جۇڭگو ـ قازاقستان اۋىل شارۋاشىلىق قوسىمشا ونىمدەرىن كەدەننەن تەز وتكىزەتىن «جاسىل ارناسى» بيىل تولىق قامتۋدى جۇزەگە اسىرادى
2022.07.06 16:39 كەلۋ قاينارى : حالىق تورابى
انار بۇلتى - شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق حالىق ۇكىمەتىنىڭ سىرتقى ىستەر كەڭسەسىنەن ۇعىسۋىنشا، تاياۋدا شينجياڭ ۇيعۇر اۆتونوميالى رايوندىق حالىق ۇكىمەتىنىڭ سىرتقى ىستەر كەڭسەسى قازاقستان مەملەكەتتىك باجى كوميتەتى حالىقارالىق سەلبەستىك مەڭگەرمەسىمەن بىرگە جۇڭگو ـ قازاقستان شەكارا وتكەلى اۋىل شارۋاشىلىق قوسىمشا ونىمدەرىنىڭ كەدەننەن تەز ءوتۋىن جەبەيتىن «جاسىل ارنامەن» تولىق قامتۋىن ىلگەرىلەتۋ جونىندە بەينە ەكران ءماجىلىسىن ۇيىمداستىرىپ اشقان، ەكى جاق بيىل الاتاۋ ساعاسى (جۇڭگو) - دوستىق (قازاقستان)، جەمەنەي (جۇڭگو) - مايقاپشاعاي (قازاقستان)، دۋلات (جۇڭگو) - قالجات (قازاقستان) تاس جول وتكەلدەرىندە اۋىل شارۋاشىلىق قوسىمشا ونىمدەرىنىڭ كەدەننەن تەز وتەتىن جاسىل ارناسىن اشۋ جونىندە كەلىسىمگە كەلگەن.
شينجياڭنىڭ ورتا ازيا ەلدەرىمەن اۋىل شارۋاشىلىق قوسىمشا ونىمدەرى ساۋداسىنىڭ دامۋىنا قىزمەت ەتىپ، قاتىستى ونىمدەردىڭ كەدەننەن تەز وتۋىنە قولايلىلىق جاساۋ ءۇشىن، 2013 ـ جىلدان 2019 ـ جىلعا دەيىن، شينجياڭ ىلگەرىندى ـ كەيىندى شەكارالاساتىن ورتا ازياداعى 3 ەلمەن 5 شەكارا وتكەلىنەن اۋىل شارۋاشىلىق قوسىمشا ونىمدەرىن كەدەننەن تەز وتكىزۋدىڭ «جاسىل ارناسىن» اشتى، مۇنىڭ ىشىندە جۇڭگو ـ قازاقستان باعىتىنان ەكەۋى جەكە ـ جەكە باقتى وتكەلى، قورعاس وتكەلى؛ جۇڭگو ـ تاجىكستان باعىتىنداعى قاراسۋ وتكەلى؛ جۇڭگو ـ قىرعىزستان باعىتىنداعى 2 وتكەل بار، ولار جەكە ـ جەكە تورعاتى وتكەلى، ەركەشتام وتكەلى.
ارقايسى شەكارا وتكەلدەرى «اۋىل شارۋاشىلىق قوسىمشا ونىمدەرىن ارناۋلى مالىمدەۋ تەرەزەسىن»، كەدەننەن وتكىزۋ ارناۋلى ارناسىن اشىپ، اۋىل شارۋاشىلىق قوسىمشا ونىمدەرىن كەدەننەن وتكىزۋگە الدىن الا كەلىسىپ كەدەنگە مالىمدەۋ، الدىن الا كەلىسىپ تەكسەرۋ نەمەسە الدىمەن تەكسەرۋ، «ءبىر رەتتە مالىمدەۋ، بىرلەسىپ تەكسەرۋ» سياقتى قىزمەت وتەۋمەن قامداپ، «دەرەۋ جەتكىزۋ، دەرەۋ تەكسەرۋ، دەرەۋ قويا بەرۋ» ارقىلى يمپورت ـ ەكسپورت ونىمدەرىنىڭ ساپاسىنا كەپىلدىك ەتىپ، كاسىپورىنداردىڭ ونىمدىلىگىن قامتاماسىز ەتتى. اۋىل شارۋاشىلىق قوسىمشا ونىمدەرىن كەدەننەن تەز وتكىزۋدىڭ «جاسىل ارناسىنىڭ» قۇرىلۋى شينجياڭ مەن بۇكىل ەلدىڭ اۋىل شارۋاشىلىق قوسىمشا ونىمدەرىن ورتا ازيا سياقتى شەتەل بازارلارىنا تەز جەتكىزدى، سونىمەن بىرگە ورتا ازيانىڭ استىق، مايلى داقىل جانە سۋ ونىمدەرى سياقتى ساپالى اۋىل شارۋاشىلىق قوسىمشا ونىمدەرىن يمپورت ەتۋگە قولايلى كەدەننەن وتكىزۋ ورتاسىن ازىرلەدى.
شينجياڭ ۇيعۇر اۆتونوميالى رايوندىق حالىق ۇكىمەتى سىرتقى ىستەر كەڭسەسىنىڭ قاتىستى جاۋاپتىسىنىڭ تانىستىرۋىنا قاراعاندا، جۇڭگو ـ قازاقستان شەكاراسىنداعى تاس جول شەكارا وتكەلى اۋىل شارۋاشىلىق قوسىمشا ونىمدەرىنىڭ كەدەننەن تەز ءوتۋىن ىلگەرىلەتۋ «جاسىل ارنامەن» جاپپاي قامتۋ قىزمەتىن ىلگەرىلەتۋ _− جۇڭگو ـ قازاقستان دامۋ ستراتەگياسىن ۇشتاستىرۋعا، «ءبىر بەلدەۋ، ءبىر جولدى» جوعارى ساپامەن بىرگە قۇرۋعا قىزمەت ەتىپ، جۇڭگو ـ قازاقستان دوستىق قاتىناسىنىڭ دامۋىنا جانە ەكونوميكا ـ ساۋدا سەلبەستىگىنىڭ ۇزدىكسىز تەرەڭدەۋىنە دەم بەرەتىن بەلسەندى شارا. ەكى جاقتىڭ كەدەنى مەن شەكارا وتكەلى جەدەل ۇيىمداستىرىپ اتقارىپ، اۋىل شارۋاشىلىق قوسىمشا ونىمدەرىنىڭ كەدەننەن ءوتۋ ونىمدىلىگىن اناعۇرلىم جوعارىلاتىپ، كەدەننەن ءوتۋ زات اينالىمىنىڭ وزىندىك قۇنىن تومەندەتىپ، جۇڭگو ـ قازاقستان شەكارا وتكەلى سەلبەستىگىنىڭ تەرەڭ قاتپارعا، جوعارى دەڭگەيگە كوتەرىلۋىن ىلگەرىلەتىپ، ەكى ەل حالقىنا ناقتى باقىت جاراتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
