لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ورتالىق مەجە ەسەبىنىڭ اتقارىلۋى مەن باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتىن ورنالاستىردى؛ ەلەكتروندى رۇقسات كۋالىگى مەن تيجارات كۋالىگىن قولدانۋدى ءتارتىپتى ىلگەرىلەتۋ شارالارىن بەلگىلەپ، بازار تۇلعالارىنىڭ ومىرشەڭدىك كۇشىن تاسقىنداتتى
«حالىق گازەتى»
2022.07.07 16:12 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 6 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 6 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ورتالىقتىڭ مەجە ەسەبىنىڭ اتقارىلۋى مەن باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتىن ورنالاستىردى؛ ەلەكتروندى رۇقسات كۋالىگى مەن تيجارات كۋالىگىن قولدانۋدى تارتىپپەن ىلگەرىلەتۋ شارالارىن بەلگىلەپ، بازار تۇلعالارىنىڭ ومىرشەڭدىك كۇشىن تاسقىنداتتى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، قاتىستى تاراۋلار 2021 - جىلعى ورتالىقتىڭ مەجە ەسەبىنىڭ اتقارىلۋى جانە باسقا دا قازىنالىق شىعىس، مەملەكەت مەنشىگىندەگى مال - مۇلىكتى باسقارۋ، كەلەلى ساياساتتاردى تياناقتاندىرۋ سياقتىلارعا قازىنالىق باقىلاۋ جۇرگىزدى، ناتيجەسى تاياۋدا جاريالاندى. ءماجىلىس مىنالاردى تالاپ ەتتى: ماسەلەلەردى رەتتەۋ - تۇزەتۋدى كۇشەيتىپ، قازىنالىق قارجىنى ويداعىداي باسقارىپ، ويداعىداي پايدالانىپ، ۇنەمشىلدىكپەن حالىقتى باياشات تۇرمىسقا كەنەلتىپ، ماكرولىق ساياساتتىڭ تياناقتانۋىن ىلگەرىلەتىپ، ەكونوميكانىڭ نەگىزگى جاعدايىن ورنىقتىرۋ كەرەك. ءبىرىنشى، قازىنالىق باقىلاۋدا تەكسەرىپ انىقتالعان ماسەلەلەر جونىندە ءتىزىم جاساپ، قاتىستى جاقتارعا باسىپ تاراتۋ كەرەك. قاتىستى جەرلەر، تاراۋلار جانە ورىندار رەتتەۋ - تۇزەتۋدىڭ تۇلعالىق جاۋاپكەرلىگىن ارقالاپ، جوبانى تارماقتار بويىنشا جاساپ، تەز ارادا رەتتەپ - تۇزەتىپ، «قايىرىلا قاراۋدى» دەر كەزىندە ورىستەتىپ، رەتتەۋ - تۇزەتۋدىڭ تياناقتانۋىنا كەپىلدىك ەتۋ كەرەك. قازىنالىق باقىلاۋ، رەتتەۋ - تۇزەتۋدى مەملەكەتتىك كەڭەستىڭ زور باقىلاۋ - تەكسەرۋىنە ەنگىزۋ كەرەك. رەتتەۋ - تۇزەتۋ جاعدايىنا ارناۋلى قازىنالىق باقىلاۋ جۇرگىزىپ، رەتتەۋ - تۇزەتۋدەن باس تارتۋ، رەتتەۋ - تۇزەتۋگە نەمقۇرايدى قاراۋ، جالعان رەتتەۋ - تۇزەتۋ سياقتى ماسەلەلەردى باتىل تەكسەرىپ ءبىر جاقتى ەتۋ كەرەك. رەتتەۋ - تۇزەتۋ ناتيجەسى 9 - ايدىڭ سوڭىنان بۇرىن مەملەكەتتىك كەڭەسكە جولدانادى ءارى مەملەكەتتىك حالىق قۇرىلتايىنىڭ تۇراقتى كوميتەتىنە مالىمدەگەننەن كەيىن قوعامعا اشىق جاريالانادى. ەكىنشى، سيپاتى جيرەنىشتى بولعانداردى زاڭ بويىنشا قاتاڭ جازالاۋ، ءارى ءىستى ءبىر جاقتى ەتۋ، ءارى ادامدى ءبىر جاقتى ەتۋ، جاماندىقتى قاتاڭ جازالاۋ ارقىلى جاماندىققا ۇرىنباق بولعانداردى ساقتاندىرۋ كەرەك. ءۇشىنشى، بىرەۋى ارقىلى وزگەسىن تۇسپالداپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ كەرەك. جالپىلىق ماسەلەلەرگە ىشكەرىلەي تالداۋ جاساپ، ماسەلەنىڭ قايتا - قايتا تۋىلۋ سەبەبىنە ىشكەرىلەي تالداۋ جاساپ، ءتۇزىم ولشەمىن كەمەلدەندىرۋ كەرەك. ءتۇزىمدى اتقارۋعا قاراتىلعان ىشكى - سىرتقى باقىلاۋ - باسقارۋ مەن قازىنالىق باقىلاۋدى كۇشەيتۋ كەرەك. ءتورتىنشى، سالىق قايتارۋ، سالىقتى ازايتۋ، اقىنى تومەندەتۋ، قوعامدىق قامسىزداندىرۋ اقىسىن كەشىكتىرىپ تاپسىرۋ، قىزمەت ورنىن ورنىقتىرۋ، جالپىعا ءتيىمدى فينانس سياقتى ساياساتتاردىڭ تياناقتانۋىنا كەپىلدىك ەتىپ، سالىق قايتارۋ سياقتى ارەكەتتەرگە زاڭ بويىنشا قاتاڭ سوققى بەرۋ كەرەك. زەينەتكەرلىك، ەمدەۋ، وقۋ - اعارتۋ، نەگىزگى تۇرعىن ءۇي، قوعامدىق قۇتقارۋ - كومەكتەسۋ سياقتى حالىق تۇرمىسى قارجىسىنىڭ جۇيەلى، حاۋىپسىز پايدالانىلۋىنا شىنايى كەپىلدىك ەتۋ كەرەك، ۇستاپ قالۋعا، باسقاعا جۇمساۋعا، قيانات جاساپ يەمدەنىپ الۋعا استە جول بەرىلمەيدى. بەسىنشى، ۇكىمەتتىڭ تارتا تۇرمىس كەشىرۋىندە تاباندى بولۋ كەرەك. قازىنا - ەكونوميكا ءتارتىبىن قاتايتىپ، شۇعىل قاجەتتى ەمەس، تۇراقتى ەمەس شىعىستاردى ازايتۋدى قاتاڭ تياناقتاندىرىپ، تومەن ءونىمدى جانە «تۇنبا قارجىنى» بەلگىلەمە بويىنشا قايتارىپ الىپ، بەلگىلەمەگە قايشى تۇردە عيمارات - ساراي سالۋعا، ساياسي ناتيجە ينجەنەرياسىن، وبراز ينجەنەرياسىن جۇرگىزۋگە، استا - توك ىسىراپشىلدىق ىستەۋگە قاتاڭ تيىم سالىپ، ءتىپتى دە كوپ قارجىنى بازار تۇلعالارىنىڭ جۇمىستانۋدى ورنىقتىرۋىنا، حالىق تۇرمىسىنا كەپىلدىك ەتۋگە جۇمساۋ كەرەك.
ءماجىلىس مىنالاردى اتاپ كورسەتتى: ەكونوميكالىق اۋقىمدى ورنىقتىرۋدا ماكرولىق ساياساتتى ويداعىداي اتقارۋمەن بىرگە، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز ىلگەرىلەتىپ، بازار تۇلعالارىنىڭ ومىرشەڭدىك كۇشىن بارىنشا قاۋلاتۋ كەرەك. زاڭمەن جونگە سالىناتىن ۇكىمەت پەن قىزمەت وتەۋ تيبىندەگى ۇكىمەت قۇرىلىسىن كۇشەيتۋ بارىسىندا سيفرلى ۇكىمەت قۇرىلىسىن ىلگەرىلەتىپ، «ينتەرنەت + ۇكىمەتتىك قىزمەت وتەۋ» دەڭگەيىن جوعارىلاتۋدىڭ ماقساتى − بازار تۇلعالارىنىڭ يگىلىك جاراتۋى مەن دامۋ قوزعاۋشى كۇشىن كۇشەيتۋ، بۇل − ينفورماتسيا قوعامىنىڭ دامۋىنا ۇيلەسۋدىڭ، اكىمشىلىك قىزمەت وتەۋ ونىمدىلىگىن جوعارىلاتۋدىڭ قاجەتى. ينفورماتسيا حاۋىپسىزدىگىنە كەپىلدىك ەتۋ نەگىزىندە ەلەكتروندى رۇقسات كۋالىگى مەن تيجارات كۋالىگىن قولدانۋدى تارتىپپەن كەڭەيتۋ كەرەك. ەلەكتروندىق تيجارات كۋالىگىنىڭ كوپ جىلدان بەرگى قولدانىلۋ امالياتى بار، قولدانىلۋ كولەمىن كەڭەيتۋ بازار ساۋداسىنا قولايلىلىق جاراتۋعا، بازار تۇلعالارىنىڭ ومىرشەڭدىك كۇشىن تاسقىنداتۋعا، ەكونوميكانىڭ دامۋىنا ءتيىمدى. ەلەكتروندى تيجارات كۋالىگىنىڭ بازارعا كىرۋگە رۇقسات ەتۋ، سالىق تاپسىرۋ، فينانس، مەردىگەر شاقىرۋ، مەردىگەرلىككە مالىمدەلۋ سياقتى جوعارى جيىلىكتەگى قىزمەت وتەۋ سالالارىندا قولدانىلۋىن كەڭەيتىپ، ەلەكتروندى تاڭبانىڭ قاتار تاراتىلۋىن ىلگەرىلەتىپ، تۇزىمدىك ساۋدانىڭ وزىندىك قۇنىن تومەندەتۋ كەرەك. تاراۋلار مەن جەرگىلىكتى ورىنداردىڭ ينفورماتسيادان ورتاق يگىلىكتەنۋىن كۇشەيتىپ، ەلەكتروندى تيجارات كۋالىگى سياقتىلاردىڭ ءوزارا تانۋ دەڭگەيىن جوعارىلاتۋ كەرەك. ءىشىنارا قالالاردى تاڭداپ، تۇرعىنداردىڭ ەلەكتروندى ازاماتتىق كۋالىگىن تۇيىندە سىناق ەتۋ جونىندە زاڭ - ەرەجە بويىنشا ىزدەنىس جاساپ، سىناق تۇيىندەرىنىڭ تاجىريبەلەرىن دەر كەزىندە قورىتىندىلاپ جانە ماسەلەلەردى بايقاپ، شەشىپ، قاتىستى زاڭ - ەرەجەلەردى كەمەلدەندىرۋدى ىلگەرىلەتۋ كەرەك. ءماجىلىس مىنالاردى دارىپتەدى: ينفورماتسيا حاۋىپسىزدىگىن بەرىك ساقتاۋ كەرەك. حاۋىپسىزدىكتى باسقارۋ بەلگىلەمەسىن كەمەلدەندىرىپ، حاۋىپسىزدىكتى قورعاۋ قۋاتىن جوعارىلاتىپ، جەكەلەردىڭ ينفورماتسياسىن، جەكە قۇپيالىعىن جانە كاسىپورىنداردىڭ ساۋدا قۇپيالىعىن زاڭ بويىنشا قورعاپ، حاۋىپسىز، سەنىمدى، قولايلى، جوعارى ءونىمدى بولىپ، بۇقارا مەن كاسىپورىنداردىڭ جۇمىس بىتىرۋدە الاڭسىز بولۋىنا مۇمكىندىك جاساۋ كەرەك. ينفورماتسيانى بەلگىلەمەگە قايشى پايدالانۋ، ينفورماتسيانى بەتالدى پايدالانۋ سياقتى جەكەلەر مەن كاسىپورىنداردىڭ زاڭدى ۇقىق - مۇددەسىنە قول سۇعاتىن ارەكەتتەردى زاڭ - ەرەجە بويىنشا قاتاڭ تەكسەرىپ ءبىر جاقتى ەتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
