جاساپ، تىڭعىلىقتى باعۋ تەحنيكاسىن، باعىمشىلىق تۇرلەرىن بۋرىلتوعاي اۋدانىنا اكەلەدى. ەسەپتەپ كورگەندە، 2 جىلدان بەرى بۋرىلتوعاي اۋدانى سۋ ونىمدەرى باعىمشىلىق ءونىم مولشەرى ％10 اينالاسىندا جوعارىلاعان، سول ارقىلى جەرگىلىكتى ورىننىڭ باعىمشىلىق تۇرلەرىن دە ونان ارى كوبەيتكەن.
جيڭ شىڭتيان بۋرىلتوعاي اۋدانى سۋلى القاپ - قايراڭ باعىمشىلىق جوباسىن جاساۋعا، وزگەرتۋگە قاتىناستى، ءبىر قىدىرۋ جوبا ورنالاستىرۋدىڭ، ەگجەي - تەگجەيلى ەرەجەنىڭ جانە شارالاردىڭ العا قويىلىپ اتقارىلۋى بۋرىلتوعاي اۋدانىنىڭ سۋ ونىمدەرى كاسىپ سالاسىنىڭ دامۋىن تاعى دا تىڭ دەڭگەيگە كوتەردى. ول تاعى قىزمەت وي جەلىسىنە جاڭالىق ەنگىزىپ، سۋ ونىمدەرى باعىمشىلىق تەحنيكاسىمەن قىزمەت وتەۋ، نىسان باسقارۋعا كومەكتەسۋ سياقتى جاقتاردا قاتىستى تاراۋلارمەن قاتىستى ءتۇزىم ورناتۋعا سايكەسىپ، قىزمەتتى تۇزىمدەندىردى، ۇدايىلاندىردى.
شينجياڭ رۇيشۋە سۋ ونىمدەرى باعىمشىلىق شەكتى سەرىكتەستىگى − بۋرىلتوعاي اۋدانىنداعى سۋ ونىمدەرىن باعۋ، مانەرلەۋ شوعىرلى ءبىر تۇلعالانعان سۋ ونىمدەرى كاسىپورنى، تەحنيكتەر كەمشىل بولعاندىقتان، كولشىكتە باعۋ جارتىلاي ءوندىرىسى توقتاۋ كۇيىندە تۇرعان، جيڭ شىڭتيان جاعدايدان حابار تاپقاننان كەيىن ونىڭ ءوندىرىستى قالپىنا كەلتىرۋىنە بەلسەنە كومەكتەسىپ، كولشىك ءوندىرىسى جوباسىنان، بالىق شاباعىن ساتىپ الۋدان، بالىق شاباعىن جىبەرۋدەن باعۋ - باپتاۋعا دەيىن جالپى بارىستىق قاداعالاي قىزمەت وتەدى، بيىل سەرىكتەستىكتىڭ شاباق ءتۇسىمى 500 تونناعا جەتەتىندىگى مەجەلەنۋدە.
2021 - جىلى 1 - ايدا داچيڭ قالاسى ليانحۋانحۋ بالىقشىلىق شەكتى جاۋاپكەرشىلىك سەرىكتەستىگىنىڭ شينجياڭ رۇيشۋە سۋ ونىمدەرى باعىمشىلىق شەكتى سەرىكتەستىگىمەن بىرلەسىپ جۇمىس جۇرگىزۋگە بەلسەنە ۇشتاستىرىپ، ليانحۋانحۋ ۇلكەن كەسپە بالىق ۋىلدىرىعىن تاسىمالداۋ، شاشۋ، جەتىلدىرۋ سياقتى ءاربىر تەحنيكالىق بۋىندارعا قاداعالاي قىزمەت وتەۋ ارقىلى بۋرىلتوعاي اۋدانىنىڭ ۇلكەن كەسپە بالىعى تىلەگەن جەردەن شىعىپ، مول ءونىم بەردى، بيىل ءتۇسىمى 200 تونناعا، ءونىم قۇنى 10 ميلليون يۋاننان اساتىندىعى مەجەلەنۋدە.
قازىر مەملەكەتتىك 1 - رەتكى سۋ ونىمدەرى باعىمشىلىق ءتۇرى ساپاسى قاينارىنا جاپپاي تەكسەرۋ قىزمەتىنىڭ ورىستەتىلۋىنە ىلەسىپ، جيڭ شىڭتيان ونان ارى قاربالاسقا ءتۇستى. ءتۇر ساپاسى قاينارىنا جاپپاي تەكسەرۋ ءتىزىمىن ورناتىپ، جاپپاي تەكسەرۋ قىزمەت كەستەسىن جاساپ، مىندەت مولشەرىن تۇراقتاندىرىپ، جول كارتاسىن ايقىندادى، ول 2 جاپپاي تەكسەرۋشىنى ەرتىپ، تاڭ اتا تۇرىپ، كەش باتا ورالىپ، كۇندىز بالىق فەرمالارىنا، وتباسىلارعا بارىپ، كەشتە ساندى مالىمەت كىرگىزدى، سونىمەن قاتار باعىمشىلىق فەرمالارىنىڭ، وتباسىلاردىڭ ءوندىرىس جاعدايىن ۇعىستى.
”3 جىلدىق شينجياڭعا كومەكتەسۋ جولىندا ومىرلىك شينجياڭعا كومەكتەسۋ سۇيىسپەنشىلىگىن ورناتتىم. مەن بۋرىلتوعايعا بالىق شارۋاشىلىعىندا يگىلىككە كەنەلۋ تەحنيكاسىن قالدىرامىن، بالىق شارۋاشىلىعىن دامىتۋ وي جەلىسىن قالدىرامىن، سۋ ونىمدەرى تەحنيكاسىن جالعاستىراتىن ءبىر توپ دارىندى قالدىرامىن“، - دەدى جيڭ شىڭتيان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
