شينجياڭدا ءبيداي جيىپ الىنۋ قارقىنى %50تەن استى
ءونىم الىنعان جەر اۋدانى 7 ميلليون 500 مىڭ مۋدان استى
2022.07.06 16:46 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 7 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، كەزەكتە بۇكىل رايوندا ءبيداي زور كولەمدە جيىپ الىنۋ مەزگىلىنە وتكەن. 7 - ايدىڭ 3 - كۇنىنە دەيىن بۇكىل رايوندا 7 ميلليون 500 مىڭنان استام مۋ جەردەگى ءبيداي جيىپ الىنىپ، جيىپ الىنۋ قارقىنى %50تەن اسىپ، بىلتىرعى سول تۇستاعىدان تەز بولعان. بۇكىل رايوندا 4 ميلليوننان استام مۋ جەرگە ءتۇرلى ەگىس داقىلدارى قايتالاي ەگىلىپ، جوسپارداعى مىندەتتىڭ 60 پايىزىنان استامى ورىندالىپ، سايكەس مەزگىلدەگىدەن 700 نەشە مىڭ مۋ ارتقان.
تانىستىرۋعا قاراعاندا، جۋىقتا رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى ءونىمدى شارالاردى قولدانىپ، ءبيدايدى كومباينمەن ءوڭىر اتتاپ ورۋ، ءبيدايدى كومباينمەن ورىپ زياندى ازايتۋ سياقتى ءتۇرلى قىزمەتكە بەلسەنە ۇيىمداستىرىپ، جازعى استىقتىڭ تولىق قامبالانۋىنا، كۇزدە جيناپ الىناتىن استىقتىڭ ۋاعىندا ەگىلۋىنە شىنايى كەپىلدىك ەتكەن. كەزەكتە وڭتۇستىك شينجياڭداعى نەگىزگى استىق القاپتارىنىڭ ءبيداي جيناۋ جۇمىسى نەگىزىنەن اياقتاعان، سولتۇستىك شينجياڭدا ىركەس - تىركەس باستالعان.
جۋىقتا كوپ جەرلەردە كورىلگەن جوعارى تەمپەراتۋرالى اۋا رايىنا بەلسەنە توتەپ بەرۋ، سولتۇستىك شينجياڭ وڭىرلەرىندەگى جۋىق ارادا جيناپ الىناتىن ءبيدايدىڭ قۇرعاق ىستىق جەلدىڭ ىقپالىنا ۇشىراۋىنان ساقتانۋ ءۇشىن اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ورتالىقتىڭ (2 - توپتاعى) بەرگەن اۋىل شارۋاشىلىعى ءوندىرىسى اپاتتان قۇتقارۋ قارجىسىن ءبيدايدىڭ ”ءبىردى بۇركۋ، ۇشتەن ساقتانۋىنا“ پايدالانۋعا ورنالاستىردى ءارى جۋىقتا تەحنيكالىق جاقتان قىزمەت وتەيتىن 10 اۋىل شارۋاشىلىق ماماندارى گرۋپپاسىن جەر - جەردىڭ ءوندىرىس ءبىرىنشى شەبىنە بارىپ تەحنيكالىق جەتەكشىلىك ەتىپ، ءبيداي، ماقتا، جۇگەرى سياقتى داقىلداردى باپتاپ - باسقارۋدى شىنايى يگەرۋگە تاڭداپ جىبەردى. كەزەكتە سولتۇستىك شينجياڭداعى دۇمبە ءبيداي ەگىلگەن وڭىرلەر ەڭ سوڭعى ورۋ مەزگىلىن مىقتى ۇستاپ، ”ءبىر بۇركۋ، ۇشتەن ساقتانۋ“ شاراسىن ويداعىداي تياناقتاندىرىپ، داندەنۋ ۋاقىتىن ۇزارتىپ، ءداننىڭ تولىسىپ، جوعارى ءونىم جاراتۋعا قۇلشىنۋدا.
الداعى جەردە بۇكىل رايونداعى ءار دارەجەلى اۋىل شارۋاشىلىعى، اۋىل - قىستاق تاراۋلارى ماشينالاردى عىلمي، ۇيلەسىمدى ورنالاستىرىپ، شارۋالاردى ءتيىمدى اۋا رايى شارت - جاعدايىنان پايدالانىپ، جيناۋ، تۇقىم ءسىڭىرۋ قارقىنىن تەزدەتىپ، جۇمىس ساپاسىن جوعارىلاتىپ، ءبيدايدى جيناپ بولىسىمەن جۇگەرى ەگىپ، ەگىس ۋاقىتىن اقساتپاۋعا شىنايى كەپىلدىك ەتىپ، تۇتاس جىلدا اۋىل شارۋاشىلىعىنان مول ءونىم الۋ نەگىزىن بەكەمدەۋگە جەتەكتەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
