قوعام حاۋىپسىزدىگى مينيسترلىگىنىڭ بۇرىنعى ورىنباسار مينيسترى سۇن ليجۇن دەلوسىنا ءبىرىنشى سوت اشىلدى!
2022.07.11 18:15 كەلۋ قاينارى : حالىق تورابى
2022 - جىلى 7 ـ ايدىڭ 8 ـ كۇنى جيلين ولكەسى چاڭچۇن قالالىق ورتا دارەجەلى حالىق سوتى مەكەمەسى قوعام حاۋىپسىزدىگى مينيسترلىگى پارتكومنىڭ بۇرىنعى مۇشەسى، بۇرىنعى ورىنباسار مينيسترى سۇن ليجۇننىڭ پارا الۋ، باعالى قاعاز بازارىن شەڭگەلدەۋ، قارۋ ـ جاراقتى زاڭسىز ۇستاۋ دەلوسىن ءبىرىنشى سوتتا اشىق قارادى.
چاڭچۇن قالالىق حالىق پروكۋراتۋراسى بىلاي دەپ ايىپتادى: 2001 - جىلدان 2020 - جىلى 4 - ايعا دەيىن ايىپكەر سۇن ليجۇن شاڭحاي قالالىق دەنساۋلىق ساقتاۋ مەكەمەسى سىرتقى ىستەر باسقارماسىنىڭ ورىنباسار باستىعى، شاڭحاي قالالىق حالىق ۇكىمەتى سىرتقى ىستەر كەڭسەسى جالپىلىق كاسىپ باسقارماسىنىڭ باستىعى، قوعام حاۋىپسىزدىگى مينيسترلىگى كەڭسەسىنىڭ ورىنباسار مەڭگەرۋشىسى، ىشكى حاۋىپسىزدىكتى قورعاۋ مەكەمەسىنىڭ باستىعى، قوعام حاۋىپسىزدىگى مينيسترلىگى پارتكومىنىڭ مۇشەسى، ورىنباسار مينيسترى قاتارلى مىندەتتەردى وتەگەن كەزىندە قىزمەت قولايلىلىعىنان، سونداي - اق قىزمەت ۇقىعى، ورنى قالىپتاستىرعان قولايلى شارت - جاعدايدان پايدالانىپ، قاتىستى ورىندار مەن جەكەلەردىڭ كاسىپورىن تيجاراتى، مىندەتىن رەتكە سالۋى، دەلونى ءبىر جاقتى ەتۋى سياقتى ىستەردە كومەك كورسەتىپ، تىكەلەي نەمەسە باسقالار ارقىلى زاڭسىز مال - مۇلىك العان، حالىق اقشاسىمەن جيىنى 646 ميلليون يۋاننان اسقان. 2018 ـ جىلى سۇن ليجۇن باسقالاردىڭ ۇسىنىسىنا ساي، قاتىستى ادامداردى شوعىرلى قارجى باسىمدىعى ارقىلى ۇزدىكسىز ساۋدالاۋعا جەلىكتىرىپ، جارنا بەلەتى ساۋداسىنىڭ باعاسى مەن ساۋدا مولشەرىنە ىقپال جاساعان، قىلمىسى ەرەكشە اۋىر. سۇن ليجۇن مىلتىق باسقارۋ بەلگىلەمەسىنە قايشىلىق جاساپ، زاڭسىز 2 مىلتىق ۇستاعان. پروكۋراتۋرا ورگاندارى پارا الۋ قىلمىسى، باعالى قاعاز بازارىن شەڭگەلدەۋ قىلمىسى، قارۋ - جاراقتى زاڭسىز ۇستاۋ قىلمىسى بويىنشا سۇن ليجۇننىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىندى.
سوت تەرگەۋىندە پروكۋراتۋرا ورگانى قاتىستى دالەل - ىسپاتتاردى كورسەتتى، ايىپكەر سۇن ليجۇن جانە ونىڭ اقتاۋشىلارى فاكت كورسەتتى، ايىپتاۋشى جانە اقتالۋشى ەكى جاق سوتتىڭ باسقارۋىندا تولىق پىكىر ايتتى، سۇن ليجۇن ەڭ سوڭعى بايىمداۋ جاسادى ءارى سوتتا قىلمىسىن مويىنداعاندىعىن، رايىنان قايتاتىندىعىن ءبىلدىردى.
سوت سوڭىندا ءۇزىلىس جاساعاندىعىن جاريالاپ، كەيىن ۇكىم جاريالايتىندىعىن ايتتى.
قوعامنىڭ ءار سالاسىنداعى بۇقارادان 20 نەشە ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
