لي كىچياڭ فۋجياندا قىزمەت تەكسەرگەندە مىنانى دارىپتەدى
ساياساتتى تياناقتاندىرىپ، بازار تۇلعالارىن ورنىقتىرىپ، رەفورما جاساپ، ەسىك اشۋدى ىلگەرىلەتىپ، ومىرشەڭدىك كۇشتى تاسقىنداتىپ، جۇمىستاندىرۋدى شىنايى ورنىقتىرىپ، حالىق تۇرمىسىن قامتاماسىز ەتۋ كەرەك
2022.07.11 18:09 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 10 – كۇنى، فۋجوۋ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 7 - ايدىڭ 7 - كۇنىنە 8 - كۇنىنە دەيىن فۋجيان ولكەلىك پارتكومنىڭ شۋجيى يىن ليدىڭ، ولكە باستىعى جاۋ لۇڭنىڭ سەرىك بولۋىندا فۋجوۋ، چۋانجوۋدا قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ەكونوميكانى ورنىقتىرۋدىڭ ءتۇرلى ساياساتتارىن تىڭعىلىقتى تياناقتاندىرىپ، دامۋ − ەلىمىزدىڭ بارلىق ماسەلەسىن شەشۋدىڭ نەگىزى جانە تەتىگى دەگەندە تاباندى بولىپ، رەفورما جاساۋدى، ەسىك اشۋدى اناعۇرلىم زور تەبىنمەن ىلگەرىلەتىپ، بازار تۇلعالارىن ورنىقتىرىپ، جۇمىستاندىرۋدى، حالىق تۇرمىسىن قامتاماسىز ەتىپ، ەكونوميكانىڭ قالپىنا كەلۋ نەگىزىن كۇش سالا بەكەمدەپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.
لي كىچياڭ فۋجيان ولكەسىنىڭ جۇمىستاندىرۋدى ورنىقتىرۋ مالىمەتىن تىڭدادى. بوسى يگىلىك جاراتۋ باقشاسىندا جاۋاپتى ادام بىلاي دەدى: بۇل ارادا ءبىر توپ عىلىم - تەحنيكالىق كاسىپورىن جەتىلىپ، قىرۋار ادامنىڭ جۇمىستانۋىنا دەم بەرىلدى، لي كىچياڭ مۇنى القادى. ول جەرگىلىكتى ورىننىڭ جاۋاپتىلارىنا جەرگىلىكتى ۇكىمەتتىڭ قارجى شىعارىپ، جەتىلدىرۋ كاسىپورىندارىنىڭ ورىن ماي اقىسى سياقتى قاراجاتتارىن تومەندەتۋگە كومەكتەسۋدى تاپسىردى. لي كىچياڭ يگىلىك جاراتۋشىلارمەن جانە بيىل جوعارى مەكتەپ ءبىتىرىپ قىزمەتكە جاڭا كىرىسكەن قىزمەتكەرلەرمەن اڭگىمەلەسىپ، ولاردى شابىتتاندىرىپ بىلاي دەدى: الەۋمەتتىڭ يگىلىك، جاڭالىق جاراتۋىن ىلگەرىلەتۋدە ءتىپتى دە كوپ ادامنىڭ، اسىرەسە، جاستاردىڭ يگىلىك جاراتۋ، جاڭالىق جاراتۋ ىنتاسىن قوزعاپ، كۇرەس ارقىلى ءومىردىڭ قۇنىن جۇزەگە اسىرىپ، بايلىق جاراتۋ كەرەك. كۇرەس جاساعاندا عانا جەڭىسكە جەتۋگە بولادى، كوپشىلىكتىڭ تابىسقا جەتۋىن تىلەيمىن.
لي كىچياڭ تايۋان قارجىلاندىرعان كاسىپورىن − ليۋحى مەحانيكا سەرىكتەستىگىنە كەلىپ، ولاردى جاڭالىق جاراتۋعا، ساپاعا سۇيەنىپ اناعۇرلىم زور بازارعا قول جەتكىزۋگە شابىتتاندىردى. سەرىكتىك تۇرعان باقشا رايونىنا تايۋان قارجىلاندىرعان نەشە ونداعان كاسىپورىن جينالعان ەكەن، لي كىچياڭ تايۋان قارجىلاندىرعان كەيبىر كاسىپورىنداردىڭ جاۋاپتىلارىمەن اڭگىمەلەستى. ول بىلاي دەدى: ەكى جاعالاۋداعى باۋىرلاستار ءبىر ءۇيلى جان، ءبىز سىزدەردىڭ ۇلى قۇرلىققا كەلىپ قارجى قوسىپ، شارۋاشىلىقتى گۇلدەندىرۋلەرىڭىزدى قارسى الامىز، زاڭدى ۇقىق – مۇددە زاڭ بويىنشا قورعالادى. تاياۋدا شىعارىلعان ەكونوميكانى ورنىقتىرۋ جونىندەگى ءبىرقىدىرۋ ساياساتتا تايۋان قارجىلاندىرعان كاسىپورىنداردى قامتىعان ءتۇرلى كاسىپورىندارعا بىردەي مامىلە جاسالعان. سىزدەردىڭ ۇلى قۇرلىق كاسىپورىندارىمەن سەلبەسىپ تەڭ يگىلىككە كەنەلۋلەرىڭىزدى ءۇمىت ەتەمىن.
لي كىچياڭ فۋجيان ولكەسىنىڭ سىرتقى ساۋدا يمپورت – ەكسپورتى، شەتەل قارجىسىن باۋراۋ جاعدايى جونىندەگى مالىمەتتى تىڭدادى. ول جينجياڭ حالىقارالىق قۇرلىق پورتىنا كەلىپ، زاتتاردىڭ كەدەننەن ءوتۋ ۋاقىتىن ەگجەي - تەگجەيلى ۇعىستى. لي كىچياڭ بىلاي دەدى: جۇڭگو سىرتقا ەسىك اشۋدى تاباندىلىقپەن كەڭەيتەدى، شىعىس، وڭتۇستىك تەڭىز جاعالاۋىنداعى رايوندار − رەفورما جاساپ، ەسىك اشۋدىڭ الدىڭعى شەبى، جۇڭگو ەكونوميكاسىنىڭ سەركەسى، سەركەنىڭ سەركەلىك رولدى اتقارۋىنا مۇمكىندىك جاراتۋ كەرەك. كەمەجاي − ەسىك اشۋدىڭ ماڭىزدى تەرەزەسى، يمپورت - ەكسپورتتىڭ ماڭىزدى تىرەگى، ەلىمىز ونەركاسىبىنىڭ ارتقان قۇنىنىڭ %70 ى يمپورتتان ايرىلا المايدى. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز ىلگەرىلەتىپ، ساۋدا ورتاسىن اناعۇرلىم ساپالىلاندىرۋدا وسى تەرەزەنى اشىق ۇستاۋ كەرەك. زات اينالىمى − بازار شارۋاشىلىعىنىڭ كۇرە تامىرى. زات اينالىمىنىڭ ىركىلىسسىزدىگىنە كەپىلدىك ەتۋ قىزمەت تالابىن قاتاڭ تياناقتاندىرىپ، كەدەننەن ءوتۋدىڭ قولايلىلانۋىن ۇزدىكسىز ىلگەرىلەتىپ، پورتتاردىڭ تاسىمال دەڭگەيىن جوعارىلاتىپ، زاتتاردىڭ پورتتا باسىلىپ قالۋىنان ساقتانىپ، كاسىپورىنداردىڭ وزىندىك قۇنىن تومەندەتۋ، بازار مەجەسىن ورنىقتىرۋ، حالىقارالىق باسەكەلىك قۋاتىن ارتتىرۋ كەرەك. قاتىناستىڭ نەگىزگى ارناسىنىڭ ىركىلىسسىزدىگىنە كەپىلدىك ەتىپ، ميكرو اينالىمنىڭ بوگەلۋ تۇيىندەرىن جويىپ، ەكونوميكانىڭ ىركىلىسسىز اينالىمىن جانە حالىق تۇرمىسىنا قاجەتتى زاتتارمەن قامداۋدى قامتاماسىزداندىرۋ كەرەك.انتا توبىندا قىزمەت تەكسەرگەندە لي كىچياڭ كاسىپورىنداردى جوعارى دەڭگەيدەگى بازاردى باتىلدىقپەن باسەكەلەسۋگە شابىتتاندىرىپ، تۇتىنۋ كومەسكى كۇشى زور بۇقارالىق بازاردى كەڭەيتۋگە دە قويدى. ول بىلاي دەدى: سىزدەردىڭ سەرىكتەستىكتەرىڭىز «انتا» دەپ اتالادى، كاسىپورىن قۇرۋدا، جۇمىس ىستەۋدە شىندىقتى ءىس جۇزىنەن ىزدەۋ، تىڭعىلىقتى ىستەۋ كەرەك، سوندا عانا نىق قاداممەن الىسقا جەتۋگە بولادى. سەرىكتەستىكتىڭ جاۋاپتىسى تانىستىرىپ بىلاي دەدى: حالىق باسقارۋىنداعى كاسىپورىن رەتىندە بۇكىل ەلدىڭ جەر – جەرىندە 300 مىڭنان استام ادامدى جۇمىستاندىردىق، لي كىچياڭ مۇنى ەستىپ توتەنشە قۋاندى. ول بىلاي دەدى: كوپتەگەن حالىقتىق كاسىپورىن دامىپ ءىرى كاسىپورىندارعا اينالىپ، قىرۋار ورتا، شاعىن، ۇساق كاسىپورىندارمەن، جەكە ونەركاسىپشىلەرمەن، ساۋداگەرلەرمەن تىعىز سەلبەستىك جاساپ وتىر. ءىرى كاسىپورىندار ماڭىزدى مىندەت ارقالاپ، شاعىن كاسىپورىندار قاۋىرت كوبەيىپ، ءبىرىن ـ ءبىرى جەبەپ، بىرگە ىلگەرىلەيتىن دامۋ جاعدايىن قالىپتاستىرلارى قاجەت، وسىلاي بولعاندا جۇڭگو ەكونوميكاسىنىڭ سەرپىمدىلىگى مەن ومىرشەڭدىك كۇشى ءتىپتى دە نىعايادى. ءبارىن بىردەي كورىپ، مەملەكەت مەنشىگىندەگى كاسىپورىنداردىڭ، حالىقتىق كاسىپورىنداردىڭ، شەتەل كاسىپورىندارىنىڭ قيىنشىلىقتى شەشىپ، دامۋىنا قولداۋ كورسەتۋ كەرەك. بازار تۇلعالارى بولادى ەكەن، كىرىس قاينارى بولادى، ەكونوميكا دامۋىنىڭ بولاشاعىنان ءۇمىت كۇتۋگە بولادى.
لي كىچياڭ فۋجيان ولكەسىنىڭ ەكونوميكالىق، قوعامدىق دامۋ جەتىستىكتەرىن تولىق تۇراقتاندىرىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا قايراتتانا العا ۇمتىلىپ، دامۋدى ۇزدىكسىز تىڭ ساتىعا كوتەرۋدى ءۇمىت ەتتى.
شياۋ جيە، حى ليفىڭ سەرىك بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
