ما جۇنمين:
26 جىل شيپاگەرلىكپەن شۇعىلدانۋ بارىسىندا ەمدەۋ رەفورماسىنىڭ حالىققا تيىمدىلىك جەتكىزگەندىگىنە كۋا بولدىم
□ انار بۇلت \ شينجياڭ گازەتىنىڭ ءتىلشسى يۇي جياڭيان، پراكتيكانت سارىنحۋا، ەرىكتى ءتىلشى ۋاڭ ۋي
2022.07.06 16:50 كەلۋ قاينارى : شينجياڭ گازەتى
6 - ايدىڭ 23 - كۇنى ەمدەۋ جاعىندا حالىققا تيىمدىلىك جاساۋ ساياساتى ءسوز بولعاندا، ما جۇنمين اڭگىمەنىڭ تيەگىن اعىتىپ، ەمدەۋ جاعىندا حالىققا تيىمدىلىك جەتكىزۋ ساياساتىنان ونداعان مىسالدى كەلتىردى.
ما جۇنمين شونجى اۋداندىق جۇڭي شيپاحاناسىنىڭ باستىعى، شيپاگەرلىكپەن شۇعىلدانعان 26 جىلدان بەرى ول ەمدەۋ رەفورماسىنىڭ ەگىنشى - مالشىلارعا الا كەلگەن جاقسىلىعىنا كۋا بولدى.
شونجى اۋدانىنداعى اۋىل - قىستاقتا دۇنيەگە كەلگەن ما جۇنمين 1996 - جىلى مەكتەپ ءبىتىرىپ اۋىلىنا قايتىپ، شونجى اۋدانى دۇڭۋان قالاشىعىنىڭ ەمحاناسىنا قىزمەتكە ءبولىندى. سول كەزدە ەمحانانىڭ شارت - جاعدايى ءجونسال ەدى: توپىراق كەرپىش ءۇي، كومىر پەش، نەبارى 2 ەمدەۋ بولمەسى بار، ەڭ قىمبات ەمدەۋ جابدىعى ءبىر X ساۋلەسى اپپاراتى ەدى.
سول كەزدە شيپاگەرلەر جاپپاي ”ءۇش كونە قۇرالعا“ سۇيەنەتىن: دەنە تەرمومەترى، قان قىسىمىن ولشەۋىش، تىڭداۋىش. اۋىل - قىستاق سەلبەسىپ ەمدەۋ ساياساتى جوق، ەگىنشى - مالشىلاردىڭ كىرىسى تومەن بولعاندىقتان، اۋىرىپ قالسا كورىنبەي جۇرە بەرىپ، اۋرۋ جانىنا باتقاندا عانا شيپاحاناعا باراتىن.
2006 - جىلى ”جاڭا اۋىل - قىستاق سەلبەسىپ ەمدەۋ“ ساياساتى شونجى اۋدانىندا اتقارىلدى. ”ەسىمدە قالۋىنشا، سول كەزدە ۋاڭ چىڭ اتتى ناۋقاس بولدى، 60تى ارالاپ كەتىپتى، وكپە، جۇرەك اۋرۋىنا شالدىققانىنا 10 نەشە جىل بولىپتى، وسى ساياساتتىڭ پايداسىنان العاش رەت يگىلىكتەنگەندە، تەبىرەنگەنىنەن قولىمنان ۇستاپ تۇرىپ كوزىنە جاس الدى “. ما جۇنمين بىلاي دەدى: سول رەت ۋاڭ چىڭ اۋرۋىن كورسەتۋگە 800 نەشە يۋان جۇمسادى، ％80تىك سالىستىرمامەن ەسەپتەن كوتەرتكەندە، ءوزى نەبارى 160 يۋان عانا شىعاردى.
2012 - جىلى ما جۇنمين اۋدان قالاشىعىنا اۋىسىپ بارىپ قىزمەت ىستەپ، ىلگەرىندى - كەيىندى شونجى اۋداندىق اۋرۋدىڭ الدىن الۋ، تىزگىندەۋ ورتالىعىندا، شونجى اۋداندىق حالىق شيپاحاناسىندا جانە شونجى اۋداندىق جۇڭي شيپاحاناسىندا قىزمەتىن جالعاستىردى. سول ارالىقتا شونجى اۋدانىنىڭ ەمدەۋ - دەنساۋلىق ساقتاۋ ىستەرى قارىشتاپ دامىدى. الەۋمەتتىك دەنساۋلىق ساقتاۋ قىزمەت وتەۋىن بىركەلكىلەندىرۋ، الدىمەن اۋرۋىن ەمدەتىپ، ارتىنان اقىسىن تولەۋ، ”ءبىر بەكەتتىك“ دەر كەزىندە ەسەپ ايىرۋ، ەمدەۋ بىرىككەن تۇلعالى قۇرىلىسىن ىلگەرىلەتۋ سياقتى ەمدەۋ جاعىندا حالىققا تيىمدىلىك جەتكىزۋ ساياساتى ىلگەرىندى - كەيىندى اتقارىلىپ، ەمدەۋ رەفورماسىنا ءجيى - ءجيى كۇش سالىندى.
2018 - جىلى شونجى اۋدانى بۇكىل شينجياڭدا ەڭ الدىمەن سالاماتتىق جاعىندا كەدەيلەردى دالمە - ءدال سۇيەمەلدەۋ ساياساتىن اتقاردى. ”2018 - جىلدىڭ كوكتەمىندە مەن ۋماچاڭ قازاق ۇلتتىق اۋىلىندا تەگىن ەمدەۋ ورىستەتىپ جۇرگەندە، جانار اتتى قىستاق تۇرعىنىنىڭ قان قىسىمى ورلەپ 3 - دارەجەگە جەتىپ، دەرەۋ شيپاحاناعا جاتىپ ەمدەلۋگە تۋرا كەلەدى. ءبىز جاناردى شيپاحاناعا جاتىپ ەمدەل دەسەك تە ول ءجۇرىپ الدى“. ما جۇنمين بىلاي دەدى: مەن قايتا - قايتا سۇراپ ءجۇرىپ سونى ءبىلدىم: جاناردىڭ ۇلى ەندى عانا دۇنيەدەن وتكەن ەكەن، ايەلى ەكەۋىنىڭ دە سالماقتى جوعارى قان قىسىمى اۋرۋى بار، ونىڭ سىرتىندا كىشكەنە نەمەرەسىنە قارايدى. شيپاحاناعا جاتىپ ەمدەلگەنگە قولى قىسقا ەكەن.
احۋالدى ۇعىسقاننان كەيىن ما جۇنمين جانارعا سالاماتتىق جاعىندا كەدەيلەردى دالمە - ءدال سۇيەمەلدەۋ ساياساتىن ءتۇسىندىرىپ، وعان اۋرۋحاناعا جاتۋ راسمياتتارىن ءبىتىرىپ بەرەدى. جانار نەگىزگى ەمدەۋ بويىنشا ەسەپتەن كوتەرۋ جانە ۇكىمەتتىڭ تومەنگى شەكتەن تۇسىرمەۋ ساياساتىنان يگىلىكتەنىپ، 4000 نەشە يۋاندىق ەمدەۋ قاراجاتى تولىعىمەن ەسەپتەن كوتەرىلىپ، ءوزى ءبىر تيىن اقشا شىعارمايدى.
شونجى اۋداندىق جۇڭي شيپاحاناسىنىڭ ساناعىنا قاراعاندا، 2018 - جىلدان قازىرگە دەيىن وسى شيپاحانادا سالاماتتىق جاعىندا كەدەيلەردى دالمە - ءدال سۇيەمەلدەۋ ساياساتىنان يگىلىكتەنگەن بۇقارا 1000 نەشە ادام - رەتكە جەتىپ، ەسەپتەن كوتەرىلۋ سالىستىرماسى 3 ميلليون 300 مىڭ يۋاننان استى.
بۇگىنگى تاڭدا، شونجى اۋانىنداعى قالا، اۋىلداردىڭ ەمدەۋ - دەنساۋلىق ساقتاۋ شارت - جاعدايىندا وراسان زور وزگەرىس تۋىلىپ، قىستاق دارەجەلى ەمحانامەن تولىق قامتىلىپ، اۋىل - قالاشىق ەمحانالارى ءتۇستى ۋلترا ساۋلەلى اپپاراتى، تولىق اۆتوماتتى بيو - حيميالى تالداۋ اسپابى سياقتى وزىق ەمدەۋ جابدىقتارىمەن جابدىقتالدى. ەمدەۋ قاتتى بولشەكتەرىنىڭ دارەجەسى جوعارىلاتىلعاننان كەيىن، اۋىل - قالاشىق ەمحاناسى تاعى ەرەكشە جۇڭيمەن ەمدەۋ، وتباسىلىق شيپاگەرمەن كەلىسىم جاساسۋ قىزمەت وتەۋ سياقتىلاردى ورىستەتتى.
”ءاربىر ادام جونىنەن ايتقاندا، سالاماتتىق جالاڭ عانا تىرشىلىك ەتۋدىڭ نەگىزدىك قامتاماسىزدىعى ەمەس، ونان دا ماڭىزدىسى، تاماشا تۇرمىسقا تالپىنۋدىڭ العى شارتى. ەمدەۋ قىزمەتكەرى جانە شيپاحانا باسقارۋشى رەتىندە، سالاماتتىق پايداسىن ۇزدىكسىز جارىققا شىعارىپ، اناعۇرلىم كوپ بۇقاراعا تيىمدىلىك جەتكىزۋ كەرەك“، - دەدى ما جۇنمين.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
