بيىل سالىقتى كەمەيتۋ، ازايتۋ، اقىنى تومەندەتۋ جانە سالىقتى، اقىنى كەشەۋىلدەتىپ تاپسىرۋ مولشەرى تىڭنان شامامەن 2 تريلليون 580 ميلليارد يۋان ارتتى (جاڭا ساندى مالىمەت، جاڭا ءتۇيىن)
2022.07.06 17:58 كەلۋ قاينارى : حالىق تورابى
«حالىق گازەتى»، 7 - ايدىڭ 5 - كۇنى، بەيجيڭ (ءتىلشى ۋاڭ گۋان). مەملەكەتتىك سالىق باس مەكەمەسىنىڭ ساندى مالىمەتىندە كورسەتىلۋىنشە، بيىل 6 - ايدىڭ 25 – كۇنىنە دەيىن بۇكىل ەل بويىنشا سالىقتى كەمەيتۋ، ازايتۋ، اقىنى تومەندەتۋ جانە سالىقتى، اقىنى كەشەۋىلدەتىپ تاپسىرۋ مولشەرى تىڭنان شامامەن 2 تريلليون 580 ميلليارد يۋان ارتقان.
ۇعىسۋعا قاراعاندا، وسى 2 تريلليون 580 ميلليارد يۋان نەگىزىنەن مىناداي ءۇش ءبولىمدى قامتيدى ەكەن: ءبىرىنشى، 4 – ايدىڭ 1 – كۇنىنەن 6 - ايدىڭ 25 - كۇنىنە دەيىن، ارتقان قۇن سالىعىنىڭ قايتارىلعان سالىقتان دولايلاستىرىلاتىن اقشاسى ءبىر تريلليون 703 ميلليارد 300 ميلليون يۋان بولىپ، سالىق تاپسىرۋشىلاردىڭ ەسەبىنە قايتارىلعان، 1 - توقساندا ءۇرتىس اتقارىلعان سالىق قايتارۋ كونە ساياساتى بويىنشا ارتقان قۇن سالىعىنىڭ قايتارىلعان سالىقتان دولايلاستىرىلاتىن اقشاسى 123 ميلليارد 300 ميلليون يۋان بولعان، ەكەۋىنىڭ جيىنتىعى ءبىر تريلليون 826 ميلليارد 600 ميلليون يۋانعا جەتىپ، وتكەن جىلى تۇتاس جىلدا قايتارىلعان سالىق كولەمىنىڭ 2.8 ەسەسىندەي بولعان؛ ەكىنشى، 1 - ايدان 5 - ايعا دەيىن مەملەكەت بويىنشا جاڭادان ارتقان سالىقتى ازايتىپ، اقىنى تومەندەتۋ مولشەرى تىڭنان 285 ميلليارد 900 ميلليون يۋان ارتقان، بۇل شاعىن، پايداسى ماردىمسىز كاسىپورىنداردىڭ سالىق تاپسىرۋعا ءتيىستى تابىس سوماسى ءبىر ميلليون يۋاننان 3 ميلليون يۋانعا دەيىنگى بولەگىنەن سالىقتى تاعى دا جارتىلاي ازايتۋ ساياساتى تياناقتاندىرىلىپ، جاڭادان ازايتىلعان سالىق 16 ميلليارد 400 ميلليون يۋان بولعان، شاعىن كولەمدە سالىق تاپسىرۋشىلاردىڭ ارتقان قۇن سالىعىنان جەڭىلدىك بەرۋ ساياساتىنان يگىلىكتەنۋى تياناقتاندىرىلىپ، جاڭادان ازايتىلعان سالىق، كەمەيتىلگەن اقى 34 ميلليارد 400 ميلليون يۋان بولعان، «التى سالىق، ەكى قاراجاتتى» ازايتۋ، جارتىلاي جيناۋ ساياساتى تياناقتاندىرىلىپ، جاڭادان ازايتىلعان سالىق، كەمەيتىلگەن اقى 62 ميلليارد 900 ميلليون يۋان بولعان؛ ءۇشىنشى، 463 ميلليارد 200 ميلليون يۋان سالىق، اقىنى كەشىكتىرىپ تاپسىرۋ رەسمياتى وتەلگەن، مۇنىڭ ىشىندە جاساۋ كاسىبىندەگى ورتا، شاعىن، ۇساق كاسىپورىنداردىڭ سالىق تاپسىرۋىن ۋاقىتشا كەشەۋىلدەتۋ ساياساتى ءۇرتىس اتقارىلىپ، جيىنى 455 ميلليارد يۋان سالىق، اقى كەشىكتىرىپ تاپسىرىلاتىن بولعان، اس - سۋ، بولشەك ساتۋ، ساياحات، حالىقتىق اۆياتسيا، تاس جول، سۋ جولى، تەمىر جول تاسىمالى سياقتى ىندەتتىڭ ىقپالىنا ءبىرشاما زور ۇشىراعان قيىنشىلىعى بار كاسىپتەر مەن بارلىق ورتا، شاعىن، ۇساق كاسىپورىندارعا قاراتا، كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جارالانۋ قاراجاتىن كەزەڭدىك كەشىكتىرىپ تاپسىرۋ ساياساتى اتقارىلعان. 4 - ايدان 5 - ايعا دەيىن 8 ميلليارد 200 ميلليون يۋان كەشىكتىرىپ جينالاتىن بولعان.
دولايلاستىرۋعا قالدىرىلعان سالىق ساياساتى جاعىندا، كولەم بويىنشا قاراعاندا، شاعىن، ۇساق كاسىپورىندار − يگىلىككە كەنەلەتىن نەگىزگى تۇلعا. 4 - ايدان بەرى سالىعى قايتارىلعان سالىق تاپسىرۋشىلاردىڭ ىشىندە شاعىن، ۇساق كاسىپورىنداردىڭ سانى %94.5 تى ۇستاپ، جيىنى 756 ميلليارد 300 ميلليون يۋان سالىق قايتارىلىپ، سوماسى %44.4 تى ۇستاعان.
كاسىپ سالاسىنان الىپ قاراعاندا، جاساۋ كاسىبى سياقتى 6 كاسىپتىڭ پايداسى كورنەكتى بولعان. 4 - ايدىڭ 1 - كۇنىنەن 6 - ايدىڭ 25 - كۇنىنە دەيىن ساقتالۋ مولشەرى مەن دولايلاستىرۋعا قالدىرىلعان سالىقتان يگىلىكتەنەتىن جاساۋ كاسىبى سياقتى 6 كاسىپتە 991 ميلليارد 200 ميلليون يۋان سالىق قايتارىلعان، مۇنىڭ ىشىندە جاساۋ كاسىبىندە 441 ميلليارد 100 ميلليون يۋان سالىق قايتارىلعان، قاتىناس - تاسىمال كاسىبىندە 285 ميلليارد يۋان سالىق قايتارىلعان، ەلەكتر، جىلۋ، جانار گاز، سۋ ءوندىرىسى جانە قامداۋ كاسىبىندە 172 ميلليارد 500 ميلليون يۋان سالىق قايتارىلعان، عىلمي زەرتتەۋ جانە تەحنيكالىق قىزمەت وتەۋ كاسىبى، جۇمساق بولشەك جانە تەحنيكالىق قىزمەت وتەۋ كاسىبى، ەكولوگيانى قورعاۋ جانە قورشاعان ورتانى جونگە سالۋ كاسىبى سياقتى 3 كاسىپ سالاسىندا جيىنى 92 ميلليارد 700 ميلليون سالىق قايتارىلعان.
ەكونوميكانى ورنىقتىرۋدىڭ ءبىرقىدىرۋ شارالارى تياناقتانىپ، ءونىم بەردى، اسىرەسە، سالىقتى دولايلاستىرۋ ساياساتىنىڭ پايداسى بىرتىندەپ مولىعىپ، ەكونوميكالىق اينالىمنىڭ تەز قالپىنا كەلۋىنە دەم بەردى. 5 - ايدا بۇكىل ەلدەگى كاسىپورىنداردىڭ ساتىلىم كىرىسى وتكەن جىلدىڭ ۇقساس مەزگىلىندەگىدەن %1.9 ارتىپ، 4 – ايداعى ارتۋ شاماسىمەن سالىستىرعاندا 9.3 پايىز جوعارىلادى. 6 - ايدىڭ 1 – كۇنىنەن 25 – كۇنىنە دەيىن بۇكىل ەلدەگى كاسىپورىنداردىڭ ساتىلىم كىرىسى وتكەن جىلدىڭ ۇقساس مەزگىلىندەگىدەن %6.8 ارتىپ، 5 - ايداعىدان 4.9 پايىز جوعارىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
