حۋبەي ولكەسى ءوندىرىس، وقىتۋ، زەرتتەۋ، پايدالانۋدا سەلبەسىپ جاڭالىق اشۋدى ىلگەرىلەتتى
الدىڭعى جارتى جىلدا تەحنيكالىق توقتام سوماسى 160 ميلليارد يۋانعا جەتىپ، بىلتىرعى سول تۇستاعىدان %72.58 ارتتى
«حالىق گازەتىنىڭ» تىلشىلەرى حى گۋاڭحۋا، فان حاۋتيان
2022.07.07 16:19 كەلۋ قاينارى : حالىق تورابى
6 – ايدىڭ 28 - كۇنى باس شۋجي شي جينپيڭ حۋبەيدىڭ ۋحانىندا قىزمەت تەكسەرگەندە بىلاي دەپ دارىپتەدى: «ءبىز، جاڭا دامۋ ۇستانىمىن، ءسوز جوق، تولىق، دالمە - ءدال، جاپپاي دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جاعىندا اناعۇرلىم زور ىلگەرىلەۋشىلىككە قول جەتكىزۋىمىز كەرەك». حۋبەي باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ماسەلەنى نىشان ەتۋدەن جازباي، نازاردى شەشۋشى تەحنيكاعا شوعىرلاندىرىپ، عىلىم - تەحنيكا ءتۇزىلىسى رەفورماسىن تەرەڭدەتىپ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جۇزەگە اسىرۋ جاعىندا ۇزدىكسىز ءورىس اشا العا ىلگەرىلەدى.
«ەڭ تەز بولعاندا 43 سەكۋند قانا ۋاقىت كەتەدى!» ۋحان گۋاڭگۋ جوعارى، جاڭا تەحنيكا داڭعىلى لازەر نۇرى عىلىم - تەحنيكا سارايىندا ۋحان حۋاگۇڭ لازەر نۇرى ينجەنەرياسى شەكتى جاۋاپكەرلىك سەرىكتەستىگىنىڭ باس ديرەكتورى دىڭ جياكى اق ءتۇستى اۆتوموبيل سورەسىن نۇسقاپ، جاڭا ەنەرگيالى اۆتوكولىك تۇلعاسىن لازەر نۇرىمەن دانەكەرلەۋ تەحنيكاسىن تانىستىردى. ولار ورتا جۇڭگو عىلىم - تەحنيكا داشۋەسىمەن جانە كاسىپ تىزبەگىنىڭ جوعارعى، تومەنگى اعارىنداعى كاسىپورىندارمەن بىرلەسىپ، ءوندىرۋ، وقىتۋ، زەرتتەۋ، پايدالانۋ جاقتارىندا سەلبەسىپ قامال الىپ، 15 جىل ىشىندە زەرتتەپ جاساعان ساپالى، جوعارى ءونىمدى لازەر نۇرلى مانەرلەۋ جابدىقتارى مەن لازەر نۇرلى اۆتوماتتى دانەكەرلەۋ ءوندىرىس لەنياسى شەتەلدىڭ مونوپولياسىن تالقاندادى، قازىر ەل ىشىندە بازار يەلەۋ شاماسى %90 كە جەتتى.
حۋاگۇڭ لازەر سەرىكتەستىگىنىڭ تاۋەلدى سەرىكتەستىگى − جۇڭگو ونەركاسىپ عىلىم - تەحنيكا كاسىبى شەكتى جارنا سەرىكتەستىگى. بۇل سەرىكتەستىك ەڭ الدىمەن وپتيكالىق لازەرلىك اسپاپ، اسقىن تەز لازەرلىك اسپاپ، جارتىلاي وتكىزگىش لازەرلىك اسپاپ چيپى سياقتى ءبىر توپ شەشۋشى تەحنيكادان قامال الىپ، ەل ىشىندەگى لازەرلىك جابدىق سالاسىنداعى تۇڭعىش حالىقارالىق ولشەمدى باستاماشىلدىقپەن بەلگىلەپ، ونىمدەرىن 80 نەشە مەملەكەت پەن رايونعا ەكسپورت ەتتى.
حۋاگۇڭ عىلىم - تەحنيكاسىنىڭ دامۋىنا كوز جىبەرگەندە، حۋبەيدىڭ عىلىم - تەحنيكا، وقۋ - اعارتۋ بايلىعى ابزالدىعىن ساۋلەلەندىرىپ، ءوندىرۋ، وقىتۋ، زەرتتەۋ، قولدانۋدا سەلبەسىپ جاڭالىق اشىپ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى ىلگەرىلەتۋ سىندى دامۋ بارىسى ايگىلەندى. حۋبەيدە مەملەكەتتىك 30 ءتۇيىندى تاجىريبەحانا، 130 جوعارى مەكتەپ، 3 مىڭ 600 دەن استام عىلمي زەرتتەۋ قۇرىلىمى، ءبىر ميلليون 600 مىڭنان استام وقىپ جاتقان ستۋدەنت بار. تاياۋ جىلداردان بەرى حۋبەي ولكەسى ءتۇيىندى ابزالدىققا يە ەرەكشە كاسىپتەردى ءتۇيىن، شەشۋشى تەحنيكالاردى كىرىسۋ ءتۇيىنى، كاسىپورىندى نەگىزگى تۇلعا ەتىپ، ءوندىرۋ، وقىتۋ، زەرتتەۋ، قولدانۋدا سەلبەستىكتى ىشكەرىلەي ۇزدىكسىز كۇشەيتىپ، عىلىم - تەحنيكا، وقۋ - اعارتۋ ابزالدىعىن جاڭالىق اشۋ ابزالدىعىنا، دامۋ ابزالدىعىنا اينالدىرىپ، جوعارى دەڭگەيلى، جەتەكشىلىك سيپاتتى ءتول جاسامپازدىق جەتىستىكتەرىنەن كەلەلى قامال الۋدى ىلگەرىلەتتى.
شەشۋشى تەحنيكاعا نازار اۋدارىپ، جوعارى مەكتەپ، عىلمي زەرتتەۋ ورىندارى مەن كاسىپورىنداردىڭ ۇشتاسۋ ارناسىن ىركىلىسسىزدەندىردى. حۋبەيدىڭ ۇدايىلانعان ۇيىمداستىرۋ جەتىستىكتەرى «100 مەكتەپ ۇشتاسىپ، سان الۋن ناتيجە جاراتۋ» جانە حۋبەي ولكەسىنىڭ پاتەنت تەحنيكاسى ناتيجەسىن اشىق باسەكەلەستىرىپ ساۋدالاۋ قيمىلى سياقتى ءتۇيىندى عىلىم - تەحنيكا جەتىستىكتەرىن باسەكەلەستىرە ساتۋ جارمەنكەسى جەلىلەس قيمىلدارىنا قاراي دامىپ، عىلىم - تەحنيكا تاراۋلارى جەلى ءىشى - سىرتىندا تانىستىرىپ، ءتۇيىلىستىرىپ، كاسىپورىنداردىڭ قاجەتىن تاۋىپ، جوعارى مەكتەپتەردىڭ عىلمي زەرتتەۋ جەتىستىكتەرىن بازارعا سالدى. بيىل جىل باسىنان بەرى 10 نەشە رەت ءتۇيىلىستىرۋ قيمىلىن ورىستەتىپ، 3 مىڭ 400 دەن استام عىلىم - تەحنيكا جەتىستىگىن تانىستىرىپ، 100 دەن استام كاسىپورىن «تانىلىپ»، توقتام سوماسى 112 ميلليون يۋاننان استى.
حۋبەي ولكەسى فوتو ەلەكتر عىلىمى، كەڭىستىك عىلىم - تەحنيكاسى، بيولوگيالىق تۇقىم جەتىلدىرۋ سياقتى ابزال سالالارعا نازار اۋدارىپ، جەكە - جەكە ورتا جۇڭگو عىلىم - تەحنيكا داشۋەسى، ۋحان داشۋەسى، ورتا جۇڭگو اۋىل شارۋاشىلىق داشۋەسى سياقتى جوعارى مەكتەپتەر، زەرتتەۋ ورىندارى باستاماشى بولىپ، جوعارى، جاڭا تەحنيكا كاسىپورىندارى سياقتى باسىم كۇشتەرمەن بىرلەسىپ، حۋبەيدىڭ 10 تاجىريبەحاناسىن قۇرىپ، ءۇش ولشەمدى توتە جالعاساتىن كۆانتتىق ءتۇيىننىڭ ينفرا قىزىل ساۋلەلى بارلاۋ، جىپشە تۇيىرشىك فەرمەنت قوسپا تۇلعاسىن قۇراستىرۋشى ەلەمەنتتەر مەحانيزمى سياقتى ءبىر توپ ءتول تابىستى جاراتتى.
عىلىم - تەحنيكا ءتۇزىلىسى رەفورماسىندا جاڭالىق اشۋدى تەرەڭدەتىپ، عىلىم - تەحنيكا جەتىستىكتەرىن كادەگە جاراتۋدىڭ «ەڭ سوڭعى ءبىر شاقىرىمىن» اشتى. تاياۋ جىلداردان بەرى حۋبەي ولكەسى «عىلىم - تەحنيكا 10 تارماعى»، «جاڭا 9 تارماق»، عىلىم - تەحنيكاداعى قۋاتتى ولكە قۇرىلىسى «4 + 1» سياقتى ساياساتتىق قۇجاتتاردى ىركەس - تىركەس شىعارىپ، مىندەت كولەمىندەگى عىلىم - تەحنيكا جەتىستىكتەرى ۇقىعى، عىلىم - تەحنيكا جەتىستىكتەرىن باعالاۋ، عىلىم - تەحنيكا دارىندىلارىن باعالاۋ سياقتى رەفورما سىناق تۇيىندەرىن ورىستەتىپ، باسەكە سايىسىنا شاقىرۋ، «باسەكەدە تاڭداۋلىلارىن تاڭداۋ»، كەلەلى عىلىم - تەحنيكا نىساندارىنداعى جەتەكشى عالىم ءتۇزىمى سياقتى ءبىرقىدىرۋ عىلىم - تەحنيكا نىساندارىن باسقارۋ رەفورماسىن ىلگەرىلەتتى.
تەڭىزگە ورناتىلاتىن جەل ەلەكترى بيىك قازانشىعى − تەڭىزدەگى جەل ەلەكترى جابدىقتارىنىڭ شەشۋشى بولشەگى. 2019 - جىلى حۋبەي ولكەسى باسەكە سايىسىنا شاقىرۋ نىسانىن اتقارعاننان كەيىن، شى - يان قالاسى گاۋجوۋبو عىلىم - تەحنيكا - ساۋدا شەكتى سەرىكتەستىگى «سۇراۋ شىعارىپ»، عىلىم - تەحنيكا تاراۋلارى تىزىمدىك شىعارىپ، حۋبەي اۆتوموبيل ونەركاسىپ شۋەيۋانى تىزىمدىك بويىنشا جاۋاپ قايتارىپ، نىسان تەحنيكاسىنان قامال الۋدى بىرگە ورىستەتىپ، جابدىقتاردىڭ ەلىمىزدە ءوندىرىلۋىن ىلگەرىلەتىپ، ەل ىشىندەگى تەحنيكالىق بوستىقتى تولتىردى، قازىرگە دەيىن 180 ميلليون يۋاندىق تاپسىرىستى تاپسىرىپ الدى.
ەرەكشە جاسالعان «كىشكەنتاي كازەكەي» كيىپ، ەرەكشە جاسالعان گاز قۇرامىن سىمىرەدى، 3 تە 5 سەكۋند ىشىندە وكپەنىڭ بۇرىش - بۇرىشى انىق كورىنەدى. جۇڭگو عىلىم اكادەمياسىنىڭ نازىك ولشەۋ عىلىمى مەن تەحنيكالىق جاڭالىق جاراتۋدى زەرتتەۋ ورنىندا زەرتتەرمەندەر جوۋ شين توبى زەرتتەپ جاساعان ادام دەنەسىندەگى وكپە گازى ماگنيتتىك رەزونانس كەسكىندەۋ جابدىعى كوپتەگەن شەشۋشى تەحنيكادان قامال الىپ، وكپە اۋرۋىنا شالدىققاندارعا ەرتە دياگنوز قويۋ مەن ەرتە ەمدەۋدى جۇزەگە اسىرۋعا دەم بەردى. قازىر بۇل جابدىق بۇكىل ەلدەگى 10 نەشە شيپاحانادا كلينيكالىق زەرتتەۋ جۇرگىزدى. زەرتتەۋ ورنى ءبىلىم مەنشىك ۇقىعىن باعاعا سىندىرىپ جارناعا قوسىپ، حىڭديان توبى، شاڭحاي بىرىككەن كەسكىندەمەسى سياقتىلارمەن بىرلەسىپ سەرىكتەستىك قۇرىپ، جابدىقتاردى كاسىپ سالالاندىرۋدى ىلگەرىلەتتى، مەجەمەن بازار كولەمى 10 ميلليارد يۋاننان اسادى.
رەفورما ومىرشەڭدىك كۇش بەرىپ، قوزعاۋشى كۇش قوستى. حۋبەيدىڭ عىلىم - تەحنيكا جەتىستىكتەرىن وندىرگىش كۇشكە اينالدىرۋ رەفورماسى جاندى دا جالىندى بولىپ، حۋبەيدىڭ عىلىم - تەحنيكا جەتىستىكتەرىن وندىرگىش كۇشكە اينالدىرۋ قارقىنىن ۇزدىكسىز تەزدەتتى. 2021 - جىلى بۇكىل ولكەنىڭ تەحنيكالىق توقتام سوماسى 210 ميلليارد يۋاننان اسىپ، وتكەن جىلدىڭ ۇقساس مەزگىلىندەگىدەن %25 ارتتى؛ مۇنىڭ ىشىندە تەحنيكالىق قابىلداۋ مولشەرى 114 ميلليارد 500 ميلليون يۋانعا جەتىپ، وتكەن جىلدىڭ ۇقساس مەزگىلىندەگىدەن %36.84 ارتتى. بيىل 1 – ايدان 6 - ايعا دەيىن بۇكىل ولكەنىڭ تەحنيكالىق توقتام سوماسى 159 ميلليارد 957 ميلليون يۋانعا جەتىپ، وتكەن جىلدىڭ ۇقساس مەزگىلىندەگىدەن %72.58 ارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
